大圍小食

營業中

休息中

野食貴,淨係魚蛋都要成8蚊串,又唔係特別好食 其他小食店都係買5,6蚊格仔餅,雞蛋仔等唔會即整,全部都係整好晒放係到,一早凍晒,勁難食!!!最過份係俾錢個時,個阿姐掛住傾計,收錢佢又唔睇清楚,找少左幾蚊仲要死話自己無找錯!!!! 食到一肚氣!!以後絕對唔會再去!!!!!

港式小吃 - 煎釀三寶，其實內裡又何止三寶?大圍小食的位置就正正在大圍港鐵站對面，舖位面積又是別人的兩倍，而同街就只有一家台式炸雞店，似乎是獨市的販賣著本地人喜愛的港式小食如魚蛋燒賣、碗仔翅、糯米雞、糯米飯、煎釀三寶、豬油渣麵、炸雞脾、雞蛋仔和串燒等，大部份聯想到的也有供應。在地利和人流密集的優勢下，食店門前不論早晚也是門庭如市，無論是由剛放學的學生們、買好餸路過的家庭主婦以至中氣十足的老伯伯均是她的捧場客。坦白說，這裡並非每樣食物都做得出色，但當中的豬油渣麵和串燒的確讓人垂涎。雖然索價HK$28元的一碗豬油渣麵已等同外間一個飯盒的價錢，但偶爾貪吃的念頭一動實在管不了太多。平心而論，這裡的豬油渣麵份量大得驚人，家母笑言它比一細罐裝的嬰兒奶粉還要重。面頭灑葱花、辣味冬菜、冬菇絲、炸蒜片和主角豬油渣，熱辣辣浸於肉味濃郁的湯頭中，讓味道再添點香、辣、惹味等元素。除材料豐盛外，麵條也夠正宗，如一般用作做豬油渣麵的款式浸泡的時間長了也不會輕易發漲令口感變糊，麵質仍能保持一定的紮實。被切成粗條的豬油渣炸得金黃酥香，吸收了濃濃湯汁後令質地變得外軟腍而內層還是香脆的滋味。這是另一份煎釀三寶，新鮮煎起，

今日咁岩經過大圍小食, 有少少肚餓, 企左係門口一陣諗下買咩食, 諗住買格仔餅食下, 未行到最埋已經見到一橦堆得好高,整好左的格仔餅, 咁我想食一底熱少少的, 咁問阿姐可唔可以要一底岩岩整好的, 咁個阿姐就指住堆格仔餅話全部都岩岩整好的.好明顯怕煩唔想再整一底俾你, 態度極差, 其實以前已經試過要左一底佢面前已經整好左既格仔餅覺得好難食先想食一底新鮮的.我都係附近街坊, 點都要成日買野食, 如果舖頭做好D 一定會經常幫襯的, 希望此店可以改進一下服務態度.

知道大圍小食有好多款小食揀，之前食過煎饟三寶都覺得唔錯，今日落左大圍呢度買外賣試新野，買左鹵水雞翼雞翼尖同咖喱魚蛋，呢度好近地鐵站好方便，一出去過對面馬路就到   1. 鹵水雞翼雞翼尖 鹵水味道唔太入味，而且連色都唔入，只好點d汁黎令雞翼更入味，雞翼尚未夠淋，反而雞翼尖夠淋又夠味，可能面積比較小所以較易入味   2. 咖喱魚蛋 呢度o既咖喱魚蛋令我有驚喜，雖然好細粒但係好入味，咬落去好彈牙好爽口，咖喱味道比較特別，唔算太辣卻有少少沙嗲o既甜味，好似兩溝咁味道唔錯，同時咖喱汁份量都多，唔需要再配其他醬料都好味   ##大圍小食俾我o既印象都幾好，食物好夠熱之外員工會有禮，下次黎到再試下其他小食先

下午去到有少少餓所以買左隻雞翼醫下肚我先選好了隻雞翼見有d凍,叫左個員工炸熱d先比我,炸完之後我叫佢落多d椒鹽比我我拿上手隻雞翼仲好熱,炸到金黃色,超級勁香!!,我立即頂唔順食一啖雞翼+椒鹽,真係好好味,呢隻雞翼真係下午茶好推介

