大渣哥茶記 (已結業)

未試過去大渣哥度lunch，今次經過，就去湊下熱鬧排排隊。星期六既下午一點倒，前面已經有6、7個人等緊，不過佢轉檯都快，所以都係等左幾分鐘就入得，入去既時候，見倒出面條龍仲長。我叫左wasabi 芥末蔥油雞飯同凍檸茶少甜(都好甜)，而朋友就叫左蔥油雞扒煎雙蛋飯。wasabi雞飯質素好好，雞夠滑而且入味，骨已經去左，唔會有碎骨，個汁wasabi 味唔算好重但夠香，可能本身我都鍾意食wasabi，整體黎講都好好食，所以都明點解大渣哥會咁多人。朋友個蔥油雞扒都唔錯，冇咩雪味而且都煎得香口，但就略咸。

大渣哥茶記 @ 九龍灣推介⭐️⭐️⭐️⭐️⭐️/5星滿分下午茶 幻彩詠西多 + 朱古力醬 $36配搭望落好甜但比我想像中好味同好夾原來平時西多加朱古力醬好味d佢仲有原味同士多啤梨醬呢個我覺得值得一試👍🏻👍🏻👍🏻

以前嘅我咩都唔去諗咩都唔去試，朋友屋企人帶住我去邊度食我就跟住去，今日嘅我，出到嚟社會工作，唯有去公司附近嘅餐廳啦我問侍應哥哥有咩好選擇，佢話我知呢度嘅常餐應該係最好味「人生總要為自己歡呼一次」我希望嚟到餐廳食嘢嘅人，好好品嚐入邊嘅味道，雞扒除咗好友咬緊之外，炒蛋亦都多咗好多鮮味。多士一啲都唔燶，配埋牛油色真係好夾

出名嘅黃店緊係要去幫襯下！店員好nice🥰沙嗲金菇肥牛煲（$96)+$20 菜心沙嗲汁幾香濃 同埋幾有鑊氣 牛肉金菇同埋粉絲都好入味 撈埋飯一食唔會好鹹 啱晒送飯 個飯都大大碗😀😀跟餐嘅湯唔重味精 飲落比較清淡 😀不過我覺得價錢茶餐廳來講有啲貴 🥺🥺常餐A ($48)叉燒公仔麵+炒蛋+多士好普通嘅常餐 炒蛋好大份 不過冇咩味 要自己加啲鹽或者黑椒 多士有啲硬😖啲叉燒都好大嚿 同埋個湯底都幾濃同鹹 食完會好口渴😅😅

這頓於大渣哥茶記吃的已是數月前的午餐忽然發現未跟大家分享過，就趁著今天跟大家一起享受這餐美味的茶餐啦！記得那天中午12時來到正碰著烈日當空的時候，貼心的大渣哥預備奪目的黃雨傘給等位的客人遮光擋雨很有意思喔！我們大約等了約10分鐘便可入座，茶餐廳座位當然較為親密但間板亦做到十足也可放心。選好食物最快上檯的必是飲品我例牌飲凍檸檬茶，我吃打躉常餐另加＄3便可擁有凍飲一杯，茶底清澈茶香足加上新鮮檸檬好喝啊~我的打躉常餐＄48包括有叉燒湯意、丹麥多士和火腿炒蛋，份量相當之足絕對夠我填肚有餘，炒蛋尚算香滑而且不油合格了。邪惡的丹麥多士從來也那麼誘人，小小一件酥香可口很好吃。叉燒湯意那湯底是忌廉湯吃下挺香滑，意粉擺脫一貫茶記淋巴巴的口感我喜歡，瘦叉燒絕對帶出茶餐廳的風味整碗意粉水準很不錯呢！車爸爸吃黒牛黒麵餐便有奉送的熱飲，他自然要了深愛的熱奶茶，茶味香濃之餘口感滑溜亦是水準之作。黒牛黒麵＄52內裡有收嗲鮮牛肉米、丹麥多士和火腿雙蛋，靚仔的煎雙蛋非常盪漾吃下不帶腥味不錯吃。而這碗收嗲牛肉米用上鮮牛肉吃得車爸爸非常滿意，而沙嗲汁非花生醬多的那款吃下沒那麼膩，襯爽口米粉吃很匹配。九龍灣的街坊認真幸福有如

