大渣哥茶記

由佢一開就好想食! 不過一直都係排晒長龍，冇辦法食。最近放工早收同男朋友經過見到冇人排隊見到即刻沖去食。見到有各式各樣嘅餐，樣樣都好想試。最後見到隔離枱上咗碟魚香茄子煲，10分吸引最後就叫咗小菜。碟椒鹽豬扒大大嚿10分野味！個魚香茄子煲更加係冇得彈！杯凍檸茶又大杯埋單都係$200有找。覺得個廚房做得非常好，有意外驚喜。下次應該會試埋佢啲下午茶，見到有三文治好似好大份，座位方面，就比較迫啦。而且入座時間只有一個鐘，如果想坐得舒服或者坐耐啲就未必啱你啦。