大渣哥茶記 (已結業)

尼間茶餐廳唔會未聽過啦 😏 以前好愛食佢哋小食店既腸粉燒賣餐 🤤 而家茶餐廳都開埋，當然唔可以錯過啦 （😛 雖然遲左少少先黎支持）不過記得黎食要帶身分證啊👍🏻今次🐻同朋友星期六中午時間黎，唔洗等就入得，剛好夠鐘有午餐啦，所以試左「黑牛黑麵餐」、「XO醬叉燒蔥花滑蛋飯」、「黃金單骨雞翼」仲有「凍奶茶」「凍檸茶」是必須的🤤推介/意見‼️✨「黑牛黑麵餐」即係沙嗲牛麵，特別地配上丹麥多士同火腿炒蛋，沙嗲汁真係比一般見既黑 🤣 高質濃郁既沙嗲牛肉汁唔容易遇到，而佢就當然唔會令人失望啦 😄 ✨「XO醬叉燒蔥花滑蛋飯」見好多人推介就叫佢黎試，點知大份到嚇死人 😂 兩個女仔share都好多，大食既朋友必叫 🤣 特別欣賞滑蛋超滑，而且鍾意佢有埋洋蔥🧅，加左好多分👍🏻 XO醬唔算辣，但加埋醬油一齊食超級惹味😍 ✨「黃金單骨雞翼」係驚喜之作‼️ 雖然單骨雞翼唔會大得去邊，不過佢既黃金（咸蛋黃）真心邪惡到一個點，每隻翼都會佈滿左，總之就好食啦 😈✨「凍奶茶」「凍檸茶」發揮正常，而且超大杯，食茶記必叫啦 😂價錢‼️$52「黑牛黑麵餐」$56「XO醬叉燒蔥花滑蛋飯」$60「黃金單骨雞翼

噚(5-11-2020  Thur)晚同老公,男友人RK睇完戲後開餐,呢喥由戲院走嚟只係一條馬路之隔,又有天橋連接,非常方便.去到,店員要其中一人show一show身份證背面至俾入,確保大家都係自己人.我哋坐咗張卡位,然後叫咗3個有湯,白飯同餐飲嘅小炒套餐:1. 例湯係霸王花紅蘿蔔湯一入口飲到陳皮味,但飲得出冇味精同煲咗幾耐吓,夠火喉但又唔會太濃,好好味.從而開始覺得佢嘅嘢食應該唔錯.味道:5分2.熱奶茶呢個係我嘅,都唔算細杯,茶味都夠嘅,口感順滑.味道: 4.3分3. $109.00嘅秘製威士忌火焰牛肋肉端上嚟後,侍應加啲威士忌後點火,由於現場太光猛,所以影唔到火焰,等火焰熄咗後,我哋就起筷.由於係牛肋肉又大大舊,所以係啖啖肉,食得開懷,味道又好,唔錯.味道:5分4. $79.00嘅枝竹豆腐炆火腩用鍋上保溫,好熱.呢個口感同味道都正常,OK嘅味道:3分5. $79.00嘅蜜桃生炒骨酸甜味啱啱好,仍脆口,好味.味道:5分6.白飯大大碗,但略嫌唔夠水.味道:2.8分環境:非常光猛同闊落,冷氣溫度適中.衛生:好乾淨,近乎一麈不染.其他:睇見佢menu幽默嘅命名真係好惹笑開心,可以抒發吓.

其實都食過大渣哥幾次， 每一次有friend響附近約食飯，佢地都會不約而同咁話食大渣哥， 講真，佢又真係幾好食嘅，抵佢俾我d friend點名要食之前兩次， d friend都係食黑牛黑面， 係唔同嘅friend都要食黑牛黑面, 今次呢個friend終於唔係叫黑牛黑面喇 我地可以叫小炒喇. 我地揀咗蜜桃生炒骨同臘味炒芥蘭苗。 唔駛問， 當然好好食啦~ d臘味好香， 唔太咸又唔太乾，唔油，好好食~ d芥蘭苗又好嫩， 好有芥蘭味，唔苦~ 超好食 個蜜桃生炒骨都好掂， 我地連配菜都食晒， 乜都冇剩， 抵食又好食成餐飯都好滿意， 應該都係因為武漢肺炎，搞到民不聊生，好多人都唔出街，再加埋monday, 所以冇人排隊。 呢個武漢肺炎同垃圾正苦嘅所謂防疫措施， 真係搞到各行各業都好慘， 其實一早封關咪得囉， 到而家都唔封關， 反而封香港市民唔俾去街， 極度反智。。。。 有d咁嘅垃圾正苦，我地唯有自己求神拜佛，希望有神明疪佑啦。。。。

