大圍小食

營業中

休息中

這間小食店，基本上每個星期都會來購買!他們位置超方便，一出港鐵站就見到，所以平時都會見到好多人排隊選購!這次又買左多款食物作晚餐。臭豆腐，自從第一次食完之後就愛上，每次也會必點!他們的臭豆腐即叫即炸，每舊都好大舊!豆腐外層炸到脆卜卜，臭味都幾濃郁，淋上甜醬和豆瓣醬一齊食，味道惹味!椒鹽炸燒賣，炸燒賣也是我每次必點的小食，燒賣也是即叫即炸，炸得脆口，椒鹽味香濃!煎釀三寶，他們的三寶價錢不算很貴，款式都幾多，除了有平常時常見到的青椒、茄子、豆腐、魚蛋、紅腸等款式，他們還有炸餃子，餃子皮炸到脆卜卜，餡料豐富，好香韭菜味!油渣麵，他們的油渣麵油渣份量好多，脆卜卜，而他們的辣菜圃辣得過癮，整碗份量十足!魚肉翅，他們的碗仔翅非常足料，除了有肉絲、木耳絲外，還有平時很少在碗仔翅內見到的竹笙，食落口感豐富，加上醋一齊食味道特別惹味!而這裡的魚肉每條都好大條，份量都好多，兩溝一齊食特別惹味!紫菜魚皮餃，紫菜份量超多，入面沒有沙!魚皮餃外層煙韌，味道濃郁!燒賣魚蛋，這裡的魚蛋是陳皮魚蛋，食落彈牙，而魚肉燒賣口感不錯，加上他們的秘製辣醬，辣得過癮!

隔左成年再食大圍小食嘅陳皮魚蛋同燒賣，今次係同小朋友食所以淨係落豉油，真係食得出魚蛋同燒賣嘅真正味道燒賣食落點都唔似魚肉燒賣，咬落好稔好似食緊麵糰咁，我諗其他人話好食嘅原因係因為加左個秘製辣醬，個醬已經冚過晒燒賣本身嘅味道 (可能我唔係個燒賣專家)不過仔仔好棒場，差唔多食晒(冇影相)陳皮魚蛋就食落唔夠香，有少少少少嘅苦味，口感唔錯，夠彈牙下次會買煎釀三寶，因為十幾年前食過好食，唔知而家水準係咪一樣咁好食呢？

港式地道小食🇭🇰 大圍小食ʕ๑'ㅅ'๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡大圍火車站附近有間大圍小食✨已經開左20幾年！係一間專賣港式地道小食老字號🫶🏻見到勁多人排隊 有人買完即食掃街 有人買返屋企~價錢合理 選擇多\( ˶˙˙˶)/♡椒鹽炸燒賣 推介！呢款最岩一邊掃街一邊食！燒賣炸到脆卜卜 仲有少少椒鹽調味(｡>ㅿ<｡)串燒即叫即燒 仲有好多調味粉/醬汁揀ჱ̒⸝⸝•̀֊•́⸝⸝)‪司華力腸勁大條 燒到有啲脆皮✨雞肉唔乾 唔算好嫩 係有結實口感嘅咬口 但都好食豬頸肉就邪惡啲 帶點油脂感 比例又半肥瘦臭豆腐未食已經聞到臭味( °‪꒳​° ).ᐟ‪‪‪.ᐟ‪‪‪唔怕臭鐘意食嘅人會覺得好正~~另外仲有滷水雞髀、煎釀三寶、生菜魚肉、咖喱三寶、港式炸大腸呢啲地道港式小食！車仔麵、肉碎銀針粉呢啲麵食一定要加埋佢哋自家製嘅辣菜脯 惹味好多❤️⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚📍 大圍小食 大圍富嘉花園22號地舖

