大滾友火鍋

營業中

休息中

火鍋店裝修華麗和古色古香， 充滿懷舊的感覺，環境舒適， 食材新鮮，十分享受。鎮店湯底櫻唇半開(特色卜卜蜆鍋)$198奶白色的湯底， 分量十足， 放滿毫不吝嗇的蜆肉， 水滾後 ， 散發陣陣誘人的香氣 ， 半開蜆肉加上香菜，令到湯底鮮味提升， 清甜美味，不油膩， 感覺好健康， 用來做火鍋湯底認真一流 ，蜆肉隻隻仲挺身彈牙， 鮮味在口中綻放。 手打蟹子墨魚丸(四粒)$68手打蟹子墨魚丸，肉質爽彈緊緻， 加上脆卜卜的蟹子， 咀嚼丸時，認真鮮味十足。白鱔片$68鱔片晶瑩剔透， 只需要滾十多秒，白鱔肉慢慢捲縮便可吃，啖啖肉， 肉質爽彈細緻，鮮味滑溜中帶豐富油香。鬼馬油炸鬼$68脆卜卜的油條， 表面釀上蝦滑及脆卜卜的蟹子， 口感更豐， 鮮味吸引， 別有一番滋味。精緻水魷魚$88水魷魚擺盤精緻， 表面界上花紋 ， 入口彈牙帶嚼勁 ， 我最喜歡。爽脆豬潤$58豬膶放在冰塊上面，色澤亮麗， 十分新鮮， 只需輕輕灼一會， 灼得剛剛好， 入口柔軟， 十分滑溜。薯粉$22幼身的薯粉吸收了濃湯精華，令平凡的薯粉， 加添濃郁的香味， 特別喜歡它煙煙靭靭的 口感，滋味吸引。加多寶每罐$20火鍋怎少得汽水加多寶 ， 夠

之前有朋友推介這間元朗「大滾友」，所以今日就來試一試，話好好食。我見牆上的相片花膠雞湯鍋好吸引，所以就叫咗玲瓏浮凸·花膠雞湯鍋 (半隻) ($228) - 有足足半隻雞，花膠又大大塊，雞肉好嫩滑，真係好值得食。另外點了大滾友肉丸拼盤 ($128) - 包括有手打鮮牛丸、手打爽骨豬肉丸、手打蟹子鮮蝦魚、手打蟹子墨魚丸、手打鵝肝墨魚丸，款款我都覺得好食，果然係手打羊肉片 ($68) 豬頸肉 ($48) - 豬頸肉捲成花花，好咁打咭，食落有豬味，讚。我一定會再來

🥟🥟《大滾友》近年元朗國🛤多了很多大型商場和連鎖店。小編山長水又遠咁入嚟搵食😋，梗係要食返呢度人氣地頭龍🐉啦！元朗大滾友😂，個名衰衰咁🤣！打開餐牌，全部兒童不宜😆😆！但勝在店家有主題有創意，I like it💚！🎡🎡🎡🎡🎡🎡🎡🎡🎡🎡🎡🎡🎡🔴 周公之禮：冬瓜瑤柱鍋 HK$198➿➿➿➿➿➿➿➿➿➿➿➿➿兩個龍頭🐲箝住一個大鐵鍋！一大堆素翅成座山🗻咁堆喺冬瓜環的正中！周邊全都是雞肉🐥、蝦🦐、蟹柳和芹菜！冬瓜環四周的鮮雞湯不停冒煙🔥！這個陣勢完全勁過奧斯卡🏆啦😂🤣！店員會過來幫忙支解冬瓜😙，因為店家添的是自家淆的雞湯😍👍🏻！完全沒有加味精👍🏻👍🏻！湯料十足！小編和呀大人嗒完一碗又一碗😍！秋冬之交，我們已約好了下一次要試埋胡椒豬肚湯😋！🔴 手切日本飛驒和牛 HK$398➿➿➿➿➿➿➿➿➿➿➿➿➿曾經在日本🇯🇵高山旅行時食過一次飛驒牛🐮，永世難忘😍！今日居然在香港這一間古式古香的火鍋店餐牌內見到這個名字🤩，點可以放過？店員成盤送上枱時已經氣勢十足🌟，小編夾起每一片都唔捨得放入鍋內😂🤣。入口軟焾焾，滑溜無比🥰！每𡁻一口都feel到飛驒和牛的肉香😍👍🏻！天啊！呀大人前一日還和小編討論過戒牛的事情啊💆