依家有邊個唔識大渣哥😆一路都想食好耐，咁啱過到嚟依度開會終於有機會可以食到😍好彩啱啱響真係中午人哋放飯時間前去到舖頭，所以唔使點等位就已經即刻入到去，入到去5分鐘出面已經有條長龍🤭恨左好耐想試佢既黑牛黑麵好耐，轉埋出前一丁，加多杯香濃凍奶茶，正😋真心佢個沙嗲係香濃有心機既，係幾好味，常餐冇乜嘢好評論，但係真係整體嚟講有咁嘅質素算係唔錯👍🏻希望快啲開多幾間分店，之後有機會再試埋其他嘢食😋

由佢一開就好想食! 不過一直都係排晒長龍，冇辦法食。最近放工早收同男朋友經過見到冇人排隊見到即刻沖去食。見到有各式各樣嘅餐，樣樣都好想試。最後見到隔離枱上咗碟魚香茄子煲，10分吸引最後就叫咗小菜。碟椒鹽豬扒大大嚿10分野味！個魚香茄子煲更加係冇得彈！杯凍檸茶又大杯埋單都係$200有找。覺得個廚房做得非常好，有意外驚喜。下次應該會試埋佢啲下午茶，見到有三文治好似好大份，座位方面，就比較迫啦。而且入座時間只有一個鐘，如果想坐得舒服或者坐耐啲就未必啱你啦。

大渣哥成日都排晒長龍今日決定一早黎，早餐唔洗排隊啦呱？果然可以直入，正，哈哈早餐來來去離不開沙嗲牛麵但依度早餐竟然無.....獨立左出黎做左個黑牛黑麵餐...老細識做生意點都好，係要試下既先講杯奶茶，夠熱，有茶味又唔會苦澀算係咁，不過不失丹麥多士方間少見，幾特別炒蛋份量多，但不夠熱...火腿一樣，扣分主角沙嗲牛通，係好食既沙嗲味濃，牛肉入味夠淋通粉算係軟硬適中，唔錯總括黎講唔差既，係唔夠熱囉又貴貴地....以上食評只反映本人立場，如有類同，實屬不幸

黎到九龍灣一定要食食大渣哥啦，一直都冇機會黎食，今次終於可以食到啦，入餐廳之前，職員要檢查你的身分證......餐廳全幾闊落，四人卡位都坐得舒服。見到xo醬叉燒蛋飯，一眼就認定了你，好快就落餐，d餐都黎的好快，職員放底餐具，我地要求比杯熱水洗洗餐具（疫情期間出街食野都係謹慎d好），職員都好快比熱水♨️，我地發現其中一隻羹痴住一pat 飯粒😟叫餐廳員工幫我地換左一set新餐具🍴，職員都好多幫我地換左，比我一個印象，就係快😂講返食物，呢個xo醬叉燒蛋飯超級推介比大家，特別係胃口大嘅人😍唔係講笑，兩個女仔都未必食得曬，唔單止飯多，叉燒同飯都好多，多到可以撈飯食！高質！

去開呢頭翻工，就順便揾埋好朋友一齊再戰大渣哥🤘🏻雖然係平日夜晚，但都比想像中多人，仲要排隊齊人先入到坐🤭.周圍都有啲特色poster✨餐牌上有好多好多港式選擇，不過咁啱我真係唔太肚餓，就喺云云選擇中揀咗相對普通嘅常餐😂😂份量比想像中大，雞排都好大塊🤩炒蛋份量多，食完都有啲飽😶多士用咗特製嘅包，配埋牛油食落鬆脆可口😋略嫌啲米粉太吸水、啲面都塌曬😕😕整體而言都幾抵食，份量大，不過價錢比一般茶餐廳貴😂😂

今天放假，就同老婆拍拖捻住去淘大花園睇戲，今未肚餓又未夠鐘睇戲，就特登走去食渣哥，去到D服務員都有禮貌，今安排坐低之後，我地就點餐，因為我同老婆未肚餓，今就叫在一份三文治，同一杯雪糕紅豆冰，問題就出現，同我落單的高大男同事，服務態度太差自己落錯單，一句唔好意思都無，就黑面離開，好似我錯咁，本來這間店都ok，但就比這個員工應向我用餐的心情，真係有D失望，可能我幫襯得太少，唔係客人

