大和牛石燒專門店 (已結業)

今日午餐決定大長征，去牛頭角既大和牛石燒專門店食燒肉，係我同行友人提議既。呢度餐牌有好多黎自唔同地方同唔同部位嘅燒肉，有200g同300g揀，做唔同價錢，唔收加一。剔表落單就得，好方便。除咗燒肉，午市套餐仲有好多款漢堡揀。我第一次黎，決定叫兩款唔貴嘅燒肉同一款漢堡試吓先。沙律菜，是日餐湯同白飯係自助任食嘅。餐具同熱水都係自己攞，連即棄圍裙都有。沙律菜好新鮮，除咗沙律菜都有粟米粒，自己加沙律醬，有胡麻醬同柚子醋揀。是日餐湯係齋白蘿蔔湯，冇肉味。澳洲黑安格斯西冷 200g $128澳洲黑安格斯西冷用抹手紙蓋住，防止油彈出黎，用一支有label既牙簽拮住固定，都幾體貼。一打開張抹手紙，見到好靚嘅烤印。塊西冷牛扒四四方方，有一邊有筋。我地即刻就開餐馬上切，要同塊熱石鬥快，幾熟先食自己話事。澳洲黑安格斯西冷牛味幾好，質感係要咬個d，點燒汁食就完全唔乾，有筋嗰部份都好食。紐西蘭天然牛肋條 200g $58少見燒肉店有得食牛肋條，不如就試吓。一樣用抹手紙蓋住同用有label既牙簽拮住固定。牛肋條份量好多，有三大條。牛肋條不嬲都較韌，呢個紐西蘭天然牛肋條的確係要咬下，不過完全冇問題，好易咬開。牛味都好

珍寶啡菇和牛漢堡 $73啡菇同牛一樣咁厚，一咬好多汁，漢堡扒厚身，質感唔會好實，牛肉軟嫩，有肉汁好juicy，配酸甜的沙律醬，感覺好match，麵包有烘底，加$15升級套餐，有薯條、沙律、麵豉湯、汽水。美國安格平鐵牛扒 $138/300g隨心所慾將牛扒燒到自己鐘意的熟度，蘸燒汁好夾，熱石保持到牛肉溫度，外層有焦香味，牛扒有咬口，冇筋位。日本A5和牛肉眼蓋 $278/200g油脂好靚分佈平均，每邊燒20秒，簡單加鹽、黑椒食到原汁原味，油脂香味撲鼻，食落去口感特別軟滑，肉味濃郁，入口即融，絕對係必點之選。

石燒牛熱潮流行了好一段時間，已經深入到屋苑商場， 街坊想幾時食都得，呢間更主打和牛，吸引力大增石燒和牛有三款選擇，分別係日本嘅，澳洲嘅和美國。 我們選了澳洲M6和牛小排 ($218/200g)， 這款和牛小排跟一般入口即溶的和牛有些不同， 肉質比較有咬口，帶油筋 另一款和牛食品 - 經典和牛漢堡($55)， 中間的和牛漢堡非常厚，肉質鬆軟，呢個價錢食到這麼厚的和牛漢堡算是便宜， 不過漢堡亦偶然帶筋既然有石燒牛， 當然還有任食沙律、湯和白飯， 白飯是珍珠米，有米香煙韌，沙律和湯正常

九龍灣的德寶商場是小食店臥虎藏龍的神龍之地, 加上近年翻新的FOOD COURT, 價錢經濟又實惠,吸引很多年輕一族前往。最近新開了一間吃鐵板燒牛的食店,今日是KUMAMONDAY,收工就去試下啦,意外地好食呢~美國安格斯牛小排 (200克)  148元便宜的US牛排,預先在廚房放上鐵板,拿出來立即食用,燒得恰到好處,再切成一片片配飯,精明抵食之選,不得不選!珍寶啡菇和牛漢堡 (套餐)  88元1. 爆汁的大啡菇,啖啖都是啡菇的精華2. 和牛漢堡意外地有牛肉味,沒有根/渣,煎得剛剛好,確實是出色的漢堡3. 薯條即炸新鮮,份量不少~4. 自選一罐汽水日本A5和牛肉眼蓋 (200克)   278元A5和牛真的不能少看, 每碟切成6小片,放上鐵板上輕煎幾秒,油脂已經爆發出來,入口即融!可以按個人口味加入鹽/黑椒/燒汁,三者都完美與A5和牛結合,滿分!食物的質素不俗,與其價位相符。環境乾淨怡人, 自取的水/飯/湯/餐具亦很衛生, 店員亦有禮貌,整體是一間幾好的新餐廳~!!

