大本瀛日式放題

營業中

休息中

先講野食🍜🥟🍙🍣🍛🍲款式算多，上菜快，羊架好味都叫左幾轉！樣樣野食都ok wor ,可能我不是專業食家，能夠一家老幼都滿足到，開開心心任叫任食，雖吾會似「大牌子」有熟食bar,棉花糖爆谷機， 飲品櫃一個，款式可以的，雪米糍，雪糕雪條普通牌子，但都多款，節日呢個價錢，值得一試再講服務👩‍💼🧑‍💼❤️要讚啊！電話訂檯後有同事 A小姐whatsapp 跟進，由於節日要先落訂金，態度友善我地book左10位，但母親節當日下大雨，有幾位遲到，都按入坐時間交檯用餐時所有員工都好勤力，會不停換碟，有咩要求都會即時回應，仲有兩位男同事（應該經理）服務很好有禮貌，有講有笑，離開時仲祝賀大家，小朋友望見雪糕櫃未食，未食快d拿埋先走啦😄大家都很愉快💐整體感覺👍👍👍環境未必很寬敞，勝在很平民，食物質素不差，員工服務態度好，會再考慮光顧

開得係兆萬，食放題通常都有好多選擇，見到樓下宣傳單張幾吸引，又未食過，就上去試下~點知一上到去價錢同傳單上唔一樣，但既然都上到黎就試下~點知.......入到去仲衰~傳單上嘅龍蝦、池魚、蟹等貴價野係冇得食既，仲要最過份勁多刺身都冇貨，有雪味，質素好差，用呢個價錢食，性價比唔高，覺得自己似水魚咁，唔好講刺身，連牛肉都唔好食個種，我食野已經唔係挑剔人士都覺得唔好食，咁點攪- -食放題最唔想就係出單慢，係咁上錯野，有D野食仲要叫勁都唔黎，你話個場多人都仲可以理解，又坐唔爆，職員服務態度差，催又唔上返，都唔知想點！食到一肚氣，無下次！

伏爆之《大本瀛日式放題》話說今晚旺角行街，行到攰攰地，就是旦食，點知伏到一個點！樓下單張見到既價錢，上到去食完原來係貴d，傳單寫到勁吸引，龍蝦、池魚、蟹等等全部都冇得食，剌身又勁多無貨，就有黎到台面剌身，見到個樣都唔開胃，入口食勁腥又唔新鮮，好大陣雪味，質素差到一個點，出單又慢，成日上錯野，同叫極都上少野食，收碟又慢，個場好一般，人都唔多隻，職員服務態度極其差，叫極都唔理你，就算眼睇到你隻手舉起，都當你無到，Last order又唔同你講，埋單就咁隊張單黎叫你比錢，食完回家仲要搞肚痛，今晚伏到一個點，永無下次！

一家大細到大本𤅗食日式放題！見到阿爸阿媽都食得好開心😁，果到嘅侍應好有禮貌，我哋落嘅order全部都冇走單，出order又快！食物質數好好👍🏻！侍應還不時爲我們收碟換碟！服務態度。。掂吖😄👍🏻

上星期屋企人好想去食放題，經過兆萬見到有傳單再search埋openrice睇好似無乜負評就諗住試下，點知就伏咗喇首先價錢同傳單上已經唔一樣，上到去食係貴啲🙂而且傳單上嘅池魚、龍蝦、蟹都冇得食，算，食刺身😃但刺身一樣好多都冇貨，就算有都唔新鮮，勁大陣融雪嘅味道，質素好差牛肉都好低級好妹，完全冇性價比可言🫥而且出單都勁慢，係咁上錯/上少野食個職員服務態度都差，催嘢食一句黎緊喇就算，真係食到火都黎啲檯周圍都好似痴痴立立咁，勁核突，真係伏到嘔

經過旺角，見到張傳單，好似幾抵幾正咁，咁就上去試吓啦，點知上到去，點刺身，嗌十樣有五樣都話冇貨，就算有貨啲刺身都有說雪味唔新鮮。明明傳單上話有龍蝦、鮑魚等貴價食物，點知又冇🥲咁都算啦，咁咪諗住食其他熟嘢啦，點知道出菜又慢（眼見得幾台人唔係太多客）等咗30分鐘以上先有熟嘢食吓。諗住問侍應幾時有嘢食，點知不停舉手，佢又當睇唔到睇我唔到，終於我行出去問佢，佢話好晦氣咁答我，➡️➡️熟嘢係要等耐啲啦，個個都係咁等㗎喇⬅️⬅️之後又求其俾啲我冇落到order嘅嘢我食！我都未試過食放題食都唔飽嘅，覺得自己好似水魚咁，完全貨不對辦，以後都係唔好信宣傳單張！😡最慘嘅就係，價錢同傳單都唔同，貴過傳單！

⚫️ 油麻地-大本瀛日式放題張傳單望落都還好，又唔知食咩好就諗住去試下。結果係差到都唔知講咩好 🫣首先係價錢同傳單上唔一樣，上到去食係貴啲。要咩無咩，者係傳單上嘅龍蝦、池魚、蟹等貴價野都冇得食。去到其實都唔多人，心諗無理由咁快賣哂😮‍💨刺身好多一係冇貨，一係唔新鮮。有雪味，質素好差😑 唔知食緊咩 🫠啲牛又麻麻 😠性價比一定唔高啦！覺得自己似水魚囉！仲要出單慢係咁嘅環境比我都服務態度差啲啦，唔想do

