大渣哥茶記 (已結業)

成日都想黎潮聖呀但就經常好多人等今日AFTER LUNCH HOUR黎先有機會呀點左~(黑牛黑麵)沙嗲牛肉麵朋友點既試左一啖麵質感好爽身朋友覺得個沙嗲汁好濃味同平日食既唔同呀一讚個丹麥多士好鬆脆呀~黑椒豬扒意粉呢個好大份呀豬扒已經好大質感幾好唔會過份淋意粉正常加埋豬扒都幾惹味既

九展做嘢，lunch time 行過去大渣哥，遲咗小小，過到去條龍排出尖沙咀！但咪以為要等好耐，其實好快，啲人都係食完就走，舖頭又多位，兩三個字已經入到！大渣哥出名多嘢食，揀到眼都花！自己一個，食個獨獨仔魚香茄子飯！大大碟，味道不過不失，正常茶記水準，勝在茄子唔會太鹹，餸飯啱啱好！總括嚟講，嘢食ok，服務十分之好！事關我太趕，唔記得㩒錢，原來成個袋都係得番50蚊同啲大餅，老細叫我下次先畀😂😂最尾好彩搵晒啲大餅出嚟都夠畀！經開一定要試！

好多人都話大渣哥有良心係九龍灣必食咁之前都食過一兩次選擇都好多呢度又會好過普通嘅茶餐廳咁其實都係唔錯嘅開飯選擇所以今日去開附近都選擇左去佢度星期六嘅下晝1:55去到等咗大概2分鐘就量體溫同埋填紙仔就入得入到去睇Menu嘅時候發現差幾分鐘就可以叫下午茶所以都選擇咗叫下午茶今次就選擇叫咗個芝士雞扒撈丁加$3有凍檸茶個撈丁芝士汁唔會太差都比唔少嘅茶餐廳好同埋都好夠熱唔會上枱擺一陣就變咗成舊嘢咁樣買單$49都幾抵

🥢黑牛黑麵餐🌟-沙嗲牛通粉、火腿、炒蛋、丹麥吐司、熱奶茶-沙嗲夠濃 -牛肉好食唔會係被鬆肉粉整到淋哂的texture-炒蛋可以拍得上佐敦名店🙊-吐司較淋 如果可以整得香脆啲就無敵了🌝差少少地就係極致肥🌝有少少羞恥心地無叫公仔麵

味道未必會係最好但絕對係誠意之作長期都有一班支持者幫襯品質絕對有一定保證所以Lunch 預返鬆少少時間去會比較好而且要注意⚠️齊人先入得大大份既XO醬叉燒葱花滑蛋飯足料 滑滑溜溜既蛋漿配上惹味既XO醬加叉燒既口感食完大滿足😋😋😋加多杯椰汁紅荳冰個人偏好煮到香甜軟綿既紅荳口感呢個反而普普通通但係想過過口癮都係叫左一杯黎試試今次坐卡位座位寬敞 用餐🍴舒適服務態度良好整體來講 真係良心食店值得推介同幫襯不過附近多間同類型食肆佢就冇折扣優惠/積分相對黎講會略略貴少少

今日嚟到九龍灣，又撞正午餐時間，緊係要嚟到試一試大渣哥茶記啦。咁啱係星期三，是日午餐係咸蛋蒸肉餅，包埋杯凍飲埋單 $61。肉餅夠香夠味亦夠鬆，配埋飯份量亦夠足。一流。

去九龍灣睇傢俬，唔知食乜嘅話一定係揀大渣哥，雖然次次都見好多人排隊，有時落雨有時好猛太陽，但係職員都好窩心，會遞把遮俾你。時間啱啱好下午茶，可以叫迷你乾炒牛河$43，但係因為太肚餓，所以我揀咗正價份量$65。乾炒牛河好有鑊氣，油嘅份量都啱啱好，牛肉都唔會鞋。朋友叫左打躉常餐，香煎雞扒通粉，再加$5轉雜菜蕃茄湯底。雞扒唔會煎得乾，而且仲好滑。值得一提嘅係，呢度嘅常餐唔係配白麵包，係配丹麥多士呀，超正！

𝘾𝙖𝙪𝙨𝙚𝙬𝙖𝙮 𝘽𝙖𝙮 / 𝘾𝙖𝙛𝙚 𝙙𝙚 𝙅𝙖𝙧𝙂𝙤𝙧 $56 XO醬叉燒蔥花滑蛋飯好中意佢嘅滑蛋🤤 叉燒又唔算好肥 XO醬同飯嘅份量亦好多😳 但如果可以少啲油就更好啦🤪

突發九龍灣下午茶久聞大渣哥，終於有機會支持下！下午茶時間唔知食咩好，最後叫左一個「收嗲黑牛黑麵餐」及「吉列豬扒沙律」送餐速度超快，點完餐1分鐘已經有野飲，野食隨後送到，開始時懷疑是否自己點的餐。黑牛黑麵餐，丹麥蘇好脆，而且暖暖的。黑牛與平常有點不同，口感爽口，不太熟，好味公牛麵也剛好軟道，個人偏愛淋麵，所以呢個麵也好味！如果多一點湯會更加好，好像太少湯朋友的吉列豬也非常香脆，好味。整體覺得好味，只是價錢偏貴。

