大渣哥茶記 (已結業)

嚟到九龍灣冇理由唔去食大渣哥，最鍾意食佢嘅西多士，佢嘅西多士夠晒厚身，中間有滿滿嘅花生醬，即叫即整夠晒新鮮，配埋糖漿及牛油，簡直係完美嘅配搭，食西多士一定要去茶餐廳，因為佢嘅西多士即叫即整，相比起大型連鎖快餐店嘅西多士，又乾又淋又凍，真係好難食另一個必食嘅就係沙嗲牛肉公仔麵，沙嗲夠香，牛肉又夠多，又係食茶餐廳嗌食物之一，佢嘅茶餐仲配埋丹麥酥，佢嘅丹麥酥真係好好食，食完之後好想買返一條返屋企第二日做早餐

早上到九龍灣，經過大渣哥見到不用排隊 (午飯時排隊需時) 所以決定吃個較早午餐。點了經典的港式早餐口味:五香肉丁公仔麵，炒蛋配丹麥多士，茶走令人滿意的香滑炒蛋，生熟剛好，是澳牛類型的炒蛋 (不是普通茶記種類) 多士也十分香脆，牛油味重。五香肉丁公仔麵是正常發揮，份量也合理，反而茶走的茶底濃郁，甜度也適中。值得一讚是餐廳效率和服務態度不錯。分工由不同員工有門外招待，點餐，上菜，結帳等，由進入餐廳至吃飽結帳，不用10分鐘，是標準茶餐廳效率加上好的服務，位置又方便，給食客的感覺不錯。

一直都係大渣哥茶記fans~🤭特別鍾意佢嘅炒粉麵飯即叫即炒好夠鑊氣今日下午茶時間黎到叫左兩款吞pop下午茶😊😊🟢 迷你櫻花蝦炒飯 $43 🟢份量一d都唔迷你🙆有生菜、叉燒、火腿飯面上有好多櫻花蝦跟餐有飲品，價錢唔貴👌飲品方面叫左凍檸茶茶底幾香唔會好濃香港人最愛💘 🟣 迷你乾炒豬扒公仔麵 $43 🟣女仔食都好夠食🙈豬扒炸得好乾身但唔會好油撈左芽菜一齊炒好香~ 唔會覺得好heavy! 🌟

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎中午好多人排隊，好欣賞佢既店員好𝘤𝘢𝘳𝘪𝘯𝘨，會預先問定人數、比定紙仔你填/ 掃𝘤𝘰𝘥𝘦，遇上好曬或者落雨時又會比埋遮你。🌊馬來炒貴刁 落order 時提左炒野要20 -25 分鐘，但10分鐘左右就有啦。賣相夠黃好吸引，都落好多料，有勁多蝦，咬落都彈牙唔會D肉係梅既。仲有火腿絲，芽菜，芝麻等等。鐘意貴刁夠粗身果種口感，佢既咖喱味都好夠，食落好野味。📍大渣哥 九龍灣常悅道21號𝘛𝘩𝘦 𝘌𝘢𝘴𝘵𝘮𝘢𝘳𝘬地舖

餐牌上種類繁多，思前想後，諗左好耐，最後，揀選左三樣食物。一個扒餐，一份魚頭，一碟清菜勁多薯條，食極都食唔完，好抵食蒸魚頭，熱辣辣，新鮮惹味。啖啖肉，又係性價比高。炒清菜，正常不過不失。茶餐廳唔會吹人下單，想要杯水，上個白飯，又會有人即時回應。侍應雖然離不開粗粗魯魯，但麻甩得黎又不失人情味。食個飯，輕輕鬆鬆傾下計，又一餐。

開左咁耐 開到銅鑼灣都有分店都仲未食過 之前全盛時期無時無刻排長龍 阿姐不斷CHECK人身份證先可以入場 今晚2030去到寫個紙仔就輕鬆入座 一張MENU前後兩版有曬早午晚餐 所有價錢都比一般冰室貴20蚊左右 最後簡左經典焗豬扒飯同XO醬滑蛋叉燒飯 值得一讚係服務 我地一開始叫左兩個焗飯 1分鐘後想轉軚 佢地話雖然個飯已經入左爐都肯幫我地轉 感動！ 雖然依度比其他地方貴 不過佢份量無論野食定野飲都比其他要多 先講XO醬滑蛋叉燒飯 成座山咁高 醬油係另上可以自行調味 係細心既 不過隻蛋比較熟 變左有D似芺蓉蛋飯不過係叉燒 同其他冰室既滑蛋叉燒飯比有D遜色 其後焗豬扒飯 質素一般 有更好既選擇 下次見冇人排一定會返黎試下個WASABI口水雞！

