大本瀛日式放題

營業中

休息中

一坐低服務很好，會講你知飲野係邊 見你吾知點畫佢又會教你先食咩 完全知道客人需要員工態度很好，每次換碟都好有禮貌^_^換碟次數好頻密 比起大型日式放題，呢點真係無得頂👍🏻 老闆仲好有驚喜咁準備生日蛋糕，仲播埋生日歌🤭非常貼心😂食到11點半都仲可以叫，但巳經好滿足無哂戰鬥力不過好欣賞佢個燒大蝦 做得非常好👍🏻下次一定再去🤝

五月食過一次，覺得幾好，所以今日帶咗兩個朋友去食，但比上次覺得差咗好多，今日都唔算好多客，但係啲嘢食來得好慢，同埋今日唔知點解份量好少好似好求其咁同上次真係爭好遠，希望你哋啲管理層見到會改善下，因為我見你哋樓下都競爭好大，但係咁嘅嘢食我絕對唔會接受，希望你哋改善 食完之後，我仲去咗食咗個麥當勞 可想而知，今日有幾差 不過個飛天通菜真係OK嘅，但係其他嘢就越嚟越差 同埋我想講地下真系好痴 張枱仲有少少豉油衛生情況爭dd

我最近去了一家日本餐廳，但是我真的很失望。首先，這家餐廳的環境非常吵鬧，幾乎聽不到自己的聲音。此外，餐廳裡的氣味非常刺鼻，讓我一開始就感到噁心。🥲然後是食物方面。雖然這家餐廳提供了各種各樣的日本美食🍣🐟🐟，但是它們的味道都非常一般。壽司的米飯過於粘稠，生魚片的新鮮程度也不盡如人意。其他菜品的味道都很普通，而且沒有太多的特色。更糟糕的是，食物的質量非常低，有些甚至感覺不新鮮，非常令人失望。服務方面也有問題。服務員的態度非常差，沒有微笑，也沒有給我們足夠的關注和幫助。當我們需要他們的時候，他們總是很懶散的應付我們的請求。此外，餐廳的清潔度也有待提高，我們的桌子和餐具看起來都沒有經過充分的清潔。🤮😅😅總的來說，這家日本餐廳非常令人失望，環境吵鬧、氣味刺鼻、食物質量低、服務態度差。我不會再去這裡用餐，也不會推薦給我的朋友們。 我們經常都食燒肉，日本自助晚 不過這一晚的經歷確實不太好 但是飛天通菜真的好味 希望你們能繼續努力

真心忍唔住要比負評😡俾啲好評呃咗，都唔明白點解會有咁多好評，樓下佢哋個員工同我講拎傳單有優惠，上到去乜嘢都冇，第一轉刺身正正常常，第二轉三文魚係黑色既，已經唔想叫第三轉。諗住熟食好難整得差，點知得個手打炸蝦餅係食得下人，其他真係好難食1 燒蠔又臭又腥🤢2芝士烤雞球，啲雞球乾過牛肉乾🤢3炸蝦天婦羅諗住最難整得難食嘅嘢，點知你真係估佢唔到，佢都可以炸到黑蚊蚊乾爭爭🤢4嘢飲選擇唔多,但係你可以搵到已經喺香港絕種,雜貨店$5有三罐嘅冰紅茶,同埋可樂,完全搵唔到果汁嘅蹤影唯一一樣嘢可以讚下，侍應係真心有禮貌👍如果要食嘢，我可以同你講同(名將)有 得揮😡如果$288仲要+1服務費依個價錢，仲要比依個質素我，我唔打依個負評真係對唔住我自己😡

行過兆萬，收到阿姐張傳單覺得幾正又抵食咁，滿心歡喜上黎食野，點知食到一肚氣😡😡😡😡😡上到去諗住叫野食，點知佢話D貴價野全部都無得食！我上黎就係想食龍蝦同埋蟹架喎，即刻後悔但係入左黎又廢事走啦。諗住退而求其次食下刺身啦，點知好多都好腥....................真係唔知佢地放左幾耐。見D刺身咁伏叫左一轉就諗住叫熟食無死啦。 但係佢地出單勁慢，要係咁催野食先到。問職員又十問九唔應，然後又係咁話咪黎緊(咁真係無野到呀嘛) 最嬲係上到去食其實係貴啲架，都無傳單講到咁抵！伏已中！！唔會再去。

