310
27
17
港鐵大圍站 D 出口, 步行約1分鐘
繼續閱讀
開飯介紹
提供多款大眾化的港式小食,如煎釀三寶、雞蛋仔等,價錢親民,是學生及街坊的速食之選。
繼續閱讀
以上資料只供參考, 請與餐廳確認詳情
招牌菜
食家推介
食評 (386)
星期五 casual Wear,放工走咗去掃街,大圍小食店我食咗好多年㗎啦!水準同質素都好穩定,價錢又唔貴,大件夾抵食。大圍火車站一出就見到富嘉花園,平日放工時間成日都逼滿人。外賣一樣新鮮熱辣。煎釀三寶生意興隆,人流源源不絕,煎釀三寶,簡直係供不應求,因為價錢合理,超大件,勁多選擇!尤其是西蘭花、冬菇,出邊比較少見,特別啲。魚蛋燒賣金牌辣汁,絕不可缺少缺,醬汁有錦上添花的作用。魚蛋彈牙,燒賣特級甘香,包著綿綿鮮味的魚肉燒賣,熱騰騰的小食,配搭秘製辣汁,滿意的香港特色!炸雞髀炸雞髀酥脆可口,感受到即炸的鮮味,熱呼呼的充滿雞肉香味,彈滑濃郁,爆汁食得滿足!串燒豬頸肉、豬肉、雞肉、司華力腸,款式選擇多,即叫即燒,仲可以塗上沙嗲/蜜糖,再大灑孜然粉。款款串燒,肉味濃而不油膩,豬味甜美,濕潤有肉汁,微微焦香,十分美妙!黃金臭豆腐名不虛傳的臭豆腐,鍾意食嘅一啲都唔臭,尤其是加上甜辣醬,最佳拍檔!巨型大件,咬落震撼味蕾,大大件,睇見都口水流。油渣麵其中一個靈魂係辣菜甫,小小已經好惹味,皮脆內嫩的油渣,粗身掛湯的麵條,更加係經典。魚肉碗仔翅混合魚肉,碗仔翅每口都溢出美味,真材實料,暖暖的全部掃入口。魷魚脹卜卜勁彈牙,配搭芥辣汁,添了不少芳香,好食肥美。
繼續閱讀
大年初三,本來一心想去大圍車公廟拜車公,打算買個風車,轉個好運,誰不知前往拜車公的善信實在太多了,立刻決定避個風頭,擇個日子,才前往參拜。來到大圍火車站附近,見這間港式傳統地道小食店生意甚佳,心想這店子的港式小食應該不錯吧,便決定不吃午餐,在這間小食店掃掃餐牌,把這裡的港式風味小吃一網打盡,大快朵頤一番。這天我與老婆仔吃的小食可豐富了,包括:「港式炸大腸」($20/串)是自從太子的有名小食店在年前結業之後便沒有吃過的美味。一串四大件的炸大腸,雖然並不健康,但卻風味滿滿,下點甜醬和辣醬,讓人不禁渾忘它有多麼邪惡。「正宗古法臭豆腐」($20/件)也是很久沒有嚐過的港式風味,雖然這裡的臭豆腐跟香港其他地方的臭豆腐一樣可能是怕被附近的街坊投訴而減輕了昔日的濃烈臭味,不過新鮮炸起熱得燙嘴的臭豆腐,仍是念人懷念的港式美味。「椒鹽炸燒賣」($18/6粒)同樣是新鮮炸起,不過相比起炸大腸和臭豆腐,炸燒賣就沒有那麼好吃,相對地比較普通。「咖喱蘿蔔牛柏葉」($20)我已很久沒吃過,這天再嚐,又是一個美好的回憶。「韭菜豬紅腸」($45)不是豆腐名店的專利,這間小食店也有,韭菜、豬紅、豬腸的結合,帶來豐富的口感和吸引的味道,是我十分喜歡的港式小吃。這裡的「煎釀三寶」($20/4件)除了有常見的釀青椒、釀茄瓜、釀紅腸等之外,竟然有較少見的釀冬菇和更加少見的釀西蘭花,款式比其他絕大部分的同類小食店都多,所以我就買了足足十件,把三寶變成多寶,飽餐一頓。「生菜魚肉碗仔翅」($55/大)把生菜、魚肉和碗仔翅合而為一,變成三溝,雖然不是出奇朱古力蛋,但一次過可以滿足三個願望,可真是甚好呢!「港式鹵水雞髀」($30/隻)大大隻的,價錢不算便宜,但鹵得都幾入味。這天我倆點吃的小食實在太多了,先是在店舖旁邊一些堆得高高的發泡膠箱上面吃,後來有人來取箱子,我倆就把還未吃完的小食兩人夾手夾腳搬移到大圍車站附近不遠的一個休憩地方,與旁邊的菲傭為鄰繼續我倆未完成的午餐。這樣吃街頭小食,我還是第一遭,不過可是挺有趣和難忘的呢!原來這間港式小食店已在大圍經營多年,店舖位置又好,就在大圍火車站對面,平日來往人流不絕,港式小食又多選擇,怪不得生意那麼好啦!其實這店子還有「生炒糯米飯」、「咖喱魚蛋」、「雞蛋仔」、「格仔餅」等其他港式小食,不過我與老婆仔只得兩個人,兩張嘴,一次過又怎能吃得那麼多呢?下次有機會再來的話,我才再試試其他港式小食吧!
