大和牛石燒專門店 (已結業)

一直好想試下鐵板牛，終於可以試到啦😋果然冇令我失望🥳當我企系門口睇緊餐牌既時候，已經有員工行出門口同我推介有d咩招牌菜😚我睇中既澳洲M6和牛都係佢介紹之一，另外仲介紹左d漢堡🍔等餐期間就可以出去自助吧拎前菜，可以任食🤩食左個頭盤，主菜大約等咗20分鐘，等候時間都算合理🤓澳洲M6和牛果然冇令我失望😝當切開嘅時候，可以見到佢粉嫩嘅肉色，我就知道我冇揀錯😆食落去口感都好juicy🤤另外上枱嘅時候，職員同我講鐵板唔夠熱可以換，真係好貼心🥰而個Burger既肉質都唔會乾身，size亦都好厚，加埋芝士醬，出奇地口感非常夾😚總結而言，如有心想是鐵板燒牛既話，大和牛係一個不錯嘅選擇👍👍👍

食物:[👍🏻美國安格斯牛柳 $168/200g]好貼心上枱時用廚房紙蓋住肉，避免四射。建議拍照後快點將肉翻一翻，避免燒燶，肉質嫩滑，啖啖肉香，去自助區拎燒肉汁同飯，更加好味更加飽。[👌🏻經典三重芝士和牛漢堡 $48]漢堡實物同圖片一樣，和牛扒厚身，充滿肉汁，餡料方面有:蕃茄、洋蔥圈、生菜、芝士，中和了油膩感，份量十足材料豐富。[👍🏻升級加配(炸薯條+餐湯+沙律菜+飲品) $12]餐湯同沙律菜都係任食，係自助區自取，每張枱上都有黑椒同玫瑰鹽調味料，加落薯條上更加好食。環境:餐廳大約有十張枱，坐卡位會比較舒服，餐具紙巾同碗碟可以係自助區拎。

本身好耐無食燒肉，今日見到這一間燒肉店，環境比較闊落，所以就決定Lunch在這一間食。餐廳門面乾淨，感覺比較衛生，所以在這間餐廳食lunch，都比較放心。餐廳主力食石板燒肉，有多款肉類可供選擇，例如有日本A5和牛，澳洲M6和牛等等。另外，餐廳仲有漢堡食，而且仲有好多選擇，仲可以加錢改成套餐，有薯條、餐湯同埋沙律，價錢都算合理。餐廳採用自助形式，可以無限添加沙律同埋白飯，想食幾多都冇所謂。我點了美國安格斯牛小排，上菜時見到牛排非常新鮮。石板的熱力慢慢把牛排煎熟，還可以自由控制牛排的生熟程度。我比較喜歡8成熟，所以煎耐少少。煎好的牛排可以放在石板上保溫，確保食的時候仍然是熱的。美國安格斯牛小排肉質比較有口感，肉汁豐富，一啖白飯一啖安格斯牛小排，非常好味。我還點了這個三重芝士和牛漢堡，賣相十分吸引。漢堡入面的醬汁及芝士份量非常多，口感很豐富。總括來說，食物品質不錯，價錢適中，是一個不錯的Lunch選擇。

作為Burger控，見到呢到有賣Burger點可以唔黎試下！食左好耐嘅Burger B執左，呢間係得寶商場唯一一間有賣Burger嘅舖頭🥺呢到唯一抵讚就係有為素食者而設一個大啡菇Burger🤭但我嘅外賣不愉快經歷同樣都係呢到開始，當時係爸爸幫我落單，佢話用手機指住張相入面個珍寶啡菇和牛漢堡俾職員睇，但最後都拎到返屋企外賣一打開只見啡菇不見肉😭當然打電話過去查證過係職員落錯單，當時聽電話個店員都好有禮物同我道歉🤪我就食左爸爸本身Order嘅和牛漢堡（因為有肉🤣）牛肉漢堡還可以，但略嫌洋蔥太多，雖然令到返牛肉漢堡好Juicy，但導致牛肉本身嘅口感就唔係好feel到。其次就係套餐好失望😔薯條居然係m記🍟餐湯係中式餐湯，但無味，見到紅蘿蔔等湯料，但飲落仲淡味過水🙃套餐唯一好食同好飲就係沙律同罐汽水🤣如果下次再幫襯，最多單點Burger，唯獨Burger本身還可以😕

幾個朋友都介紹我食牛頭角得寶商場既大和牛，放假終於黎試試佢地有石燒牛套餐，價錢唔貴，都幾抵食沙律、湯同白飯都係可以自己出去攞係等緊野食既時間食少少沙律更加開胃，因為加左麻醬同醋黎到就緊係食好D啦，我就叫咗日本A5和牛肉眼蓋 278/200G脂肪比例分布平均，厚薄岩岩好，一放上石板度就發出滋滋既聲餐廳有放鹽同胡椒供應，我就會加啲海鹽先另外餐廳都有燒肉醬汁供應，睇吓大家鍾意落鹽定落醬汁我就梗係兩樣都落晒，一次食唔同嘅味道另外佢哋而家有burger套餐，下午茶時間仲有八折添我就叫咗個經典三重芝士和牛漢堡 $48，已經包括左餐湯同沙律，然後就加$12轉埋套餐，會有埋薯條同飲品個burger成座山咁高，的確係幾抵食

