大圍小食

營業中

休息中

Every time I go biking at Tai Wai, I always stop at this place for Hong Kong fish shumai. Honestly speaking, this is one of the good quality shumai places, unlike what you usually find at convenience stores. This shumai is made with actual fish and it is best to eat with a bit of soy sauce and chilli sauce. I have also tried the famous three stuffed treasures including stuffed eggplant, stuffed bell pepper and stuffed bean curd. They were all very tasty and fresh, remember to give it a try when

之前有朋友去幫襯個陣話左個好消息比小弟知，就係大圍小食既秘制辣汁竟!然!出左玻璃樽裝😱😱😱😱😱仲有一set包埋陳皮魚蛋😱😱😱😱😱😱sorry小弟聽到個下真係好興奮，因為屋企都可以食到大圍小食既魚蛋😭😭事隔多日小弟終於都經開大圍順路可以買番set番屋企😍😍雖然有汁係手可以唔止加落燒賣魚蛋度，不過小弟就想試下係咪真係一樣味所以第一次整就加魚蛋同燒賣😂點知真係一樣味架😭😭😭😭😭個下心諗可以成日都食到呢個充滿回憶既味道喇😍辣汁愈食愈辣，仲辣得好過癮😋😋

全港數一數二既大圍小食聽講幾十年老字號了，不過講真食過呢間之後再食其他間味道真係冇得比，豬紅豬腸好滑好仲有個芝士炸燒賣好好味每次放工經過必食老細人品好好，仲好靚仔添

今晚放工番屋企，口痕痕，於是去左大圍小食買宵夜食！叫左個炸雞比同埋大既豬油渣面！雞比都幾大隻。落order時即時幫我炸番脆同熱！另外叫豬油渣面既話，如果你又喜歡食辣，必定要記得叫呀姐落辣菜脯！辣得好過癮！加埋罐可樂！正呀。

呢間小食店都算係小弟最中意既小食店，唔單止好食，仲充滿好多回憶。不過依家小弟唔係成日去大圍，唔係成日可以嚟食。呢日去開大圍，梗係要食返夠本啦魚蛋幾乎係每一次都必食嘅！唔單止彈牙，粒粒都好入味。再加上佢地秘製嘅辣醬，真係好食到形容唔到！

剛剛肚餓行過諗住拮串燒賣，呀姐好有禮貌，又快手又快腳，點知揤咗鼓油一食就賴嘢，燒賣本身無咩味，淡口嘢，但一點咗鼓油就一陣酸味加鐵銹味，請店完多加留意醬料新鮮情況🙏🏻😌😔😑

大圍小食由小弟讀書時間已經開始幫襯。當時更誇張到番學前都會去篤番串魚蛋做早餐呢日經過久違既大圍，無可能錯過大圍小食既燒賣同魚蛋。由以前5蚊串到依家10幾蚊一碗，雖然價錢加左但味道依然，咁多年都係咁既味！再加上獨有既醬汁（亦係大圍小食既精萃），令人回味無窮對比起其他小食店，多左樣再番轉頭幫襯既理由！不過依家覺得d醬汁略為偏辣，食完都有d口渴。如果唔太受得辣既建議可以叫唔辣既魚蛋再加少許醬汁，一樣好味好食既野大多都係唔健康，都係少食多滋味

全部小食貴就不在話下，望入去個衛生環境差到一個點。三寶唔知整左幾耐，縮晒水，翻炸就一定，但唔知點解（可能係炸油嘅問題），好難食；最正都係魚肉碗仔翅，賣到$3x 1碗，但唔該📣📣📣唔識整就唔好賣啦，中晒伏，好1碗肉絲豉油水。仲有油渣麵，斷晒嘅麵條，幾條乾油碎，又盛惠$3x。真係唔係想踩得咁盡，只怪行前兩步有間乾淨企理，價錢同貨品都正路得多，可以有選擇。唔間唔係開正個靚鋪位，邊有人幫襯。計我話行多兩步去另更一間仲好。

今日經過大圍，突然想食下小食，就走咗去大圍小食。咁我就揀咗串燒豬頸肉黎試吓 (個店員極力推介，同埋個個都買兩三串走)，佢價錢唔算平，味道唔錯，又唔會燒竉晒，都不算差，大圍小食仲有得自己落調味粉，都幾正㗎！

由細幫襯到大，直到隔離開左龍津小食，先至少左幫襯，但絕對係一個岩既決定🤦🏻‍♂️人地十蚊五件煎釀三寶即叫即炸，大圍小食就十六蚊四件，唔知係咁岩定點，仲要凍冰冰既，以後唔會再買🙅‍♂️

篤魚旦，已經成為香港的特色小食，但對這簡單的小食，我有一份執著，心目中的好魚旦，應該具備爽口彈牙的魚旦，而辣汁亦相當重要。大圍小食的魚旦，正正符合以上的標準，是我覺得它是全港最好吃的魚旦之一，它好吃的地方，在於其辣汁，除了辣度夠，令人的味覺十分刺激，而辣汁亦配上其他香料，令辣味以外增添。價錢方面，價錢只不過是十元，有八粒，經過大圍的朋友必定要試一試。除了魚旦，大圍小食還有煎釀三寶、車仔麵、牛雜等小食，都不妨一吃。

今日同老公去大圍，我突然想去掃街，同老公講不如出反旺角掃街。老公話不如話試下去大圍站附近食小食，佢話大圍嘅小食都好出名。泊低架車就去左大圍站對面嘅大圍小食掃小食大圍小食好多選擇 店內好多姐姐，服務速度都算快今日試左煎釀三寶，好大件，又抵食，買左八件仲有椒鹽燒賣！超有驚喜！另外仲試埋雞豬串燒，十分惹味！有沙嗲汁同蜜糖選擇！最後仲有食埋炸大腸，但大腸有點難咬，比較”un”。但整體好有驚喜！食小食唔一定去旺角lu

大圍小食在富嘉花園多年，由於近大圍站，每次經過都買點小食，當中小食必定推介辣魚旦。如果在大圍小食買魚旦而不要辣，請不要說去過，因為它的辣汁做得十分惹味，辣度夠，辣汁能掛在魚旦上，愈食愈流汗。另外，小食店也有車仔麵外賣，配菜不過不失，但辣汁為平凡的車仔麵加了不小分數。

未食過咁難食既雞蛋仔 ，只此一次。雞蛋仔淋，蛋醬小，因為整完即刻放入袋 ，一焗住就淋哂，人地雞蛋仔整完會用風線吹再放入有洞既紙袋，整到外脆內軟，食完大圍小食雞蛋仔，係極失望🤦🏻‍♀️，食兩粒就想即刻扔😶😶

夜晚十一、二點放工成日都會肚餓，呢間港式地道小食好夜都未收，啱晒放夜嘅人買宵夜食最吸引、有風味又抵食嘅應該係煎釀三寶。＄12有4件，如果買＄50就可以有17件有埋盒呢間賣嘅煎釀三寶除咗比一般小食店大件好多，仲有秘製嘅辣汁，啲辣汁本來係配魚蛋燒賣，但係買煎釀三寶問佢拎都會俾，煎釀三寶配呢啲獨家秘製辣汁會更好食店家仲好細心咁將啲番薯分開袋唔怕俾豉油浸淋晒