去大昌行整車，中途周圍行下，途經見到呢間大渣哥，聽過屋企人講話味道唔錯，所以就入去試吓。座位雖然密咗少少，但係枱與枱之間都有膠板隔開。去茶餐廳食嘢當然想試吓鑊氣，於是我哋叫咗乾炒牛河同肉絲炒麵。飲品方面，就叫咗熱奶茶同熱檸茶。肉絲炒麵嘅面底炒得好脆，好多肉絲同芽菜，我好鍾意。乾炒牛河好有鑊氣，不過我有啲貪心，如果牛肉可以再多少少就更加好。奶茶好滑，令人飲得好舒服，不過茶味可以再濃啲。熱檸茶不過不失，正常茶餐廳水準。埋單大約$130，價錢中規中矩，不過味道確實唔錯，物有所值。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎大渣哥成日都好多人排隊，但 𝘋 店員勁貼心，好曬同落雨既時候都會準備埋遮比食客。雖然係茶記，但我覺得佢既食物一 𝘋 都唔馬夫，同埋幾好食。🌟豬扒米粉配蕃茄雜菜濃湯 ($50)常餐上菜既速度超級快，佢既豬扒超大塊，雖然叫左少米粉但仍然係超級多。雜菜湯底其實係濃版既羅宋湯，但係要好快食晒。如果唔係 𝘋 米粉會吸晒 𝘋 湯。另外既丹麥包幾有層次同埋查左牛油幾好味。炒蛋非常滑，次次食大渣哥都食佢既常餐。🌟銀芽肉絲炒面可能係即整既關係等左耐少少，面底炸得夠脆，個汁有芽菜、肉絲、韭黃、菇等等，尤其係𝘋 菇真係好鬼香，食落唔乾又脆好正。所以都朋友都好鐘意呢個。📍大渣哥茶記𝗖𝗮𝗳𝗲 𝗱𝗲 𝗝𝗮𝗿𝗚𝗼𝗿九龍灣常悅道21號𝘛𝘩𝘦 𝘌𝘢𝘴𝘵𝘮𝘢𝘳𝘬地舖

次次路過都大排長龍，今日襯仲未到食飯時間冇人排隊就緊係衝入去試啦但早食嘅唔好處就係唔太肚餓所以簡單點左個叫黑牛黑麵嘅茶餐先上炒蛋火腿+丹麥麵包，麵包個texture同牛角包好似而家一上已經塗好牛油十分靚仔炒蛋好嫩滑而且有蛋味，又唔會成碟都係油，絕對係高分之作冰咖啡送黎已經會心微笑左一下因為佢係茶記咖啡之中最正嗰種：睇到咖啡同奶嘅分層，面頭再加少少咖啡粉上去，呢個造法保證香濃好飲嘅主角黑牛黑麵，其實就係沙嗲牛麵，但同出面啲沙嗲牛麵絕對唔同，呢隻係好濃好有顆粒感嘅沙嗲，真係用足料整嗰隻尤其是個牛肉嘅份量，十足十返左20年前嘅茶記咁，撈到成個湯啡晒仲有凸，味道當然唔洗講啦你話55蚊連凍飲嘅茶餐係咪貴？單純價錢計係嘅，但大渣哥比返55蚊嘅料你。你問我會唔會翻啅？一定會

平日夜晚黎到九龍灣大渣哥都係人山人海 認真熱鬧💛第一次食💛黑牛黑麵($52)姐係沙嗲🐮麵🍜跟餐仲有丹麥多士+炒蛋✨全日供應 岀奇地覺得不錯🌟好多牛肉之餘 沙嗲汁好有花生醬味‼️又唔會太鹹 撈埋啲湯食一流🥰個麵又唔會煮到好林 沙嗲🐮雖然係好普通但煮得好食都要有功夫👍🏻但個炒蛋就麻麻地🧐無蛋味又炒得耐過頭🧐野菌松露汁焗魚柳飯($66)食得岀有黑松露味👍🏻炒飯底啲飯夠乾身 夠曬飽✨✨✨會encore試其他菜式😎支持香港人既餐廳💛💛為食指數: 3.5/5性價比指數: 3.5/5推介指數:3.5/5

今晚係7月8號收咗工大概6:30左右我就嚟到大渣哥，試吓佢嘅晚餐入到去侍應我哋坐喺二人枱嘅位置，睇吓Menu我就想試吓佢嘅XO醬叉燒蔥花蛋飯，可以一杯嘢飲係免費嘅嘢飲嘅話咁我嗌左杯熱檸水，而我朋友嗌左個馬來炒貴叼，配熱西洋菜蜜都係免費嘅，咁呢第一樣嚟咗先就係我嘅叉燒飯啦一試真係好難忘，係我咁多年以來食過最好味嘅叉燒蛋飯仲有佢跟咗一支特配嘅豉油汁，膠咗的時候執咗撈埋啲XO醬同埋佢嘅但係滑到好似皮膚咁滑好似塊面咁滑，真係好好味我相信我會再嚟食多好多好多次，而我朋友個炒貴叼相對走辣咗少少，我俾咗一碗我朋友試過叉燒飯佢都話好好味好特別，今晚大滿足