好耐無去大和牛石燒專門店😢食見網上推出和牛漢堡就想去試下🆕.澳洲黑安格斯西冷 300g🐄西冷厚切🔪油脂較多，有少少筋🤏🏻肉質偏結實🥩但都好嫩同多汁，肉味香濃😋.經典三重芝士和牛漢堡🍔和牛漢堡扒有成 150g，勁足料😍牛味濃郁，肉汁多🤤肥瘦比例剛好，有輕輕調味👍🏻三重芝士分別係馬蘇里拉芝士、巴馬臣芝士、車打芝士🧀配埋生菜🥬番茄🍅洋蔥🧅又 fresh 又豐富😗.自助吧🍴有沙律🥗珍珠米🍚蔬菜湯🥣飲用水🥤沙律比以前更豐富☺️有生菜、紫椰菜同粟米🌽可配上芝麻醬、柚子醋🤗珍珠米粒粒分明😉蔬菜湯有不同蔬菜同菇菌🥕🍄另外燒肉調味有黑胡椒、岩鹽🧂燒肉汁、味噌汁

我同朋友都係一個牛魔王嚟㗎，一見到牛肉即刻眼前發光🤩所以約好咗嚟食石燒牛😈我哋揀選左兩個套餐，套餐包括有前菜沙律配日式芝麻醬爽口新鮮，雜菜湯清甜可口，日本白飯軟硬適中，沙律、湯同飯都可以任添✨🤩另外仲有幾款醬汁任你揀有甜酸醬、芝麻醬、燒汁無限供應👍🏻✨美國安格斯平鐵牛扒/300g厚厚安格斯牛肉，重份量足足有300 g 肉質比較重牛肉味，點上燒汁味道更突出😊✨澳洲M6和牛小牛排/300g牛小排我都好鍾意食佢仲要係M6和牛，三小塊牛排份量都係300g，油脂比較3分1煎既時候油脂即時流出，咬一啖滿口油脂，肉質鮮嫩，牛肉味唔算太重但，肉質非常之腍❤️✨😍✨經典漢堡揀咗經典漢堡層層疊，漢堡扒厚度超厚，咬一啖油脂滲出好juicy 😋麵包滿滿芝麻烘底麵包加埋牛油好香口，更加容易入口配埋生菜同沙律醬個口感更加豐富🤩

今日中午約左美女友人食晏佢約左我黎呢度食石燒牛我大半年之前都有黎過，牛既質素的確唔錯！！今次黎度仲見到多左幾款漢堡可以選擇，所以我地除左點叫左石燒牛之外，仲點左一份“經典和牛漢堡”HKd$42一齊share呢度既白飯、熱湯、沙律同醬料都係以自助形式提供既呢度既漢堡都係即叫即製，加上HKd$12就可以配上薯條同自選飲品，十分抵食！！漢堡牛肉厚而juice，包身外脆內鬆軟，性價比不錯喔而石燒牛方面我地分別要左“澳洲M6牛小排”同“美國安格斯平鐵牛扒”前者香嫩，牛脂感較重，後者則富有肉香每檯都附有海鹽同黑胡椒供食客調味，非常方便吃罷嫩肉漢堡後，喝口冰涼飲品確為理想

辛苦揾來至在食放假當然要去食好野訓醒覺就同另一半去左九龍灣食熱石燒肉最鐘意平日去因為唔怕多人又唔駛等位^^出街食其實仲平過自己買回家燒又唔會整到一屋油煙~haha乾手淨腳一場來到當然要叫多幾款唔同的食物啦日本A5 和牛係每次必點$278(200g), 另外仲有$148(100g) ~另一款就係美國安格斯牛小排$148(200g), 非常抵食午市還有新出的burger套餐，如唔想食燒肉可以試下burger~

放假要同男朋友食好西😋近近地去左大和牛食豐富的午餐🥰日本A5和牛肉眼蓋🥓係必點之一🎉每一片都鋪滿靚靚的雪花❄️將它地放在燒熱的熱石上燒大約10 秒，油脂就會燒晒出來😁再落少少海鹽已經好好食再叫多個美國安格斯牛小排😚肉質夠林就算welldone都唔硬🥳又係加dd海鹽再送飯一流最好就係可以燒到各人喜歡的熟度~今次仲試左新推的大啡菇和牛burger🍔仲可以+$12蚊配薯條及汽水，即叫即整~

