大山日本料理

營業中

休息中

大山日本料理係新開既，地方幾整潔，地板仲會反光添！😂Lunchtime定食只係$58+，好吸引！難怪有唔少捧場客！1.牛肉壽喜鍋$58湯好夠熱！肥牛浸落湯之後就會變熟！湯底夠濃，帶甜！😋2.燒日本魚餅$68雖然表面有少少濃，但無影響味道。魚餅幾有鮮味，又彈牙！😋3.鹽燒厚切牛舌串$384.A5和牛串燒$58幾滿意！有牛脂香，又易咬！👍🏻5雜錦天婦羅$68有蝦天婦羅3隻、蝦肉幾爽。茄子、青椒、南瓜、冬菇天婦羅都好味，因為層炸皮夠薄，亦唔油膩，幾高質！👍🏻7.燒雞泡魚干$68夠軟身，愈咬愈香！👍🏻8.蟹籽海膽炒飯$128好足料！炒飯粒粒分明，夠乾身，唔油膩！😋9.鮟鱇魚肝$58竟然有鮟鱇魚肝！仲要唔貴！咬落幾香！😋😋總結：性價比非常高！食物味道非常合格、唔油膩！推薦！👍🏻

入到去環境寬敞，座位卡位大而舒服，裝修布置得唔錯。服務員態度非常好，幫我介紹同推薦。餐牌主要係刺身，燒物，串燒，鍋物居多。手機落order ，方便牛肉壽喜鍋湯汁香濃而唔會太咸，一上枱半生熟，靠熱力慢慢煮熟，唔會令到牛肉太老，保持嫩滑。牛肉份量多，食得去香濃牛肉味，菜都好新鮮，價錢唔貴芥辣八爪魚勁新鮮，我最鍾意食呢款小食，咬落去煙韌，帶點小小攻鼻，勁好食！手打冷烏冬夏熱天時，呢款清涼岩晒我，將生蛋打落醬汁，再蘸係烏冬到，非常之香滑，紫菜加埋啲薑蓉同蔥，味道一流！活赤貝刺身勁新鮮，勁爽口，再點少少芥末同醬汁，好食到不得了！北海道芝士蛋糕香芝士味，口感幼滑涷黑糖薑姜母茶裡面薑粒，飲落去冰涼加薑辣，正！

是夜去旺角行完街，又想食日本野，今次來到樓上店<大山日本料理>，見食評都有吾少好評，價格又吾貴，一於來試下新野！！～餐廳環境以日系佈置為主，木系日式風格盡現，氣氛吾錯，環境空間感夠濶落，感覺坐得非常舒適。餐廳的食物選擇豐富，有刺身、丼飯、串燒、鍋物、燒物、烏冬等等。<和風炸雞 $58>炸雞份量都幾多，而且每一塊雞肉都大大件，入口脆脆哋，啖啖肉，味道亦醃得非常惹味，值得推薦！<牛肉壽喜鍋 $58>見牛肉壽喜鍋甘平甘抵食，當然要叫一個來試下！牛肉鍋吾算好大鍋，但兩個人share就剛剛好。牛肉每一片都大大塊，薄切的牛肉更為容易入口，而且肉質屬半肥瘦，入口非常嫩滑。個人都幾鐘意壽喜鍋略帶微甜的醬油風味，令牛肉同豆腐都更為美味好食。牛肉入口夠嫩滑，甜甜地更惹味。<角切魚生飯 $78>角切魚生飯好大碗，材料非常豐富，仲有好多魚生，有三文魚、鱆紅魚、吞拿魚，樣樣都非常新鮮，以這個份量同質素來講，相當抵食。啖啖魚生肉嘅刺身飯，相當美味，口感豐盛，非常滿足。魚生丼飯仲配埋麵豉湯，味道不錯。<鰻魚炒飯 $98>鰻魚炒飯都炒得幾

行過附近見到新開左間樓上居酒屋….見佢門面都裝修得唔錯…即刻去試一試。環境新裝修非常乾淨舒適。呢到用手機點餐，方便又快捷…我地2個人就點左個蟹籽海膽炒飯炒飯真係吾錯，炒得好乾身…冇黑色鑊既點點，乾濕同軟硬都適中，最正既係佢每一啖都有海膽味同新鮮蟹籽。另外就叫左活赤貝，三文魚同海膽刺身。赤貝好爽甜…三文魚夠肥美..海膽冇苦澀味..刺身食得出真係都新鮮，呢類價錢唔貴..食物質素又唔錯嘅居酒屋而家都真係比較少見到..

