大榮華酒樓

營業中

休息中

食過的人都應該知佢地的規矩係:1. 不設訂枱 (呃人的, 如果你有錢夠人多, 包間房係可以訂的)2. 要齊半數人先可以入去第一次黎, 做足資料搜集....我同honey 預咗要等好耐, 唔介意, 即使等兩個鐘都無所謂為的係唔想家中老幼要一齊等位咁辛苦但呢間野, 完全埋沒人性, 出面的知客做事不完滑....令人火滾本人明白每間餐廳食肆都有自己的規矩...但也應睇情況嘛那天我地五大兩細 (一個手抱bb + 一個兩歲小孩)...老實講, 冇可能唔計佢地law, 萬一比咗張勁細的枱我咪大鑊?? 到時真係要坐大脾.....好la...唯有死死氣去攞張六人枱...等咗約一小時終於叫我地.....入枱前問幾多人....成功瞞騙入去, 點知個waitress 捉番我地出來, very nice, 話我地唔夠人....再輪....個知客叫枱的方式係順住叫....5 號飛...14 號飛...18號飛....總之如果d 人冇入到枱, 佢就會從頭一張未有人認頭的開始叫....每次如是難為那些一直企喺度等枱的人, 簡單來如, 假如你五點鐘先來攞咗張籌, 未齊人, so, 去行下街law....兩三個鐘頭後見肚

屋企人生日,早一星期已預左來呢度食,但呢度唔比book位,咁唯有搵人早d來搵位。未到7點,d人排到去樓梯口,勁多人等位,我地有人5點幾已到左等位,等到7點幾,仲要過半數先入得。不過d人手腳都好快,人客亦食得好快。7點幾已經食第二轉。我地點左:冬瓜蟹肉匙- 好食,真的有蟹肉架,有少少蟹殼桂花炒魚肚-好食,真的有多魚肚,唔怕惺,夠干身蒜子浸莧菜- ok la,冇咩特別5柳石斑- 好食,皮薄,真的全部石斑招牌菜頭抽蒜子蒜蝦-好好食-勁入味,煎得好香,仲有少少蔥回獲,正椒鹽9肚魚-好好食, 出面好多地方己經做唔到咁好食,呢間係食過深井,流浮山後第三間好食。佢炸完唔怕入面仲好似水咁,好干,好脆魚香茄子- 好食,不過咸左d跟住仲送糖水麥米粥- 好食, 有少少薑味,唔會即時加水個d樣樣58, 仲有糖水送,7人埋單5百幾,我地仲叫左白飯

一上樓就看到好多人在等位喔，不過好彩，我們只等了十分鐘就有位啦，本來有心裡準備要搭抬的，沒想到餐廳給我們一張兩人桌，真好～店內環境乾淨明亮，服務生會隨時來 check 茶壺需不需要熱水，雖然客滿，但上菜速度算蠻快的。可能是難得來一趟元朗，我們兩個人就點了六盤點心，最後真的吃不下了，還打包帶走。我個人最喜歡吃的是胡椒豬肚湯和瑤柱蘿蔔絲餃，不過這餃子和小籠飽一樣都是包水晶皮，在其他餐廳吃到的卻是麵皮，總覺得麵皮比較能夠吸收內餡的湯汁ㄚ，呵～試試不同的口味也不錯！

家在元朗，但不常到大榮華。但外地朋友好想去，於是一齊去食下。上一次去已經係好多年前既事，但係佢既地方都仲係好地道，好有味道。特別係老一輩約有50-60歲的前輩，就更加喜歡，因為有佢地既集體回憶。我用英文介紹「豬油撈飯」比老外朋友知呢味菜有乜野典故，希望佢可以食得投入d 哈~而我自己覺得「豬油撈飯」真係好好味，不過絕不能吃得太多。用呠仔放d 飯更加係好得意，好有特色。沙參肉竹燉螺頭湯，味清清地(其實冇乜味)，不過又好多油喎。燒味拼盤樣樣有d，味道唔錯，肥瘦度適中，但外觀好求其，好似掃埋一盤咁最好味既一定要提燒乳豬，首先豬皮好脆，皮下既肥肉亦唔多，咬入口好脆口有如餅干一樣，從來未試過有呢d 口感黃金鮮魷亦都係高度推介，鮮蝦包住一層咸蛋黃甘香味，真係回味無窮！最後緊係要講下件馬拉榚！老外吃完後讚不絕口，深深被中間既奶王吸引住評價比豬油撈飯更高！！！不過位置好窄，坐得好唔舒服，d 部長問2句就燥底，但係又唔係多客人喎全場10圍都冇，好辛苦咩？

大榮華酒樓專營圍村菜, 晚上去吃飯幾乎等幾個小時, 今天早上突然心血來潮想試試它的點心.....甫一進去, 大多也是老街坊, 等也不用等便有位了.吃了以下點心:芋角 - 放了太久, 凍的, 如果是剛炸出來應還不錯. 叉燒腸粉 - 不是即製的, 腸粉皮是黏的, 且不熱 燒賣 - 豬肉很硬, 難"趙" 鳳爪 - 唯一可取的點心, 入味, 塾底的花生也吸晒所有精華最後點了個浸豬肚, 一般走的時候看到傳說中的滔哥, 他的肚子真的大到不得了, 還有它出名的頭抽豉油撈麵. 有機會要試一下它的圍村菜.....