今日難得约了離開公司的舊同事下午相聚一下，剛好夾到大家都在九龍灣，不約而同也說好耐無支持大渣哥，要去支持一下。大渣哥茶餐廳來說環境企理，侍應服務貼心，是我們九龍灣之友經常的去處。平時好少下午茶時段去食，所以一見個餐牌就見到幻彩詠西多就十分好奇，忍不住叫來試下。來到馬上嚇到我們，上面的朱古力和糖粉的賣相靚到一個點，而且熱辣辣加上甜甜地，真的食得好舒服。雖然我同朋友也怕肥也忍不住喪食，而且影了好多相，。就這樣談談天，食下野，就過了一個下午了~

今日又來到我最愛嘅茶餐廳大渣哥嚟咗咁多次都係第一次寫食評。今次黎到九龍灣分店，喺德福廣場行落嚟都好近好方便。今日唔使排隊，即刻可以安排入座。黑牛黑麵，其實即係沙嗲牛肉麵，好重沙嗲味，又有花生醬味，麵質好爽，值得encore!熱奶茶都好重茶味，因為太重茶味，飲完夜晚有d 訓唔著😂另外叫左豉椒牛肉炒河，牛肉份量足，好有獲氣，雖然炒河出名肥膩，但炒到感覺不會太油，食哂成碟easy job! 飲品就叫左凍奶茶，熱同凍感覺好唔同，凍奶茶滑口好多

做完gym同朋友去咗大渣哥食tea，坐低望望餐牌好快就決定叫炸雞脾沙律同埋肉醬熱狗餐😆🤘🏻我配最愛既熱奶茶，朋友要左熱檸茶。個炸雞脾新鮮炸起熱辣辣，佢地既炸雞脾係無炸粉個隻生炸脾，雞皮喺脆既，雞脾裡面喺juicy同嫩滑嘅雞肉，冇炸過龍。沙律喺雜果沙律，普通。奶茶夠香濃夠滑唔劫 合格！肉醬熱狗中間夾左好多肉醬面頭芝士都好夠多，所以食落啖啖滿足。如果以下午茶餐黎講，我覺得大渣哥喺好okay既！推介🤘🏻

大前日(4-9-2021 Sat)朝,老公突然提議同今個月生日嘅男友人RK睇戲食飯慶生.我哋search到去邊間睇戲後,亦決定嚟呢喥食晏,食完至睇.RK話,同舊年一樣(上次食評係2020年11月6日刊登嘅呢篇: https://www.openrice.com/zh/hongkong/review/%E6%A5%B5yeah-%E6%94%AA%E7%AC%91%E5%A5%BD%E5%91%B3%E9%9B%86%E4%B8%80%E8%BA%AB-e3856090).嗯,的確係3個人去同一間戲院同同一間食肆,不過次序同時間唔同咗.我同老公先去到,店員話要人齊至入得,佢俾3張紙我哋,話o衣o家未有人排隊,你哋行陣商場先,一陣返嚟話我知,我俾你哋入先.真好人.我哋等人齊喇,一下子人多,填完紙仔後,佢俾我哋入去,而今次唔使show身份證,我哋被安排坐卡位.我哋睇完menu,決定要:1. $58.00嘅蒸神爽脷餐,土魷蒸肉餅,加$3.00要凍檸茶肉餅夠鬆軟,冇豬肉膻味,土魷味道唔太濃,成個肉餅都唔太鹹.味道: 4分2. $66.00嘅餓抵午餐精選A, WA渣BI芥末蔥油雞飯,加$3.00要

今日落咗九龍灣！去食左一間頂級的茶記！佢可能係全東九龍最好嘅茶記，但好過佢，我未搵到同埋未見過！首先一去到，今日陽光普照，天氣非常之熱！佢哋主動提供左遮俾我哋遮太陽！從來無餐廳會咁樣招呼客人！多謝你哋照顧到客人嘅需要，好快就有位入到去！安排好有效率今日叫咗個自由西餐，份量真係頗多，肉質為中上級，有牛肉味，並唔似其他茶記無肉味！個黑椒汁都比較濃！但味精味就唔算重！配角薯條就比較普通！但都可以接受！至於飲品方面！我好鍾意佢個茶底！有少少香！同埋唔篋！有紅茶嘅味道！又唔會太濃又唔會太淡，非常接近完美！呢間餐廳值得一試！喺亂流下，可能好多人會好失望，要記住可以失望，但唔可以絕望！日子都要過，不如坐低食番啲好食嘅嘢！再出發！相信晴天一定會降臨！