又係走居酒屋路線嘅日本野，座位寬敞，環境都唔錯！頭盤揀咗芥辣八爪魚，wasabi 好辣但係好正，八爪魚好彈牙，好有咬感。跟住試咗個刺身拼盤（松），都幾別緻，尤其個海膽，有個板仔裝住，而且都算新鮮，油甘魚，呑拿魚同三文魚呢啲基本刺身都齊，同埋算厚切，仲有甜蝦，想普通食個刺身叫呢盤都夠。小食試咗個德島雞皮餃子，未試過個餃子皮可以用雞皮代替，好香脆，都幾好食。主食叫咗豚骨湯鍋仔手打烏冬，真係原鍋上，仲跟個天婦羅，飽肚暖胃，湯底都好香濃。男友人就叫蕎麥冷麵，將鵪鶉蛋撈埋冷麵汁一齊食，清清地幾好味！最後叫多個牛肉壽喜鍋，牛肉好大塊，將生雞蛋撈勻個湯汁一齊食，同甜甜地嘅湯底好夾，入面仲有唔同種類嘅蔬菜，索滿啲湯好正！

視日本為第二個家嘅朋友患咗思鄉病,唯有陪佢去食下日本菜。由港鐵油麻地站A2行過去,幾分鐘就到,好方便。餐廳內掛滿五顏六色嘅燈籠、墻上掛著木牌仔同擺放著各類型日本酒,好有東瀛feel🍶🎏🎎。刺身、一品料理、小食、揚物、燒物、飯類…麵類…點咩好呢🤔煎餃子🥟🥟餃子一面煎至金黃,餡料保持肉汁鮮味,點上醬汁更美味!鐵板牛油帶子🥘🥘大大粒帶子煎封表面金黃乾身,入面質感爽軟多汁,吾會乾爭爭。鴻喜菇(吾肯定)腍軟,吸收帶子鮮甜同牛油香,用上鐵板保持溫度,滴上檸檬汁,豐富味蕾oishi蕎麥冷麵配日本醬油🍝🍝蕎麥麵煙韌爽滑幼長,簡簡單單用日本醬汁、蛋液、香蔥、海苔絲同wasabi混合,一碗涼絲絲又健康爽口嘅冷麵係悶熱天氣中嘅好選擇!照燒墨魚筒🦑🦑另一道超簡單嘅小食,喜歡甜甜嘅醬汁燒出來嘅墨魚,又香又爽口,切成一圈一圈,容易入口,好開胃!宇治抹茶鮮奶🍵🍵餐後再慢慢品嚐著清新茶香加獨特甘苦嘅飲品。除咗食物質素同環境外,侍應服務態度良好,相信暫時可一解朋友思鄉病症吧!

極上北海道帶子100蚊唔洗既價錢，有齊四種食材，絕對對得住佢既價錢。北海道帶子都幾鮮甜，而且唔會切得好簿，有口感既。三文魚同三文魚子就正常發揮，個赤海蝦都唔錯。燒雞泡魚干每次去居酒屋都好鐘意食雞泡魚干，估唔到係旺角平民日式餐廳都食得到。魚干表面燒到焦脆，甜甜咸咸，好適合做開胃既小食，個份量都足夠三四人分享一齊食。鐵板牛油帶子帶子比起我想像中大隻，鐵板上一般好易加熱到好鞋好韌，但依間餐廳又無依個問題，食落幾香幾易入口。發覺依間餐廳既帶子不論生熟都做得幾好。牛肉壽喜燒牛肉肥瘦適中，質素當然唔會話好高，但食落係有牛味同埋容易入口。個湯底略嫌偏甜左少少，整體都食得過。

星期三作為一個星期既中間，已經消耗左一半既精力，一定要食返美食為自己叉一叉電！今日就同朋一一齊去旺角行下順便又發掘下d新美食。活赤貝刺身赤貝一望就好吸引！帶橙紅色既赤貝身充滿水份，入口好滑身而咬落去貝身好爽脆。味道好清甜，帶住淡淡海水鹹香,鮮而不腥。極上北海道帶子丼滿瀉既三文魚籽配上大帆立貝既配搭已經引人注目！三文魚籽內既精華令鮮味倍增而且鹹香。壽司飯間滲透住魚籽既汁液，豪華又鮮味。鐵板牛油帶子帶子唔會煮得過老，咬入口中間帶子肉身不韌不柴。經牛油煮香過後吸晒醇香既牛油香，再配上甘甜既帶子香味變得濃郁又唔會過膩。明太子雞翼雞翼炸香香脆唔會油膩,外層加上少少白芝麻粒增加脆口感。內裏釀入微辛又帶有鹹鮮香既明子太增添風味，明太子混合雞翼內既雞汁令肉香味昇華更有層次。巨峰乳酸梳打乳酸梳打酸酸甜甜減輕油膩感，配上巨峰都唔會過份甜膩。

