大圍小食

營業中

休息中

今日放假陪媽咪周圍去，夜晚比佢休息下唔煮飯就坐屯馬線入黎大圍掃街返屋企慢慢嘆，上次試過呢間大圍小食好高質，今次一於再encore同屋企人一齊分享先😍😉🌟秋冬限定‼️足料糯米飯 ($35)一到秋天又係食糯米飯既時候啦，糯米飯好香又唔會太黏，係我地都鐘意既口感，入面有好多臘腸粒，上面加埋花生同蔥花增加口感，夠哂暖胃🌟經典油渣麵呢個叫比爸爸食既，聽就聽得多，今次都係第一次食，店員好細心地將湯同粉分開上，湯底非常清甜，粗麵彈牙，最正係豬油渣炸到香脆可口，爸爸表示大滿足 (係佢細個食過既經典滋味咁話😚)🌟串燒豬頸肉串燒豬頸肉都係三十蚊兩串，一於叫兩串返屋企唔洗爭食，肉質爽口又juicy，上面搽上蜜糖同沙嗲醬，推介🌟串燒魷魚串🦑見到姨姨們燒緊魷魚聞到好香，一於叫返串返去試下先，食落爽口彈牙，配埋醬汁超正🌟正宗古法臭豆腐 ($15件)佢地既臭豆腐真係好正，仲要係用上古法秘方，一舊臭豆腐好大件，配豆瓣醬食又得，加埋辣醬食亦得👍🏻👍🏻👍🏻🌟港式炸大腸 ($15/串)傳統街頭小食點少得炸大腸呢？炸到香脆又不失煙韌口感，可以加埋甜醬同芥辣一齊食就更佳😌🌟生菜魚肉生菜魚肉係我同媽咪既至愛，平時係出面食最怕啲生菜

炸髀好大塊，顏色炸得好靚，裡面既肉唔會鞋。足料糯米飯天氣開始凍，糯米飯開始出現既時候啦😍😍配料有菜甫、花生🥜同蔥花，好正。食糯米飯點可以無佢既朋友「臘腸」🤪加左$10要一條。食哂一盒好滿足，又飽又暖笠笠。芫茜狗仔粉作為芫茜Fans一定要試，爆多芫茜，而且新鮮翠綠，鐘意辣既朋友，記得叫佢加自家製既辣菜甫😋燒賣魚蛋燒賣幾煙韌，陳皮魚蛋帶有回甘味，配埋佢既秘製醬😋蘿蔔豬皮豬紅要讚佢個蘿蔔清甜、入味同冇渣，豬皮都唔錯，紋得夠爽同入味😄小食店咩都有，價錢親民，每樣又keep到水準，果然係屹立不倒既老字號。

講起大圍 除左單車🚴‍♀️ 雞粥🥣 另一樣諗起點少得地鐵站一出就見到嘅大圍小食呢🍡話說細個住嗰頭仲喺附近讀書 呢間老字號真係由細食到大啊 雖然叫小食店但其實一啲都唔小 你諗到嘅港式經典掃街小食 基本上喺呢度都可以搵得晒 今次一次過掃晒返屋企慢慢食簡直係大滿足吖😋🌟以下全部都係我嘅必點私心推介啊🌟˜”*°•韮菜豬紅豬腸•°*”˜胡椒湯底 超香胡椒味 微微辣度暖笠笠好好味👍🏻 韮菜新鮮嫩綠 豬紅夠實正 重點係豬大腸份量夠多 口感軟淋嫩滑 好易咬得開 讚啊🐷˜”*°•肉碎銀針粉•°*”˜肉碎銀針粉 配料夠豐富 大量肉碎 仲有冬菇同蝦皮 重點記得一定要落辣菜脯吖🌶️ 惹味到不得了🔥 辣到喊都忍唔住要繼續食😋 真係冇得輸encore👍🏻˜”*°•臭豆腐•°*”˜炸豆腐大大磚 外皮炸到超級香脆 離遠都已經聞到佢獨有嘅香氣 值得一讚係佢炸到食唔出丁點嘅油膩感 再配上甜醬同辣豆瓣醬 冇得頂吖❣️˜”*°•碗仔翅•°*”˜香港特色小食點少得碗仔翅 呢度嘅翅好足料 稀杰程度亦都啱啱好 每啖都食到冬菇絲 木耳絲 同肉絲 個人覺得唔加魚肉 啖啖都係翅更好食呢😋˜”*°•串燒豬頸肉•°*”˜呢度嘅串燒即叫即製 以碳爐