個碗仔翅太多冬菇啦,又太少粉絲,攪到唔似碗仔翅.....同埋個價錢太貴了不過我都成夜晚12點去買黎食,夜晚都有呢個質數算係咁啦仲有呢間野如果大家想食d好味野可以叫隻炸雞翼非常之好食

今日要反通宵更,反工之前要搵小小野食先得!黎到大圍見到間小食店,又突然好想食煎饟三寶,之後就系呢度揀左5件!唔算太多款揀,我大約得7-8款選擇,我揀左豆腐,紅腸,魚蛋,青椒同茄子!我一路叫姐就一路夾無特登再翻熱!拎上手又真系幾熱喎,旁邊醬料同竹籤都系自助既,我淨系揀左甜醬,開頭都有懷疑自己有無拎錯醬因為一拎起入面d醬都搖一搖,好水好稀,可見呢間舖都幾慳,甜醬溝得好稀!吱完醬快d食一件先,第一件食紅腸,原來凍既!因為凍左,所以咬落去好實,唔系幾好味!豆腐就好熱辣辣,不過咬落去好水,d水仲會滴出黎搞到舊豆腐散左!青椒算系最好味,好夠熱之餘唔會熟到淋哂,咬落去卜卜聲好青脆!至於茄子,都系好水,再加埋d水甜醬一齊滴,令到個袋都濕哂!一吉落去點解唔見左舊肉既?原來已經分開左,可能因為茄子好濕所以痴唔埋喇!魚蛋都夠熱,好彈牙,但唔知點解無魚味!唔知系咪又系溝稀左呢d魚肉?今時今日有10蚊5件既煎饟三寶已經唔系好多地方有,賣到平左d料縮水都正常既!

煎釀三寶加咗價一段時間, 賣緊六蚊三件, 味道正常啦, 冇過人之處佢既雞蛋仔好唔掂, 凍冰冰的, 又冇雞蛋味, 一d都唔香! 要成$12, 差 港式街邊魚蛋入口腍而沒嚼勁，沒有彈牙的感覺

夜晚11點幾,放工返屋企想食魚肉翅奈何大圍呢個時間得返呢一間有得賣...咁就叫左碗魚肉翅.....我都不虞有詐.....點知收錢果時...店員話要$17蚊一碗!!!!!!!!!!!!!!!!!!!!!!!!!!!!!!!!!!!!!!!唔係掛~旺角,尖沙咀食開都係$15...$17蚊食都到個飯食到碗麵啦.......$17蚊一碗魚肉翅.....真係我咁大個人第一次食過最貴既.......我真係好想知佢係呃我,坐地起價,定係真係咁貴~返到屋企....發現碗翅明顯好水,魚肉亦得只八舊.....真係到喉唔到肺......$17蚊......比佢呃一次,以後都唔想再幫襯,即使係晚上獨市生意都唔需要咁誇張~我寧願係旺角買返黎~坐火車都係兩個站....返到屋企碗翅仲係熱既~呢間野...真係無下次....

一d被認為沒有營養價值既食物, 稱之為垃圾食物.要咁樣講, 我成個肚都係垃圾同防腐劑, 係一個堆填區oh~~~~又要引誘我, 要進攻喇!!是日下午茶:- 煎釀三竇 辣椒>> 好過癮, 係有d辣到上腦, 但原來不錯吃~ 魚蛋>> 由細到大都咁鍾意食. 一定要加甜醬! 彈牙又大粒! 牛柏葉用剩餘的零錢買, 份量少少滋味多多.牛柏葉係媽媽至愛, 小時候車仔檔通街都係.媽媽會給我同妹妹每人一串, 腸仔, 魚蛋仲有牛柏葉.我以為牛柏葉就只有大人先可以吃. 其實係因為牛柏葉小朋友唔識得處理~味道好像是其次, 最重要是身邊人肯同你分享

