大渣哥茶記 (已結業)

已經好好好耐無出街坐低食過飯，日日都買外賣🙈今日終於約左個係九龍灣返工既朋友食lunch，去拜會下呢間大渣哥茶記～我叫左個午餐XO醬叉燒滑蛋葱花飯，茶走～朋友叫左份西多士～茶記真係茶記，啲野五分鐘左右就到左，岩晒得一粒鐘食lunch既打工仔一族👍XO醬叉燒滑蛋葱花飯既XO醬好香好惹味，唔算好辣，滑蛋真係好滑，叉燒偏瘦但幾焦香，甜味適中👍 裡面既飯粒粒分明有飯香，用料應該唔差，配埋啲煲仔飯甜豉油一流👏🏻👏🏻 愈食愈開胃！茶走味道ok，茶底幾香但不至於好滑～西多士係餐牌上面都係就咁寫“西多士”，我仲以為無餡，但原來有花生醬係裡面👍👍西多好厚身，花生醬比較幼滑無乜花生粒，不過都好好食，而且唔會好油膩好濟～上菜速度同服務一流，環境以一間茶記黎講都非常好，支持渣哥👏🏻💪

今日下午要去九展睇show, 同朋友預早去試大渣哥, 佢係德福向工廠區方向行, 平時真係無咩機會去, 因為星期六怕人多所以大約12點鬆就去到, 好彩條隊唔長全部都係未齊人, 所以我同朋友已經人齊反而唔洗等就已經可以入座! ✌🏻✌🏻望望個menu真係眼花撩亂 😆 改啲名真係好正, 我同朋友笑咗好耐!! 樣樣都想試, 望望下見到柯Day壁佛士 😆😆 佢既材料都好豐盛, 就揀佢啦!! 朋友就揀咗打躉常餐. 湯底可改意大利雜菜湯唔洗加錢. 重點我個柯Day壁佛士一上枱附近既食客都眼睛一亮, 真係好豐盛呀!! 出面既柯Day壁佛士都係每樣少少咁擺好一碟, 但呢個係好豪邁地放滿好多肉. 😋 佢既丹麥多士好好食, 雞扒好大塊, 熱狗巨腸真係有隻碟咁長. 😍 賣相已經一流, 食落都係一樣咁正!! 真係好滿足!!!😋

一直好想試大渣哥，但成日都好多人排隊，所以未有緣份試到。今次終於食到喇，排咗大概15分鐘就可以入去開餐！😆·餐牌上面全部都係好鬼馬嘅名，我揀咗「黑牛黑麵」，因為我唔笑就成日俾人話我黑面 🌚，個名夠哂親切感 😂·🔸 黑牛黑麵 🖤🐂🍜（$52，轉出前一丁+$5）「收嗲」鮮牛肉麵即係沙嗲牛肉麵，食茶餐廳必定要叫返碗。沙嗲味香濃，出前一丁煮得剛剛好，爽口唔會煮到腍哂！👍🏻 多士選用丹麥麵包，已經搽好牛油、脆卜卜，好出色！值得一提嘅係火腿炒蛋嘅炒蛋，口感嫩滑，趁熱食就最正！🤤 ·🔸 凍檸茶 🍋（凍飲+$3）🔸 凍奶茶 🍋（凍飲+$3）·只有真•香港人可以入去食嘢，嚟得排隊食嘢嘅客人都係「自己人」，感覺好舒服！💛 店員好有禮貌，而且會提供大雨傘俾出面排緊隊嘅客人遮陰，好窩心！下次一定會再嚟幫襯，加油！💪🏻

大渣哥茶記 (九龍灣)九龍灣常悅道21號The Eastmark地舖餐廳次次都會好多人龍排住今日我都排左十分鐘左右餐廳環境幾大，坐得幾舒服蔥油雞扒煎蛋飯$63雞扒好香脆蔥油加個半熟雞蛋撈飯一流乾炒豬扒公仔面$61公仔麵炒得好乾身又唔會太油豬扒超淋 超正跟餐加$9就有美祿暴龍飲啦

港式茶餐廳黑牛黑麵 $52沙嗲牛肉入味，可以再多少少花生既香味，配通粉冇麵咁滯胃。配西多加炒蛋，味道正常。XO醬叉燒葱花滑蛋飯 $56正常，加左XO醬更香口，撈飯唔錯，蛋可以再滑d。迷你乾炒鮮牛河 $43下午茶餐，雖然係迷你，但份量都唔少，牛肉全部都係用本地鮮牛肉，都滑而唔韌既，但可以再加少少黑椒既香。凍啡 凍鴦唔錯，就係碎冰，非常解暑，咖啡味偏酸。。📍lunch 時間勁多人，但都快既。2點後唔洗等太耐。📍下午餐2點就開始架啦。