記得以前細細個途經大圍踩單車就已經有呢間小食店，超級多年的小食店，每次都多人排隊喂食嘅我通常踩單車前後買返少少嘢食醫下肚。今次係去附近做嘢影相，但係做完嘢一日好攰唔想企喺度食，於是今次就破天荒試吓一次過買多少少嘢食外賣揸車返屋企一邊睇電視一邊慢慢嘆！堅道店員都幾有心機，每一款食物都有幫忙分開湯上，而且都有比足唔同嘅醬汁而且用心咁溫馨提示我哋邊一款醬汁配乜嘢食物等等，睇圖片見到食物都好大份，今次兩個人，幾乎全部清晒，證明係真係幾好食同我哋好大食。最重點想推薦下大家試一試佢哋嘅碗仔翅，熱辣辣食好有香港風味，而且足料。另外佢哋嘅魷魚、燒賣魚蛋都係必食之選！如果食佢哋嘅油渣麵鍾意食辣嘅朋友一定要叫佢哋賣菜譜，菜譜好夠辣，而且好爽口，我鍾意～

📍 #大圍小食 in Tai WaiLocal street foodFood: 💛💛💛💛💛Décor: 💛💛💛💛🤍Service:💛💛💛💛🤍Price Value: 💛💛💛💛💛Price Range:💰 $50 -$100 per head Favorite:💖 Siu Mai with hot sauce ------------------------------✅ Located in Grandway Garden, just opposite to Tai Wai MTR station. Super convenient.✅The menu offers a wide variety of delicious and mouthwatering local street food I.e. fish ball,siu mai, stinky tofu, cart noodles✅ I enjoyed the flavourful bowl of noodles! It has a starchy base with pork, mushroom and preserve

車仔麵好多款麵底簡，簡左辛辣面佢會跟埋調味料包，本身湯底都夠味，調味粉可自由選擇落唔落。餸最少要簡3款，簡左牛柏葉、蘿蔔同司華力腸。司華力腸係燒過，好香，蘿蔔入味同冇絲😋牛柏葉都大大塊同爽。油渣麵爆多炸蒜，湯底叫左另上，同車仔麵同一款湯底，仲問佢拎左d辣菜圃，正😋鐘意食辣既朋友，可試下佢既辣菜圃。煎釀三寶青辣椒：後勁強，辣度十足釀青椒、茄子：大大件，好食呀姐落醬汁都絕不輕手，所以食舊舊都好有味道😽小食店選擇多，快靚正，所以永遠都有人龍。

今日掃左街未ꕀꕀ⇢ 大圍小食天氣開始漸涼掃街不再怕滿頭大汗位於大圍火車站的大圍小食屹立在火圍多年ꕀ是放工放學宵夜的好良伴ꔐ燒豬頸肉選了沙嗲醬ꕀ非常惹味豬頸肉燒到油脂跑出來爽口彈牙ꔐ燒司華力腸大大條司華力腸燒到外層脆皮ꕀ咬下去有少許爆汁ꔐ炸雞髀最愛的炸雞髀外層香脆ꕀ裡面還很好嫩滑椒鹽調味很討好ꕀ忍不住連皮也吃光很出色的炸髀ꔐ燒賣魚蛋燒賣口感軟糯魚蛋用上陳皮魚蛋最正是咖喱辣醬ꕀ香辣惹味ꔐ魚肉翅魚肉非常大塊是有魚味的彈牙魚肉碗仔翅非要足料啖啖都有冬菇木耳ꔐ韮菜大腸蘿蔔大腸處理很好ꕀ口感煙韌而韮菜很嫩ꕀ蘿蔔清甜加了蒜的湯汁很惹味¨̮ ᴴᴬᵛᴱ ᴬ ᴳᴼᴼᴰ ᵀᴵᴹᴱ દ ᵕ̈ ૩餐廳以食物種類分了幾條隊更便於分流同疏散客人店主有放幾張櫈給客人ꕀ有需要可以邊坐邊食！！