朋友推介呢度打邊爐，花膠雞煲，又可以儲分，呢期處女座仲有折！裝修風格古色古香，坐得幾舒服，花膠雞湯好香濃，飲碗先開始打邊爐，叫左個手切日本飛驒和牛，好嫩滑，入口即化！另外呢隻肥牛，反而牛味更重，都幾好味！ 食材都好多選擇，各類海鮮都幾新鮮，桂花蚌，海蝦，鮮甜彈牙！價錢雖然貴些小，不過係幾好味😋

終於終於終於食到😭呢間係我一直想食好耐但啲朋友次次都自私去食又話好食既餐廳係今年生日前終於食到，好感動椰子雞番薯蜆濃湯鍋 $298本身想諗都唔諗就叫卜卜蜆，但朋友話試下其他。見呢個寫係秋冬推介又滋潤養神，又有蜆就試下🤣真心好正，有蜆，又有雞，蜆好甜，雞好滑，個湯勁濃勁好飲，朋友都飲左幾碗，真係好出色，好足料。深海龍躉片 $118好耐無打邊爐食魚，都幾滑幾好食。手打鵝肝墨汁墨魚丸 $68佢有4粒或6粒簡，好中意呢個好好食呀我覺得，唔知係咪因為手打所以勁彈牙，好香墨魚汁味仲要真係有鵝肝喺入面㗎😍😍😍韭菜豬肉餃 $68都係有四粒同六粒裝，好足料嘅韭菜。薯粉 $18超多超大份，我真係好中意食薯粉自家製竹蔗茅根 $68打邊爐真係好鍾意飲一大支嘅竹蔗茅根，而且比起其他嘢飲抵飲。佢間鋪分咗兩邊，而且我去食嗰晚好多人，都要等位，再加上佢有啲時間有優惠，詳細可以問一問佢。今次坐嗰邊幾有特色，好有風味，連張餐牌，紙巾盒，牙簽筒都好正。今次好少人食如果唔係下次可以叫多啲野。

行過元朗，yoho實在係太多人😂尤其是任食火鍋嗰幾間起碼要等兩個鐘，所以決定行出啲睇吓邊度仲有火鍋食，就見到呢一間成日聽到嘅大滾友，我自己覺得單點火鍋質素點都會高過任食，而且最尾埋單其實價錢可能相差無幾😌我哋四個女仔嗌咗一個椰子雞鍋，十分出色，色澤金黃色同時椰子肉鋪滿晒個鍋，而且加湯嘅時候個湯底亦都係原汁原味，完全冇稀釋到！本地牛頸脊，大大份，呢一份就完全夠我哋4個女仔食有凸，賣相精美而且肉香味濃，另外仲叫咗白鱔片，手打蟹子鮮蝦丸同埋黑松露蟹肉餃，每人一粒食得好開心，食得出係新鮮手打，叫埋響玲同自家製嘅竹蔗茅根最尾解解膩，非常清甜非常爽🤤

行到攰決定去打個邊爐，當然要去食大滾友啦☺️.同平時一樣，我哋叫咗我哋最鍾意嘅花膠雞鍋，每次黎都係必叫。花膠大大塊勁抵食，就算平時我唔係特別鍾意食花膠都食咗好多舊☺️.另外我哋叫咗頂級雪花肥牛，羊肉片，手打蟹子蝦滑加瑤柱干貝滑雙拼，當然仲有打邊爐必叫嘅響鈴同埋菜啦！.雪花肥牛唔會太過肥，油脂分布平均，好驚平時外面嗰啲三份二塊都係肥肉！.羊肉片好抵食，$98已經有好多塊！.蟹子蝦滑爽口彈牙，瑤柱干貝滑鮮味非常突出，兩個都非常足料。👍🏻