平時已經覺得旺角區多隱世日式居酒屋,今日經過旺角又發現一間新開既日式居酒屋！內裏掛滿日本風既擺設充滿日本既氣氛！三文魚腩刺身三文魚腩相當肥美厚身,色澤光鮮而且口感彈牙相當新鮮,入口帶住三文魚既魚油甘香.極上北海道帶子丼內裏有牡丹蝦,三文魚籽,三文魚及帆立貝.牡丹香肉彈牙而且連蝦頭帶住濃郁蝦羔鮮香,而蝦身同樣甘甜爽彈.帶子丼鮮甜而且肉質香滑唔會雪.粒粒晶瑩剔透既三文魚籽內藏住鮮味濃既精華.吉列黑豚吉列炸漿炸得薄脆而且炸漿面唔會帶有過多油份停留係吉列皮上.入口酥香,咬入口時聽到清脆既咔嚓聲,好治癒.黑豚肉質香軟結實,入口帶有肉質嚼勁又唔會過韌,豚肉肉汁香而不羶.炸雞軟骨粒炸成金黃色既雞軟骨粒炸得酥脆又乾身.入口脆卜卜既同時咬入口會溢出雞肉香.凍宇治抹茶鮮奶鮮奶味好香滑,加上宇治抹茶帶點茶甘香味.巨

今日又出動同老公去食日本嘢行過兆萬對面見到有間樓上舖似乎係新開 我哋就上去試吓啦呢度嘅款式都幾多裝修係東瀛嘅感覺坐卡位可以望到街景 好少由呢個角度望落去 有趣又想食泡菜豚肉鍋又想食牛肉壽喜鍋最後好癲兩個揀晒🤣🤣個人比較鍾意泡菜豚肉鍋好濃嘅泡菜湯 入邊有菜肉菇等等豚肉好肥呀但配返泡菜酸酸辣辣又冇好油膩嘅感覺 個湯好正 忍唔住飲多幾啖牛肉壽喜鍋就同平時嗰啲一樣啦 中間有隻蛋 可以趁熱自己整蛋花 呢個都唔錯嘅👍🏼講真$58蚊一個鍋物其實真係好抵另外嗌多個三色魚生飯 會跟麵豉湯薄切魚生片大概九片 另外側邊有個三文魚腩嘅花 超肥美🥰最後飲品揀黑糖薑母茶老公竟然要求多甜少冰😱好彩出嚟甜度又啱啱好喎 味道唔錯嘅見到好多薑粒粒係杯入面 如果可以我會建議餐廳用茶袋裝住 因為啲薑粒碎濕濕 會令到喉嚨好痕想咳😅最後嗌多咗一串牛舌 好香油脂味 買大塊好有口感 正😄

最近轉咗工，九龍區返工點能夠唔搵吓九龍區有咩食，今日收工就約咗男朋友係旺角等，再行下睇下食乜野。行咗一陣就發現兆萬中心嘅對面開咗一間新嘅日本嘢，鍾意試新野嘅我哋梗係要去試吓啦打開Menu之後發現，價錢相當相宜，令我不禁懷疑🤔會唔會唔好食㗎？不過結果令我刮目相看😍食物不單止好食而且服務都好好帶子刺身 $68嚟到食日本菜，又點可以唔食刺身呢，呢個帶子刺身粒粒都好大隻，肉身極富彈性，味道鮮味甘甜，鮮味濃郁。室津生蠔 $78/2隻生蠔肉厚肥美，配左少少青檸汁，好醒胃，而且$78可以有咁既質素，我個人認為好值得一試。手打冷烏冬 $58真係手打嘅冷烏冬買少見少，如果再加埋生嘅鵪鶉蛋就仲少見，今日食呢個烏冬，係我近年見過最有誠意，不論喺配料上面，定係烏冬嘅質感，都做得好好。鹽燒厚切牛舌串 $38牛舌夠晒厚身，又爽口又有口感，呢度燒既牛舌，肉嫩多汁，超級好味，火喉真係岩岩好，呢間鋪燒既串燒真係唔錯！雞翼串燒 $28不論調味定肉質，都非常咁好，唔會太咸，食落又唔會乾爭爭，值得一試。