豆腐火腩飯，係男人既浪漫🌹！其實由來係一篇潮文，不過今日就唔係靜係豆腐火腩飯，係想介紹麻婆豆腐火腩飯！前幾日行過渣哥大茶記，心諗見門口長期咁多人排隊而食第二間，不如我今次試一次！雖然人龍都幾長，但因為舖頭都較多位，所以其實等左大約5分鐘就可以入去坐！餐廳裝修好特別，好富有香港特色。而餐單更加「貼地」，同依家香港人生活真息息相關！茶餐廳真有好多款美食，見有點肚餓就叫返個碟頭飯食下啦！味道方面，我會話中中挺挺😂，係一份正常茶餐廳既碟頭飯！豆腐，豬肉碎同埋誘人既腩肉，啖啖肉👍🏻。味道方面，腩肉咸咸香香，配埋肉碎、辣椒🌶️、榨菜，食落有點香辣，味道算豐富👏🏻！另外抵讚既係份量都幾大，飯都有一大碗，餸份量都好多，$56嚟講真幾抵！飲品我就換左雜果梳打，可能因爲唔係用玉泉soda，同埋落左雜果，飲落較甜，相對唔酸，岩哂夏天飲返杯！另外，店員服務態度好有禮貌，一定會返轉頭再幫襯！

其實已經食過幾次大渣哥，我個人覺得野食正正常常，唔係特別高質，價錢貴左少少，CP值唔算高，服務唔算優秀，之不過去到九龍灣無乜野想食就會諗到去大渣哥茶記食，你懂嗎？打躉常餐 $50 雪菜肉絲米，火腿煎雙蛋加丹麥多士。隻碟太大顯到塊火腿好細，實際好似都比平常食開既細。XO醬叉燒蔥花滑蛋飯 $56雖然加左xo醬香口啲，但滑蛋就唔係好滑，光榮果個仲好啲。秘製威示忌牛肋肉意粉 $62 無乜酒味，個味我都唔識形容，不過牛肋肉幾腍。乾炒雞扒公仔麵 $58 蔥，芽菜，洋蔥幾多，個麵炒得乾身，唔會太油。蔥油雞扒煎蛋飯 $63 塊雞扒好大塊！呢個最有驚喜上湯腿蓉菜心苗 $49 平時食飯加個油菜十蚊廿蚊，呢個差不多係一碟飯既價錢，不過份量都算多。

想黎試好耐，但日日條人龍都係極長，午餐真係等到夠鐘都未必能入座。是日放下晝，係附近買完野，等人潮散左就入黎食。係門口度完體溫同check身份證就可以入座，平日嘅三點鐘無須等位。叫份常餐A試下先，落單後5分鐘左右已經黎齊，十分有效率。丹麥多士同火腿煎雙蛋，塊多士好香脆，勁重牛油味好好食。火腿蛋正正常常，入口爆蛋汁正呀。另外就係餐肉通粉，個湯底有啲金寶湯feel，好濃厚，連埋通粉食飲哂啲湯咁濟。餐肉食落好鹹，咁似三花牌嘅味嘅，睇下餐牌，原來真係三花牌，哈哈，仲要係日本版。凍檸茶走甜，大大杯，夠晒凍，呢啲天氣飲好正。價錢屬正常價位。玩味餐牌，好很藍系列，哈哈。

/大渣哥茶記🇭🇰💛/#sa九龍灣篇 #sa良心小店篇➖➖➖<人氣長龍·屬於香港人嘅茶記💛>➖➖➖相信好多人都聽過大渣哥茶記之前未有茶記之前都有食過佢地嘅小食開左點都會支持下💪🏻💪🏻入去食野之前要量體溫同出示身份證店員上次都幾好人☺️安排左個闊落啲嘅位嗰排仲有個💙系列 真係好似～不過最後都無試到🙈唔知依家仲有無呢而且佢地本身聽人講呢間店成日排長龍但上次去係平日 而且唔係peak hour 所以探完熱就入得😆➖➖➖1️⃣XO 醬叉燒滑蛋飯唔記得價錢啦🤣叉燒都算幾厚切 肥瘦適中 略嫌叉燒唔夠多🙈滑蛋係唔錯 唔會過生都幾有蛋香都夠滑 但較薄飯嘅份量其實都算多 未食飯所以都足夠最鍾意就係佢面頭嘅xo 醬 夠晒惹味🙈同埋佢係可以因應自己需要加豉油調味所以唔會好咸➖➖➖2️⃣乾炒午餐肉炒公仔麵 我朋友食嘅 佢話都炒得幾有穫氣 但食完會有少少膩午餐肉煎得幾香口呢樣款式都係茶記必食之選 整體正常 都係平時食開嘅味🤣➖➖➖3️⃣渣哥大檸樂 // 青檸梳打大檸樂係有檸檬+青檸 係炎熱天氣之下飲消暑一流➖➖➖📍大渣哥茶記九龍灣常悦道21號The Eastmark 地舖

