大和牛石燒專門店 (已結業)

珍寶啡菇和牛漢堡 $73啡菇同牛一樣咁厚，一咬好多汁，漢堡扒厚身，質感唔會好實，牛肉軟嫩，有肉汁好juicy，配酸甜的沙律醬，感覺好match，麵包有烘底，加$15升級套餐，有薯條、沙律、麵豉湯、汽水。美國安格平鐵牛扒 $138/300g隨心所慾將牛扒燒到自己鐘意的熟度，蘸燒汁好夾，熱石保持到牛肉溫度，外層有焦香味，牛扒有咬口，冇筋位。日本A5和牛肉眼蓋 $278/200g油脂好靚分佈平均，每邊燒20秒，簡單加鹽、黑椒食到原汁原味，油脂香味撲鼻，食落去口感特別軟滑，肉味濃郁，入口即融，絕對係必點之選。