大渣哥茶記 (已結業)

約咗人交收未夠鐘又有啲啲肚餓，路過大渣哥茶記見有位就即刻衝入去左看右看今次一於試吓小炒蜜桃生炒骨連例湯白飯同埋飲品 $79 （不用加一）睇嚟佢哋知我口渴，轉個頭已經送上一碗熱辣辣例湯，青紅蘿蔔湯好鮮甜好夠味嘢食未嚟我已經飲晒成碗，好想再添飲個生炒骨送上嚟嗰時已經嗅到佢嘅酸甜味睇顏色已經贏晒，色澤好鮮艷，粒粒好誘人，肥瘦度剛好，生炒骨仍然脆口，醬汁香濃這個生炒骨真係超好餸飯——————————————————————這兒只收現金下次再試其他嘢

渣哥咁出名仲日日排長龍一定要會一會佢揀左無咁多人既時間黎 11點15分左右叫左個瘦身餐沙律/一份多士/一個飯由於太肚餓⋯個沙律食完都無醒起無影到相好 講個多士先我自己鍾意食奶占/醬占今次叫左個奶占～驚奇到落單姐姐都問：「好食架咩？」真係好食架～信我！大渣哥個占係桃味如果係士多啤梨味一定會仲正～另外就叫左個聽名都覺得邪惡既飯：XO醬叉燒炒蛋飯！大大匙XO醬 正好足料～ 個蛋仲好香！！！（食完出黎12點三四已經排緊長龍啦 想去既一定要預d時間啊～

每個人都要帶身份證check咗先可以入。lunch time好旺，坐full晒，條對排到去隔離間餅店。叫咗個常餐$ 50雞扒通粉配雙蛋。個雞湯幾好味，清得黎唔口渴。雞扒好大份，我覺得幾抵食。見到朋友個炒蛋金黃色好吸引，可以下次試下先！麵包好高質，鬆軟好好食。總體來講茶記算中上，出品幾好。肉絲脆麵底都值得一試！

今日黎到九龍灣食晚飯，又黎到我其中一個最愛既飯堂：大渣哥👍🏻👍🏻但黎到就真係要比番少少心理準備排隊，有成十幾個人排隊，但人流都算快，等左5分鐘左右就食到啦❗️❗️黎到最鍾意叫佢既小菜，貪佢夠鑊氣先黎碗老火湯，好足料又好飲，冇味精架👍🏻👍🏻蜜桃生炒骨，平時出街鐘意叫生炒骨，因為自己整好複雜😂😂，生炒骨炸得脆卜卜，又好juicy，好食👍🏻👍🏻，加埋蜜桃都幾特別海味通菜煲，通菜好嫩，平時好難買到呢類質素，加埋海味吊曬d味出黎，正😋😋整體來講，質素中上，值得黎食

好開心，自從食過一次大渣哥茶餐後就愛上了依間餐廳。只是每次經過都要掛長龍，朋友想吃就從港島區過來，我哋排到剛好下午茶時間到✌🏻。我選了非常邪惡既美帝肉醬熱狗配檸檬茶（$48）。新鮮即整熱狗包很鬆軟唔乾身，大香腸配肉醬好滋味，唔會覺得好油膩同濃味，因為包入面仲有酸瓜，另外再配佢地杯特大檸檬茶🍋非常match!! 雖然叫了少甜少冰，但他們的檸茶仍然好喝，真係唔掛得之咁多人排隊黎食！最後謝謝朋友請我吃這頓下午茶💕

好耐冇食過吉x家牛肉飯啦難得佢出左下午茶有就即刻去左試一試 地方大 夠乾淨又企哩坐底就叫左牛肉飯食 可惜野飲要另點就有叫個牛肉飯 份量大 飯量足 牛肉就普普通通可惜既係牛肉汁唔夠（聽聞可以加） 個陣唔知冇咁做下次可以試下整體黎講 個牛肉飯都ok

夏日炎炎最好眠， 瞓醒都有食飯時。途經九龍灣，眼見今日條隊不太長，冇理由唔拜會吓大渣哥食翻個下午茶。今日挑戰"極邪惡"朱古力彩虹西多士，點一份令你極速上升卡路里的食物，走一條令你回不了頭的路……