好掛住黑門市場嘅靚和牛啊！！！去唔到日本旅行，唯有食住旅行，希望可以搵返咁上下質素嘅和牛止癮。九龍灣呢間石燒牛嘅價錢黎講幾合理，同埋牛嘅種類都幾多，乎合到我哋想食高質和牛得黎，又可以叫個價錢相宜嘅美國牛嘅諗法。日本a5和牛肉眼蓋 (200g)呢個a5和牛絕對可以令我搵得返當年去日本食燒牛肉嘅感覺！先講和牛嘅份量，用兩隻碟先裝得晒，份量非常充足。和牛嘅質素係入口即溶，非常滑身，我建議塊肉放上石上燒幾秒食得，咁就可以確保唔會燒晒肉汁。塊石拎過嚟嗰時好熱，到咁上下時間，就有staff 問我哋塊石洗唔洗換過塊熱啲嘅，服務好好。美國安格斯牛柳 (200g)呢個安格斯牛柳同a5和牛唔同，佢嘅牛味幾重，而質感係嫩滑得黎有啲口感。我哋燒完肉食嗰陣就加埋枱上面樽即磨鹽調味，提升返牛嘅味道。珍寶啡菇和牛漢堡 升級套餐呢個漢堡價錢非常之抵，60蚊就可以食到幾正嘅包。先講嗰包，佢係有烘過嘅，切開嗰時個底好脆，亦都吸收左啲牛汁。而塊好大嘅菇就加左啲沙律汁，有菇香得黎又酸酸甜甜。而個主角免治牛肉好有牛味，同餐單上面嘅圖比真係有返咁厚，真係好抵。想食薯條就升級左做套餐，但可能我地遲食，放到啲薯條淋左。餐廳中間有個自

女朋友成日都扭計話要食餐好嘅🙂今日就帶佢去九龍灣食返間高質牛燒肉🤭🤭1. 日本A5和牛肉眼蓋 200g🤩🤩誠意推介，比牛角好食好多嘅A5和牛，雖然牛味冇牛柳咁出，但油脂分布好平均，入口即溶咁😍好似去左日本燒肉店食野咁😜，氹到女朋友好開心2. 美國安格斯牛柳 300g牛柳價錢平小小，但牛味比和牛更濃，而且肉質彈牙同啉啲，呢個價錢，絕對可以叫夠兩碟😍，配合埋A5和牛一齊食，簡直perfect match3. 珍寶啡菇和牛漢堡🤔驚女朋友唔滿意，所以叫佢嗌多一樣野，和牛好厚身，牛味濃，啡菇燒得好多汁，鍾意食菇嘅要試下，我地額外加埋薯條，😛薯條就冇咩驚喜，所以可以focus食返個包PS: 間店好岩打卡，而且白飯&湯都係自助式任添，唔洗驚好似牛角咁食唔飽😂

好耐之前食過一次石燒體驗唔太好 令我對石燒留下壞印象😂今次係朋友食過話呢間好食再帶我去食先再食多次石燒牛食完就明白 可能上次貪平叫左太平嘅肉所以要咬到下世先咬到今次係朋友請生日飯所以佢吩咐要食好啲😂😂所以就叫盡啲叫和牛宴而且見到漢堡八折好抵就叫多個啡菇堡試試🤤石燒牛店 例牌野珍珠飯 沙律 沙 任食😋日本A5和牛肉眼蓋 ($278/200G)餐牌有日本 美國 澳洲和牛揀我就好膚淺見到日本和牛薄切唔洗自己再鋸😂😂😂😂😂可以懶少少就食到所以就揀左日本和牛紋路都幾均勻油脂平均😆擺左係石燒板之後靚到忍唔住影左好多相燒到半生熟都已經食得味道好新鮮🤓🤓200g大約有16塊 好彩同朋友share食🤣一個人嘅話100g 8塊一定夠食！美國SRF和牛板腱 ($188/200G)朋友就上次食過再番兜呢個牛板腱我都試食左幾舊價錢比較相宜美中不足係要自己鋸🤣同日本和牛味道完全唔同比較少脂肪肉味極濃🤤🤤而且可以自己鋸大細決定口感怕太肥和牛嘅朋友可以試牛板腱！掛得知朋友食過番尋味🥳🥳田園珍寶啡菇堡 ($42)八折都絕對比足料超大個漢堡😋😋係全肉宴入面有啲菜 蕃茄同啡菇打番個平衡去左唔少膩😂😂我仲將個包同菇放左落石燒

