大本瀛日式放題

營業中

休息中

每次約朋友食飯大家諗食咩既時候，都會諗到放題，一黎唔使睇住價錢大家叫得盡興，二黎可以坐足兩個鐘夠晒邊食邊傾計，不過當放題開到成街成巷，邊間好邊間伏，真係要試過先知，今晚就俾我地試左間好既！環境：一向好怕迫，但覺得呢度地方都幾寬敞，而且私人度都幾高，岩晒一班朋友開懷傾計！服務：放題好重要既一樣服務就係睇會唔會漏單！我地特登影低晒d點菜單黎對，真係一樣都冇漏！另一樣令我地幾滿意既係上菜上得好快，快到我地食唔切黎俾位侍應上菜，所以下次都係慢慢叫！衛生：衛生情況都還可以，餐具同坐位都乾淨企理。味道：壽司方面，平時就會想件壽司大件d，但食放題就岩岩相反，好似呢個細細地既size就可以食多兩款，而且呢度既壽司選擇都幾多，岩晒食放題既用意！雖然相唔係好睇到，但個芝麻爪魚係勁大粒！燒菠蘿好甜好多汁，叫左三轉！到放題既另一精髓，食刺身！刺身選擇都好夠，推介下：三文魚又厚又肥，帶子鮮甜，螺肉好爽口！另外介想推介下小食：蒜香扇貝記住襯熱食，蒜蓉完全帶起左扇貝既鮮；炸蠔勝在唔會炸到得粉，食落一半蠔鮮一半炸香，又係忍唔住口食左兩轉；燒物絕對推介燒雞翼，燒到迫晒d油出黎但又岩岩好唔會鞋，食到我地個胃爆晒quota

食過咁多間，最難食既一間，食物唔新鮮，叫攞舊檸檬黎，攞到買單都未見到，燒蝦死既都算啦，仲要食落去係散開既，選擇比較少款式，環境麻麻地，D配料又唔得齊全，就連戒辣都要自己出去攞

同朋友約咗去兆萬 食嘢當然唔少得 好多放題嘅 選擇 今次揀一間同事介紹嘅放題~首先前菜當然唔少得刺身喇 佢有大蝦 甜蝦泰式蝦 當然唔少得主角三文魚 好多種嘢食 兩個人叫小小種類多~享受啊，因為全部都好新鮮，絕對用靚料，聞+食都鮮味（以前有不愉快經驗( •̥́ ˍ •̀ू )） 所以 呢個價錢呢個質素嚟講算不錯🤗當然唔少得試下放題嘅創作壽司啦 有黑松露三文魚壽司 黑松露帆立貝 全部都好少可食到 而且唔會好難識 黑松露 個味道係中等以上~仲有火炙三文魚 日本大蟹棒 全部都係大大舊 細細飯， 食得多都唔會濟， 達到放題嘅精髓 哈哈(ฅ´ω`ฅ) 一口花之戀都不錯~仲有細個成日食嘅冷麵，呢度整得有誠意，個麵又夠凍 但唔會好硬，口感係爽既配埋醬汁同沙律，超開胃~驚喜小食有羊架同牛骨仔好野味岩岩燒好😍唔會咬唔開，兩樣都好好味喔!清酒煮蜆唯一改進是份量可以多點， 粒粒都冇咩沙，可一食再食😋飲品選擇都多， 大部分都係韓國飲品，都幾岩我， 一般嘅汽水當然都有啦， 想唔飲前甜嘢又有 烏龍茶選擇😎最後到甜品時間，有北海道3.6牛乳布甸，好滑好滑 同好滑。。好full奶味又不甜~岩我， 除此之外仲有木糠布甸同小泡芙，