今日路過九龍灣，終於有幸拜訪大渣哥渣記。平時食開渣哥1996魚肉燒賣，都覺得真心正。今日5:00pm 入座，不用排隊，量完體溫，再check埋身分證（P.S只看背面，不看正面，放心唔會侵犯私隱😊）。完成程序，就可以入座。睇過餐牌，但樣樣都係渣哥推介，點選擇呀。😂在選擇困難的時候，叫個‘打躉常餐’最方便。在自由選擇的情況下，叫左碗五香肉丁公仔麵和炒蛋，火腿和丹麥多士是固定的。五香肉丁雖然是罐頭，但份量多和唔碎👍🏻。公仔麵麵質似出前一丁，彈牙👍🏻。丹麥多士好香牛油味👍炒蛋也很香滑，雖然size有點少😂。總結，常餐比其他茶餐廳好食，而且出餐時間又快，店員服務不錯，可以再encore。下次有機會試下焗豬扒飯先。

差唔多2:00去到都仍然係大排長龍，但排隊嘅時間唔算太耐大約10分鐘左右就有位。入到去要同其他人搭枱，如果唔想搭枱嘅話可以同侍應講，要求唔搭枱， 但等候時間就要長一點。餐牌裏面有一半茶餐廳食啲茶餐同碟頭飯。 餐牌上寫住牛肉係本地牛肉，感覺質素都唔錯，起碼我覺得會係新鮮啲。兩點就可以叫下午茶餐，下午茶嘅份量剛好，我叫了乾炒牛河，我平時茶餐廳嘅油膩感覺，食完半隻碟都唔算好油🤣。飲品種類都算多，連雜果冰都有。

你點會估到係12點幾lunch hour 仲要係星期日去大渣哥唔洗排隊直入？竟然咁嘅機會都畀我遇到！！！話說未轉彎已見到條龍心已經諗住放棄因為好餓⋯⋯男朋友本住一試嘅心同staff講兩位竟然竟然竟然咁啱走咗一張而冇排緊隊嘅人係1/2位所以就直入！！！入面衛生好好所有樓面員工都戴哂口罩又好禮貌我嗌嘢食嗰陣又提我嗰份冇餐飲話說因為最近個胃麻麻所以都冇點食到好多嘢所以我淨係叫咗個碎蛋碎吞拿魚三文治（$31）一上枱嚇親我竟然咁足料！！！每邊入面仲放咗1.5塊蕃茄一食落去⋯⋯啖啖都有料係唔會食到白麵包所以竟然都好飽！至於男朋友佢叫咗野菌松露忌廉汁雞皇飯（$58，連餐飲）好快上菜不過略嫌D飯唔夠熱反而汁同雞夠熱個汁好好味唔會太creamy搞到好快滯又唔會太稀所以十分好總括來說係一個好好嘅用餐體會

知道是黃店餐廳，但也不應強要看身份證才可進食！一心慕名而來，大熱天時，同朋友排隊也試吓渣哥嘅小食！要出示身分證先可以入座，令我大失所望，食吓下午茶都咁麻煩！決定過對面時代冰室，抵制大渣哥無理要求！　

今日去左大渣哥朝聖，因為驚多人所以5點半就去到。時間尚早的關係未有太多人排隊，等左一陣show埋身份證同探熱就入得去食喇。叫左黑牛黑麵常餐，佢的沙嗲牛肉食得出係用鮮牛整的，一啲都唔韌，沙嗲好夠花生味，好香，做得幾出色。個常餐係配丹麥麵包，比坊間的普通多士鬆軟，好食好多食完個餐已經好飽，下次黎再試其他野

