大渣哥茶記 (已結業)

排隊再排隊，排隊買嘢，排隊食飯，今次排大渣哥。 人龍排到街尾，排隊只需大概15分鐘，排到接近龍頭專人為你量體溫，食得安心啲。餐牌都睇到黃到超金，每枱距離近，坐底感覺舒適，呢個時間唔係太晏嚟到已經有啲飯餐曬，食咗個簡單嘅叉燒炒蛋飯顯功架，份量好夠，雞蛋熟而滑完全包著均切厚度叉燒，多多蔥花灑在煎蛋上最啱我口味，最上面加埋XO醬更帶出味道，XO醬味道濃兼辣咗啲啲，就咁空口食有多層口感，撈飯食無咁辣亦帶出煎蛋和飯嘅層次。

大渣哥開得咁近我，無理由唔試既！仲有呢間店咁有性格，菜名又咁有特色，於是就同男朋友去食個早餐！來到門前，會先有店員量體溫同check下你有無帶香港身分證先比你入去。環境幾大，以落地玻璃裝修，所以光線好充足好舒服早餐時間我地一人一份最港式既早餐我就點左一個叫「黑牛黑面」餐十分搞笑既名！🌟黑牛黑面 $42- 呢個係秘製鮮牛肉公仔麵。牛肉好大舊，鮮牛肉同平時茶餐廳既真係唔同。舊肉厚d, 肉味都淋d! 跟餐仲有丹麥多士同炒滑蛋！最欣賞塊丹麥多士，落左勁多牛油，超香！每啖都有牛油香🌟歡樂今朝早餐 轉一丁 $38 +$5- 五香肉丁加丁麵，又係港人最愛！我男朋友話d肉粒係大粒d~好食！佢同我一樣都有丹麥多士同炒蛋！我地一致認同塊丹麥多士真係無得輸！同埋我地兩個都注重凍檸茶既茶底，呢到既茶底的確唔錯！

大渣哥茶記有heart、有質素但價錢合理，我哋叫左黑牛黑麵餐，收嗲鮮牛肉好入味，沙嗲味濃，但又唔會有太多花生，一般茶記既常餐都用白麵包，佢用丹麥多士，再加牛油上面焗，好食一百倍，另外下午茶既厚底咸牛肉配炒蛋三文治，加港式茶餐廳既香滑茶走，真係好夾好抵食，值得一讚！入去之前還會幫你量體溫，減少互相傳染既風險，食得安全又放心。香港人限定，謝絕唔相關人士，感覺更加親切貼地，一定會再幫襯，香港人加油💪🏼

屬於香港人的人氣茶餐廳店面都幾大好多位但依然企理星期日中午都係有人龍但其實唔使等好耐大約20分鐘左右已經入得入座前會先check身份證同量體溫安排尚算妥當黑牛黑麵 常餐 | $50餐牌款式超多 但第一次來就梗係試招牌沙爹牛麵餐(黑牛黑麵)牛肉比正常深色而且份量都幾多沙爹味好香濃 相當唔錯公仔麵煮得啱啱好唔會過腍炒蛋火腿正常水準 丹麥多士都幾脆但偏油膩熱奶茶茶底香濃但略嫌唔夠厚滑雖然價錢略貴但整體質素不俗近近地會再來試吓其他食物

星期六下午來食下午茶，有幾個人排緊隊，不過好快就有得入座。搭枱的中年夫婦好有善，撩我地講嘢，又介紹我地食乜，見佢地個雞翼配碗仔翅熱辣辣脆卜卜，都點咗一份。本身想試吓豬扒麵，但聽講個沙嗲牛肉麵好食，都點了一份黑牛常餐。炸雞翼真係夠熱夠脆夠味，好食。個碗仔翅足料，無結到一舊舊，唔似鼻涕，但好似唔多夠味，落埋胡椒粉同紅醋都係唔知差咁乜咁。個沙嗲牛肉好夠味，食到小小花生碎，正。常餐配份丹麥多士，香脆，有牛油香；另外有個火腿和炒蛋，正正常常啦。一間有香港風情的店，可能因為搭枱的人一起搭訕？平時出街用餐好少會咁，但響呢間店會感受到一種人情味，因為大家都係自己人，可愛的香港人。

最近又一間茶記開喺九龍灣，喺市道唔多好既情況下，仍然奇門如市，吸引我去食下！經常都排到轉晒灣，以茶記嚟講實屬少見餐牌以港式地道潮語為主題，見到都份外親切同醒神，例如西式早餐寫成外國勢力早餐，晚上的蒸餸就會寫成越夜越蒸彩等等，見到都會心微笑！食晚餐既我哋叫左兩個小菜套餐，每個大約$80 蚊左右，鑊氣十足，味道略重，就以魚香茄子煲為例，夠辣夠香夠鑊氣，但是就是太咸！至於另一個沙嗲金菇肥牛煲，熱辣辣送到，肥牛質素唔錯肥瘦適中，有咬口，唔會老，鑊氣十足，沙嗲汁同樣夠辣夠香都是咸左一點點！總結，價錢，食物質素都ok, 但係都仲有進步空間，期望下次嚟既時間會有驚喜，勿辜負港人的期望！