最近聽朋友講喺旺角開咗一間價廉物美嘅日本菜，趁今日出去做嘢，就約埋朋友一齊去試下，地點非常容易搵，一入去地方相當寬敞，而且位置都多，唔會話坐得好辛苦好迫海鮮沙律 $88海鮮沙律其實好多間日本野都有，但足唔足料就好難講，但今日係度叫既海鮮沙律唔單止刺身款式多，而且蔬菜新鮮，同埋芝麻汁，好開胃牛肉壽喜鍋 $58牛肉煮得非常嫩同軟，肉味十足，肥瘦岩岩好，唔會太生亦唔會太熟，即使配菜都非常咁好食，性價比一流三色魚生飯 $88魚生飯可以講係另一個必點選嘅項目，呢度個魚生飯不論魚生片，定係飯量，都好夠，兩個人食，都好足夠，而且魚生食落都好新鮮，咬落啖啖肉A5和牛串燒 $58望落去雖然唔係好大塊，但係食落就知呢塊和牛有幾咁出色，師傅控制火候非常好，食落唔會覺得好韌，淡淡肉汁出晒嚟，如果可以分量多啲就更好

話說小弟今日同女友人落左旺角覓食, 我地去左兆萬嗰頭就講起以前呢頭有間明將壽司, 當年好hit.. 但而家已經轉多其他鋪頭啦.. 我地橫掂黎到但又想食日本野， 我地就發現惜日明將壽司附近有呢間大山日本料理.. 咁我地就入去試下啦... 佢鋪頭裝橫都唔錯又寬敞， 幾重和風味道.. 野食方面我地叫左一個(松)刺身拼盤，芥末八爪魚，德島雞皮餃子，鍋仔手打豬骨湯烏冬，喬麥冷麵，牛肉壽喜鍋.. 味道方面個松拼盤都好足料同大份.. d三文魚仲要係魚腩，勁肥美.. 佢有半板海膽超滿足好creamy.. 個雞皮餃子就口感幾得意同幾有咬口味道都幾好, 個喬麥冷麵撈少少海膽食真係好greedy得黎又幾惹味.. 個芥末八爪魚就好鮮味得黎有d wasabi香幾過癮.. 最後食埋個牛肉壽喜鍋就大滿足啦..

喺旺角呢間樓上舖食日本嘢，入邊裝修都幾好，有日本餐廳氣氛。落單係用線上落單，見到有日本生蠔，所以叫咗兩隻室津生蠔🦪($68)，仲叫咗一客鹽燒三文魚頭($58)，見到有我喜歡食嘅芥辣八爪魚($48 )，即刻叫咗一份，另外，又叫咗一客枝豆($28) ，仲有蒲燒鰻魚串($38) ，突然見到Menu裏面有我嘅自愛牛舌，梗係要食啦，所以又要咗鹽燒厚切牛舌串($28 )。生蠔好夠新鮮，同埋入口好creamy，非常之好味道。芥辣八爪魚，正！牛舌，熱辣辣上枱，入口口感一流，冇令我失望😋。鹽燒三文魚頭，都係熱辣辣上枱，非常好食，正！呢個三文魚頭唔單止燒得啲骨脆卜卜，裏面仲有好多三文魚肉，又可以食到啖啖肉嘅效果，呢個真係意外驚喜！

大山日本料理－ 餐廳喺2樓，一入去嘅感覺都幾空礦，位置之間都有空間，仲有卡位。我地被安排左坐卡位，卡位私隱度都幾高，裝修佈局都有D日本元素，牆身有好多日本風格嘅畫作。 我地食嘅時候係中午時間。而午市有定食menu，不過我地就揀左單點嘅menu試下。 我地兩個人食叫鮮甜左特上刺身拼盤同蟹肉忌廉薯餅。 特上刺身拼盤有三件三文魚腩，三件吞拿魚，兩隻赤蝦，三粒帶子，半板海膽同三文魚籽。 整體黎講都幾新鮮亦冇雪到凍得滯而變硬。 三文魚腩厚切，食落香滑，肉質唔錯。吞拿魚食落有香味亦唔會太韌；赤蝦鮮甜，都幾大隻；帶子，咬落唔會太韌或者太硬。海膽有時會擔心有腥味，不過好彩食落係冇嘅，食落軟滑，海膽香味都算濃郁。三文魚籽咬開有淡淡嘅蛋香，帶d鼓油鹹香，幾好食。 蟹肉忌廉薯餅，叫嘅時候以為係一塊餅裏面有蟹肉忌廉薯蓉。上枱後原來係一隻忌廉薯蓉包住隻蟹鉗仔，再拎去炸。炸得好脆，第一啖一咬仲幾熱吓，忌廉薯蓉幼滑，蟹鉗仔都有痴住dd蟹肉。最後，飲品叫左熱咖啡，味道正常，都幾香。