次次嚟到大圍，總係見到呢檔小食有好多街坊圍住當然啦，呢間可以話係大圍嘅landmark，有質素先開到咁多年，有大份又抵食佢地嘅魚蛋燒賣原來攞過獎㗎喎，關鍵係咖喱汁，點少少已經好刺激，魚蛋細細粒好香魚味燒賣質感好彈牙，唔會發到好腍，魚香好出見啲串燒大大串好吸引，就試吓佢地幾出名嘅豬頸肉，搽晒醬咁燒，色澤令人垂涎，肉質勁爽彈，點解可以咁好食㗎？炸大腸炸得好金黃，炸得爽身，食落冇揦鮓味，洗得好乾淨，但同時好香口臭豆腐都好堅，好臭好臭，勁大嚿放入口脆卜卜，裡面質感好香豆味兩份煎釀三寶都可以當飯食㗎，尤其是呢間，大大嚿係希原因，有啲不可思議嘅配搭，連冬菇同西蘭花都有每一嚿紅腸、茄子、青椒、豆腐、冬菇同西蘭花都有鯪魚煎餅黐住，仲要好多，打到大啲細骨同肉碎粒都冇，超犀利。餃子唔係鯪魚肉，但都好飽肚一碗韭菜豬紅，仲以為會好細碗，菜多過肉，點知豬紅豬腸爆多，食晒啲菜都未食完豬紅同豬腸，豬紅好滑唔會啜脷，冇怪味好香，豬腸洗到白𠽌𠽌，發揮到豬腸本有嘅香味，難怪街坊咁捧場啦

住係沙田既我地一定有食過大圍小食佢係大圍已經開左好多年真係細細個已經聽過佢名🫢🫢佢平時開到零晨，對於夜收工人士真係好方便我地今次叫左呢啲野食⭐️車仔麵：佢有好多餸可以揀，最特別既佢個湯底可以轉碗仔翅底，最岩有選擇困難症既人，又想食麵，又想食翅既人，食2碗又會多得滯，咁2合1真係岩岩好！🤤🤤🤤🤤⭐️煎釀三寶：講番香港既街頭小食，點可以唔食煎釀三寶，佢既魚蛋好彈牙，真係食完一粒好想食下一粒⭐️椒鹽炸燒賣：推薦！又係凍左都幾好食既炸物，一啲都唔硬⭐️沙爹串燒：我地叫左雞肉同豬頸肉花枝丸貢丸，真係幾有驚喜，因為我地係外賣拎番屋企食，咁點都會凍左，但佢地凍左居然唔係好硬，仲juicy既⭐️魚肉碗仔翅：好足料，魚肉又夠彈牙總括黎講，佢價錢以一個咁方便位置黎講，絕對係性價比高！

星期五 casual Wear，放工走咗去掃街，大圍小食店我食咗好多年㗎啦！水準同質素都好穩定，價錢又唔貴，大件夾抵食。大圍火車站一出就見到富嘉花園，平日放工時間成日都逼滿人。外賣一樣新鮮熱辣。煎釀三寶生意興隆，人流源源不絕，煎釀三寶，簡直係供不應求，因為價錢合理，超大件，勁多選擇！尤其是西蘭花、冬菇，出邊比較少見，特別啲。魚蛋燒賣金牌辣汁，絕不可缺少缺，醬汁有錦上添花的作用。魚蛋彈牙，燒賣特級甘香，包著綿綿鮮味的魚肉燒賣，熱騰騰的小食，配搭秘製辣汁，滿意的香港特色！炸雞髀炸雞髀酥脆可口，感受到即炸的鮮味，熱呼呼的充滿雞肉香味，彈滑濃郁，爆汁食得滿足！串燒豬頸肉、豬肉、雞肉、司華力腸，款式選擇多，即叫即燒，仲可以塗上沙嗲/蜜糖，再大灑孜然粉。款款串燒，肉味濃而不油膩，豬味甜美，濕潤有肉汁，微微焦香，十分美妙！黃金臭豆腐名不虛傳的臭豆腐，鍾意食嘅一啲都唔臭，尤其是加上甜辣醬，最佳拍檔！巨型大件，咬落震撼味蕾，大大件，睇見都口水流。油渣麵其中一個靈魂係辣菜甫，小小已經好惹味，皮脆內嫩的油渣，粗身掛湯的麵條，更加係經典。魚肉碗仔翅混合魚肉，碗仔翅每口都溢出美味，真材實料，暖暖的全部掃入口。魷