估唔到九龍灣得寶有一間性價比極高既和牛專門店，帶埋朋友去食，忍唔住真係要寫個食評表揚下。珍寶啡菇和牛漢堡 ＄60 免費送 沙律菜同是日餐湯超級抵食，和牛食得出好新鮮而且調味非常出色，睇圖都個厚到不得了，真材實料竟然都係只係60蚊，超級推薦。日本 A5 和牛肉眼蓋 超頂級既和牛，油花極多，同其他牛既分別係佢一片片咁上比你自己燒，基本上燒幾下已經食得，再配埋店內既燒肉汁，而家諗起都流哂口水。澳洲m6和牛小排 三大塊極厚和牛，同樣油花極多，呢個和牛小排牛味比較重，亦超級淋。美國SRF和牛板腱油花多，相對比上面兩種既和牛，美國牛比較肉多d，肉汁更多，推薦。美國安格斯牛小排全部牛之中最有牛味，最多肉汁。

今次我唔想過多講廢話啦😂要直接入正題讚嘆下呢間嘅牛肉係超肚餓嘅情況之下嗌左幾個扒share食，每樣要少少咁就可以食晒咁多種想食嘅種類啦！第一個是嘅係澳洲M五和牛扒，我以為會係好薄嗰啲黃牛但係上到枱發現勁大份，而且都有一定厚度我本身都鍾意食散啲嘅，所以好快就切咗一舊嚟食救命呀超級好味！肉質鮮嫩有口感得來，超級重牛味，今次最重牛味就係呢隻扒超級推介！跟住我出咗去拎啲沙律菜夾住，中和返牛肉嘅牛至，超級balance同埋好味跟住就係我不嬲都好鍾意食嘅位置，牛板腱！我自己好鍾意食跟，呢個就同我想像中嘅一樣，厚切而且夾雜着油脂同埋唔會太硬嘅筋仔！好好味呀！雖然牛味唔夠頭先嗰個重，但係都係牛味一非常重嘅一塊扒鍾意咬筋嘅人一定要試另外呢度有好多醬汁，不過我覺得都係落鹽最好味最能夠帶出牛扒嘅鮮味，因為呢度嘅扒好高質素，唔需要靠外在嘅調味料去令佢更加好味🥰🥰🥰由於我同朋友都係一個好大食，而且好貪心嘅人😂見到呢間舖頭仲有burger牌，而且午市勁抵食！最平40幾蚊就有一個burger set! 所以決定那一個大啡菇漢堡包🍔 果然冇叫錯！佢個漢堡扒又係好似嚟嘅！食到瘦肉同埋肥肉非常均勻咁樣match埋一齊，同

{推薦日本A5和牛肉眼蓋❤️}#kong_girl_foodie出街食同 @kong_boy_foodie👫🏻 拍拖拖！幾個月前已經嚟過一次由於好想食燒肉，就決定嚟多次呢間！.❣️ 日本A5和牛肉眼蓋 $278/200g啲雪花好靚🥰一片片放喺度衝擊視覺🤣油脂香濃，煎到少少金黃色就最正！如果你慢慢食嘅話個石板會唔夠熱，一定要叫員工同你換過塊！.❣️軟殼蟹雞扒漢堡$75軟殼蟹好大隻，絕對夠飽！漢堡40幾蚊都有！超級經濟！.📝總結燒肉汁配和牛，白飯💯雖然價錢高少少，但係食物質素喺返度❤️推介大家嚟試吓🤤🤤🤤.❣️食完俾分時間❣️🌟食物: 8/10🌟環境: 8/10🌟服務: 7/10🌟打卡: 7/10🌟推介: 8/10.📍 大和牛石燒專門店牛頭角牛頭角道3號得寶商場地下123號舖#香港 #香港美食 #美食分享 #香港吃貨 #hkfoodie #foodie #hkfood #hongkong #hkig #九龍灣美食#九龍灣 #大和牛石燒專門店#和牛#日本和牛

有時經過聞到呢間店有啲牛肉香味，原來佢係石燒店、有石燒肉或漢堡等等，多野揀～～揀咗經典和牛漢堡。呢度嘅漢堡包平得來又幾好食😋我升級加咗薯條及飲品～～佢啲食物都算來得快，漢堡包份量夠，而且和牛幾香，舊肉大大件，有番茄有菜。其實兩個人share食係最好，然後再叫一個鐵板肉☺️☺️☺️鐵板約我哋揀咗M6和牛小排 200g $218，牛小排都幾厚😍鐵板夠熱，出邊仲有任食沙律、白飯及湯嘅自助區，非常方便😆

「大朋友食大和牛」🤙🏻1.《日本A5和牛肉眼蓋 200g》-8分2.《經典三重芝士和牛漢堡套餐》-7分——————————————1️⃣《日本A5和牛肉眼蓋 200g》$278和牛切片較薄 黎到已經係切好 油脂分佈平均 入口即溶 肉質夠嫩 有脂香 份量夠多 落少少海鹽燒 正💪🏻 2️⃣《經典三重芝士和牛漢堡套餐》$48$12 可以升級薯條🍟 同汽水🥤 三重芝士多到瀉 配沙律菜唔膩 和牛漢堡扒係重點 好厚身 牛味濃郁 肉汁豐富 📝 平平地可以過和牛癮 豐儉由人 都幾抵食 各牛魔王可以一試‼️