//<大渣哥茶記>大渣哥真係良心茶記！疫情間係晚餐時段仲推出大優惠🤩🤩大家lunch幫襯預大概排15-20分鐘隊🧐🧐入面嘅店員都好nice🥰🥰—————————打躉常餐 (雪菜肉絲米粉+丹麥多士+火腿炒蛋) $50小編超鐘意佢個丹麥多士🤤🤤 酥軟酥軟嘅感覺好特別🤩🤩 炒蛋好滑，小編鐘意放一半火腿炒蛋落米粉到做餸😀😀 雪菜肉絲米都唔錯，爽脆嘅雪菜帶微辣😌😌 整體份量都幾多，超飽肚—————————野菌松露忌廉汁雞皇意粉 $58雞肉滑嫩而且份量頗多🤩🤩但意粉煮太耐，意粉有啲林🙈🙈而且松露味可以再特出啲！ 整體同普通白汁意粉差不多🤣🤣—————————馬來炒貴刁 $60呢碟亦都係超級大份🤩🤩 有咖喱微辣嘅味道，但係可能太多人大廚炒唔勻🧐🧐 所以有啲偏鹹偏淡咁🤣🤣 蝦都幾爽口🤤🤤—————————凍華田 +$3味道正常，濃淡適中🧐🧐 —————————凍檸茶 +$3茶底好香濃🤤🤤 飲完好 refreshing —————————評分：7/10地址：九龍灣常悅道21號 The Eastmark 地鋪營業時間：星期一至六 07:00~21:30 星期日 08:00~21:30#大

想支持渣哥好耐喇今日係附近做義工 做到七八點 阿頭提議食大渣哥 仲話禁晚市之後做緊半價優惠我當然舉腳贊成啦😀我地8點幾去到 見到大排長龍 店員會check體溫+身份證 兩樣野都ok先可以入去落單+坐低咁等外賣所以一心等阿頭請客 兩手fing fing咁落街既我地 係喺出面流住汗咁等既💦💦本身想食既「秘制威士忌火焰牛肋肉」同「低溫麻辣口水雞」都賣哂喇😩最後我地叫左👇🏽沙嗲金菇肥牛煲 (原價: $104👉🏼$52)我覺得4個小菜之中呢個最好味😋沙嗲汁好香 除左有金菇同肥牛之外 仲有幾多粉絲同三色椒~~蜜桃生炒骨 (原價: $84👉🏼$42)生炒骨份量好多啊 我地4個人share食都有食淨!不過可能因為外賣 所以覺得外皮淋左d同埋蜜桃🍑份量好少啊~~金針雲耳蒸雞 (原價: $80👉🏼$40)雲耳份量多 雞件大大件不得不提 墊底既豆卜好鬼正😈吸收哂蒸雞既精華!!上湯蒜蓉菜心苗 (原價: $51👉🏼$25.5?)並唔係蒜蓉 而係好多粒炸蒜粒🧄清淡d 但又唔係白烚既味道~~整體黎講💁🏽‍♀️4個人食4個餸 人均只係~$40 真係超級抵!!不過都擔心 咁做得唔得架 蝕本生意黎架喎😩良心小店💛真係值得大

難得入東九龍，同路人一定要去大渣哥潮聖，好彩唔係好多人排隊，15分鐘左右就有位。點左個黑牛黑麵常餐，個多士係Danish有誠意，牛油味好香，兩塊火腿係standard ，炒蛋滑身，蛋味濃厚，煮得啱啱好。個黑牛黑麵d麵煮得啱啱好，牛肉質地唔錯，唔會熟到鞋。但個沙嗲醬好咸，但又冇乜沙嗲味，有d失望。講吓個自由西餐，揀左牛扒煎蛋意粉配香汁黑松露，d意粉煮得啱啱好，係茶記難得嘅高質，煎蛋燶邊得黎入面個黃仲爆漿。可惜個黑松露白汁係近乎冇味，唔知佢係冇調味定點樣。重點講吓塊牛扒，因為同朋友share, 所以諗住切開晒先食，但平時食開medium rare嘅我都覺得佢生得滯，所以要求換過一塊。換左之後特登rest左一陣先切開，就啱啱好，驚喜地大渣哥d牛扒係冇用鬆肉粉，我食到牛扒嘅原始texture, 牛味又濃，仲要塊扒係好大塊吓，茶記食到咁嘅質素係會覺得感動架🤣最後講吓我杯茶走，幾滑，不過茶味可以濃多少少。喺擺menu嗰個holder 加插左一張趕客告示So mean but I like it🤭🤭