吃過了豆花，繼續尋找一點小吃去消磨時間，走到了一所人頭湧湧的小食店，見到其中一小檔的門外有四隻字，叫作秘製辣汁，嗜辣的我當然不會放過，就來吃點吉吉吧。一心其實想吃辣汁，但究竟吃什麼會跟辣汁最襯呢？思前想後，最後決定要了本身味淡的牛柏葉、吸汁非常的豬皮及與辣汁經常一起的魚蛋，由於都點了三款食物，店員用了一個發泡膠碗盛起我的食物，然後就一股腦兒的舀了一大羹的辣汁，正！這正合我意啊！每款食物的味道基本上已被辣汁所支配，所以也先談主角辣汁的味道吧，這個辣汁辣中帶甜，辣得來有香味，心想何以有股特別的味道？本來以為辣汁中的很多如木碎的細長狀物是支牙籤脫落出來大的木屑，後來不慎吃入口才知原來是薑絲來的，令辣汁的味道更有變化，非常過癮。魚蛋是非常傳統的港式街邊魚蛋，入口腍而沒嚼勁，絕不會予人有彈牙的感覺，但有了辣汁，一切都變得美好；淡味的牛柏葉跟這個辣汁更可說是天生一對，牛柏葉的胃壁內不少的條狀物抓住了辣汁，使淡味的牛柏葉吃起來很有味，加上牛柏葉處理得非常之好，入口只有爽字，一點也不韌；最後的豬皮份量以六元來說不太多，但就是夠稱職的吸汁，軟腍吸味入口，配上美味的辣汁當然又一絕。三十多度，穿着洋服的我，

收工後返回大圍, 途經大圍小食時, 見到檔口啱啱炸起釀茄子, 睇落賣相唔錯, 即係行埋檔口買幾件試下。煎釀三寶賣緊六蚊四件, 我要左八件, 有三件釀茄子, 兩件炸雲吞, 兩件炸魚旦, 一件炸蕃薯。茄子啱啱先炸起, 太熱喇, 唔可以即係食, 要攤一陣先得, 炸雲吞就夠哂大件, 炸魚旦蕃薯味道唔錯。攤凍左一陣, 食番啖茄子, 雖然外皮依然好熱, 但好味道啊。其實除左煎釀三寶外, 小食檔仲有油渣麵同章魚小丸子, 留番下次再試過。

最好食係煎釀三寶，其次係豬油渣麵!但又有好多野都唔標價錢兼貴，例如炸大腸$10串(尖沙咀明碼實價都係賣$8)又唔夠蘇又唔夠脆，雞蛋仔/格仔餅$10凍冰冰兼"淋"哂好難食，章魚小丸子$12六粒，一篤就散哂，涵料又少，麻麻地！

等睇波期間落左去,買左碗韮菜豬紅豬腸($18??)佢整個過程真係唔係幾開胃....豬紅好咸,韮菜有D澀....另外叫左隻炸雞脾($15),略貴....見完一炸完個樣好油,好得人驚~不過都OK好味~唔係等睇波落街買D野醫肚,都唔會翻兜呢間....

昨日同朋友仔去大圍踩單車, 踩完之後好攰就係呢間小食店買串串食!我諗呢間野我都食過好幾次,都覺得唔錯,所以今次都去食!行到埋去見度有炸大腸, 就要左一串!之後我就比左一張$20 個阿姐, 之後佢找番個$10比我我心諗: 大圍既炸大腸都要賣$10一串?!即刻問個阿姐炸大腸幾多錢, 點知個阿姐完全唔理我,冇答過我!!!即刻火都來埋, 我旁邊有個女士佢都買左..我都聽到佢同佢囡囡討論緊$10一串炸大腸..我同我個frd好大聲咁講: " 旺角, 銅鑼灣都係$7/8一串..有冇搞錯?!"個阿姐都係繼續唔理我地.. 之後就掉左2件炸大腸係個筒度: "炸大腸.."一d禮貌都冇..收我$10一串炸大腸,雖然味道係ok的,不過我以後都唔會再幫親呢間小食店!!!!