黃到不得之了既渣哥想試渣哥 係因為我睇左杜文澤介紹今次專程過去試試佢啦諗住今日係星期六 想避開人潮提早少少食晚飯啦點知... 6點半未夠 門口已經有長長既人龍哈哈哈 見時間尚早 又專程黎試佢 咁就排隊啦 係門口排隊既時候 已經有店員出黎登記同埋量體溫登記係需要出示返香港身分證🤣🤣🤣雖然好長龍 不過我地等左大約15分鐘左右就有位喇一入到去 見到枱同枱之間 間左塊板 板上寫既野 真係好正講返食物先叫左3個餸蜜桃🍑生炒骨酸甜適中 不過舊舊骨都好大舊 肉比較少椒鹽豆腐賣相都好吸引外脆內軟 豆腐好滑食多幾舊都好似唔會熱氣咁粟米魚柳呢個一般般 魚柳好快就淋曬整體黎講 值得試 亦都會返轉頭再幫襯

難得朝頭早做完嘢行過大渣哥門口竟然冇人排隊😯於是就懷住興奮嘅心情入去當時係早上嘅11點15分諗住有尾水早餐點知原來11點就完咗🙈無相干於是就叫咗個常餐餐牌可以見到定價中高下午茶個炸雞脾要56蚊😯有機會要試吓😂先嚟嘅係丹麥多士同火腿雙太陽蛋個多士都幾脆口但無乜甜味火腿同太陽蛋正常發揮😂唔識點評題外話枱上面得胡椒粉無鹽我見左右兩邊兩張枱都係咁而本人食太陽蛋一定要落鹽的於是就同侍應姐姐講唔該我想要鹽侍應姐姐再同唔知邊個講2號枱要鹽而嗰個人係無拎到過嚟嘅😂咁啱隔籬枱走 有個侍應哥哥執枱於是我又同佢講多次唔該我想要鹽侍應哥哥都係再嗌出去而唔係佢去拎的🤔今次終於有樽鹽用了我唔係好理解點解枱上要淨係擺胡椒粉唔擺鹽😂同埋其實拎樽鹽係5步範圍內嘅事可能分工真係咁細緻？雞扒意粉轉咗意大利雜菜湯底個雞扒應該係有落粉炸嘅但佢一直沉睡於湯底之中...個上咗粉嘅炸皮浸到淋晒🤢我寧願佢係一塊普通煎雞扒個意粉軟硬度ok有咬口湯底無乜特別😂至於杯凍啡就幾好飲嘅！好香同埋都幾大杯下整體來講我係有少少失望的侍應們可能臨近午膳時間都壓力上升分配客人坐位嘅時候都幾粗聲粗氣同埋拎鹽嘅小插曲都令我有啲不明所以係個擺低食物嘅姐姐同收

去完九龍灣睇戲，唔知食乜好，諗起附近有大渣哥茶記，決定試一試！大渣哥茶記英文名係Cafe de JarGor，又開正喺Café de Coral（大家樂）對面，認真趣緻夜晚7點鐘左右到，諗住已經算早，結果都係大排長龍⋯⋯糾結咗一陣轉唔轉餐廳好，但好快就有姐姐出嚟探熱，仲會檢查身份證（背面），食得都放心啲同朋友兩個人食，諗住等半個鐘走唔甩，點知5分鐘都唔使就有位原來因為前面係一大班人先要等耐啲！大渣哥啲餐牌都非常有玩味呢個黑牛黑麵望落都幾吸引，就試試佢先！黑牛黑麵，$52沙嗲味好濃郁！！！牛肉又唔會韌，值得推介！不過飲得湯多都有啲咸套餐係配丹麥多士，已經搽好牛油，唔係普通麵包，都幾特別，而炒蛋雖然唔算太滑，但都幾有蛋味！不過冷氣都幾大，啲蛋好快就會凍，所以要快啲食。朋友嘅焗黑椒雞扒飯，$66焗飯上菜比較慢，我食到一半先上到菜但新鮮出爐熱辣辣，黑椒汁又係好濃郁，滲滿落焗飯入面，撈都唔使撈就好有味，幾有驚喜雞扒肉質都好嫩滑，$66真係抵食！不過茶餐廳環境都係比較嘈，同隔離枱又好近，聽晒隔離啲對話，冇乜私隱咁同埋出面好多人等梗，食完都係快啲走人