大山日本料理

營業中

休息中

旺角兆萬對面最近新開左間居酒屋，聽朋友講都唔錯，就嚟試吓先💕餐廳整體環境都算闊落，枱同枱之間唔會好迫👍🏻打開餐牌，發現價錢都幾親民，一個壽喜燒鍋都只係$58！✳️帶子甜甜地又食到新鮮感👍🏻✳️牛肉壽喜燒鍋湯底甜甜地唔會太鹹😌，牛肉同蔬菜嘅份量都好多，超高性價比！✳️三色魚生飯飯底調味調得剛剛好，開胃！魚生都好新鮮😍✳️鐵板薄切牛脷牛舌薄薄一片燒得剛剛好，有鑊氣得來唔會太硬，十分嫩口，亦食到好香的牛味。蒜片脆卜卜，都好香好好食👍🏻✳️三文魚明太子串本身好鍾意食三文魚嘅我好期待呢個，最後都係不負所望，非常好食👍🏻三文魚燒到啱啱好熟，食到鮮味同魚香。明太子太鹹，我會加少少落三文魚度調味已經足夠😌✳️燒魷魚筒燒魷魚軟硬適中，唔會太硬，但期待再重少少焦就完美🌝正常來講呢間都好有驚喜，雖然開喺旺角旺區，但價錢都好親民，份量亦好足，味道都掂，期待會返嚟食第二次👍🏻

最近發現旺角街尾嘅呢間日本料理有8折，而且價錢唔貴，一於試試！環境真係一流，和風嘅裝修擺設，加上卡位有街景，冇得輸，不過得3張，所以訂左位先有機會有窗口位黑松露醬三文魚沙律呢個一般般啦，只係將三文魚切粒，混入黑松露醬同蛋黃醬，再用西生菜放底，如果佢加返少少鹽調味會更好醬油鮑魚呢個冇得輸，鮑魚本身已經係正野，Wasabi同豉油其實有啲多餘，因為鮑魚本身個味已經好夠唐揚炸雞炸雞出色，雞皮超脆，味道夠，再加埋沙律醬 同蔥花真係好滋味，做得比較有特色，同出面嘅日本餐廳係有唔同煎餃子一份6隻，一上枱個賣相都嘩嘩聲，真係好靚，煎得香脆清酒牛油焗帆立貝呢個失敗，冇調味，個汁完全冇味，檸檬嘅作用只係普通，加上帆立貝過熟，肉質好韌燒三文魚頭有驚喜，同樣煎得香脆，肉質依然嫩滑牛肉壽喜燒又係無得輸嘅菜式，牛肉約4塊，豆腐超滑，湯底香甜，不過略嫌甜左少少，但係抵食食物質素一半半，有好有唔好，不過價錢好多都圍繞48-98之間，定價合理，主要打卡吹水係好適合，環境又靚又闊落

餐廳位於旺角前行人專用區油麻地街尾，非常方便。 今次同朋友2個人黎，叫左好多野🌝💛帶子刺生帶子大大粒，上菜時刺生溫度適中，唔會有雪味，入口鮮甜，亦不會霉。💛三色魚生飯，角切魚生飯 配 三文魚麵豉湯同朋友一人叫左一碗，魚生新鮮，入口溶化。值得一讚係三文魚麵豉湯味道濃郁，十分開胃，配料充足，三文魚骨都好入味，但要小心魚骨呀🌝💛鐵板薄切牛脷牛脷不會靭，咬落極之爽口，配上蒜片一起吃，食到唔停口，雖然係鐵板料理，但不會太油膩，食到最後不會油浸👍🏻💛香草燒雞翼雞翼充滿香草味，但略嫌肉質較乾，比較遜色😌💛牛肉壽喜鍋湯底味道濃郁不會太甜，牛肉分量充足不會乾柴，絕對可以配3碗白飯👍🏻💛三文魚明太子串魚肉嫩滑芳香，加上明太子醬極奇開胃，但有少少過咸，要配飲品/ 飯一齊食👌🏻💛照燒魷魚燒烤恰到好處，魷魚翼位都不會過乾，入口夠爽，越食越想叫多份👍🏻食左咁多野，先600蚊，真係平靚正一個字：掂