·大圍小食｜大圍做完野經過突然想食串燒見到依間排曬人龍 應該街坊小店再問下d員工 原黎已經開左好多年古法臭豆腐嗅落帶有小小臭味咬落香脆可口 食落層次分明😍滷水雞髀係以前細個食開既味道大大隻 重滷水味 雞肉好滑 應該炆左好耐魚肉翅好足料 每一啖都係好豐富既材料配上佢地特很既辣菜脯辣得過引 依個下次再經過必食好彩叫左細碗 如果唔系一定食唔哂😂串燒雞/ 豬肉串雞肉應該係用雞腿肉部位去整 豬肉串係用豬頸肉去燒味道唔會話太濃 食得出雞肉/ 豬頸肉既味道煎釀三寶睇一次見到三寶會有 釀西蘭花同冬菇😂😂即刻叫埋黎試下點知都係有驚喜 所有三寶都係大大件 配上厚厚既魚肉返到屋企用氣炸爐 整一整都好好食

上星期約左班朋友入大圍踩單車 點知去到落毛毛雨😔於是去左大圍小食醫肚😗上返車等停雨🌦️由1998年營業至今既老字號 我每次去大圍都一定會去食佢個辣汁燒賣無論幾點去都係人頭湧湧🫢✿ 燒賣/陳皮魚蛋 $12/10粒 ✿$1.2/粒真係良心價🥹燒賣好煙韌 魚蛋就細細粒好香陳皮味重點係佢個特製辣醬🌶️夠晒稠身 粒粒掛汁 辣得黎有陣沙嗲醬既甜味🥰✿ 椒鹽炸燒賣 $18 ✿燒賣咁正 試埋個炸ver. 炸到香脆乾身 魚肉一樣彈牙✿ 正宗古法臭豆腐 $20 ✿真係好臭下🤣表皮鬆脆 入面豆腐香滑唔鞋口😚✿ 港式滷水雞髀 $25 ✿諗左好耐滷水定炸髀好 好彩真係冇揀錯~滷水好入味但唔咸 雞髀啖啖肉 肉質嫩滑~✿ 港式炸大腸 $20 ✿油脂豐富 有彈性 仲可以無限加黃芥末同甜醬😍😍😍✿ 煎釀三寶 $20/5件 ✿超大盒!!!份量多得黎仲好大件~有好多款式揀 除左一般有既釀茄子青椒仲有炸冬菇西蘭花同餃子🥹✿ 魚肉碗仔翅 $35 (細) ✿一次過滿足晒我想食生菜魚肉同碗仔翅既願望😁好足料 魚肉份量好多 肉質彈牙唔粉湯汁厚稠 加埋大量浙江醋同麻油 好正!✿ 肉碎狗仔粉 $45 (細) ✿湯同粉分開上 唔驚d粉漲晒湯底

大圍火車站對面無論幾多點都總有一條長人龍係排緊大圍小食，其實我都幫襯過無數次多款港式街頭小食都係佢地既名物.炸物都係即叫即炸，炸燒賣，生炸脾，煎釀三寶大件又厚魚肉order完會再翻炸一次先俾你最推薦炸臭豆腐，正宗夠臭夠脆皮最癲係拎到返屋企，一開盒成間屋俾佢個味攻佔左🤪.魚蛋堅有陳皮味，口感又彈牙試埋個秘製辣醬，幾惹味.冬天仲有生炒糯米飯，熱辣辣狗仔粉今次試左魚肉翅，啲魚肉份量真係俾得好慷慨😍.食得辣既朋友要試下佢既辣菜莆夠脆身，辣得好過癮可以試下佢辣菜莆餃，或者好似我咁，叫個車仔麵.難得每樣野水準都唔錯難怪日日大排長龍.煎釀三寶 $20/4件臭豆腐 $20港式炸大腸 $20沙嗲陳皮魚蛋 $12/10粒豬頸肉 $16車仔麵 三餸一麵 $65炸燒賣 $18生炸雞脾 $30魚肉翅 $35