常餐 a 連奶茶 $45.作為同路人當然要去支持下見到條咁我既人龍 我當然有照排隊 不過其實排半個鐘就入得 較我想像中快好多.入去前要度體溫 check身分證 果然係屬於香港人既茶餐廳😛 入面都幾新 尚算潔淨 因為真係太多客 d員工都好忙.食物方面 上菜速度都幾快 好中意個炒蛋同丹麥牛油包 好食😌😌😌😌 通粉份量都唔算少 食完我都好飽飽 下畫都冇咬過零食😆 仲要杯奶茶飲下 我覺得沖得幾香滑 唔使落糖都好好.整體來說 都幾值得去試下

Newly opened in Kowloon Bay at the beginning of February, Cafe de JarGor is a really hearty local cha chaan teng. Regarding the current outbreak of WARS, your temperature would be taken before allowing you in, which could at least give us some peace of mind from all the virus thing. Point to note, make sure you bring your HKID card with you.I ordered this Numbing Spicy Chicken Rice to try, and it was absolutely fantastic! The numbing spicy was just right to flavor the chicken, as well as for you

趁琴日放假 心血來潮 去試吓呢間開張一個禮拜左右嘅茶記叫咗一份All Day Breakfast (早餐全餐) 同暴龍特飲$76(早餐)+6(特飲)=$82早晨全餐肉方面- 可揀雞🐓/豬🐖其中一款 我揀左雞蛋🥚🍳方面- 可揀炒蛋/ 煎蛋 其中一款 我揀左炒蛋仲有一塊牛油厚身多士 🍞🧈一條香腸 一片煙肉 🥓一塊薯餅 🥔1/8個蕃茄🍅早餐份量適中 唔太油膩 食材夠新鮮 👍🏻👍🏻多士夠厚身唔乾身 👍🏻👍🏻薯餅比M記大塊🥔🥔🥰蕃茄非常新鮮 👍🏻👍🏻香腸 煙肉 夠煙韌👍🏻👍🏻特飲方面美祿上面加美祿粉 鐘意朱古力嘅朋友可以試吓🥤🍫服務方面員工態度認真友善 👍🏻👍🏻👍🏻👍🏻排隊方面 員工會仔細確認人數 人數齊先安排入左 亦會經常監察餐廳可入座嘅情況而安排入座 過程中冇任何混亂 😎點餐方面有疑問向員工了解 員工唔會躁你底 仲樂意解答亦主動同我覆單 😍同一疊台嘅妹妹要拎筷子食麵 員工都好有禮貌 好樂意環境方面非常乾淨企理 每個位有餐巾連更叉👍🏻👍🏻👍🏻

下就3點入，兩個人等咗一陣就入得入舖之前會量體溫，超貼心！同其他人搭枱，一啲都唔逼，我最中意個餐牌夠簡潔，一張過方便睇第一次嚟咩都想試，最後叫咗黑牛餐同下午茶西多餐，跟餐一杯熱鴛鴦同美祿恐龍凍飲+$3，特飲只係+$6，比出面平多多聲，大大杯，下次一定要試埋其他特飲黑牛餐跟丹麥士多同炒蛋，丹麥士多甜甜地，就咁食都好好食！炒蛋又滑份量又多，跟埋碗麵真係好飽。自家製沙嗲牛肉我最鍾意，有粒粒花生，一定要試！成餐飯食得好舒服，雖然係茶記但唔會覺得好嘈好迫，連d餐具都設計得好用心，有茶餐廳風味又有個人特色，好有心機最後埋單兩個人食到好飽都只係$86，以後食飯又多一個好選擇！

這一個星期，香港人應該身心疲累吧，排口罩、排紙巾、排出前一丁、排米，連M巾都掃，我想最多問題應該係，是誰把香港人逼瘋了。上星期，香港周圍都已經有排隊嘅熱潮，不過呢度冇以上所講嘅野買，有嘅係良心同食物。我也不能說這是黃店了，因為黃到發金，餐廳入去前睇身份證，再有港姐冠軍幫你量體溫，為嘅就係大家吃一口安樂茶飯（不過當然有人唔領情，排完隊仲大鬧店員點解要量體溫點解要睇身分證……）社會上總係有呢啲咁嘅奇人，無論你係乜嘢政見，我覺得食好嘢都係最重要，只不過在這吃飯就多了一份安心，有一種對香港嘅支持。我講緊應該係唔少人都認識，而且好期待過去嘅大渣哥。以前要支持渣哥就係食一串串魚蛋牛丸，你想用錢懲罰佢都食唔到好多，仲要企街邊，但依家係九龍灣呢個大渣哥就可以坐低舒舒服服懲罰佢。短短開咗幾日已經引來排隊人潮，星期日早上十一點前，來到幸好，只是數十人排隊，也是不過十分鐘的事。由於這是茶記為主，所以都係講早餐同茶餐嘅部分，晚餐都有好多選擇，我未食就唔講太多啦。全部餐個名都好特別，歡樂今宵早餐、襟撈任砌，餓底，吞pop，最應景當然係自由西餐同外國勢力早餐，令人感受到09/6後的一點一滴，才發覺我們這半年都是在