作為一個鐘意食Medium rare嘅牛魔王近呢一兩年多咗食呢一類石燒牛餐廳因為可以自己控制肉嘅生熟程度唔洗擔心啲牛過熟韌咗而浪費咗今日同朋友揀咗兩款牛牛兩款係完全不一樣嘅享受鍾意滿口油香嘅最岩食日本A5和牛而鍾意肉味濃嘅就揀美國和牛套餐包無限任添嘅自助吧有飯 蔬菜湯同沙律 仲有好多款醬汁揀飯係用珍珠米 食食下就食咗成碗美國SRF和牛板腱 ($188/200G)一上枱嘅時候牛牛已經燒到大概三成熟好彩待應提醒我將塊扒轉落另一隻碟度切好先再逐件擺上石上面燒 避免過熟呢個係牛牛郁動嘅部位 肌肉比較發達 所以食落有咬口得黎 又嫩滑多汁同日本和牛比較 呢款肉味再濃啲添日本A5和牛肉眼蓋 ($278/200G)今年都未必有機會去日本食和牛趁新年食豪少少獎勵吓自己和牛嘅油脂花紋分佈得幾平均每邊燒幾秒 仲有少少粉嫩就岩食架喇食落肉質細嫩 油脂慢慢化出黎 好滿足田園珍寶啡菇堡 ($42)因為見倒漢堡包做緊八折咁抵唔叫真係對唔住自己珍寶啡菇果然冇改錯名啡菇脹卜卜好巨型仲好juicy個burger根本就冇可能一啖咬哂總括黎講石燒店我都試過唔少而呢間牛肉真係幾高質絕對對得住個價錢架

#牛扒控 #注意 🤤早兩日同朋友去咗屋企附近 #大和牛 食lunch發覺真係幾掋食🙈.［美國安格斯牛柳］ #推介大大塊幾厚身，牛柳肉質鮮嫩有彈性咬起來有勁多肉汁！估佢唔到👍🏻牛味重，價錢合理✅必食！.［日本A5和牛肉眼蓋］呢個貴少少，但雪花分佈真係超靚🙈入囗即溶，咬落超肥美飽滿勁juicy第一野咬唔重牛味，咬多兩啖就回番啲牛味，仲會包住個口腔🤤.［美國安格斯牛小排］肉質較牛柳爽彈，比較有咬口牛味＆肉汁都相對少一點兩條份量唔夠多！絕對唔夠喉🤣.除咗有牛，都有豬＆雞選擇仲有價錢好貼地嘅 #burger 😍.［經典三重芝士和牛漢堡］中間舊和牛勁厚🙈入囗幾滑三重芝士味道唔太出，不過我都係貪得意試下🤭比較之下都係肉肉吸引啲🤤 #食肉獸

今日同朋友去九龍灣行街，經過聞到一陣陣好香嘅肉味就比佢吸引左入去食喇😂起初見到外面嘅餐牌，發現原來係食牛嘅😁正啦！my favourite ar😍同個朋友lunch叫左兩樣野黎食🐮美國安格斯牛小排黎到時，未除口罩都聞到佢啲香味，而且仲放左係石燒板上面比我地自己燒幾下都幾過癮😜牛肉味夠濃，又多肉汁，點埋少少醬汁後更加好味。🦀軟殼蟹阿波尾雞蛋漢堡原隻軟殼蟹夾係個🍔 入面，配埋芝士同流心雞蛋🥚 ， 簡直冇得輸呀👍🏻外面仲有個自助bar可以自己拎唔同嘅醬汁、飯、湯同埋沙律，任君選擇😁真係估唔到一個細細嘅商場，竟然比我搵到一間咁好食嘅石燒專門店🤤

一點鐘揾食來到呢間餐廳，人流唔算多，仲有好多卡位。🍔和牛漢堡 $42 （升級午巿套餐+ $12）個升級午餐真係好抵食！有是日餐湯🥣、炸薯條🍟、沙律菜🥗仲有汽水🥤沙律菜和餐湯都係自助吧，但今日係一個人嘅午餐，真係唔食得咁多，所以剩係拔左沙律。Burger 嘅和牛漢堡厚身juicy😋，厚到一啖都唔可以一次過咬晒，連埋蕃茄、菜一齊食，肥膩感即是減半。🥩美國安格斯牛小排（200g) $148我呢一個牛魔王見到呢度最出名就係’牛’，忍唔住都係要order 返一道牛排。牛排上菜時就放在熱辣辣嘅石燒上，自己可以因應喜愛的生熟度而控制牛扒上碟嘅時間。牛質鮮嫩，今次牛扒差不多10成熟，但係一啲都唔會覺得過韌，再配合埋燒汁一齊食（自助吧有多款醬料），真係超好食😋

