大渣哥茶記 (已結業)

🍴大渣哥茶記又來到大渣哥晚飯，這裡的晚市套餐大件夾抵食，一個價錢包白飯，餐湯和飲品，經濟實惠。📍秘製威士忌火焰牛肋肉 ($109)牛肋肉份量頗多，侍應會在上菜時即場點燃威士忌🥃， 茶茶廳都有如此噱頭，感覺誠意可加。由於現場光猛，所以當威士忌淋在牛筋條上時，火焰已不太明顯。味道方面，牛筋肉炆煮得恰到好處，軟硬適中，帶有酒香，配以紅蘿蔔吊味，啖啖肉，嗜酒或愛吃肉類的朋友必點。💡值得注意的是，由於不是用紅酒或甜酒烹調，是以烈酒威士忌，所以酒味會有一點濃，帶少許酒味本身的苦澀，所以未必適合小朋友食用。📍麻婆豆腐火腩 $79這道小菜是筆者大愛的單品，晚市小菜中的最愛，也是筆者認為最佳的下飯菜。麻婆豆腐中多入少許榨菜絲令整道菜式更惹味，火腩不是下欄邊角料貨色，而是腩仔部位。吃下每一口都是浪漫，筆者是女生喔！但感覺實在太爽了，先不管會長胖的事情，白飯大口大口地吃吧！📍油菜 $20配合均衡飲食，筆者還是點了一客油菜，追加只是$20，是划算的單品。餐廳服務周到，食物上菜速度快，份量足，味道好，格局舒適明亮，值得一再回頭👍🏻👅味道：4.8/5💰CP值：5/5🕴🏻服務：5/5🔰餐廳環境：5/5🍽 餐廳：大

每次食渣哥都食佢嘅自由西餐，因為薯條係超級多，成個碟嘅底都鋪滿薯條，但就係普通冷藏嘅薯條，感都冇乜可以評論，但份量的確值得一讚，另外佢地嘅牛好有牛味，口感就不過不失，有次就真係好韌，頂唔緊還左塊，普遍水準唔錯

這家店味道真的ok，滑蛋叉燒，滑蛋xo醬味道很好，但是叉燒差一點，有點不夠Q彈，不好吃，但是整體味道唔錯的。美祿恐龍好飲，味道幾濃郁，咖哩豬排飯也都酥脆可口！！

週末又再外出懲罰黃店，今次食下午茶就唔使等位，填好資料同量完溫度即可入座。店員好快就幫我哋落好單，上食物速度都好快。黑牛黑麵 $52黑牛黑麵係全日供應嘅，可以揀公仔麵丶通粉或米線，隨餐會有埋丹麥多士，炒蛋/煎蛋及火腿。多士表面烘到脆脆地，而且好香牛油味。炒蛋就炒得比較熟，味道都偏淡。收嗲（沙嗲）鮮牛肉公仔麵嘅牛肉都唔少，而且肉質幾嫩滑，沙嗲汁好多，味道好濃郁，公仔麵軟硬度適中。整體來講，食物質素都屬中上，下次會想再試埋其他食物，再嚟支持呢間香港人的茶餐廳。

今日走左去香港人既飯堂 果然好地道🤪呢度冇打卡既裝潢 冇精美既擺盤但卻有一份人情味 係本土既味道🇭🇰去到夜晚9點幾 依然仲有好多人入黎😲大家都會覺得 寧願食快少少 都要支持一下渣哥🤣不過渣哥真係驚大家會餓親😳碟碟都大大碟 連碗飯都大過人 直頭可以分兩餐🤭食過先知佢唔係只得名氣 d小炒都真係幾好食👍🏼-🔸 蜜桃生炒骨 我地見到隔離枱食呢味生炒骨 覺得好似好正咁🤤於是我地都打算試下呢個作為茶記唔應該失手既小炒🤔淨係睇相 都見到有成十幾粒生炒骨 唔係配菜多過乜😲唔係粒粒肥膏得個樣 而係粒粒都有咬口👍🏼酸甜度適中 仲有大大舊既蜜桃配搭🍑正呀😍-🔸 椒鹽鮮魷 又係茶記既另一作品 好睇師傅有冇做好撲粉呢一part🤔呢度既椒鹽鮮魷撲粉就做得好 所以炸得好鬆脆🦑亦都唔會有食緊一堆粉團既感覺 呢點好重要😌而佢既椒鹽味都處理得好好 唔會過鹹同過辣🤤不過個鮮魷就稍為有少少韌 但又唔係舊舊都係咁可能係某d部為問題 但總括黎講都好好食🤣-🧸🌞C.ookingbear推介指數 👉🏼👉🏼8️⃣🌟