好耐無同屋企人打過邊爐，見之前朋友話大滾友好好食，決定帶屋企人去食返餐好嘅！嚟到當然一定要叫佢個花膠雞湯鍋，啲花膠勁大塊，同埋估唔到仲有成碟雞食，以為佢啲雞會放埋落去一齊煲，點知食落啖啖肉仲要勁滑😍我哋叫咗盤手切頂級安格斯牛肉，食落好重牛味，仲一啲都唔鞋！另外我哋仲叫咗蜂巢豆腐，珊瑚蚌同埋烏冬😋外邊好少有蜂巢豆腐食，都幾特別！珊瑚蚌食落鮮甜爽口，非常新鮮。最後大家都食到攬住個肚皮走☺️一定會再黎食！

之前同朋友喺元朗見過呢間火鍋店，覺得幾特別，於是就約好秋天嘅時候試一次。平日夜晚都好多人， book定枱穩陣啲，餐廳係以中式宮廷做主題，裝修、餐牌嘅設計、同埋餐具都好有特色。店員叫我哋先揀湯底，我同朋友都未食過卜卜蜆，就趁呢個機會試下啦! 仲可以走青(我地麻麻地唐芹 )。湯底好快就送嚟，啲蜆數量都幾多，感覺都足料。然後我哋先再order火鍋生料，我哋叫咗牛肉、餃子、丸類拼盤、醉雞、滑雙拼。喺火鍋生料嚟之前，我哋就食咗啲蜆先。 啲蜆每一隻都冇沙，又鮮甜，而且數量都好多，我哋兩個覺得好似食極都有咁。另外，呢個湯底本身有好多芽菜，我覺得啲芽菜索咗啲湯底都幾正，我 食咗好多。酒香陳年花雕浸牛肉百零蚊份量都唔算少，啲牛肉淥十零秒就食得，酒香啱啱好，唔會太濃但又夠入味。 牛肉嘅質地比較軟嫩，亦都幾有牛味。肉丸拼盤有五款丸，每款兩粒。食得出每粒都好新鮮，同平時買嘅急凍丸係兩回事。 尤其之前我哋都係比較多喺屋企用急凍食材打邊爐，突然食番啲新鮮嘅手打丸，真係覺得好大分別! 啲丸嘅質地係比較滑，又有少少彈牙，亦都食得出鮮味。 呢個真係必點呀。陳年花雕醉雞同牛肉一樣，酒嘅味道啱啱好，雞肉好嫩滑，味道都唔錯。

平時既我好少會想打邊爐，今日突然之間邊爐癮起😮男友搵完一輪之後話帶我黎呢度試下😅一黎到見到有椰子雞蕃薯蜆濃湯鍋諗都唔駛諗即刻叫左，好中意椰子湯，養顏得黎又清甜好味🤣配料我地叫左陳年花雕浸牛肉，美濃水蓮 (香港好少見估唔到呢度有！😍)，鮮淮山，竹笙，飲品就叫左加多寶～鍋底超足料！有勁多椰子條，粟米，蜆肉同半隻望落就知嫩滑肥美既雞肉，見到都覺得飽😂個湯愈滾愈香😍 椰子甜味加埋雞肉既油香，超好飲！！🤤 未打之前我同男友已經飲左半鍋湯🤣牛肉聞落有濃郁既酒香，整熟之後酒香味岩岩好😋 中間帶啲油脂，脂肪分布好靚👍係火鍋店食到水蓮真係令我好驚喜！😎 呢樣係我去台灣旅行必食既野，非常爽脆😊鮮淮山係養生火鍋食材，煮得岩岩好既話口感爽口好食又健康😉竹笙係我同男友都好中意既配料黎，呢個湯底配竹笙簡直不得了！！！😱😱😱完全係將椰子雞湯既精華索晒落去，超好食！😆😆😆作為一個元朗街坊，呢間大滾友無疑已經成為我地打邊爐既首選！👍👏🎉