行過德寶，發現一間專食靚牛嘅餐廳，門面招牌有我至愛嘅Burger，餐廳環境整潔，最正有卡位座，看餐牌選咗三重cheese 和牛Burger，平時習慣叫煎到7成熟就夠，職員回覆和牛關係廚師會以95至全熟為佳，好吧，第一次幫襯先跟返廚師意見，我地仲選咗加$12套餐，包汽水薯條＋湯,沙律,飯(任食)，初初我地跟本不清潔是任食，之後職員落單後通知可到後方自取湯,沙律,飯，咦，自助自取即係任食啦，仲要加$12就又汽水又沙律菜，沙律菜可配柚子汁或芝麻醬，好fresh好好味，仲有麵豉湯及珍珠白飯任裝。主角到啦，大大個和牛burger有9成熟，咬落Juice，食落帶有少少筋，咁樣食起來先有咬口，我只食到2重芝士的口感，可能因為已經溶化咗，另外有啲好似芝士mix薯溶嘅係肉扒面上幾好味，食哂個包已經好飽，最後食埋啲幼身薯條，呢個薯條如果改用粗波浪會更佳，薯條略為唔夠香口。埋單個價錢超級抵，食到和牛burger仲要配菜任食包飲包湯寔係$60，真係唔知邊到搵。

得寶商場靜靜地 又唔係喺購物區 只係住宅區嘅餐廳 都搵到好野食 而且餐廳唔係大型連鎖式餐廳 如果好食 我覺得更應該支持自助區 有沙律 湯同飯食咁多肉 有d菜食下幾好 我都食左兩碗😁A5和牛肉眼蓋、美國安格斯牛柳同美國安格斯牛小排每份牛肉都跟一個熱石板 自己可以控制牛肉嘅熟度和牛油脂分布都幾平均 食落去軟綿綿 燒完點少少醬汁鋪喺白飯上面 再食 正呀 白飯即刻變得唔係一般普通白飯😆如果餐廳可以提供埋蔥花或者紫菜碎就更加完美不過我食牛都係鍾意肉味重啲我最推介呢個牛柳 好有牛味又淋又冇根三重芝士和牛漢堡 舊肉都幾厚下 醬汁剛剛好 唔會食到成手係 不過三重芝士就覺得唔係好重芝士味 因為三重會令我期望芝士味係重啲不過五十左右 可以食到呢個質素嘅漢堡 都抵食 加$12仲可以轉餐有汔水有薯條

環境舒適，有自助熱水、是日餐湯、沙律、各式醬料、白飯任添，CP值很高，大胃王也可以飽飽。自助式拎餐具，提供紙巾、牙籤等。免收+1服務費( ´ •̥  ̫ •̥ ` )石燒牛和牛肉漢堡都很健康，客人可以根據自己喜好落調味，個人喜歡添加玫瑰鹽和黑胡椒更調牛味(๑•᎑•๑)#A5和牛肉眼蓋 $148/100g這個部位不會太肥，石燒大概七成熟便可以，媲美日本食和牛的感覺，一定要加玫瑰鹽和黑胡椒才燒！可以提升牛味。石燒溫度持久，不易烤焦。肉質不會粗糙，配合白飯更滋味～不會膩#午市套餐 #珍寶啡菇和牛漢堡 $60 +$12 有薯條🍟和汽水～漢堡排超厚切，肉質嫩不會乾，而且味道健康不會咸。個人喜歡再加番茄醬和玫瑰鹽。+$25 可以多塊漢堡排（150g大大舊）。珍寶啡菇大塊，淡淡菇香而且都juice味。薯條吃到後期可以放在石燒返熱🤣服務質素：7/10環境舒適度：7/10ᶘ ᵒᴥᵒᶅ個人口味評分：8/10

日本A5和牛肉眼蓋200g，選用來自日本嘅宮崎牛和牛，和牛肉眼蓋油雪花紋路，色澤紅潤，肉質鮮嫩，油脂部分入口即化，肉味濃郁，食落好Juicy。半自助餐，包括有日本珍珠飯、是日餐湯、野菜沙律、4種醬汁、熱水；日本珍珠飯口感軟硬適中，食落有咬口；是日餐湯，雜菜餐湯，雜菜包括有白蘿蔔、菇菌、紅蘿蔔，味道咸鮮；野菜沙律，包括有生菜、粟米、紫椰菜、車厘茄，口感爽脆，配以胡麻沙律醬、柚子汁食用，味道更加清新；醬汁，包括有原粒黑椒、粉紅玫瑰鹽、味噌汁、燒肉汁。