今日去完濕地公園影相..唔知食咩好...女友建議不如去食..猪油撈飯,ok 出發.!5:00pm黎到 冇人等位,,即入~ 2個人唔知叫咩食,,見推介個燒蠔(唔記得叫咩名) 同埋招牌5味雞一單.($58)好抵= =,點左2個先. 怕食唔曬..因為我地2個既目的係..猪油撈飯送黎到試下喇..!隻雞..其實係唔係姐係...豉油雞呢= = 燒蠔出奇地係..豆豉凌魚既味,一樣!!最好食...真係個 猪油撈飯!!總結:5味雞 = 麻麻 不過 幾抵,燒蠔 = 同食豆豉凌魚 一樣..只係冇骨 猪油撈飯 = 好食= = 另外推介,天地一號 幾好飲!!

今天跟母親大人shopping據她報稱元朗大榮華酒樓質素不錯，便跟她上去嘆個午茶。這是樓上店，步入大門，即見環境還挺擠迫的。有位坐低後，即刻看點心紙都幾多選擇最後，點左蒜泥蒸魷魚，馬拉糕，西生菜，蓮蓉包先來西生菜與馬拉糕，然後母親出去拎左碟腐皮豬肚 西生菜很好食，好入味，應該有落麻油，因為好香。相反，馬拉糕就‥‥一點也不好食，凍的 真的有點兒失望，因為我最愛食馬拉糕 幸好，腐皮豬肚幫他挽回不少分數，很讚 最後，蒸魷魚同蓮蓉包一同送上，魷魚還算不錯，蒜味好夠;蓮蓉包就皮差餡正不太好食。最後埋單九十幾，其實也不太化算

同朋友去完錦田摘士多啤梨, 見咁近元朗, 就慕名來到大榮華. 我地見到order紙上既餸就樣樣都想試. 最後4個人竟然叫左 6樣餸. 金沙蟹粉扒西蘭花: “金沙”即係鹹蛋黃. 用鹹蛋黃同蟹粉煮西蘭花, 食落有鹹蛋”鞋鞋地”既感覺, 個汁又多蟹肉, 個人鍾意食個汁多過d西蘭花.鮮腐竹蟹肉菜羹: 味道鹹鹹地, 都ok, 但裡面竟然有好多碎蟹殼. 食既時候要好小心, 如果唔係真係連牙都咬崩. 燒腩仔: 有好多肉汁, 層皮仲好脆好香.五味雞: 隻雞都幾多肥美, 而且仲好入味. 唔駛點豉油同薑蓉都夠味.炒長遠: 見個名咁特別又出名, 就叫來試下. 但原來只係炒粉絲. 馬拉糕: 見到每一枱都有叫, 心諗唔通真係咁好食? 雖然已經好飽, 但都叫來試下. 佢係即叫即蒸的, 上枱時真係熱乎乎, 聞到好香. 咬落去好軟綿綿. 成餐最好食就係佢! 因為我地實在太眼闊肚窄. 搞到好多野都食唔晒, 成半碟雞要打包! 下次要同多d人來食先好.

既然過得元朗,點會唔去咁出名既鋪呀?叫左4碟野食,另外,雖然自己一個人,檯亦未坐滿,但老酒家嘛,搭檯都正路既。首先黎既係蝦餃、燒賣同水晶飽(先講服務呢環,佢好得意,20分鐘後未到就要聯絡服務員,但佢地本身就已經打成一片,傾下傾下就過晒了XD)蝦餃既澄麵同蓮香樓一樣咁黐,但係佢係用兩三隻蝦仁落去,連筍尖都俾你見到,証明好足料,燒賣切肉都大大舊,而水晶飽既奶皇都唔係好滯,足夠讓我食到最後黎既蝦米腸.....佢煎得都好香夠脆口,但個人更欣賞佢先落麻醬+芝麻豉油.....個水仙成十一蚊,但係都唔係寡,一飲就唔見左半壺.....

我公司在2月28號搞咗一個挪亞方舟一日團,經由發達行辦團的,其中安排在大榮華吃飯....大榮華有2間,一間係元朗,另一間係九龍灣,我都是頭一次幫襯,只知道此店是由肥韜開的導遊叫團友乘電梯按2字,一出lift,咦...似住宅...唔似酒樓,原來安排團友去其中一個單位吃飯.此單位不算大,不過也可以坐五圍枱的人.大家依指示按枱號坐下後,就將碗筷用熱水洗一洗,我隻碗唔知搞乜,越洗越滑散散既感覺,再洗都冇用,後尾放棄叫侍應換過一隻....搞咩 ....咁dirty講番我們團餐吃的是什麼....是九大簋,但是什麼菜名,真係唔係記得太清楚只記得有雞 - 個個話幾好味東坡肉 - 聽D朋友講,都唔錯,我冇食,不發表意見蝦 - 比較細隻,不過都幾入味鯪魚球 - 大大粒,唔腥,味道OK炆冬菇 - 冬菇夠大隻,厚身...好味道蕃茄豬扒 - 同我阿媽煮既差不多鴨定鵝 - 冇影相,冇吃,朋友既意見係.幾好食,食咗幾件馬拉糕 - 飯後甜品,本來冇打算食,後尾聽D團友講,馬拉糕係好出名,咁...就試吃了,果然....真係幾好味,到最後當然吃晒.白飯 - 肥韜話呢D係粘米,所以特別好食,再加埋此店既豬油撈飯,真係好正.

