大圍小館

營業中

休息中

睇食評見到好多人都話好食，於是同屋企人喺平日中午時分黎到，想試下係咪真係咁正。要等成廿幾張枱，大概等左40分鐘先入座，但有限時75分鐘，並唔適合想傾計慢慢嘆點心嘅顧客。點心落左單後都喺正常速度上菜，叫左呢啲：第一叉燒薑䓤撈麵聽聞呢度叉燒好食，就叫左黎試，對於女士黎講，叉燒太大舊，有啲位好燶，整體一般，可能期望太高，撈麵反而幾好食蝦餃比一般好，但未至於好好食千層糕都係正常水準煎糯米雞呢樣本身好有期望，因為唔係好多酒樓有做呢款點心，但真係唔好食，好乾好硬，餡都唔好食，食淨成一半鵪鶉蛋燒賣正常水準，幾好豬潤腸粉豬潤有騷味，腸粉非常滑蒸魚雲值得一讚，材料足而且夠入味，非常好食陳皮豆沙煎餅喜出望外，好重陳皮味，香口好好食埋單加埋3人茶錢要五百幾蚊，食物並唔係樣樣都咁好食，天氣熱等位都內，加上有限時，唔會特登再去幫襯。

位於大圍，大名鼎鼎的「大圍小館」🧧想食好耐，終於book到去食喇☺️招牌菜「第一叉」$188 全份🐷我地打去book位果陣特登order定架 好搶手🤣 呢份叉燒之前睇果籽介紹過🥺 用梅頭第一刀慢烤，帶有微微炭燒味又充滿肉汁好juicy，燶邊焦香既外層，肉質軟腍，肥瘦適中，每舊都係厚切架，咬落去脂香肥美🤩 蜜汁用左龍眼蜜，食落唔會好痴口，更清香～ 好高質😋「意大利黑醋肉排」$188🐽有啲似咕嚕肉，已經去左骨，食落啖啖肉，外脆內軟；黑醋汁酸甜度啱啱好，好開胃，消除肉排既油膩感，個汁可以用黎送幾碗飯😛「薑蔥美國桶蠔煲」$198🦪好多隻蠔，大隻又鮮甜，炒得好夠鑊氣，好好食啊🥰「香濃腐乳炒蝦球伴西蘭花」$168🥦平時多數用蝦醬，今次用腐乳都好夾，仲要係用香港老牌腐乳醬～ 蝦球同西蘭花都好新鮮😌「三馫籠仔蒸飯」$188 🦐🦑🍚成個飯樸實簡單，用白飯魚、蝦乾、魷魚乾、瑤柱一齊蒸，再鋪上蔥花，真係好香；啲飯吸哂魚蝦乾既精華，食完一碗又一碗🤭當日仲送左椰汁陳皮紅豆糕比我地食🤤成餐都食得好滿足丫( ´▽｀) 店員服務態度好，食物質素有水準，價錢合理，一定會再黎食🥰

嚟到大圍呢間超人氣茶樓，未到中午已經好多人喺門口排隊，大概等咗10分鐘就有位啦，好好彩。有好多充滿特色嘅懷舊點心，譬如灌湯餃，懷舊雞包，煎糯米雞，千層奶黃糕等等，可惜今次未可以試晒，下次要再試其他點心。所有點心都超水準，每樣都用了新鮮又好食。唔怪之得喺大圍嘅超人氣餐廳。豬潤腸嘅腸粉非常滑身，皮薄餡靚。而蝦膠魚雲係必叫點心之一，由鮮蝦打成嘅蝦膠，非常鮮味有咬口。而灌湯餃亦都係一籠一大個，充滿湯汁，非常足料。呢個懷舊雞包亦都好有特色，上面有雞肉，金華火腿，冬菇，鹹蛋黃，叉燒，底層仲有蝦同雞肉，非常好食。