渣哥小食店最近開埋茶餐廳 開業第3天晚上去人龍仍然排到轉彎 大約7點尾就截排隊人龍! 由於店鋪只會接待香港人 進店前職員會循例望一下香港身分證及會用紅外線感應器探熱 確保店內人人身體健康餐牌食物選擇非常多 菜名都見到設計非常有心思常餐A 叉燒米粉可轉意大利雜菜湯底 湯底味道濃郁亦有非常多雜菜粒 配米粉一流 茶餐廳質素來說非常高質炒蛋炒得香滑配丹麥多士 幾特別麵包鬆軟有厚度的西多士 中間夾一層花生醬傳統嘅味道個名改得好有趣 鰻魚櫻花總是情=蒲燒長鰻魚配櫻花蝦炒飯 三款食物都好味 水準高於一般茶餐廳 但價錢亦是合理水平 相信新開一陣子都需要排隊

以前返工成日經過，依家終於等到大渣哥開業了。夜晚7:30去到餐廳門口，嘩....已經好多人，等左個半鐘終於可以入去，望望個menu, 睇左好一陣先決定食茶餐。因為好多野都好想試，但之前見杜生講到個茶餐個丹麥多士好正，所以最後都叫左茶餐 （叉燒意粉、丹麥多士、火腿炒蛋，配奶茶）。🥰 雖然第一日開張，外面亦有好多人排隊等，但野食竟然唔洗等好耐，仲好快有人幫忙下單，每個店員很有禮貌，唔似平時茶餐廳，您會好安心慢慢吃唔會趕您走。叉燒份量很多，肉質鬆軟唔鞋口，個湯有少少栗米味道，意粉亦軟硬適中。😋 到丹麥多士啦！多士上面已經塗有牛油，多士邊係牛角酥皮，杜生冇介紹錯啊！炒蛋亦很滑。杯熱奶茶亦係我至愛，唔需要落糖已經好夠甜，因為杯奶茶加左好多煉奶啊！😍 餐廳要等咁耐真係有原因啊！只少水準可以keep 到咁高。

而家喺九龍灣啱啱開嘅茶餐廳每日都大排長龍所以今日忍唔住排長龍都試吓同埋支持依間黃店排隊嘅時候會幫你測量體溫都幾有心不過食完之後 食物味道不太好...叫左個沙嗲牛公仔麵 牛肉硬到咬唔開 真心吞唔落口麵就太淋 沙嗲味太淡仲話係皇牌😳😳😳差過普通茶餐廳 不過黃店 點都支持下 本身食開好多沙嗲牛 講真 依間算係最差 另外叫咗乾炒牛河芝麻幾香都OK算係幾唔錯熱奶茶都OK裝修環境都算幾好幾乾淨 職員態度好 不過見到好似有啲混亂 不過啱啱開舖可體諒不過整體來講性價比低 不會再來😢

渣哥 一九九六小食店進化大渣哥茶記２月１日正式試業一早就大排長龍，最少３０－４０分鐘先有位入店前先要用紅外線機測體溫，出示身份証～過２關先可以食到等位時間有派水比大家飲~店內同時提供消毒洗手液 最受歡迎沙爹牛肉麵同常餐,奶茶都係招牌之一開11點,關店2130常餐自選配料,叉燒/餐肉/雪菜肉絲/鮮肉,五香肉丁,煎扒配通粉或米粉或意粉/公仔麵多士用上貴一級既丹麥多士,火腿煎雙蛋或炒蛋 包茶/咖啡 凍飲加$3餐牌上另有炒公仔麵,焗飯,自選全日早餐 /咖哩飯系列,靚湯,蔥油飯系列炒粉麵,炒飯,茶記小吃,炸雞脾,沙爹牛肉包等等其實就係平常既茶餐廳款式,但用料講究一點,食起上來味道更加好凍檸茶,茶味夠濃,大大杯,抵飲!沙爹牛肉麵,沙爹香而濃郁,直頭可以變多一款出黎做撈麵！牛肉夠滑，招牌凍奶茶濃而幼滑入口順！丹麥多士有口感而帶濃牛油香，炒蛋夠嫩夠滑！