首先認識【渣哥】因為老闆娘譚小環，由港姐變成到魚蛋妹，經歷過社運後更加人氣不減，更加看清她們的善心。由小食店做到堂食，【大渣哥茶記】登陸九龍灣後，午飯時間長長的人龍就會出現。中午烈日當空排隊實在受不了，小編改為早餐時間去支持一下。Menu 款式多，最特別是菜式的名名字，有外國勢力早餐、吞pop下午茶、越夜越蒸彩……【渣哥】的蛋治最出名，今日食份蛋牛治做早餐。 單併$26 雙併$28.每間茶餐廳的蛋牛治味道也不同，有些用新鮮牛肉，有些加入香葱，有些蛋包裹牛，各有不同，要有個人特色才能夠突圍而出。渣哥的蛋牛治麵包厚身軟綿綿。蛋跟咸牛肉不是混在一起炒，蛋、牛分開味道沒有mix埋一起吸引，但外表比較整齊吸引。炒蛋夠滑溜，份量多到漲卜卜。咸牛肉份量剛好，不會太咸又有牛肉香。小編吃了半份已經飽飽，加$1攞個紙袋包起半份回公司去。

去九展睇Show，又或者去MegaBox睇戲一定係去橋底搵嘢食！又有光榮、又有大渣哥，仲有間一冰廳，好過去商場食多多聲🔥茶記嚟講真係幾多特色選擇，小菜、蒸餸、湯飯、炒麵碟頭、冰室小食，基本上好難揀唔啱，反而有啲選擇果難症哈哈呢兩日食得多熱氣野於叫番兩個蒸餸平衡下，估唔到蒸餸都幾有水準喎。肉餅肥瘦肉平均，食落Juicy唔會膩，咸蛋同肉都新鮮，上碟有香味嘅，唔錯👍🏻蒸鯇魚真係好大舊，完全冇hea我🤣難得咁大舊都能夠蒸到熟透但肉質仲keep到滑身，有鮮味，簡單豆豉蒸已經好鮮嫩又惹味，送飯一流！跟餐又湯又嘢飲，食到攬住個肚走好滿足哈哈

Happy Friday橫風橫雨都要返工，食飯之前仲黑雨添 朋友喺深水埗考完車約好咗今日出嚟九龍灣搵我食lunch都冇因為情況惡劣而改期-係愛啊❤️其實係我有求於佢，佢有啲嘢要俾我姐 🤪可能天氣惡劣所以人唔多，未人齊都入得。諗來諗去都係食返我嘅黑牛黑面，次次都話下次先啲新嘢，但每次下次都係食返同樣嘅嘢so stupid. 其實係我永遠都覺得自己食唔晒一大碟飯/面 ，叫個茶餐又食得晒喎（根本就係心理作用）問心嗰句黑牛黑面冇乜特別驚喜，50幾蚊一個茶餐比出面貴少少，丁麵再加錢。反而係見到朋友叫果個豬扒餐肉飯豉油汁好似好好味咁，成日都隔離飯香，係佢個另上個甜豉油吸引到我。諗諗吓都蠢咗，其實可以share嚟食㗎嘛，咁兩樣都可以食晒囉！（豬咁蠢）再環顧四周已經諗好下次可以叫蔥油飯類或者焗飯類。不過唔知幾時下次呢。

讚1.冷氣都好夠既2.上菜夠快彈1.下午茶點左碗仔翅拼雞翼，份量其實望落就還好既，只係味道真係有進步空間，碗仔翅實在係有啲淡，啲料亦唔太爽口，炸雞翼係脆既，只係問題就無乜味

綜合兩次食大渣哥嘅體驗- - - - - - - - - -某日晚餐送餐超級快，非常好 (因為我超趕時間)#黑牛黑麵 🍜第一次食 #丹麥多士 ，超級鬆脆，個炒蛋超滑超大份🤩#收嗲鮮牛肉 其實味道就無咩特別不過係沙嗲牛麵我就啱嫁喇~另外我好奇佢點解咁黑😂- - - - - - - - - -某日lunch#WA渣BI芥末蔥油雞飯 🐓睇佢個樣好似冇乜殺傷力我又好傻仔咁一嚟就將啲飯撈落啲豉油汁度，咁就出事喇啲芥末味超級重，攻鼻攻到我即刻咳同流鼻水😵(食嘢食到又咳又流鼻水流眼水，嚇死隔嚟枱😂)每一啖一入口就攞我命，啲飯撈哂汁真係食唔到喇...唯有拎正常嘅豉油將啲雞沖淡返少少lol啲雞係好滑同有雞味👌🏻

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻   📸打卡指數：👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務：👍🏻👍🏻👍🏻👍🏻相信大家食開茶記都知道，茶記都有高級同普通之分，大渣哥就係屬於高級茶記，高級茶記勝在每個菜式都會花心思去整，唔會隨隨便便就上菜。大渣哥炒飯  ( $73 ) 大渣哥炒飯其實就係揚洲炒飯，只係大家用配料不同，大渣哥炒飯有叉燒，雞蛋，火腿，蝦仁，葱花，最後上面仲加左炸脆，撈勻黎食，成個層次唔同晒，又有咬口，叉燒係少少肥叉，鬆化嫩腍，蝦仁又大大粒，炒出黎夠晒鑊氣。