26-3-2023中午想食放題，就試試大本瀛。員工服務令人滿意，食物上桌速度快，冇漏單，值得一讚。食物方面:刺身夠新鮮，冬陰功夠味，雞湯一般，燒牛舌一流，夠爽脆，天婦羅蝦值得一讚，食出新鮮，唔會壳肉分離。

店員偉仔態度友善，主動提供協助，很勤奮！💪🏻店員阿龍密密收拾，態度友善！👍🏻兩位店員都非常值得讚揚💯此店刺身新鮮，食物款色多樣性！好值得幫襯！會再嚟同介紹俾朋友親戚嚟！

非常多謝服務員的優質服務，很貼心，很窩心，好耐無試過這種服務，好到我地都唔好意思！食物方面：所有食物都很好吃，三文魚、油甘魚、珍寶、帶子、甜蝦、刺身蝦全部很新鮮！冬陰功湯，雞湯，我哋每人飲咗兩碗！ 完全覺得係去咗泰國餐廳！熱食，串燒，炸物，全部都好味！

今日放工去旺角同舊同學聚會，同學提議食放題，所以就齊齊去咗兆萬中心度開餐，好耐都冇去兆萬中心，估唔到都幾多嘢食。最後揀咗最多好評嘅大本瀛日式放題幫襯，餐廳唔算好大，不過都坐得舒服，食物種類非常多，刺身都有十二款提供。刺身質素非常好，完全冇霉或者未解凍就上嘅情況出現，熟食方面亦係熱辣辣，而且味道都唔錯。食放題最怕嘢食上得慢，喺呢度完全唔使擔心呢個問題，係呢度由落單到上菜都超級快，落完單唔使幾分鐘就已經有得食。

第一次係openrice 打食評，同班friend 黎到大本瀛食放題刺身新鮮，有頭赤蝦正，大多數岀面係細細隻仲要係冇頭。仲有個泰式生蝦同個汁真係好正，又辣又爽口。壽司方面，和牛壽司個汁好正，辣辣地好惹味，而劍魚腩好鮮嫩，加埋白松露好岩口味！象拔蚌壽司有煙靭口感。熟食黎到熱辣辣，有煙出架！鹽燒牛舌又爽又有咬口，翠玉瓜夠曬多汁Juice，食完啲油膩嘢食返燒菠蘿解下油膩，好甜，啲色好黃一睇就知熟晒。燒蝦肉質彈牙大隻，羊架又唔騷又唔韌好好味，甜品仲有自家製嘅木糠布甸奶凍同熱糖水，果日食係木瓜雪耳同紫米露，唔知之後會唔會轉呢？整體用餐體驗好好，除非嘢食啲招呼都好，會對著你噓寒問暖，睇下啲嘢食會唔會未到，又提我地趁熱食，會再幫襯。

我今日6:45去食這個日式放題價錢偏貴，我見服務其實幾好，但係這間店舖的店員經常催促我們俾啲盤佢，因為我哋有幾碟食淨一兩舊他們就催促我們叫我哋將嗰幾舊擺埋一齊，這樣令我們覺得不太舒服和太趕時間，因為我們只想慢慢食同埋傾吓計，主要都係輕輕鬆鬆咁樣食，不太願意被人催促，至於在食物方面，整體大致上都滿意，我認為魚生好新鮮是水準之上，所以補充番雖然價錢偏貴但是值得的，除此之外我認為地方坐得舒服和有足夠的給我們五人坐，所以我都推薦大家可以試一試

好耐無去，生日三人行訂張枱去食下，可能真係好耐無去，啲食物質素差左，刺身擺得好靚，唯一保持水準，其實冇叫第二輪，羊鞍好細件又無乜味，牛肉粒同牛利好硬又有渣，鹽燒大蝦，D肉好梅，燒菠蘿好似冇乜燒過，仲好酸，每樣野都冇番单除咗通菜，定位時已說明生日的，見別人有歌有生日蛋糕，点解我朋友乜都冇，好失望，生日也没有優惠連蛋糕仔都冇個，見朋友有点失望，晚市比得呢個價，其實都好多選擇

我哋係1930-2130果轉放題，九點鐘果時last order,其中我哋叫咗個壽喜燒，跟住有個無著制服，可能係老細嘅人走過嚟同我哋講「咁晏先叫呢啲嘢食，嚟到你都食唔到啦」跟住我哋呆哂，俾唔到反應，佢下一句就話「呢個無㗎啦，你哋叫其他嘢食啦」然後我哋點咗其他嘢食，例如：燒粟米、牛舌、牛肉粒呢啲小食，但最後一樣都無嚟到。體驗極差，懷疑條友特登去cut 哂我哋啲單，跟住仲要將啲啤酒收埋去一個隱蔽啲嘅雪櫃，最後擾攘咗10分鐘先問個員工拎到罐啤酒。你放題任食又唔俾人點餐，咁驚人浪費食物就唔好做放題啦，仲要果時先九點鐘，我仲有成半個鐘都唔俾人叫嘢食，以後唔會再去，超伏仲有地板痴笠笠