星期六晏晝既旺角，周圍都人山人海 people mountain people sea 咁。約咗個大胃王朋友，緊係要食啲大份量既餐廳先滿足到佢。嚟到兆萬附近，見姐姐仔派緊傳單，二百蚊有找既lunch 放題，好似唔錯。環境都算唔錯，而且都唔少人，幾旺場，但又唔會坐得好迫。睇住師傅切魚生，都算乾淨。一嚟就緊係試下魚生打個底啦，都幾多款式，叫左三文魚、蝦、北寄貝、角螺、八爪魚，味道都唔錯。見到有唔少人都叫羊扒，燒得都幾香口入味。而花之戀同海膽卷都做成一啖既bite size ，女仔最適合不過，唔怕太飽。前菜都有唔少選擇，有無骨鳳爪、中華沙律、蟹子沙律、螺肉、八爪魚等。燒物似乎係拿手菜，大蝦燒得十分香口，而且都幾大隻，抵讚。足料既清酒煮蜆，好香清酒味之餘，仲有唔少蜆肉。而炒蜆都似乎係佢哋既特色小菜，平時大排檔食都八九十蚊一碟，依家放題都有咁大碟，炒得又非常入味，如果撈飯食就very good 。再嚟就係焗帆立貝同焗蠔，分別用左洋手煙肉同沙律醬做配料，焗起嚟非常香口惹味。而壽司都係一啖既bite size, 分別試左火灸左口魚邊、黑松露帶子、炸蝦卷、海膽卷同一口海膽手卷。比較特別既係黑松露帶子，

服務好，用心照顧。。。bk左同朋友慶祝生日飯，當時未到時間仲有15分鍾，但店員見朋友們在外邊等就叫她們入去坐，計時都係照原先先時間開始。。。。4人坐左一張店剛剛好，可能那張是坐2人的，後來食左大約1小時，老闆主動走過來話同我地換台，當時好出奇。。因大多數坐定左又過左一半時間，多數唔理，但老闆二話不說轉台，佢話轉台對佢地來講做多左野又會麻煩左，因為入左單的要全部轉台，跟進多好多。。。而走時出到門口才見到有雪糕老闆聽見二話不說又講隨便取.....真的感覺好好

好耐無食過刺身同放題，所以就去搵下放題食☺️旺角食放題嘅選擇一向多🙈去到兆萬中心，見到好多唔同放題餐廳嘅poster😂見到今次呢間餐廳，於是就諗住試下。因為餐廳入面坐位都唔少，所以唔洗點等就入得😍一坐底店員就即刻俾點餐紙，我地就即刻嗌左刺身同壽司先！啲食物上得好快，好有效率！刺身好新鮮，我地點左三文魚，甜蝦，飽片，泰式生蝦。當中最吸引我嘅就係泰式生蝦🤤呢間餐廳除左好多日式食物，例如刺身，拉麵，烏冬，燒物等等之外，仲有好多泰國食物，除左泰式生蝦之外，仲有通菜，冬蔭功同泰式串燒(我地揀左雞肉串)等等。鐘意食海鮮嘅話黎呢到真係無揀錯！因為呢度有好多選擇😂我地就嗌左青口同炒蜆同埋芝士焗蠔☺️ 仲有好多炸物燒物，好似燒菠蘿，天婦羅，年糕。呢個係蟹粥☺️幾清甜！總結黎講，呢間係一間提供左好多選擇嘅放題餐廳，值得再去😍

本人好少刻意寫食評, 但今次真太激氣見好多人讚呢間好 時間又咁啱我地4 30pm 就可以開始 問過其他一般要5 30後先有放題 咁咪試下啦.. 開始時先點左幾件刺身同幾件壽司 刺身唔新鮮 好乾水咁樣都算 照食.. 壽司飯係硬 咁唯有食左面頭d刺身算 舊飯真係唔想食 免浪費quota 叫左個冬蔭功就好似紅咖哩粉開水加幾件蟹柳同金菇 完全同相係两回事 其他熟食食物都唔見得好 只食左少量無再重點 點知過左一陣有個帶眼鏡男侍應來收碟時 問我d 壽司飯有咩問題? 如果無問題 你地唔好再叫 我地全部都係手握壽司 唔好浪費食物 跟住就收走左 當時我來不及反應反駁佢 我諗住唔啱食都係幾件 我無諗住投訴或反映影響廚房啦 但越諗越嬲 有咩可能咁嘅態度同客講野 我只係無食果幾件硬飯 亦無再重點 我錢無比少架 咩態度呀 唔啱食就唔好叫喎 咁咪駛指意我同其他朋友會再來幫襯 亦希望唔好有其他人有同一遭遇 中伏