琴日踩單車🚴‍♀️，朋友提議運動完一齊去食晚飯，就揀左e間中菜廳😋門口掛左勁多紅燈籠作裝飾。門面係木製大門☺️入面以圓枱為主，坐得都幾闊落🥰坐底之後有唔同茶可以揀，我地揀左老欉水仙，味道唔同出面嘅水仙，感覺更香濃。細問先知，原來係經烘焙。茶葉係從60年以上樹齡嘅茶樹摘下。店員仲提供左小食🤩睇返餐牌，有唔少精緻嘅小菜。我地點左以下。🌸第一叉（半份）叉燒係用慢煮嘅方法煮成，食落肉嫩，叉燒肥瘦適中🤤加埋蜜汁，香香甜甜☺️🌼無花果肉排平時用無花果煲湯就飲得多，估唔到無花果都可以煮餸，仲好好味添。排骨真係有無花果甜味，食落有少少似咕嚕肉。🌸香煎百花羽衣甘藍入面係墨魚餅入面有羽衣甘藍碎，口感都幾好，味道又好夾。旁邊仲有羽衣甘藍嘅沙律，上面嘅麻醬都係師傅自家製，夏天食下e d菜式都幾消暑😍🌼薑米蒜香籠仔蒸蟹飯🦀薑米係用蛋白炒過，然後再係上面放上大蟹，蟹幾多羔😋肉質鮮甜，薑米都吸收左蟹嘅精華。🌸甜品店員仲送上陳皮紅豆糕同白果腐竹糖水比我地😋

第一叉🥢每舊叉燒都有一寸多厚，師傅必定對叉燒嘅肉質好有信心，否則咁厚就會好難咀嚼，叉燒三分肥七分瘦，輕輕咬開，肉質果然非常軟腍，外層少少焦香，的確係好食嘅叉燒！香煎百花羽衣甘藍🦐依款帶新派元素嘅香煎蝦餅，色澤金黃，爽口之餘不失鮮味，蝦味特濃😋香濃腐乳炒蝦球伴西蘭花🥦腐乳嘅濃度竟然有少少似芝士，味道惹味又唔會過鹹，賣相也十分精緻👍無花果肉排🥢肉排粉薄香脆，無花果乾同果醬嘅酸甜令依道菜式更開胃👍杞子桂花糕 、椰汁紅豆糕腐竹雞蛋糖水整體而言，不論係小菜定係燒味都好用心，下次可能會試下懷舊菜式～

*大圍小館*門口擺滿一個個紅色燈籠🏮。吸引咗我同🐽仔黎試試。餐牌猶如一本畫冊。令人忍唔住打開黎睇睇🤩。有意思的字句。你認同嘛😎。💫第一叉呢個餸係招牌茶。見枱枱都食緊🤤。厚切叉燒唔鞋口。叉燒肥瘦均勻。滿滿蜜糖香。💫沙薑🐔（半隻）🐔鮮嫩肉滑。係農場🐔。絕無激素。食得放心😋。💫無花果肉排酸酸甜甜幾惹味🤪。無花果清甜。肉排食落唔會膩。💫香濃腐乳炒蝦球伴西蘭花估唔到腐乳同蝦球又幾夾。撈飯食唔錯😬。蝦球爽口彈牙👍🏻。腐竹白果薏米糖水😍少少甜。好滋潤❤️。

大圍出名多野食，經朋友介紹下，便黎左呢間係積福街既中菜「大圍小館」。一轉入積福街，便見到一個個燈籠🏮掛係門面，好古色古香，非常吸睛。入到去，店員招呼周到，已問我地開咩茶。另外，裡面亦做好防疫措施，食得安心。之後店員奉上小食-琥珀合桃。食落香脆，又帶有淡淡芝麻，非常好味😋第一道菜 「第一叉」五件 $118厚切叉燒，肉汁非常腍，好鐘意佢有啲位燶邊，配上甜甜的蜜汁，真係一絕。果然係名不虛傳既「名叉」，十級推薦！第二道菜 「香濃腐乳炒蝦球伴西蘭花🥦」$168呢道菜都係啲人話黎到必點既菜式。蝦🦐球非常爽口，配上腐乳，真係難得地夾，個汁真心調教得非常之好，係只有呢間既獨有名菜。第三道菜 「蒜🧄香無骨魚」$168呢道菜係店員大力推薦👍🏻。既然咁用力推，咁當然要試一試吧。果然，食落第一口，炸到非常香脆，成條魚（九肚魚）都可以連骨食落肚，口感非常好，對麻麻地食魚既我，都開始改觀了。第四道菜 「蜜薯安格斯牛柳粒」$158因為我每次叫親小菜都必定會叫牛柳粒。要讚一讚個蜜薯，真係好甜，並不是普通既薯仔🥔，用咗蜜薯令成道菜提升哂。另外，廚師用左安格斯牛去做，牛柳非常腍身，入口即溶，呢個菜真心非常出色！必點！第五