相信有唔少人都食過渣哥小食，燒賣魚蛋樣樣喜歡，今次仲開埋茶記，係九龍灣返工的我可以講係佔盡地利優勢，Lunchtime即刻急急腳衝去排隊！雖然見眼好長龍，午飯時間大約等15-20分鐘可以入座，上餐速度算快；而且大渣哥表明只招待香港人，入座前要探熱+出示身份證，保護措施做到足。「黑牛黑麵」自製黑沙嗲醬同沙嗲牛肉，比平時食到的沙嗲味更濃郁，沙嗲牛惹味有咬口。跟餐有丹麥多士、炒蛋，選用丹麥多士即刻感覺將整個常餐upgrade左，酥脆滿有牛油香，個個食到讚不絕口，香滑炒蛋亦不馬虎，火候控制得剛剛好。中意清淡的朋友，可以試下鮮牛肉米粉，更加食得出牛肉的原汁原味，原來大渣哥用上本地新鮮牛肉，肉質鮮嫩有嚼勁。有時食其他沙嗲牛麵，雖然醬汁香濃，但牛肉落太多生粉，令質感偏淋，反而失去牛肉應用的口感，大渣哥可以講係做得相當出色！

九龍灣常悅道一帶可謂著名黃店集中地，上有荳子，下有大渣哥、時代冰室、光榮冰室，是打工仔的理想飯堂點。是晚見時間尚早，的起心肝排一排大渣哥茶記吧。 才7點鬆啲，已有10數人排隊，但餐廳很大，食客也很合作，所以人龍消化得很快。 人齊入座，一邊排隊，一邊check身份證＋探熱，大約10分鐘已有位。餐廳很大，但枱也很多，坐得也蠻迫夾。Menu由常餐到鐵板餐也有，涉獵層面甚廣。才看了餐牌兩眼，還未想好吃甚麼，店員已至落單，真的很趕時間呢⋯⋯ 大渣哥炒飯 $73貴為著名黃店，索價也蠻進取。一碟炒飯，未計飲品，已差不多$80落單不久，炒飯已經光速到達。炒飯賣很頹，已店名「大渣哥」命名，實在有點自拆招牌。 炒飯一看就知不是熱辣出品，只有餘溫，毫無光澤，似冷飯多於炒飯⋯⋯份量也不多，男生未必夠飽。但品質實在難以入口，還是吃剩了。 黑牛黑麵 $52主打的黑牛黑麵則乎合理想。新鮮牛肉夠軟嫩，秘製沙嗲醬很濃厚，配上粒粒花花碎，甚有咬口。 麵條硬度剛好，配上濃郁沙嗲醬夠惹味。 跟麵的丹麥多士只有平時吃的一半，口感還算酥軟。炒蛋夠滑溜，蛋味還算不錯。 火腿跟牡丹樓魚柳包的芝士一樣，只有半塊，而且是白

真心每次都好多人排隊，排咁耐真係好油好熱，但有啲嘢係值得嘅。入到去樣樣嘢都好新奇，好多菜名都好有理念，好似「豉油汁」要叫「自由汁」、「西多」叫做「幻彩詠西多」咁，連枱與枱之間塊膠板，都寫咗好多特色字句。我個人雖然唔太認同拎呢啲野做gimmick，不過有理念、唔過份又有做實事嘅或者都唔係壞事，當然啦，開得餐廳最緊要都係好食。餐牌上面超多選擇，食過佢嘅常餐、豉油汁雞扒飯、熱狗。常餐嘅麵面係丹麥多士，炒蛋用咗極多牛油去炒，加埋一齊食極度重口味，我就食到一半已經膩咗搞唔掂，所以對常餐嘅評價一般，唔係唔好食，但真係極鍾意食濃味嘢嘅朋友先會鍾意。豉油汁雞扒飯要比較光榮嘅話，就真係無得比架喇。不過呢度塊雞扒都算炸得幾好，外面脆卜卜，雞皮算薄身，油香岩岩好，咬落雞肉彈牙唔乾，所以都OK。至於美帝肉醬熱狗真係我嘅大推。肉醬有少少芝士拉絲，唔會過份咸，但都好夠濃味；麵包夠熱夠軟熟，亦都幾索汁下；條腸仔亦都唔係HEA嘢，大大條熱狗腸，一咬爆汁，唔油唔散，肉質夠實。三樣嘢加埋，大件夾好食，CP值相當高呀。要試！ Overall不過不失，不過可以一試！