影片
更多
2017-05-22
265 瀏覽
而家香港放題開到成行成市，但好多時任食嘅時間都係得個半鐘或兩個鐘，難得呢間有三個鐘，想同朋友吹水坐耐d都得，9:30pm後入座更有八五折，即刻book 9:30pm來同班姐妹試試。當晚我地未到9:30pm就到左餐廳，reception前面嘅空間都幾大，又有好多凳比人坐，就算好多人一齊等9:30pm果輪都唔太逼，仲有夾公仔機，有得夾百變怪版嘅pokemon *O* 差唔多到9:30pm reception姐姐就開始安排入座。眼見大部分嘅位都係卡位，連兩個人嘅都係卡位，好鍾意呢個貼心嘅安排，咁就唔驚比人聽到我地講是非啦嘿嘿 ^v^一開波即刻攤開曬d紙睇下有咩食！樣樣野食都有圖，張張紙都彩印，整得幾有心機！野食都算唔少，樣樣都好吸引！我唔食太多生野都有好多吸引嘅選擇！瘋狂落單後出去攞野飲，估唔到有勁多選擇！通常香港食飯地方嘅冷氣都好勁，呢間餐廳都唔例外，但佢有熱茶熱水之外，仲有熱維他奶同菊花茶 <3 啱曬我呢d長期手腳冰冷嘅人 其他凍飲都有好多特別選擇，例如梨茶、支裝果汁先生，又有室溫嘅烏龍茶，又一貼心例子！任夾嘅區有冷熱食。冷食主要係日式同台式小食同沙律，d蔬菜都好新鮮，小食都無
差唔多到9:30pm reception姐姐就開始安排入座。眼見大部分嘅位都係卡位，連兩個人嘅都係卡位，好鍾意呢個貼心嘅安排，咁就唔驚比人聽到我地講是非啦嘿嘿 ^v^
一開波即刻攤開曬d紙睇下有咩食！樣樣野食都有圖，張張紙都彩印，整得幾有心機！野食都算唔少，樣樣都好吸引！我唔食太多生野都有好多吸引嘅選擇！
瘋狂落單後出去攞野飲，估唔到有勁多選擇！通常香港食飯地方嘅冷氣都好勁，呢間餐廳都唔例外，但佢有熱茶熱水之外，仲有熱維他奶同菊花茶 <3 啱曬我呢d長期手腳冰冷嘅人 其他凍飲都有好多特別選擇，例如梨茶、支裝果汁先生，又有室溫嘅烏龍茶，又一貼心例子！
任夾嘅區有冷熱食。冷食主要係日式同台式小食同沙律，d蔬菜都好新鮮，小食都無伏！熱食方面，麻辣雞翼個汁夠辣，仲有八爪魚丸同春卷，但最突出係多春魚！好味到我encore左兩次！餐廳提供左蛋黃醬同茄汁，安排周全，周圍都好乾淨
個甜品區都唔弱，有我最愛嘅frozen yogurt呀！！個froyo唔太冰，好濃味，正！仲要係榴蓮味！ 🙊 餐廳提供紙杯，可以攞完食住走。而我呢d食糖都可以當正餐嘅見到有gummy bear 同花生m&m，對我來講簡直係天堂！隔離仲有成個櫃嘅凍餅，我本身都想試，但真係有其他更多嘅野食吸引到我。。。留返下次再試 XD
呢間餐廳算上菜上得好快，我去完一轉出面嘅食物吧，返到位時已經上左部分嘅野食。由生嘅講先啦。個刺身好足料！！d生蝦好大隻，劍魚腩好肥美 *v* 軍艦都唔弱，塊紫菜仲係脆，壽司溫度入到口，唔係果d凍都癲嘅冰壽司 lol 個海膽手卷其實好似軍艦咁大架咋，不過都幾好食，唔腥又幾creamy。我覺得最特別係泰式生蝦壽司，估唔到都幾夾！
避風塘雞軟骨都幾香口，個牛肉鍋係壽喜燒甜甜地果隻，d蔬菜吸曬湯底嘅味，好味！最初以為個麻辣雞煲係平時乾身果隻，但原來係類似譚仔果隻麻辣湯 lol 燒元貝嘅味道都可以，好重青椒味。個辣酒煮螺係另一個驚喜！一上菜見到係一pat杰撻撻嘅汁時有d 猶疑，但估唔到個味好正宗！仲有兩舊超入味嘅蘿蔔做bonus！
燒物叫左牛舌同有機菠蘿。牛舌正常，上菜時都夠熱；有機菠蘿又係另一個推介！超！甜！超！多！汁！！菠蘿前面果個係一口流心蛋糕，唔太甜又有超濃朱古力味，仲有少少酒味，食完好想再啪多幾粒！！天婦羅有我好鍾意嘅小甜薯同蟹棒 ^0^ 個蝦都啖啖肉！仲有陪個正宗嘅天婦羅汁，正！炸物都有好多選擇，炸蠔一般，比較乾，但一口芝士好濃！炸紫薯丸其實都好食，但對比起佢隔離嘅炸榴蓮丸真係大巫見小巫 XDD
下面呢張圖嘅左下角就係我覺得成餐最正嘅榴蓮炸丸！！ 層皮夠薄，入面個榴蓮餡好似流心咁流出來，味濃又香甜<3 最重要係佢d炸物夠熱，放左陣都仲暖暖地，食落好滿足！！甜品方面，有杯裝果汁啫喱、牛奶布丁同百福豆腐花，花奶任落～啱曬我鍾意奶味超重嘅人。我狂食糖果就不在話下，佢個macaron都唔錯，keep到脆口！雪糕雪條都有好多選擇，仲有唔係維記嘅雪糕糯米糍！！呢個士多啤梨味幾好味，我食左幾粒 XP
當晚我地9:30pm入場，真係食到11:00pm都無人催我地走 d staff仲好主動咁收枱面d野，我地放骨果個兜滿曬，個staff好快就換左個新嘅比我地，好有效率！呢個價坐足三個鐘，d食物又唔錯，價錢又唔係太貴，性價比一流！
8 瀏覽
0 讚好
0 留言
13 瀏覽
0 讚好
0 留言
8 瀏覽
0 讚好
0 留言
9 瀏覽
0 讚好
0 留言
22 瀏覽
0 讚好
0 留言
張貼