今日踏完單車，係大圍還左車之後，就黎左係大圍站附近既大圍小館試下呢度既中菜。黎到餐館門口，見到一盞盞既大紅燈高高掛，而且餐館牆身﹑大門及至到接待員既高身櫃台都有濃厚既中國古式味道，彷佛如古城中既食館，雕梁畫棟，好比瓊樓玉宇！由於我地一早訂左位，所以店員好快就安排我地入座。入去到去見到裝潢古色古香得黎又簡潔乾淨。枱與枱之間十分寬敞。而且近口路既位置會有古典式屏風擋住，令到係果幾張枱既食客唔會係用餐既時候受到太多其他人既騷擾，十分細心！仲有，呢度非常貼心既一點係，係圓枱上有準備酒精揉水液，方便大家消毒雙水準備開餐！係睇餐牌叫野食既時候，店員先上茶同頭盤，頭盤係酸梅浸苦瓜同琥珀合桃，酸酸甜甜，幫助開胃，味道亦十分唔錯！而茶葉一飲就知係靚茶葉。佢地個茶壺亦十分精緻，除左係壺左印有＂大圍小館＂之餘，仲有個小牌寫明呢壺係咩茶，由準備一茶壺既細微位，反映出其用心經營餐館既程度可以一斑！當然食物都非常之超水準，真係喜出望外：1. 第一叉（半份）雖然只係半份，但我地兩個人幾乎食唔晒。食落口肥瘦非常平均。另外因為佢係厚切，食落口非常滿足。熱㷫㷫之餘味道係十分好食。唔知佢加左Ｄ咩醬汁／酒黎燒，味道非常有層次

晚上同媽咪嚟撐枱腳 等夏天媽咪唔使煮飯咁辛苦等佢食餐好嘅呢度嘅中菜好切地用嘅食材好靚好新鮮媽咪食得好滿足好開心呀 呢度都幾多人你都算係大衛一家幾出名嘅餐廳好多人嚟呀 今晚試咗個用籠仔蒸嘅甜梅菜菜心啲菜好嫩好入味 另外食咗個子薑炒牛肉牛肉都炒得好冧呀 子薑酸酸甜甜好開胃 仲有個意大利黑醋肉排 黑醋好靚呀令到個肉排都好鬆軟好餸飯 仲有個菠蘿生炒骨 排骨都好瘦好開壞先酸may may咁 最正仔個沙薑鮮雞真係一啲騷味都冇好亂話係用咗本地90日嘅鮮雞嚟嘅都係啖啖肉好正呀 我同媽咪都食得好滿足真係呢度好高質素嘅中餐呀