最喜歡早餐去大渣哥只食呢個黑牛黑麵餐。上次嚟食已經係一年前，今次嚟食竟然唔使查身分證！？記得以前連早餐都要排隊，可能熱潮已經過咗，可以即刻入座。由於本人唔食公仔麵嘅所以將佢轉咗做米粉，配炒蛋丹麥多士熱奶茶，係香港人嘅經典早餐！大渣哥嘅沙嗲汁非常濃郁，牛肉醃得好入味，亦食得出好新鮮因為好淋，米粉都好爽好幼身，又大碗，加埋真係Per肥池！丹麥多士整塊充滿牛油香味，烘到脆卜卜，炒蛋又滑，應該加咗牛油炒，食完真係要落街跑返10個圈先得。奶茶有茶餐廳嘅正宗味道。雖然一個常餐來講$52有啲貴，但係物有所值，會繼續做黑牛黑麵嘅fans！

難得去到九龍灣，冇理由唔去支持大渣哥嘅，大渣哥餐廳好多年輕人，樓面相當多人手，招呼客人嘅速度拍得住澳牛呀，選咗一個幻彩詠西多$36，當然要食最原始嘅原味啦，另外再選左一個黑牛黑面$52，西多超級厚身，而且係即叫即製，呢啲真係茶餐廳先食到，大型連鎖快餐店嘅西多士又乾又扁又細件，入邊嘅花生醬仲要超級無敵少，呢度嘅份量足之餘仲成樽糖漿比你自己倒，咁先似樣㗎嘛，沙嗲牛肉麵牛肉好多個沙嗲汁好食，個面又唔會淋晒啱啱好，我鍾意佢嘅餐係配丹麥酥夠晒特別

位於九龍灣既大渣哥位於商場地鋪，附近都係工廠區比較多，而門口都係長期有人排隊既，而今次都排左接近20分鐘先可以入座～而係九龍灣既呢間分店位置相當多，店鋪亦大，而餐牌上既選擇同茶記既差唔多，都係以碟頭飯為主，但每款食物都會改左做唔同既名，感覺上都幾新鮮👍🏻而今次就叫左一份大渣哥炒飯試吓佢啦～大渣哥炒飯（$73）呢個價錢係比起一般既茶餐廳黎講係比較貴既，但份量都算正常水平，其實大渣哥炒飯就係類似揚州炒飯果類，有蝦仁，叉燒，火腿等等。而食落個味道都算唔錯，調味方面都幾好，而炒飯最忌啲飯痴埋一舊，但呢度就做到飯粒顆顆分明，炒得亦夠乾身👍🏻面頭既瑤柱碎亦可以為個飯調一調味，做得相當唔錯👍🏻總結嚟講呢度價錢雖然比較貴左小小，但食物既質素都算高質，係可以過嚟一試既店舖👍🏻👍🏻

小編本住支持既心態去食大渣哥茶記。當然並沒有令人失望，仲有驚喜！入去之前店員會先幫顧客量體溫同檢查身分證。圖一// 咖哩吉列豬扒飯 $66🍛上枱一刻，我真係嚇親阿！！！豬扒好大塊！！而且係新鮮炸出黎。同碟飯真係份量好多，好岩對食量比較大既人食咖哩方面，有咖哩味之餘，仲有少少辣，岩哂我愛辣之人。非常滿意！！😋圖二// 滑蛋鮮牛肉飯 $65相比起上面既吉列豬，這個鮮牛飯無咩特別。不過牛肉好嫩質，只係可能咖哩吉列豬扒飯太驚喜！圖三// 暴龍美祿🦖(特飲+$6) 凍奶茶(凍飲+$3)回頭率極高！！！！更可況大渣哥係黃店💛 下次再為大家介紹其他推介食物，想試下茶餐廳馳名茶餐，而大渣哥名為既——黑牛黑麵

之前夜晚禁堂食，九龍灣工業區無咩邊間有外賣，就去大渣哥去睇下。咁岩買得多就會有7折，就順便買埋屋企人餐飯，點左鮮茄焗豬扒飯（$69，7折後$48，跟熱檸水）、咖哩吉列魚柳飯（$71，7折後$50，跟熱檸水）、焗黑椒雞扒飯（$69，7折後$48，跟熱檸水）。太肚餓，其他人食得太快唔記得影焗黑椒雞扒飯，屋企人食鮮茄焗豬扒飯話正正常常。咖哩吉列魚柳飯外賣嘅汁同飯分開，份量比想像中多，魚柳偏薄但有兩大片，炸得非常香脆，米飯意外地煲得幾香，外賣凍左少少都唔會太難食。咖喱少辣，但撈左好耐只得一塊薯仔，有D可惜。