成日經過都總有條人龍，呢日放假專登約食早餐，避開排隊🤗要左個外國勢力早餐$42同黑牛黑麵$52～齋睇價錢黎講比起其他茶餐廳的確稍貴，但唔緊要，試下味道再講外國勢力早餐要左雞扒、腸仔、太陽蛋，配以麵包同粟米粒。雞扒好鬼大塊！醃左先拎去半煎炸(?)，好香脆！同一般啲早餐set唔同，包係特別啲嘅丹麥麵包，好香牛油味，肥仔啲🤣黑牛黑麵個set就揀左炒蛋，係滑嘅。沙嗲牛通個湯底略嫌太鹹，但要讚下牛肉片份量好多而且都幾厚切，啖啖肉！兩個早餐食完飽到下午茶時間🤣🤣🤣

呢日咁岩嚟到九龍灣 覺得一定要嚟幫襯下渣哥！去到條龍都幾長下 但等咗冇耐就入到 等既時候仲有店員貼心提供把遮畀我地遮太陽tim! 咁貼心既茶記邊度搵💛食物方面都好有水準!我地order咗大渣哥炒飯同蔥油雙雞全翼煎蛋飯 份量同材料完全冇吝嗇☺️而且仲好夠鑊氣同味道 食到要捧住個大肚腩走!😝

渣哥開左第一間茶餐廳，當然要去試一試身手啦。唔知係咪因為有太高期望，食完之後有少少失望。價錢方面比一般茶餐廳貴$10至$20左右，而份量就比一般茶餐廳少。首先叫左份茶餐廳必叫的炸薯條🍟，黎到嗰下真係有啲嚇親，份量少到好似已經俾人食過咁，價錢亦都唔係特別平，味道方面就一般，都叫做香脆可口。跟住叫左碟炒公仔麵，頭一兩啖覺得唔錯，但係食多幾啖就覺得好油，一路食一路見到d油，到最後直頭膩到食唔落。仲有一杯幾好飲既特飲總結而言，未食過可以黎試下，但係如果要排咁耐就真係唔係好值得。

小編好難得fing咗出去九龍灣，第一時間就諗起大渣哥茶餐廳，而小編有冇食過喎，咁當然就走去食啦！終於有機會試到佢早幾個月出嘅黃芝丼喇！🤓.小編揀咗黃芝丼嘅牛肉ver, 講真我冇諗過成碗飯係禁大碗，極多芝士汁！😍 味道係有驚喜嘅，芝士味好濃，但又唔會太膩，唔會越食越滯！而牛肉份量都幾多吓，可惜好唔好彩地食到一兩片有筋！🙁 牛肉汁味有啲偏淡，即使啲飯索晒啲汁，但好似冇乜牛味咁⋯🙈 都幾依賴啲芝士汁！😂.呢個飯$48冇跟嘢飲，小編係冇嗌到嘢飲，但又可以係唔飲水嘅情況下食得晒成個飯！都幾證明到唔會越食越滯！🤣 小編覺得呢個價錢加多幾蚊加埋嘢飲好似抵啲咁囉！😗

佢嘅唦嗲味非常濃郁，令到啲麵都撈哂啲汁，好好味。因為我本身好怕啲餐會整到啲牛肉太淋，但佢地嘅牛肉口感就好好。佢地嘅麵包係用左丹麥麵包，佢嘅口感係類似扎實版嘅酥皮，再加上牛油，超級好食。好想下次可以單叫呢個包食呀，但可惜佢只係可以跟餐包埋。個滑蛋淨係見到佢個色澤都知好靚，真係又滑又香。成個常餐係非常飽肚呀！食落係勁濃嘅黑椒味，身為黑椒迷嘅你一定唔可以錯過呀！面頭仲有厚厚嘅芝士，超級邪惡。佢嘅雞肉都幾嫩滑。飯底有撈左啲炒蛋增加香味同口感。呢個飯嘅份量又係好大呀，我覺得兩個女仔些牙食就岩岩好啦！飲品都大大杯。飲品甜度岩岩好。我最欣賞就係店主嘅創意十足，道道菜名都超級特別有趣，睇到都開心哂！以下就係佢地嘅餐牌：

中秋節去 一嚟到就俾咗個月餅我哋食🥮😭老闆同我哋傾咗下計 原來個月餅係佢哋自己整🤩質素同出邊賣冇分別 支持下年開賣😋呢度啲嘢食太大份 今次學精左三個人食兩碟👅❣️XO醬叉燒蔥花滑蛋飯 $56呢個勁正‼️分量大到兩個人食都飽😂叉燒同滑蛋都好多 配埋XO醬同甜豉油勁送飯🥰佢嘅飯又係好粒粒分明🍚 真係落足料👄 好推薦🥳❣️乾炒雞扒公仔麵 $58呢個都好唔錯 有鑊氣🔥😋公仔麵炒得乾身 唔會黐埋一pat🥴雞扒已經切好咗 好港式既味道💛出品都係咁穩定 選擇又多 環境又舒服又💛👍🏻