因為好近排好窮所以就同朋友食翻啲平嘢本身諗住食樓下嗰間雲桂香米線但朋友又唔想食米線 所以就揀左呢間我叫左角切魚生丼朋友叫左鍋仔手打烏冬個角切其實就青瓜同蟹柳 多過啲魚生😅而且就冇咩三文魚嘅不過78都個差唔多咁上下反而個手打冬烏冬就幾有驚喜有滑雞，生雞蛋，菇，蟹柳同炸天婦羅蝦佢覺得啲餸少左啲 半碗都係湯佢覺得啲湯有啲味精 不過都有少少鮮味嘅佢嘅烏冬就正常都ok煙韌我就因為我碗飯勁乾啲豉油又咸就狂飲佢啲湯 反而就唔係幾覺得好味精呢個價錢應有嘅質素 唔係太好又唔差

假日約了表妹去旺角家樂坊的吉之島shopping 後，行過對面西洋菜南街覓食，無意中發現有間隱蔽的大山日本料理，喜歡吃日本料理的我倆異口同聲都贊成上去試試。乘𨋢到2樓已是餐廳，天花掛上色彩鮮艷的燈籠，牆壁也貼上很多日本畫報，感覺充滿濃厚的日本氣氛。鑊氣十足香噴噴的鰻魚炒飯，短圓的日本飯粒入口香滑輭熟。鮮甜室津生蠔，略嫌size比想像中細了些。有鮮甜櫻花蝦、帶子和魚子的極上北海道帶子丼，配上新鮮沙律菜和有三文魚腩料的麵豉湯。還未叫串燒，我𠉴巳飽到抱腹了。見Menu還有其他日式料理，由其是串燒，價錢都係街坊價，下次要再上嚟全程吃串燒。

一見到呢頭新開左間日本店就黎食啦!呢間店掛左好多日本燈籠,好有特色呀!我點左一份牛排,佢已幫我切好。牛排係較薄身,我中意食熟D就叫左佢煎熟D,牛排肥瘦勻稱,唔錯。牛油帶子好抵食,份量多,牛油香包滿帶子,仲要用鐵板上,保存到個熱力,好好呀!黎得日本餐廳都例牌叫波子汽水,店員好好,幫我開左。呢度好近油麻地MTR,同埋多卡位,得閒可以約埋三五知己黎食下野吹下水。我坐既位就望到街景,岩我思考人生。食物方面,價錢相宜,值得一試。

一入到餐廳已經覺得身處於日本 牆身畫上日本知名地方 掛上日式燈籠 令我回想起返鄉下既滋味😙😙好好彩 被安排坐卡位 位子相當闊 坐得好舒服❤️·牛肉壽喜燒份量相當大呀！！ 無論牛肉定配菜都係超多 完全出乎意料之外 上菜時牛肉仲有生生地 咁我地可以由自己決左鐘意既熟程度 正呀❤️· 大判燒真係好耐無食 同埋少見日式餐廳會提供 所以點都要叫一叫佢木魚細細舊 方便食好多 ❤️同樣材料充足🤗. 手打冷烏冬可以自己打旦落醬油度 加埋蔥等配料 成個醬汁提升左 將彈牙冷烏冬沾一沾 簡直係無得彈！· 鹽燒三文魚腩簡單鹽燒都好好味 又多肉 咬落仲有魚油出🤤🤤·明太子雞翼漲卜卜 咬落去啖啖明太子 有少少辣 唔錯唔錯· 燒雞泡魚干份量都好多 用黎送酒會好正 唔岩飲酒 淨食都唔錯架⚠️提一提 真係記得要訂定位呀 因為真係好多人😳😳