聽大圍嘅朋友介紹，呢間餐廳D中菜幾特別，主打係懷舊特色菜，幾考師傅手工同烹調技巧，所以要黎品嘗一下先得。一講話主打懷舊菜一定會諗到比較古舊嘅內裡裝修，點知又唔係喎，將傳統中式設計融入現代裝修，乾淨簡潔又不失風味，連餐牌設計都見幾新式，並非只會原地踏步👍🏻今次叫左 豉油皇魷魚鬚($58)、第一叉(半份)($118)、香濃腐乳炒蝦球伴西蘭花($168)、籠仔甜梅菜蒸菜心($138)、薑米蒜香籠仔蒸蟹飯($258)、茗茶及滾水($28/位)*2叫左壺水仙，水滾茶靚🫖琥珀合桃、話梅苦瓜 ：先送上2碟自家製餐前小食，呢2道小食真係未試過，食落又幾開胃消暑😄豉油皇魷魚鬚：以豉油皇方式黎煮魷魚鬚，上色均勻收晒汁，所以每一條食落都夠晒惹味，兼且非常彈牙爽口，一流嘅小食😋第一叉(半份)：見佢夠膽以第一叉自稱，當然就要食下睇下係咪咁巴閉😄今次只係叫左半份，但碟叉燒都份量十足，上菜時淨係目測都覺得燒得非常之靚，而且因為係懷舊菜關係，所以每件都非常厚切，夠特別👍🏻一食落去，真係極為驚喜，咁大個人都食過咁出色嘅叉燒🤩外表燒得少許焦香，但整件叉燒肉質極為嫩滑兼且夠晒JUICY，而且唔係塗上普通蜜糖，係用上百花蜜黎

大圍小館我又黎食啦🙈無幾耐之前先係度飲完茶，呢間餐廳真係好啱我同屋企人嘅口味，所以基本上一個月都去食兩三次，當然食物質素非常高，服務人員嘅態度亦都非常好，所以我哋先重複食咁多次啦😉一坐低就送上兩碟自家製小食，合桃同話梅苦瓜，兩樣都好好味，唔使一陣就已經食晒，想同大家講，呢兩個小食係可以refill㗎😛而且好值得refill,因為係會令你食上癮！到主菜部份，今晚大開肉界，叫咗三個肉加一個菜，每款都好吸引！脆皮燒鵝：呢個係店員推介，因為佢哋話啱啱新鮮出爐整起，果然冇推介錯！食落皮脆肉嫰而且好多汁，仲有鵝脾位食，食到完全唔識停口😋意大利黑醋肉扒：估唔到黑醋同豬扒係咁襯，啖啖肉，食得好爽！店員仲話呢一支係黑醋係意大利貨，堅係高質！蜜薯安格斯牛柳粒：肉味濃郁，安格斯牛柳粒就梗係好食啦，但令我最估唔到竟然係薯仔！啲薯仔好香脆但入邊有好軟林，伴有少少芥末味，不錯👍🏻最後就清清地叫返個金銀蛋浸時蔬，簡簡單單但都好好味！最後食埋甜品蓮子雪糖水，今餐又食得非常之滿足😊期待下一次再食過🥰

大圍區的巧手小菜，名字就簡單一個大圍小館，價格也不特別便宜，但小菜的質素卻頗高，完全不像小區的出品門口等位的人流餐牌令人花多眼亂，選擇好誇張地多！店內的空間感頗闊，台與台之間的距離夠大，用上了透明膠分隔，在沒有減少空間感的情況下保持衛生，難怪那麼多客人！前菜的話梅苦瓜全然不苦，只有甘跟甜酸味道，配上超爽脆的甜合桃很是好吃腐乳蝦球西蘭花＄１６８微辣加上少量發酵的腐乳味加在鮮味彈牙的蝦球上竟如此地相配！口感的爽彈表示了蝦球的鮮度十分高，加上爽而不韌的西蘭花，這個價格沒有收貴了第一叉（半）＄１１８不算便宜的叉燒，半份就要１１８，但肥得來不會太油膩，燒出酒脂之餘又軟稔，加上外層的蜜糖有夠香甜，肉量又大，啖啖肉！實在很是出色薑米蒜香籠仔蟹飯＄２５８這個蟹的肥美度超高，蟹黃既多又黃又香濃，亦沒有硬蟹膏影響口感，蟹肉帶鮮味，蟹飯沒有馬虎，加入薑蔥蒜調味，加上蟹肉舖面的鮮味，加在一起實在很好吃！明爐燒鵝＄１６８（例）多肉脆皮的燒鵝，口感煙韌，例的份量也不坑人不算少，不錯！