小編其實比較少去九龍灣但想食大渣哥好耐好耐😭所以放工即刻衝左入去食📍西多士（$ 30）本身諗住試幻彩詠西多點知原來好似下午茶先有好sad😭不過西多黎到依然好高質超級厚 外脆內軟 滿滿嘅蛋味😋面頭有半溶牛油，入面都夾住大量嘅花生醬加埋糖漿成件事真係太邪惡!‼️間唔中食一次都覺得好幸福📍柯Day壁佛士（$ 76）小編見到個名就已經好想笑🤣🤣呢個餐都好多配料小編就揀咗雞扒同炒蛋〜另外再跟法蘭克福腸，煙肉，丹麥多士，薯餅同沙律成個早餐出到嚟好豐盛顏色好繽紛😍真係見到都流曬口水🤤法蘭克福腸長到成隻碟咁〜丹麥多士好好食 夠熱最推係個著餅 炸到金黃色好脆😎如果大家咩都想試 不妨建議大家試下呢個餐～📍野菌松露汁焗魚柳飯（$ 66）呢個飯喺運送途中已經聞到勁重嘅松露味👍🏻份量超級多 而且有足夠既松露汁基本上每一啖飯都可以食到😈真係色香味俱全！ 魚柳亦都有3-4舊 質感偏軟意外地同松露汁都幾夾再加埋啲野菌真係good good啊🤩不過呢個醬汁食得多都會有啲膩建議兩個人share 🤪——————————————————————味道：8/10抵食：8/10環境：8/10

仲記得果日佛誕陪媽咪揾唔到邊到有得食齋，誤打誤撞惟有食呢個，點知個服務態度好到雖則個野食未出色到寫一篇食評但都決定要係呢個食評多謝呢間餐廳👍🏻！喺門口嗰陣我哋就有問佢有冇齋食，佢哋好清楚咁解答邊幾道菜係全齋，嗰個天氣好熱門口仲有長遮比排隊嘅人可以擋一擋個太陽🌞-咖哩雜菜蛋飯🍳$66-咖哩🍛比較稀身，但都夠辣夠惹味🌶️配料有炸過好香口既薯仔🥔、小唐菜、紅蘿蔔🥕、娃娃菜🥬等各式雜菜。碗白飯🍚份量驚人🙀米飯🍚上既簡單一督就流哂心好誘人🍳，隔離配菜係新鮮番茄片🍅同沙律菜🥗。黃金炸芋🍠$38-如果無記錯應該有成6️⃣大粒圓碌碌漲卜卜，食落入面熱辣辣好煙韌，芋頭就好香甜，食落好棉好細滑唔痴牙，入面更有少少鹹蛋黃畫龍點睛，整體香口得黎一啲都唔會膩！

放假同朋友出咗去九龍灣，諗住去行宜家傢俬，點知原來喺附近就有大渣哥，咁當然要去試吓啦，嗰日去嘅時候落雨，我哋就擔住把遮排隊，Lunch嘅時候都好多人，但個個都守規矩排隊。當然要試吓佢嘅蔥油雞扒煎蛋飯，蔥油味好濃郁，配埋佢嘅豉油真係不得了。我哋又嗌左一個黑牛黑麵，個名好正🤣朋友就叫咗個口水雞飯，佢嘅口水雞同平時食開嘅唔同，個味好特別，雖然唔係傳統嘅口水雞味，但我覺得仲好食過傳統嗰隻🤞🏻我哋三個人都嗌左菠蘿冰😅好味😋下次經過一定會再食

在九龍灣工作的我，渣哥是我的指定飯堂。已經第N次食渣哥，叫左個打躉常餐，多士同炒蛋一貫高質，塊香煎雞排又幾香，但我個人就比較喜歡吞Pop 下午茶。可惜遲左少少到，過左個下午茶時段，唯有試試新野。另外提提大家米粉唔好配雜菜湯。唔係啲米粉同雜菜湯有問題，兩者本身都好高質，但由於米粉比較吸味，雜菜湯本身又有微酸，如果食得慢少少，米粉會吸左雜菜湯既酸味，成個粉就會浪費左。始終係工廠區，晚餐時段會比午餐時段少人，如果唔想排隊既話可以考慮晚餐先黎，但我個人就比較鍾意佢個下午茶。