去旺角唔知食咩好，見到有人係街到派傳單，咁就拎左一張傳單，上面有兩張寫住滿$100減$10，咁就諗住試下哩間。上到去環境非常日系居酒屋咁裝修，係有一點細但都坐得舒服，掃QR CODE自助落單，野食選擇唔多，冇壽司。兩個人食叫左刺身拼盤，刺身井飯，炸雞，牛舌串，其實叫個刺身拼盤都係搏下試下佢，唔好食就冇下次，因為之前試得太多間吞拿魚刺身口感好擦子膠feel, 海膽我都怕係臭，點知一黎到個樣膠膠地，食落有驚喜，真係估佢唔到，食物質素又唔差，哩個價錢雖然唔平，但起碼我食得開心。但炸雞比較鹹，要飲好多水，叫店員加左2次水，個店員好識做，直頭放低水壺俾我地自己斟水，哩個位加分，因為我叫人加水都好麻煩。最後結賬我俾頭先係下面拎嘅傳單俾佢，有兩張消費$100減$10，咁我地食左$400幾蚊，心諗只可以用一張，結果佢幫我地直接減$20，又真係有點驚喜。總結黎講哩間可以有下次。

這晚和老公路過旺角步行街，突然有一位女士派來傳單，說樓上的大山日本料理非常扺吃，反正已到晚飯時間又沒頭緒想吃什麽，於是儘管一試。既然是日本料理餐廳，內裡裝修果然非常日系。翻開餐牌，發覺性格比相當高，選擇頗多，如果嗜牛的，還有套餐選擇。為了先開胃口，叫了一客冷盤黑松露三文魚沙律，濃濃的黑松露，混合新鮮蔬菜和份量不少的三文魚粒，先給口腔和腸胃帶來清新感覺。吃完頭盤，叫了一個熱騰騰所牛肉壽喜鍋，熱湯盛着金黃雞蛋和鮮美肥牛，一股暖流直撼心內。吃完這個壽喜鍋，意猶未晝，想多來一個熱食，於是叫了一個鍋仔手打烏冬(豚骨湯)，永遠日本的烏冬都是相當有水準的，軟硬適中，而且跟付的天婦羅也炸得非常鬆脆，那個豚骨湯底更是十分美味。最後，在日本餐廳怎能不吃刺身呢？於是再叫了一客特盛海鮮丼，刺身用料新鮮豐富，還有跟付一客味噌湯啊！最後埋單竟然三百元也不到，已經令我倆吃得飽飽滿足地離開了。

好耐無去過旺角行街。今晚同女朋友拍完拖，女朋友話晚餐想食日本菜，一於黎到西洋菜南街嘅呢間「大山日本料理」。餐廳嘅裝修真係充滿日式居酒屋嘅風格，好有日本風味。餐牌有好多圖片睇，算係幾貼心。我地叫咗一個「堂煮A5和牛壽喜燒（2人前）」。賣點係有250g嘅A5黑毛和牛，肉質真係好鮮嫩，淥兩下就熟，牛肉味好重，好好味！配菜係野菜豆腐，真係好清甜可口。另外再追加一客「手打烏冬」。好爽口、好彈牙，夠晒口感！配壽喜燒真係好入味，「清酒牛油煮蜆」份量超多！湯汁鮮甜，蜆肉肥美，幾好咬口。「明太子雞翼」炸到脆卜卜又好香，明太子個味都幾出，愈食愈滋味。食咗咁多野，埋單唔洗$600，性價比實在很高！

今日係旺角行街 行行下有啲肚餓 搵間餐廳醫下肚先，黎到呢間日本餐廳試下我哋叫咗燒日本魚餅，雜錦天婦🍤🍤🍤，燒雞泡魚干，鮟鱇魚肝同埋蟹籽海膽炒飯燒日本魚餅🍢🍢有好魚味，份量都好夠。雜錦天婦羅🍤皮薄餡靚 ，食落一啲都唔油膩。燒雞泡魚干同鮟鱇魚肝都好香口，如果配酒飲真係一流！👍🏻👍🏻😏蟹籽海膽炒飯🍛用料十足，落咗好蟹海膽落去炒，最後仲要放多個新鮮海膽係上面，飯粒乾身，食完碟底無油，好滿足😋🍻🍻