今日同媽咪喺旺角行街，行到半路肚餓決定食啲嘢，因為同媽咪口味有啲唔同，就去咗是但一間放題，諗住可以食唔同種類嘅嘢，估唔到有驚喜喎👍一入去好搞笑，有個霓虹燈招牌，幾靚😏同埋有兩個好大嘅雪糕櫃，問咗佢哋話全部都係任食㗎😆佢哋刺身有好多選擇，基本款三文魚，珍寶帶子，甜蝦，赤貝等等全部都有。另外仲有呑拿魚，油甘魚，珍寶赤蝦嗰啲，全部都係任食㗎！仲有啲貝類、螺等等，款款都好鮮甜，食得出好新鮮！壽司，基本上都細細粒，唔會話要室飽你👍燒烤方面有羊架，牛舌等等等等，好好食，非常惹味，罕有地媽媽都食咗三次羊架🤣仲有啲炸物、泰式嘢等等，因為胃口唔大，未能夠所有都試吓，但係絕對會再encore返嚟食過！

今天同屋企人食放題，經朋友介紹訂咗呢間大本瀛日式放題 我們一家五口訂咗夜晚七點鐘食放題，六點九上到去職員就話可以入咗先七點先開始計時（可能因為平日唔忙嘅關係😂）首先一入坐已經覺得很窩心 有位職員見爸爸媽媽滿頭白髮就主動詢問係咪攞咗長者卡，在次詢問後發現原來有分大人和長者收費 大人係$288+1 長者係$218+1 😁之後轉頭就俾咗兩杯熱茶爸爸媽媽 淨係尼下就已經覺得服務滿分！💯之後到刺身 刺身未有漏單情況尤其珍寶帶子（本人最愛😍） 一共落咗四轉，每次都嚟齊嚟足粒粒都好飽滿唔見會碎濕濕。三文魚 油甘魚 都算係厚切好新鮮，吞拿魚都有（就覺得不過不失😂）熟食總類勁多除咗一般放題有嘅串燒、一品料理、炸物、天婦羅 佢仲有埋泰國菜和火鍋。泰式生菜包同埋飛天通菜十分有水準，好夠鑊氣！同埋一定要試吓佢個羊架（極力推薦👍🏻👍🏻👍🏻）羊架一啲都唔好韌熟度啱啱好，同埋每次職員都會提我哋羊架要食咗先凍咗會臊😁之後仲有甜品和多款雪糕雪條任食（不過已經冇乜戰鬥力🤣🤣🤣🤣）總括而言呢間放題服非常好👍🏻熟食種類多 刺身亦不錯 呢個價錢絕對物超所值！！！ 一定會再幫襯 希望保持水準！💪🏻💪🏻

見到有個姐姐喺兆萬派傳單，俾傳單吸引咗所以上咗去食啦！我見傳單上面話有龍蝦同蟹，但去到都無得食。而且，我覺得刺身嘅選擇好少，而且有一轉刺身係未融晒雪。當晚食客唔算多，但職員可能唔夠，所以我哋落單之後都等咗好耐，上菜比較慢，我哋追咗幾次單，但個staff態度都一般，好唔helpful🥲對返個價錢，呢度嘅性價比係極低，食物選擇唔多，特別係啲串燒同肉類，個肉質本身唔靚又可能煮耐咗所以超韌，好低質，唯一最滿意嘅係壽司，選擇都幾多，唔會包得鬆散。

同朋友係旺角行完街，去兆萬搵下有咩吃，間宣傳單張好似幾吸引，點知就中伏。首先價錢同傳單上唔一樣，上到去食係貴啲，不過又唔好意思走。點單時先知想吃嘅龍蝦、池魚、蟹等貴價野都冇得食，感覺被騙了！刺身真心唔新鮮，勁雪味。熟食都冇乜棒邊樣特別好吃，肉都醃得好勁。放題來講真係好失望😞。炸物偏淋，好油膩，吃一片已經唔想吃。成個場唔算多人，但出單超慢，仲漏單，搵阿姐仲唔係好好態度。哩個價錢，會有更多好嘅選擇！

放工約咗舊同事一齊食飯，舊同事想食日式放題，於是就揀咗呢間餐廳食。因為係平日既關係，所以餐廳都唔算太逼太多人。我地揀野食既時候發現好多刺身都冇貨，而貴價少少既龍蝦同池魚亦暫停供應……難得有貨既都唔太新鮮，所以舊同事好失望我自己本身鍾意食肉，不過d牛肉同期望都有落差，咬落口比較韌，而且冇咩味，豬肉類既都冇咩令人驚豔既地方，整體嚟講性價比唔高。本身餐廳都多唔同種類既食物，所以都叫食得飽，不過食物質素好麻麻，如無意外都唔會再去喇。