支持黃店 你我有責⭐️小菜包例湯+白飯+飲品整體好大份 足料 算係好抵食-例湯係紅蘿蔔合掌瓜湯應該有用雞粉 但好少好少感覺煲咗幾耐吓 好夠火喉 清甜👍🏼😚白飯大大碗 飲品大大杯 湯都大大碗😂望到都覺得豐富✅-秘製威士忌火焰牛肋肉 ($109)牛肋肉好有睇頭 上枱之後即場點火現場太光 所以影唔到d火焰😂食肉無咩whisky味 但係啲汁就有😎✌🏼牛肋肉大大舊 啖啖肉 味道又好 唔錯😋配菜仲有紅蘿蔔 夠入味不過有少少重口味 啲汁濃左d鹹左d-椒鹽鮮魷 ($88)炸得好脆 炸蒜好多 整體都好香口不過鮮魷炸粉多左d🙁雖然都有好多件 但係炸皮多過頭食完覺得好熱氣 仲有啲鹹-唔知係咪叫咗兩個小菜都重口味食完真係好口渴🤣下次都係食個健康少少🤣要試吓佢個叉燒蛋‼️--📍 大渣哥茶記 (九龍灣)九龍灣常悅道21號The Eastmark地舖

之前經過幾次都好多人排隊就未去試原來真係有原因乜都大大碟 大大杯大到自問大食嘅我都食唔哂黑牛就係為咗丹麥多士而叫嘅好味😋味道都係正常茶餐廳咁牛肉較出面嘅新鮮🤤炒蛋真係超大份 又大又滑爭啲遮埋下面塊火腿而焗豬就炒飯底茄汁都唔錯 芝士可以拉絲豬扒就已經貼心地比你切好一舊舊💛而且亦好夠腍奶茶檸茶就好似茶餐廳嘅水準但就大大杯黑牛黑麵 $52 (凍飲+$3)🙆🏿‍♀️鮮茄焗豬扒飯 $66 (凍飲+$3)🙆🏿‍♀️

由小食店變大舖做茶餐廳，次次行過都大排長龍，正所謂早起的鳥兒有蟲吃，730am 去終於唔洗排，輕輕鬆鬆食早餐支持一下外國勢力早餐有雞扒睇仔煎雙多同丹麥toast ,加埋熱飲個toast 重牛油香，蛋切開蛋黃仲有汁，但雞扒有小小酸味豬扒公仔都，跟蛋同toast ,太陽蛋夠生，是用了出前一到麻油味公仔麵，煮到仲爽口，咁食到尾都唔怕麵質變淋身嗑，豬扒大大塊。以四十幾蚊好抵食呀，食要早提供energy ！附近仲有好多同色店都要幫襯

又口痕過嚟九龍灣買享樂烘焙🤤 當然都要順便幫襯下隔離嘅大渣哥下午茶啦💛估唔到茶餐都咁大份😆連餐飲都咁大杯😙本身仲諗住輕食，點知食到好飽🤤 🍗 渣大大焗炸雞髀配渣哥碗仔翅 ($56)炸髀超級大隻，炸得好香脆熱辣辣🤤仲唔知點解送多咗隻雞翼比我😂 食完大大隻炸髀已經好飽😋 仲有碗仔翅😆🍳 打躉常餐B ($50)炒蛋又滑又大份😍丹麥多士好鬆脆好香牛油味🥰五香肉丁公仔麵好耐都無食過，係好令人懷念嘅茶餐廳味道😋😋凍飲加$3，大大杯，熱辣辣都即刻gur晒🥰🥰

同朋友兩人晚市去食，一入去就被安排四人卡位，坐得好舒服。環境方便，冷氣較凍，怕凍既朋友要多帶伴外套。我地兩個叫左小炒，包例湯、白飯、飲品，真係好抵。大渣小炒叫左：椒鹽豆腐和秘製威士忌火焰牛肋肉。 牛肋肉好有睇頭，waiter 會在你面前倒whisky上去，再點火，不過火的顏色比較弱，食落都無whisky味。食落都好大碟，配菜仲有紅蘿蔔，我地兩個食到連牛肉都有剩。椒鹽豆腐唔算太脆，但都好香口，size 可以一啖一件豆腐。 我上次食左豆腐火腩，有比較之下，椒鹽豆腐會比較寡。一樣都係食唔曬 😆埋單$218，真係平靚正之選。

《黑牛黑麵 配公仔麵+丹麥多士+火腿炒蛋+熱鴛鴦》其實是沙嗲牛肉麵，用鮮牛肉，真係好黑，攪兩下成碗麵都黑埋，名副其實黑牛黑麵，但牛肉一樣咁有味，公仔麵彈牙，值得一試👍🏻而丹麥多士同炒蛋都保持水準，丹麥多士都係影得唔好😂 其實似牛角包咁一層層🥐，烘過加牛油，好正，個炒蛋都好大份好滑🤤熱鴛鴦夠香滑濃郁👍🏻總括而言，食物係有質素，但黑牛黑麵就有d貴，不過其實成份餐極大份，應該有唔少女仔食唔哂，所以性價比其實都唔低。