今日出開旺角買野同朋友食埋晚餐，行經兆萬附近見到呢間日本餐廳「大山」好似幾吸引，一於試試先。餐廳係用QR code自助落單，見到期間限定有堂煮A5和牛壽喜燒好吸引，佢係2人分量，所以叫左呢個壽喜燒再揀左些少小食share就夠。A5和牛賣相十分吸睛，每塊都大大塊，雪花分明，一睇就知係靚牛，淥兩淥就食得。食落口入口即融，牛味濃郁，好滿足。佢嘅配菜有菜、金菇同豆腐，份量充足，可以中和下食肉嘅罪惡感。我地額外加左個手打烏冬，烏冬煙煙韌韌，而且好滑，索晒壽喜燒湯底嘅甜味，忍唔住飲埋啲湯。清酒牛油煮蜆，呢個真心推介好抵食，完全無諗過會有咁大盤，啲蜆size亦唔細，亦煮得好入味，食極都仲有，超抵。明太子雞翼，雞翼入面釀滿明太子，食到Lam Lam 脷。餐廳食物質素唔錯，不過今次叫左個壽喜燒所以試到嘅野唔多，下次可以再黎試下其他野食先。

呢間餐廳嘅位置就係喺兆萬商場對面。由於餐廳位於樓上舖，所以啲枱唔會太迫夾，我哋兩個人可以坐張四人枱。鹽燒三文魚頭，呢個三文魚頭分開咗兩嚿，下面嗰嚿都真係幾多肉，上面嗰嚿就係三文魚頭來的，燒得都幾香口。價錢58元。香草雞中翼，呢個雞中翼有三隻，雞翼上面會有啲香草粉，所以會有香草味。價錢28元。北海道芝士蛋糕，呢個芝士蛋糕雖然細細件，但係有好香濃嘅芝士味，呢個係必食推介。價錢28元。豚肉湯手打烏冬，78元。

餐廳食物超級抵食，300蚊到已食左鐵板燒帶子，燒牛舌，鹽燒油甘魚餃，鹽燒雞翼加一個丼飯。呢度嘅環境幾好，裝飾得非常日本風，掛住左好多燈籠仔，每張枱同凳都係深啡色嘅木系風。牆上仲有啲日本畫像。打卡一流。餐廳嘅一邊有好多正正方方嘅四人同二人枱， 而另外一邊呢就有3至4張私隱度極高嘅卡位。 都幾舒服幾好坐。鐵板帶子：幾抵食，每粒帶子都好大粒，有成五粒。幾惹味。燒牛舌：好香黑椒味，薄薄地，好香口。送酒一流😀👍👍鹽燒油甘魚鮫：面頭燒得香脆， 鹹鹹地，幾多肉😚😚鹽燒雞翼：已開邊，好容易食，都係燒得香脆，鹹鹹地😚😚魚生丼：大量魚生切粒，好豐富。仲有蛋，青瓜等等。好fresh。想平平地過下食日本嘢嘅癮，不妨試下❤️

平日下午去，想食日本野，簡簡單單揀咗間餐廳。 上到去裝修幾日本風。仲有卡位。坐低就有綠茶🍵餐牌有刺身、串燒、丼飯等。叫咗丼飯有麵豉湯，麵豉湯有三文魚，味道夠，幾足料～～▶️極上北海道帶子丼$128有帶子三件、蝦一隻、三文魚三片、少量三文魚籽及玉子一片，算豐富～飯好夠多，刺身ok～～▶️三文魚海膽丼$98飯大大碗，有好多三文魚、海膽可撈飯食～▶️鹽燒雞軟骨串$38有兩串，新鮮燒起🍢加檸檬汁平衡返～