一不離二，二不離三，食過返尋味又黎到元朗大滾友打邊爐啦！哈哈今冷湯底叫左「消暑冬瓜瑤柱鍋」冬瓜多到食激都食唔哂，當中仲有蝦、蟹柳、雞肉，啖湯亦清甜可口「大滾友牛肉拼盤(小)」有安格斯肥牛肉、骰子牛肉粒、本地牛肉、牛頸脊、雪花牛肉、牛舌、牛胸爽，總共7款！每款都幾多份量，值得一試鳳尾蝦鮮雲吞原隻大蝦包雲吞，特式得黎又好食！黃金響鈴黃金代表鹹蛋黃，即叫即炸，即食非常香脆，滾一滾鹹蛋黃味更香濃，邪惡指數爆錶另外叫左豬紅、鵝腸、脆鯇腩片、蔬菜等等…..食到飽飽！

話說好期待同另一半去食火鍋因為我哋好耐冇食過啲有質素嘅火鍋Book咗七點 等到差唔多7.9先至有位真係等到有啲嬲中途佢哋有比杯嘢飲我哋解下渴我哋一心又真係諗住食質素火鍋就冇計啦入去嘅時候都feel到地下痴笠笠張枱濕濕粒粒咁入去一心諗住叫個椰子雞番薯蜆湯底點知佢冇咁唯有退而求其次食卜卜蜆煲啲蜆份量好多 真係好多嘅但係因為我唔係太想食所以我都冇影低之後就係啲侍應十問九唔應嗌埋單都等咗半個鐘講真係真係失望嘅食物質素其實還可以但係環境衛生同埋服務方便真係搞唔掂如果有得揀我絕對唔會再嚟多次

黎元朗探朋友，見到呢間餐廳個名幾得意，裝修又好古化風，入黎試試佢。叫左個黑胡椒炒蜆雞湯鍋，啲蜆好新鮮完全無沙，而且好香黑胡椒味。手切安格斯牛肉呢個飛驒和牛真心好食，好滑，入口即溶，好白牛肉味。手打牛丸，口感彈牙，美味。鵝腸，夠爽口，新鮮。鴨血，無腥味味，好食。韭菜餃子，味道正常。會再有下次。

平時同friend多數去啲靚cafe食，今次就試下元朗打邊爐，點解我地會簡呢間大滾友嚟食呢？就係因為上網睇過，環境同古裝宮廷一樣，而且佢地用既餐具，火鍋，碗碟，器皿， 而枱櫈都配合埋，好古色古香，真係好值得嚟邊食邊打卡！首先我地簡咁荒荽湯底，健康啲又食落無咁heavy ! 少啲罪惡感，哈哈！估唔到個湯底越飲越清甜，而且啲荒荽食落咁入味，掂呀！ 我地仲叫咗大滾友牛肉拼盤，上拼盤時仲放咗啲乾冰盤側面煙霧彌漫，好有feel忍唔住即時相機食先，入面有有牛頸脊，牛肉粒，安格斯，牛舌粒，牛展，牛胸尖，牛邊抓，牛肉味香濃，食落好新鮮，最重要係肉質嫩滑，兩個人食完超級飽又好食！下次都會再嚟過！  

最近成日去打邊爐🍲誠意推薦元朗大滾友打邊底靚湯底最重要🥘消暑冬瓜瑤柱鍋🥘上菜時超浮誇🤩加左乾冰營造煙霧離漫效果😚仲有大大堆素翅置頂🤤令人垂涎三尺啦打邊爐點少得肥牛🐮大滾友牛肉拼盤(小)🐮$398有安格斯肥牛肉、骰子牛肉粒、本地牛肉、牛頸脊、雪花牛肉、牛舌、牛胸爽🤗總共7款份量多😆每款油花分佈均勻😎值得一試🧡黃金響鈴🧡響鈴本身夠邪惡🤭但黃金代表鹹蛋黃😈邪惡感暴升呢個要即叫即整👨🏻‍🍳仲要即食😜非常酥脆甘香係湯底滾2秒鹹蛋黃味道更突出😚🥬美濃水蓮🥬來自台灣嘅蔬菜😉入口非常脆嫩😆未食過一定要試下呢餐豐富到不得了😍食到好飽😋下次再黎食過