朋友之前一直想吃這間，但一直沒找到機會和時間。最近他終於加薪水了，所以就想好好慶祝一下，就去了他一直想吃的這間餐廳大吃一下！怪味蝦球伴西籣花（１６８元）看到怪味，第一時間就會想到是臭味，但又會很想試試是什麼怪味，人就是這麼奇怪！一送到來，就聞不到有什麼怪味，而且賣相也挺不錯的！吃一口就感受到一陣柚子的香味，然後回味是淡淡的胡椒味，帶一點點的辣，這就是怪味的所在了，的確挺特別的！這個蝦球是用上了新鮮蝦拆肉去蝦腸的，吃起來特別鮮甜彈牙，而且每個蝦球都挺大一個！西籣花吃起來也很爽甜，配上醬汁，特別好吃！金沙魷魚（１４８元）平常椒鹽魷魚就吃多了，這樣可以轉轉口味吃一下金沙魷魚！金沙就即是把魷魚裹上脆漿再炸，再用上了鹹蛋黃來拌的，吃起來特別鹹香，而且鹹蛋黃又獨有沙沙的感覺，挺好吃的！魷魚炸得非常香脆，內裡爽滑！不過用上鹹蛋黃吃起來就會有點膩，建議多人一起吃！第一叉（半份）（１１８元）這名字有夠霸氣了，是不是第一我就不知道，但這個真的非常好吃！這裡非常特別的是用上了厚切的切法，每片都超過１ＣＭ厚，原本會怕味道不夠，或會有點柴的感覺，但吃起來完全不會，叉燒肥瘦相間吃起來非常嫩滑又有滿滿的肉汁，再配上

大圍一直係我既飲食點之一，今日與老爸要食餐好啲既，門口一排大紅燈籠好搶眼。前菜有琥珀合桃同話梅涼瓜，涼瓜唔苦，甘甘地又酸酸地，合桃香甜。心多多大魚塊本身見到外層白色無期望，粉漿好薄，夾起時大力啲已經分開左魚塊，入面啖啖肉，仲要勁滑，配粟米汁同酸甜汁，味道好夾。第一叉 半份叉燒好厚身，外層仲有我至鍾意既焦邊，入口竟然好鬆化，啖啖蜜糖味，好有驚喜農舍貴妃雞 半隻雞皮薄肉嫩，配有薑茸同蔥油，薑茸薑味唔重，香而不辣，蔥油係豉油加蔥頭，老爸鍾意炸瑤柱絲蛋白炒飯配上湯炒得夠鑊氣，粒粒分明，加上炸瑤柱絲，口感豐富，上湯有冬瓜味，清清地夠健康，無油留喺碟，完全唔油椰汁陳皮紅豆糕 用15年陳皮，甘甘地，紅豆香甜，椰汁香滑職員都好有禮貌，環境乾淨企理，食得好舒服！

今晚提早慶祝父親節，所以早一點來排隊等位，人流不斷，門口大紅燈籠好有中國特色。前菜：話梅涼瓜 涼瓜爽口回甘，酸酸地好開胃琥珀合桃 香甜外層，合桃口感香脆黑松露醬滑蛋炒蝦球蝦球夠大隻，滑蛋有牛油香，黑松露醬份量多，滿口松露香第一叉（半份）半份已經不少，切成厚身，外層有點焦香，肥肉比例不多，肉質軟腍鬆化，蜜糖香甜味齒頰留香炸瑤柱絲蛋白炒飯配上湯第一次試炒飯配炸瑤柱絲，瑤柱絲非常香脆，蛋白炒飯粒粒分明，清淡口感配濃味餸剛剛好甜品：椰汁陳皮紅豆糕 15年陳皮甜而回甘，紅豆飽滿香甜，唔會太甜清補涼 紅棗、白合、蓮子、雪耳的糖水，清補滋潤，飲完喉嚨舒服晒店內環境古色古香、職員友善、上菜速度快，下次會再嚟！