大渣哥茶記 (已結業)

星期六下午來食下午茶，有幾個人排緊隊，不過好快就有得入座。搭枱的中年夫婦好有善，撩我地講嘢，又介紹我地食乜，見佢地個雞翼配碗仔翅熱辣辣脆卜卜，都點咗一份。本身想試吓豬扒麵，但聽講個沙嗲牛肉麵好食，都點了一份黑牛常餐。炸雞翼真係夠熱夠脆夠味，好食。個碗仔翅足料，無結到一舊舊，唔似鼻涕，但好似唔多夠味，落埋胡椒粉同紅醋都係唔知差咁乜咁。個沙嗲牛肉好夠味，食到小小花生碎，正。常餐配份丹麥多士，香脆，有牛油香；另外有個火腿和炒蛋，正正常常啦。一間有香港風情的店，可能因為搭枱的人一起搭訕？平時出街用餐好少會咁，但響呢間店會感受到一種人情味，因為大家都係自己人，可愛的香港人。