🚩大圍小食大圍依間港式小食真係無論幾時都好，依然人氣不斷💕想當年喺附近補完習，九點幾一定喺度依埋肚先返粉嶺🤭〰️〰️〰️〰️〰️〰️〰️〰️〰️〰️〰️〰️〰️〰️🌈韭菜豬紅豬腸 $35豬紅係有處理過食落啖啖鹹味，唔係咩味都冇嗰款豬腸內有膏，煲得好淋，入口即化韭菜份量好多，不過因為吸滿湯汁，略嫌有少少油如果大家驚kcal，就唔好叫依款啦🤭🌈肉碎狗仔粉 $38絕對係童年回憶‼️狗仔粉軟硬程度剛好，好多香菇瘦肉增香不過湯底偏鹹食得辣嘅記得要加辣菜脯🌈港式炸大腸 $16 掃街必食🐷不過可能因為切片再炸相對炸完再切比較乾身，建議炸起即食🌈臭豆腐 $16又臭又香嘅存在((?!如果打包嘅記得叫佢唔好剪，咁樣豆腐裏面先唔會乾身吱上豆瓣醬同甜醬一邊咬一路有淡淡臭豆腐嘅香氣 ((臭味🤣🌈煎釀三寶 $20@5款式超多🔥🔥而且size係平時嘅一開二左右魚肉都係好大件好厚身，唔腥特別推薦大家試吓西蘭花，同埋必食茄子🌈燒賣魚蛋 $24答應我加埋佢哋嘅招牌辣醬雖然真係有啲辣，但成個味道層次提升左🌈生菜魚肉 $20食極都仲有😩鯪魚肉唔腥，不過個別一兩粒可能會有刺凍冰冰食返碗就一流

同fd喺大圍火車站附近踩完單車🚴‍♀️，肚餓到不得了！所以又去左隔離間小食店度買野食🤣小食店屹立大圍多年，絕對稱得上係老店；性價比真心高，所以長期都圍滿唒人🤔我地食左：👉🏻✨滷水雞髀✨ $25雞髀大隻多肉入哂味，肉質嫩滑多肉汁😍食過－定返尋味👅✨串燒豬頸肉✨$16✨串燒雞肉✨$16串燒即叫即燒，要等少少時間，所以到手嗰下夠哂新鮮熱辣🔥串燒size大串得梨好厚肉；仲有沙嗲、蜜糖🍯、孜然…等調味可以自選，選擇唔少；雖然我平時唔太重口味，但係又唔知點解超中意d串燒孜然少辣多蜜糖🤣✨港式炸大腸✨ $16外層脆脆哋，入面煙煙韌韌，但又唔會韌到咬唔開，大推👍🏻✨陳皮魚蛋／燒賣✨ $12/10粒陳皮魚蛋有辣有唔辣，入面個陣獨特既陳皮味好突出，夠哂有風味。魚肉燒賣加埋個超正嘅秘製辣醬即時變到超級惹味，令人越食越想食✨碗仔翅（大碗）✨ $38超足料嘅碗仔翅入面🤩有滿滿嘅冬菇、魚肚、素翅同木耳絲，入口啖啖都係料👍🏻✨煎釀三寶✨ $20/ 5件煎釀三寶見得多，但咁大嚿嘅就真係比較少見。選擇唔少，我哋除左叫大路d嘅魚蛋、豆腐、尖青椒同茄子🍆，仲叫左冬菇、辣菜脯餃子🥟同西蘭花。魚肉扎實又彈牙，尖青椒🫑同茄子🍆更係

大年初三，本來一心想去大圍車公廟拜車公，打算買個風車，轉個好運，誰不知前往拜車公的善信實在太多了，立刻決定避個風頭，擇個日子，才前往參拜。來到大圍火車站附近，見這間港式傳統地道小食店生意甚佳，心想這店子的港式小食應該不錯吧，便決定不吃午餐，在這間小食店掃掃餐牌，把這裡的港式風味小吃一網打盡，大快朵頤一番。這天我與老婆仔吃的小食可豐富了，包括：「港式炸大腸」（$20/串）是自從太子的有名小食店在年前結業之後便沒有吃過的美味。一串四大件的炸大腸，雖然並不健康，但卻風味滿滿，下點甜醬和辣醬，讓人不禁渾忘它有多麼邪惡。「正宗古法臭豆腐」（$20/件）也是很久沒有嚐過的港式風味，雖然這裡的臭豆腐跟香港其他地方的臭豆腐一樣可能是怕被附近的街坊投訴而減輕了昔日的濃烈臭味，不過新鮮炸起熱得燙嘴的臭豆腐，仍是念人懷念的港式美味。「椒鹽炸燒賣」（$18/6粒）同樣是新鮮炸起，不過相比起炸大腸和臭豆腐，炸燒賣就沒有那麼好吃，相對地比較普通。「咖喱蘿蔔牛柏葉」（$20）我已很久沒吃過，這天再嚐，又是一個美好的回憶。「韭菜豬紅腸」（$45）不是豆腐名店的專利，這間小食店也有，韭菜、豬紅、豬腸的結合，帶來豐富的口