有個一向奄尖的同事上星期推介此 日本放題餐廳 ， 疫情前試過幾間其他的放題餐廳 ， 一肚氣地 敷衍 order 有， 座份不舒服的有， 所以有 啲抗拒 。 大瀛喜 放題的食品雖是一貫般水準，冇驚喜但一般的巳要鮮要熱的都有。 份量也根據 要求 冇漏單，上菜也很快。 有三文魚腩都算肥美。串燒虎虾 燒得剛剛好，不太老太鞋。 侍應 貼心有禮貌地回應需要及主動收拾台面， 最後還貼心地 推介幾款雪糕甜品 到枱邊，服務水準好好。 一洗之前對放題的 恐怖經驗 的壞印象。真心 值得推薦

嚟到劣食之塔之稱嘅兆萬中心挑戰，果然不眾望，依一間嘅味道都相當普通可能因為咁，依間餐廳食飯嘅人數都比較少，平時飯鐘時間，其他餐廳己經多人都排曬長龍，依間就一定有位，可能是因為大家都發現了這家店的問題。食物方面，個人覺得真心普通，刺身唔太新鮮，有融雪嘅味道，而且有時侯仲會無貨。雖然依個價錢唔算貴，但都夠有質素好少少嘅肉可以食，但佢依個性價比，真心唔高，食其他會更開心另外，我都幾驚佢啲職員，特別係樓下派傳單果個，會衝過嚟叫你拎傳單，好似逼住你收咁，搵食姐，洗唔洗咁🥲🥲

好失望既一次放題🥲，唔太推介大家黎食每次食放題第一樣都會叫左盆刺身先，睇傳單個時見到既好多款刺身去到都係冇貨🙃例如池魚、龍蝦呢啲貴野。咁都算，叫其他款黎食，點知啲刺身係好唔新鮮，食落好大陣雪味🤢。而且間野都已經唔係多人食，出單都可以咁慢，重要黎到啲野食係錯哂🤷🏻，問下啲野食幾時黎，職員啲態度又唔好，淨係叫人等下，未試過食放題食到一肚氣，真係貼錢買難受，blacklist 呢間野，唔會再黎😤

最近好想食放題，然之後行過旺角兆萬嘅時候見到咁多人查宣傳單張，我就求其揀咗一間叫做大本瀛日式放題嘅去試吓😃上網見到有七百幾個好評我就滿懷希望入到去應該質素會唔差環境亦都OK嘅🤣但係點知就令我非常之失望😅食放題最緊要就係刺身同壽司啦，但係呢一點佢哋就做得非常之差啦😨簡直覺得自己中伏啊首先刺身有好多都係冇貨嘅，本身佢仲標榜話會有一啲比較貴價小小嘅嘢食就例如龍蝦同蟹嗰啲，點知上到去佢又話冇貨或者根本就冇嘅！咁我比呢個價錢出嚟，然之後乜都冇得食完全唔抵囉🫠就算有貨嘅刺身都好啦，好明顯係食得出，佢仲未融雪，質素好差，完全唔新鮮。就咁睇相都見到啲刺身魚生完全唔吸引🥲跟住佢哋出單又慢，叫完要等好耐先有，浪費唒啲時間。就算有野食啲野食都黎錯唒🙈熟食又唔ok，生冷野食又唔新鮮整體來講性價比真係唔算高囉🥲重點係佢嘅價錢同埋傳單上面都唔一樣上到去埋單發現個價錢係再貴啲嘅感覺好似俾人呃咗咁😅唔怪得知入到去發覺冇咩食客啦，感覺真係好伏到爆。我諗應該都唔會有下次㗎啦

前幾日諗住同朋友去食放題慶祝吓佢生日，但係就食得唔係幾開心，真係食到一肚氣呀！🫠食得放題都會想食刺身，但係好多都冇貨，其他嗰啲都好唔新鮮，食得出有雪藏味，連三文魚都係咁差。另外喺傳單見到嗰啲龍蝦同蟹去到都冇得叫，好唔抵之餘仲要被呃！我哋有嘗試禮貌地問職員，但係佢哋啲態度都好差，粗聲粗氣！其他食物啲質素都唔好，肉類嗰啲都好唔靚，完全唔知食咗啲咩，我朋友直程肚痾咗幾晚添呀！下次一定唔會再去，大家小心中伏。