元朗 抵食, 好味. 所以再來幚襯. 5 pm 入坐.2 人叫左~ 每碟 $551. 香茜燒米鴨: 隻鴨有味的, 但無 mug 香茜味, 佢皮唔脆. 不過公平d, 圍頭菜既鴨, 唔系食脆皮的. ok ga.2. 乳香酥炸生蠔: 炸粉好厚. 一d 都唔得鬆化，生蠔算新鮮.3. 陳皮豆豉蝦: 呢碟超抵食. . 蝦新鮮. 大碟. 如果用豉油抄重得我歡心. 讚! 會再來.

早幾晚一行三人去左元朗大榮華食飯, 點左拖地义燒, 酥炸生蠔, 砂鍋紅酒燴牛仔骨, 咸酸菜蒸金錢鱔同埋咸蛋蟹黃扒菠菜。先上拖地义燒-- 肉質尚算ok但其實應該叫'义燒麥芽糖', 甜到嘔, 淨係食到好厚嘅麥芽糖, 食完糖尿病.咸蛋蟹黃扒菠菜--係底嘅菠菜仲成碟水就pat個汁扒係面, 但係個汁又唔啱味, 淨係食到好多咸蛋lor唔好話蟹黃, 蟹柳碎都唔見有!早知叫上湯浸可能無咁失望 !砂鍋紅酒燴牛仔骨--佢地d牛仔骨乸到無牙阿婆都食得!咸酸菜蒸金錢鱔--鱔真係有鱔味嘅, 不過食唔到其他味, 刀工好, 真係切到金錢咁薄.酥炸生蠔--無心機再寫, d粉厚過石屎, 成底油係個碟, 叫油浸生蠔就差唔多, lap sap !

已經不知不覺連續五,六年的大年初一夜飯選擇在大榮華,價錢由來$38一碟.食到現在的$55一碟,食咗咁多年都已經無乜新鮮感,不過又好過周街的酒樓全部都要食指定餐,所以繼續選擇大榮華.當日波士頓龍蝦$160,足一斤四兩,加伊麫底+$20,在當日計真的好有良心波蘿生炒骨就粉太厚,其他都ok不過不失,但最失望就係隻雞因為五味雞食咗好多年,而今年見到有樣新款雞就試吓,"麥芽桂花雞"點知放落口佢只不過係一隻超級平凡ge鹽焗雞於是問職員有冇攞錯餸,佢堅持無錯,再問經理,隻雞同鹽焗雞有乜分別,枝枝咗咗一論結果係無,原來雞都怕改錯名,其實隻雞唔係咁差,不過就因為個名令到我有點失望,哩隻係第一隻由個名形响我味覺 ge 雞

喜歡吃豬油撈飯的人, 相信一定去過粗菜館。而大榮華由於位處元朗, 未必有人會山長水遠去吃一碗豬油飯, 吃過的人, 又往往把它「神化」了, 覺得粗菜館的不能與它相提並論。其實呢, 兩種豬油撈飯, 相距甚遠。雖然我一向鍾情粗菜館的豬油, 但也想不偏不倚地, 指出它們的分別。親身去試過大榮華的, 它的確是人們所說的「燒豬油」, 燒豬時所滴下來的油, 燒臘味道頗重, 撈飯的效果, 有點似臘味飯。建議不要下太多豉油(雖然樽身寫係頭抽), 因為會過鹹。相對來說, 粗菜館的豬油, 就是豬的油脂, 本身沒有鹹味, 只有油香, 吃時淋多一點豉油也無妨。如果你喜歡食臘味, 自然會覺大榮華的豬油吸引, 但個人就覺得粗菜館的比較獨特。在大榮華, 同場又吃了雞油豆苗、黃酒薑蔥雞和家鄉芋泥。豆苗好吃, 夠油(第一次見到雞油豆苗會有舊「雞油」), 雞就好差, 酒味不足, 半隻雞竟然沒有髀沒有翼, 有點呃秤。家鄉芋泥水平卻極高, 又香又好味, 口感亦一流, 難怪見到員工用膳也有吃此餸。

是日和家人去大榮華食晚飯, 不用等位, 叫了四味餸,一個甜品:五味雞 -- 件件都好入味!咸旦蟹粉波菜 -- GD! 不但有蟹粉, 仲有好多蟹肉!栗米扒脆豆付 -- OK, 豆付都好滑!梅子鳥頭 -- 魚有黃油, 不錯!馬拉糕 -- 好味, 但不是每件都一樣大件下次會再去食~~