​ 今次係兆萬隨機揀咗間放題試下就入咗去， 入到去裝修有別一般放題店狹窄嘅感覺， 日式而且有半個場都係卡位，坐落寬敞舒適。 部份MENU 刺身叫咗幾款，當中特別好食嘅係珍寶帶子， 大大件好鮮甜；章紅魚鮮得嚟唔會腥； 北寄貝色澤靚爽爽地口； 珍寶赤蝦大大隻，而腸已經挑走咗，鮮甜。 火炙左口魚邊壽司燒得好香、爽脆， 而蒲燒鰻魚壽司件鰻魚比較腍、鰻魚汁味好足。 炸物就食咗日本吉烈蠔，隻蠔好肥厚， 炸粉唔會過多，食到蠔嘅鮮甜； 紫心香芋丸，薄薄一層炸粉，香芋好香，炸得夠腍； 一口豆腐好滑，配埋蔥香，味道好夾。 叫咗碟泰國風味嘅飛天通菜， 食落係馬拉盞通菜，炒得幾有鑊氣。 香茅燒豬頸肉夠爽脆配埋泰式辣醬係一如既往咁好食。 招牌九層塔炒蜆，少少辣，啲蜆好足唔會話得個殻。 最後上埋甜品，食咗個心太軟，唔會太甜，同埋紅豆茨餅，都幾好食。

任食中日泰的「大本瀛日式放題」DaBen Ei Japanese Restaurant約為食老少女，一定係食放題我地既一年X度之約，勁中意豐富的放題今次選擇呢間「大本瀛」仲有堅正的熟食真係唔錯格局四正，似居酒屋飲品同雪糕feel for 自取好勁既點菜簿，任你點先上既刺身盤，真係超越盛大，可謂：特盛盛盛盛甜蝦好鮮甜，同珍寶蝦勁多肉，三文魚係厚切，好鮮螺同北寄貝都爽口好味海膽手卷、蟹棒壽司更加係要encore的！熟食之中，最愛羊架、牛舌、金不換炒蜆同飛天通菜炸蝦餅同蝦春卷都係必點，因為好有泰國店的味道此外，燒大蝦、金菇肥牛卷都有水準甜品可以大掃榴槤炸彈、奶凍最後係抱住大肚腩番屋企今年，決定去學YOGA咁先有食力！

有一位小學同學好耐無見, 所以收工後約左旺角食飯個人好似好耐無食放題, 於是記得兆萬有間唔錯既放題就入去試啦^^ 任食放題最正超多款食物選擇首先第一樣必點食物 (剌身), 好快到面前壽司, 朋友喜歡花之戀, 比較飽肚都點個人覺得火炙壽司最正, 三文魚, 三文魚腩都幾正, 好味道, 細細件, 擺落口岩岩好炸天婦羅, 必食甜薯 + 蟹棒 日式甜薯至愛 今次好特別, 有蟹粥同朋友一人一碗 炸蠔, 炸帶子, 炸蠔係我每次來都必叫既炸物因為炸得均衡, 粉不會太厚, 蠔又不腥芝士焗立貝, 蠔^^ 好正的, 比較油膩, 但好食燒姑燒翠肉瓜, 最好味!蟹粥係今晚比較喜歡食物之一新鮮, 足料, 不是稀粥蟹味濃, 新鮮, 熱度剛剛好剌身幾新鮮, 顏色色澤OK, TICK左有玉子,帶子,甜蝦, 三文魚個人最喜歡就係帶子, SIZE岩岩好, 一淡食曬

小編今日經過兆萬中心 放題癮起😂😂午餐放題食咩好呢 👉🏽👈🏽 記得友人話大本瀛唔錯 所以決定一試環境不錯 10樓全層 日式裝潢 🤗🤗$198 一位 再加一 👌🏻👌🏻望望有咩食先 選擇都幾多唔錯1️⃣刺身壽司系放題必點 小編至愛 三文魚 珍寶帶子 鱆紅魚 八爪魚珍寶帶子尤其出色✌🏻2️⃣炸物 天婦羅選擇多 粉漿唔算多 吉列蠔隻蠔都算大隻3️⃣熱食 似乎呢間特別sell泰式款式其中一頁全部都系thai food 蝦餅做得相當唔錯4️⃣串燒小編對牛舌同燒菠蘿 讚不絕口!!