收工食飯放工行過過口癮之選 呢到一定滿足到大家 買到全9成街邊小食！！ 辣汁陳皮魚蛋（＄12/10粒） 有大魚蛋 都有細細粒嘅陳皮魚蛋 最鍾意佢地嘅香辣汁 好好食 另加牛柏葉（＄15) 臭豆腐（＄15/件） 港式臭豆腐炸得好香 個秘製甜醬辣醬必配！ 肉碎狗仔粉 （細$35 ／大$45 ） 湯底鮮甜 有好多冬菇蝦米肉碎～ 狗仔粉份量都唔少 而且有口感 配埋個辣菜脯 好惹味 串燒－正常！ 豬頸肉 ＋雞肉 配沙嗲醬 （＄30 / 2串） 貢丸＋墨魚丸＋司華力腸 （＄18/串） 豬頸肉好惹味！ 韮菜豬紅豬腸蘿蔔 （$35） 豬紅好入味 爽口 蘿蔔就真係好清甜！！！ 豬腸夠淋 乾淨！整體好足料！ 煎釀三寶（$20/5件） 必食街邊小食！！全部新鮮炸起 ！！ 紅腸、尖椒、茄子、魚旦、雲吞皮、豆腐卜、餃子、釀西蘭花都有 件件都好有份量 鋪上魚肉 ！ btw 尖椒好辣哈哈 最後仲叫左個即整格仔餅（$15) 邪惡 但個肚好滿足！！！！！ 大圍富嘉花園22號地舖

呢間店真係由細食到大🙌🏻每次去都好多人排隊。份量又多又大份❣️真係好抵食，希望大家都可以支持下香港小店❤️‍🔥🔸煎釀三寶 超級大份😂佢個紅腸同學我個匙羹一樣咁大塊🤣🤣大家知咩事啦，炸到熱辣辣食，好正。比較特別嘅係有西蘭花🙌🏻🔸臭豆腐 🌟推介🌟 佢哋個臭豆腐真係好出名，必試！頭先外皮炸到好香脆，放喺袋已經聞到好香(臭？)嘅味道，再配上佢比嘅甜醬同豆瓣醬，一流！🔸碗仔翅 好足料，有冬菇、木耳、、火腿、魚皮絲等等，每一口都能嘗到滿滿配料。🔸魚蛋加燒賣 內餡依然有彈性，配上佢哋特別嘅辣汁，好惹味。辣汁口感偏甜，可以食到有淡淡的薑香味。🔸銀針粉 配料有豬肉片、、冬菇、蔥、莞茜及蝦皮。🔸滷水雞髀 啖啖肉，嫩滑多汁，重食到鹹甜的滷水香👍🏻👍🏻🔸韭菜豬紅加蘿蔔 湯底係胡椒湯底，微微嘅辣度，好好食呀！一定要加蘿蔔，蘿蔔吸收晒湯嘅精華，煮到好軟淋。正呀❣️💁🏻‍♀️基本上乜嘢類型嘅街邊小食都買到，好傳統嘅香港味道💕💰人均消費大約30元❗ 🤵🏻🤵🏻‍♀️ 老闆好熱情🤣👍🏻📍 地址：大圍富嘉花園22號地舖