繼續閱讀
《大圍小食排隊店😎》———————————————-#大圍小食 😍-早排去開大圍踩單車,好肚餓就比呢間人氣排隊檔吸引咗,原來佢已經係多年老店,小食質素唔錯,性價比幾高🚴♀️-💫 燒賣$12有成10粒,所以我哋嗌咗陳皮魚蛋同燒賣各一,過足口癮😍 魚蛋彈牙有嚼口,一口size啱啱好,而燒賣亦熱辣辣出爐,一定要叫姐姐加埋個秘製辣醬,超正冇得輸🤣-⭐️ 煎釀三寶$20就有5件都幾抵食,而且好大件,外皮炸到脆口,內裡釀嘅內餡好滑溜,我哋揀咗經典嘅豆腐、紅腸、青椒等等嘅款式,認真唔錯🫑-另外仲叫咗個碗仔翅同紫菜魚皮餃,細碗都份量十足,味道香濃,材料有冬菇絲、蛋花、肉絲、木耳絲同竹笙,撈埋啲胡椒粉、麻油同醋,非常惹味😆而魚皮餃皮咬落夠哂煙韌,正👍🏻-🍢 串燒30蚊就有兩串,幾抵食😋 豬頸肉同雞肉肉質都唔鞋,即叫即燒熱辣辣🔥自選味道可以揀孜然、七味、山椒、咖哩、黑椒、香茅、辣椒、蜜糖🍯,我哋就嗌咗沙嗲汁,十分惹味😚-⭐ 參考價錢︰串燒豬頸肉、串燒雞肉:$30/2串燒賣:$12/10粒陳皮魚蛋:$12/10粒煎釀三寶:$20/5件碗仔翅細碗:$25紫菜魚皮餃細碗:$25格仔餅:$15🍌抵deal指數:8/10
繼續閱讀
今日小篇去左大圍食小食,原因係突然好想食下街頭小食,呢度食物種類好多,掃街黎講已經好足夠。一次過叫晒想食既野返屋企慢慢食。⭐炸物煎釀三寶、臭豆腐,煎釀三寶好大件,仲有有蔬菜類的選擇,淨係件豆腐都好大塊,外皮炸到脆口,內裡居然好滑溜。冬菇釀魚肉幾特別又好食。小篇好喜愛臭豆腐,外皮酥脆卜卜,好食。⭐串燒類燒司華力腸、燒雞肉、燒魷魚、燒豬頸肉‼️串燒$30有2串,大件夾低食,即叫即燒,好惹味。最正係燒豬頸肉,咬落爽脆肉嫩,蕉香惹味可口。⭐飯類臘腸糯米飯冬天就會想食臘味糯米飯,我再加左一條臘腸,配料有齊臘腸、菜譜、蔥花和花生。糯米飯食落好有口感,連埋配料一齊食,好香口。⭐紫菜魚皮餃紫菜份量好多,係魚皮餃好食,暖胃必食之選。⭐魚肉碗仔翅魚肉碗仔翅有驚喜,除咗有傳統的碗仔翅配料外,入邊仲有好多竹笙,好有口感,調味香濃。⭐咖哩魚蛋、辣汁燒賣呢度的辣汁,係超辣,個人建議可以點小小試下味先,不過好食,點燒賣一流。
繼續閱讀
每次去大圍都見到呢間小食店超多人買嘢食~ 佢哋開業多年,臭豆腐、魚蛋燒賣、煎釀三寶都出名幾好食,性價比又高!今次趁有時間食咗好多款小食當晚餐,又平又好食😋🔸魚蛋、燒賣 $12/10粒最多人排隊買魚蛋燒賣,一定要試!魚蛋係陳皮魚蛋,口感爽彈有咬口,有陳皮魚蛋吧香味,佢哋嘅秘製辣汁好惹味,食得辣一定要試!魚肉燒賣唔會整得高腍,口感煙韌有咬口,配埋辣汁食,超正!🔸炸大腸 $15🔸八爪魚 $15炸大腸幾脆身又有嚼勁,越嚼越香,加啲酸梅醬一齊食,好味!八爪魚份量都算多,加芥末醬食,幾彈牙爽口!🔸串燒 $30/2串 丸類$18/串食咗魷魚同雞肉,2款都好好食!可以自選調味粉,好多選擇!原隻魷魚🦑燒到爽嫩唔韌!雞肉好嫩滑!推介!🔸臭豆腐 $15都係必食!都幾大舊,好脆好香臭豆腐味😂 可以加甜醬、豆瓣醬一齊食,外脆內嫩,豆腐好棉密,好食!🔸煎釀三寶 $20/5件呢度嘅煎釀三寶種類超多,除咗常見嘅茄子、青椒、紅腸、豆腐之外,仲有我第一次見嘅西蘭花🥦🤣 估唔到呢個組合都幾好食!仲有釀冬菇都好好食!同埋佢哋嘅煎釀三寶好多都好大件,好抵食呀!
繼續閱讀