旺角食仕林立，是一個美食區，光是放題已多不勝數。很久沒食放題。今晚在兆萬廣場來一個放題之夜吧⋯⋯經過挑選最後選擇左這間大本營放題！因為時間尚早所以很快便可以安排入座食放題梗係要食刺身丶壽司、熱食丶炸物樣樣都唔可以少刺身都大大件。新鮮。吾會好少家。壽司。種類繁多，試左幾款，吾錯。黑松露帶子丶三文魚有驚喜。熱食上枱熱辣辣，炸物又吾會好多粉。紫心香芋丸丶流心芝士年糕推介。Encore左幾次😆推介廣島蠔超多芝士。多汁又好味放題最緊要係sell 服務!呢間佢食物上枱快丶收碟都超快速！唔使成枱碗碗碟碟。大家傾計吹水都開心啲啦！！

【環境】今天和朋友一起吃放題，我們並沒有預訂，而是直接入場，入場時間為17:30左右，時間尚早，因此不用在餐廳外等待，可直接入場。餐廳整體面積小，大約只有30張桌子。我和友人共二人，員工給我們是四人卡位，不用拼桌。【食物】食物總類尚算豐富，但沒有實物圖，有些食物不清楚是甚麼因此沒有點，餐單有實物圖，但並沒有清楚顯示。入座是提供的點菜單並不包括甜品，甜品餐單要問店員，而且只有一張，這是我最不滿意的地方。此外，離開前可帶走雪糕（普通雀巢雪糕），然而我立即打開包裝後明顯融化了，不太滿意。【服務】員工服務態度尚可，有禮，宜在上菜時表明是甚麼菜式，因為有時候有些肉類很相似，傻傻分不清。

食物的款式多！有刺身，有日本野，有泰國野，仲有火鍋添！任君選擇！刺身幾新鮮！其他食物都正常！壽司手卷都係細細客，可以試多幾款！人參雞同清酒蜆都幾好！冬蔭功就好大一鍋，味道就麻麻！最後仲有甜品食！服務不錯，員工有禮！長者仲有優惠！抵食又不服！

前幾天同事忽然提起自己book了兆萬十樓的大本瀛日式放題店，並高度強調之前在此有過不錯的用膳經驗，強調這是「劣食之塔」中的唯一清泉。電梯門一開便可見已有一定的輪候人數，大約等候十五分鐘便被安排入座，餐廳的裝潢設計傾向暖色系，枱與枱之間利用竹幕作間隔，走日系風格，環境舒適。與往常習慣一樣，與同事先快手快腳點了一大盤刺身，刺身種類繁多包括挪威三文魚、鮑片、玉子及珍寶帶子等等，落單後約五至十分鐘內，刺身拼盤就首先上枱。師傅的刀功值得讚賞，刺身的厚薄大小一致，三文魚魚脂魚油剛好，肉質鮮嫩是細膩的橙色。鮑片應該是品質較佳的鮑螺片，味道鮮甜沒有太強烈的冷藏味，值得一試。及後壽司及軍艦紛紛上菜，發現這裏的壽司size都偏迷你，一口就吃得完，不用擔心會撐胃的問題，可以盡情享受不同款式的壽司。個人認為花之戀及黑松露壽司味道都不錯，沙律醬的味道濃郁帶起了整個壽司的鮮甜味。唯一要挑剔的是鰻魚的鮮味不出，而且為配合白飯的大小，師傅將鰻魚薄切失去口感，建議可以將鰻魚厚切，保留原有的口感。食到一半，其他一品料理及爐端燒都紛紛上菜，當中比較推薦的是泰式冬蔭公及美式特濃芝士茄醬烤雞球，這兩種小食是一般放題店較小見的特