一步出大圍地鐵站🚇，就聞到好香嘅街頭小食，原來係任何時候都超多人排隊嘅人氣小店。煎釀三寶、燒賣魚蛋、雞蛋仔、串燒等港式小食琳琅滿目，既然樣樣都想食，就咩都嚟一份啦😝！而且店員超Nice，我諗除咗食味道之外，亦都係一份人情味✨————————————————👅 串燒雞肉（$30/2串）👍🏻雞肉大大件，外香內嫩🍖，加埋沙嗲同香料好惹味👅 港式炸大腸（$15/串）👍🏻咁邪惡都係間中食一次😈，無怪味同唔太油膩，彈牙口感不得了👅 臭豆腐（$15/件）👍🏻有無唔敢食嘅朋友？（舉手）但見到外表金黃香脆，雖然聞落有少少臭味🤫，但食完又幾好食喎，選用香港鉅記園嘅豆瓣醬同甜醬，酸甜開胃👅 生菜魚肉（$22/細碗）👍🏻清淡啲嘅選擇，魚肉彈牙🐟，份量闊綽，兩個人開心share都okay————————————————🚩總結：堪稱港式小食嘅自助餐廳🤣———————————————— 🌟注意：帶定銀包同埋你個胃————————————————📍 大圍小食地址：大圍富嘉花園22號地舖

大圍車站對出的多年老店，方便就腳，見好多街坊同踩單車人士幫親，店員好客，小食種類多，性價又高串燒豬頸肉豬頸肉即場燒製，沾上蜜糖同孜然粉再燒，甜甜地仲帶小小焦香同孜然味，好惹味煎釀三寶選擇好多，茄子，冬菇，青椒，魚蛋，紅腸豆腐......樣樣都有，每款都好足料臭豆腐豆腐炸得外脆內偏軟，臭就緊架啦， 好耐都無食過啦，好懷念，唔係間間小食店都有得買椒鹽炸燒賣 外皮脆，調味剛好，魚肉唔老，口感唔錯長洲大魚蛋大魚蛋大大粒，食完好滿足！點埋店舖特製辣汁，味道好正，辣得好好味司華力腸司華力腸大條係基本，腸面切咗好密嘅間間，方便落調味料之剩，仲好有質感炸雞髀炸皮唔厚又脆，雞肉唔老，炸得好香，一打開袋個味就沖出黎魚肉燒賣小食店必買👍

呢間係位於大圍嘅港式街頭風味小食店😍 紥根大圍二十多年✨ 主打香港地道美食: 臭豆腐✧碗仔翅✧狗仔粉✧煎釀三寶✧炸雞髀🍗… 每樣都充滿特色😋 煎釀三寶的款式好多: 餃子◦冬菇◦西蘭花◦豆腐◦尖椒🥦 炸得香口 味道豐富 大大件好抵食啊💕 仲有油渣麵 油香滿滿的豬油渣放在湯上 配上彈牙的麵條和自家製辣菜脯口感🥰 很滿足啊 令人一試愛上.ᐟ‪‪.ᐟ 另外 韮菜豬紅豬腸胡椒湯底很清甜 豬紅很嫩滑 豬腸彈牙爽脆 😘 而串燒即叫即燒 有多款調味料可落: 咖哩粉♡ 孜然粉♡ 蜜糖♡ 黑胡椒等 惹味十足 好香燒烤味啊🤤 豬頸肉肉質嫩滑 油脂豐富👍🏻 魷魚咬落煙韌有咬口 總括呢間大圍小食店很出色 絕對要一試👏🏻˶ ̇ᵕ​ ̇˶