有時會突然好想食茶仔，但有時又覺得茶仔個menu太少選擇。近年知道大渣哥頗多好評，但因為以為位置距離地鐵站和德福很遠，所以沒有去試。今晚才知道原來不遠。常餐 $48午餐肉公仔麵，丹麥多士，煎雙蛋丹麥多士香酥鬆化，帶牛油香，想追加！餐肉麵正常水準，餐肉烘到少少燶，很香口野菌松露汁焗魚柳飯 $66原本對黑松露汁沒期望，但這焗飯一上枱已經香味十足，芝士和白汁濃稠，最重要飯是炒底，份量十足下次再來吃小炒，希望不用排太久吧。

早中去Eastmark搵食，可能因為仲早，見到大渣哥唔多人排隊（平時Lunch Hour超多人），咁就去試下佢嘅早餐啦，見到張Poster寫住「黑牛黑麵」，覺得個名非常特別，於是乎就嗌個套餐試下。📌「黑牛黑麵」套餐 $52「黑牛黑麵」其實就係沙爹牛麵。大渣哥嘅沙爹係用自家秘方去調配，用上黑沙嗲醬帶有啖啖花生粗粒，而且比起平時茶餐廳食到既濃郁幾倍，撈勻落公仔麵到食非常惹味！牛肉軟腍冇筋位，而且好入味，鐘意食沙爹嘅人應該會愛上。跟餐既烘多士係用上丹麥麵包，用牛油烘底先上，非常鬆軟又香口，別具心思👍🏻不得不讚係個炒滑蛋。蛋味香濃又啖啖奶香，生熟度掌握得非常好，食過番尋味😋📍大渣哥茶記Cafe de JarGor心九龍灣常悅道21號The Eastmark地舖

由於唔就腳，從來都冇幫襯過渣哥，咁啱喺隔離街開會，終於有機會一試。幫襯左西式早餐，我對茶餐廳包嘅expectation係頹癈方包烘底再加錢，但係呢間！！竟然！！係正靚包with牛油烘好(見圖)！！OMG我都未試過乖乖地食哂個包。炒蛋都滑。雞排唔柴。其他都正路。上菜快(11點)。枱、地、刀、叉乾淨，冇水漬油漬。侍應都正正常常啦，冇話特別好招呼，但都唔會冷漠唔禮貌。唔太迫，用餐體驗比普通茶餐廳好。下次再幫襯其他野試下。

#大渣哥茶記 💛平日見到都好多人 要排好長龍👀 今日夜晚時間去唔駛點等位🤤🤤小編填完紙仔就入佐去餐廳啦😽😽入到去員工服務態度幾好👍🏻👍🏻Menu上面都有好多野食俾你揀 有小炒 茶餐 三文治等等😋環境方面舖頭好光猛 都有好多座位😆😆坐得幾舒服蜜桃生炒骨 $79💰 (8/10)送到上枱係熱辣辣㗎🔥🔥份量仲要十足👍🏻👍🏻除佐生炒骨 配料仲有青椒🫑紅椒❤️黃椒💛仲有洋蔥🧅蜜桃🍑 呢個配搭女小編覺得好新奇 因為身為生炒骨殺手嘅女小編通常都係食菠蘿生炒骨 冇見過蜜桃生炒骨🙈🙈 呢個配搭我覺得會食到蜜桃嘅香味 但佢又冇菠蘿嗰種甜味同Fresh嘅味🙈🙈個人嚟講覺得菠蘿好食啲🍍 而生炒骨方面 小編覺得好開胃 甜甜地 配埋佢嘅甜酸醬好好食😋 個醬係杰身嘅 唔會話好唏 所以配飯食會更加好食😻😻魚香茄子煲 $79💰 (7.5/10)嘩‼️呢一個魚香茄子煲又係份量十足✨✨都係大大煲 佢有好多嘅茄子🍆 配料有辣椒🌶️ 蔥 等等 每條茄子都好軟腍腍 配埋啲肉碎增加佐佢嘅香味 配飯一流🤤🤤🤤真係無敵 而且佢啲肉碎有好香嘅鹹香味😆😆所以推薦😋😋男小編好鍾意食 但女小編本身就麻麻🙈🙈推薦指數🌟 7.5 / 10 🌟💛#巨B食黃