呢間大圍小食，住大圍嘅人一定唔陌生，我每次經過都會買啲嘢食，今次難得同外國返嚟嘅朋友gathering，就喺度買咗啲特色小食同朋友一齊食🥰呢度真係有好多港式嘅嘢食，基本上次次嚟親都買到一袋二袋❤️必要推介一定係佢哋嘅煎釀三寶，去貨去得非常快，所以每款都非常新鮮，係現成炸出嚟👍🏻另外佢哋嘅地道小食包括韭菜豬腸，豬紅同生菜魚肉碗仔翅都非常好味😘而且好足料，咁嘅價錢食到咁嘅質素👅另外串燒檔都好正，可以揀唔同嘅味道，例如椒鹽，七味，咖喱，蜜糖等等，我特別要推薦佢嘅魷魚，係成塊燒出嚟😋真係食到我舔舔脷🥴仲有仲有，最傳統嘅陳皮魚蛋加燒賣都係必食！仲有一點要就係啲姐姐非常好人同細心，會將唔同嘅醬料包好，俾我哋外賣帶返去！真好，因為係食物嘅靈魂😂😂

今日經開大圍附近見客，見到大圍小食，真係充滿好多兒時回憶，由於我有一位好friend嘅中學同學，喺大圍附近住，中學時期去佢屋企玩，經常喺大圍小食度買小食😆今日我都買啲經典小食，返屋企食下先😋佢哋小食的全部都好足料，唔會馬馬虎虎，難怪開左咁多年，都咁多人幫襯🥰✨今次選咗以下食品✨🌟煎釀三寶炸魚蛋、炸豆腐、炸紅腸、炸青椒、炸矮瓜、炸冬菇、炸西蘭花，件件都大大件，應有盡有，即叫即炸。🌟魚蛋、燒賣魚蛋用左我最愛的陳皮魚蛋，好彈牙好好味，燒賣好重魚肉味。🌟魚肉碗仔翅魚肉碗仔翅，粉絲同魚肉夠多，熬得好入味。🌟狗仔粉狗仔粉煮得好爽口滑溜，湯底濃郁，老闆娘另外配咗辣味菜脯俾我哋，食得辣嘅可以落。🌟街頭串燒燒魷魚🦑燒雞肉🍗燒豬頸肉雞肉同豬頸肉大大串，真材實料，即叫即燒，店員燒到鎖住肉汁，唔會太乾。魷魚用咗原隻嘅魷魚🦑開邊，又係好大串😆真係好抵食，Mina同我哋都好鐘意食。

突然好想掃街，但香港地依家又邊度咁多街掃丫。不過，一間小食店就可以食到好多野喇。大圍小食提供嘅種類繁多，魚蛋燒賣、串燒、炸大腸、碗仔翅等等，作為一間街坊小店，性價比高，真係一次過滿足幾個願望。今日我就掃左呢啲燒賣燒賣有咬口，夠煙韌，而且蒸得夠熱，我無任何投訴，呢度仲有炸燒賣，同樣好味。魚肉翅顧名思義，就係生菜魚肉嘅魚肉配埋碗仔翅，呢個組合我10次嚟有9次都叫，魚肉彈牙，碗仔翅多料又夠味，一齊食勁正。狗仔粉口感軟身，好掛湯。湯底鮮甜，配埋菜脯、肉碎、冬菇絲一齊食，少少辣，好惹味。油渣麵同狗仔粉差不多嘅配料同湯底，換上粗嘅麵條同樣惹味，再配埋爽口嘅油渣多一分滿足。韮菜豬紅豬腸韮菜新鮮無渣，即叫即煮。豬紅唔會一夾就散，彈牙滑溜。豬腸煮得夠入味，肥膏很香😈😈，好邪惡但好好味。燒豬頸肉串／燒雞肉串豬頸肉爽口，油香十足，皮外香口。雞肉嫩滑入味，帶微微焦香。兩者配埋輕輕嘅孜然粉食，真係停唔到口。煎釀三寶有多款選擇，青椒、矮瓜、餃子、紅腸等等，就連西蘭花都有相當有特色，而我自己最鍾情都係食炸魚蛋。😆😆