大圍小食真係由細的食到大，除左係食物本身，仲係食邊間餐廳嘅人情味，記得以前每次一放學經過就會返串魚蛋食，食完就開心返屋企。每次去到一定會叫呢幾樣野。煎釀三寶，有好特別嘅西蘭花釀魚肉、仲有平時嘅茄子、炸魚旦、炸餃子，一買完之後入口係熱辣辣㗎。臭豆腐，雖然真係好臭，臭豆腐炸香之後，再配上甜醬食真係別有一番滋味。辣咖喱魚蛋/魚肉燒賣，魚蛋係特別嘅陳皮魚蛋，個人特別鍾意佢嗰隻辣汁，超級惹味，魚蛋或者燒賣加嗰隻辣汁都好正。韭菜豬紅，坊間而家已經見到好少車仔麵店會有呢個選擇。豬頸肉，呢個真係強烈推介，豬頸肉燒完之後真係好香。另外推介油雞脾，大大隻啖啖肉！肉碎狗仔粉，呢個真係有驚喜，湯底唔會太咸，狗仔分配上辣菜蒲、炸蒜、香菇，狗仔粉口感煙靭，真係意外地好食

識食一定要掃街，小食當正餐真係好正！幾十蚊可以食到好幾樣野，啱晒眼闊肚窄嘅我！一黎見佢哋啲串燒燒得好入味，而且有咁香噴噴，已經走咗過去叫左幾條。啱啱燒起嘅豬頸肉同雞肉真係冇得頂，濃濃嘅燒烤味加上孜然粉同自選醬汁，味道好夾，肉質口感好彈牙，好推介！除咗串燒，佢仲有煎炸脆口嘅嘢食，叫咗炸大腸同埋椒鹽炸燒賣。最鍾意都係食炸燒賣，少少懷舊嘅感覺，係呢度可以搵到～當然唔少得叫煎釀三寶，見佢有好多款選擇，而且每一舊嘅魚肉都釀得好好，唔會甩咗個餡，同埋魚肉都好彈牙入味，真係每款都值得試吓牛柏葉爽彈口，魷魚唔韌，爽口有肉食。外表雖然睇落比較普通，但係食落都幾入味，再點埋啲沙嗲醬更上一層樓，沙嗲醬辣度適中剛好，連唔食辣嘅朋友都話好食，非常惹味。其他熟食都唔差，食左非常彈牙嘅陳皮魚蛋同埋唔少得嘅燒賣。個重點竟然係辣醬，配合秘製辣醬會食到唔停口。跟住都食番碗最愛嘅碗仔翅，大碗又足料，有冬菇木耳粉絲彈花等等，濃稠度適中，不會太稀，亦不會落太多粟粉，最怕「杰撻撻」嘅碗仔翅，好似食粉咁。咁足料嘅碗仔翅現在很少有，讚！怕唔飽仲叫左個肉碎狗仔粉同埋芫荽銀針粉，本身冇乜特別但加左個秘製辣菜甫，味蕾即刻多咗層次感，所以中

[ 大圍小食 ]有嚟開大圍或者單車友應該對呢間小店唔陌生，店舖喺正大圍站對面，經常見到長長人龍。✿ 煎釀三寶 $20 5件每件煎釀三寶都大大件，呢個價錢食到超值！最特別喺連西蘭花🥦都沾滿魚肉，超正😋✿ 串燒豬頸肉/雞肉 $30 2串✿ 司華力腸 $18串燒燒得熱辣辣，加咗沙嗲做調味，每串都大大串🍢😍😍✿ 炸大腸 $15炸大腸炸得超脆，每串有4舊，而且無騷味，大腸洗得乾淨👍🏻👍🏻✿ 碗仔翅 🍲大碗$35之前有食過d碗仔翅個湯底好傑身，應該係英粟粉/生粉落過多，但今次食呢個唔會太傑/太稀，配料仲有竹笙，非常特別。✿ 長洲大魚蛋 3粒 $22魚蛋彈牙，再配埋秘製辣汁食，口感一流😬😬總結🫦食物質素不錯，性價比極高，每樣都大大件，落足料，唔怪之得小食店經常排哂長龍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿大圍小食地址: 大圍富嘉花園22號地舖電話：5403 3356✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