大公館

營業中

休息中

開學後約到幾位靚媽共進晚膳，這機遇難得，當然不能hea食。朋友提議去「大公館」食中菜，主打精緻菜餚，看餐牌頗有新意，非千篇一律的菜式，值得一試。店內裝潢古色古香，座位濶落，以大圓枱居多，很適合大班人聚會。頭盤有🥢黑魚子花雕醉南非鮮飽魚 和 🥢川味口水竹絲雞。醉鮑魚冰凍結實，花雕酒味香而不澀，表面點綴黑魚子增加鹹鮮味和貴氣。竹絲雞平時燉湯多，口水竹絲雞也是第一次吃；入口花椒香味甚強，再滲出少少辛辣味，雞件切得方正滑口不油膩，很特別。🥢三色藜麥金沙蝦球外層包裹鹹蛋黃炸脆，金黃鹹香，加上三色藜麥點綴，增加口感又有益，蝦膠鮮滑彈牙，酥脆惹味。🥢燒汁慢煮牛肋骨牛肋骨肥瘦適中，慢煮令肉質更稔滑，厚切保留肉汁，肉味濃郁。🥢脆米蒜香雞雞件滑溜，皮脆不油膩，蒜香味突出，脆米營造如米通的卜卜脆口感，口感更好。🥢西班牙火腿金芙蓉蒸星班球賣相精緻，星班球清蒸後滑不溜口，鮮味讓人想多吃一塊；配上蒸蛋和西班牙火腿，中西合璧，配搭出色。🥢金蒜瑤柱蒸冰島鰈魚鰭籠仔飯飯粒吸收了瑤柱和魚塊的鹹鮮味，加上蒜香，每口都非常入味。冰島鰈魚質感比較滑身，入口即溶，魚味清甜，味道不錯。🥢豆漿杞子鮮黑腐竹浸時蔬第一次食黑腐竹，外型特

開心聚一聚！做咗媽媽之後，更加珍惜放低小朋友同朋友食餐飯嘅時光今次去 #大公館 食精緻中菜。可以同朋友傾吓偈，講下媽媽經，一邊慢慢品嚐美食。前菜：-黑魚子花雕醉南非鮮鮑魚-龍井煙燻黃花魚-川味口水竹絲雞上前菜已經好肚餓，竹絲雞賣相好特別，川味惹味真係流口水。南非鮮鮑魚好彈牙、龍井煙燻黃花魚有陣陣茶香。開胃之後再繼續食：-三色藜麥金沙蝦球-燒汁慢煮原條牛肋骨-脆米蒜香雞-西班牙火腿金芙蓉蒸星斑球-金蒜瑤柱蒸冰島鰈魚鰭籠仔飯 -豆漿杞子鮮黑腐竹浸時蔬-清心柚子糕 -金箔懷舊芝麻卷金沙蝦球蛋黃好香濃，配上三色藜麥中和清新；慢煮原條牛肋骨好軟腍入味；脆米蒜香雞外皮香脆內裏Juicy；芙蓉蒸星斑球橙黃色啫喱狀湯汁非常特別，口感鮮甜嫩口；冰島鰈魚鰭籠仔飯，第一次食冰島鰈魚鰭，估唔到口感係咁！最後食返個豆漿杞子鮮黑腐竹浸時蔬清一清味蕾，再食埋兩款甜品，非常滿足大公館環境清雅，食物精緻，好適合一家人或者朋友相聚餐廳：Greater China Club 大公館

難得的me time～約埋幾位靚媽一齊聚一聚！今次飯聚選擇咗大公館，品嚐精緻高質嘅新派粵菜🫖環境舒適寬敞，加上貼心的服務，可以用「冇得彈」嚟形容💕每款菜式都好精緻，好有水準！💥特別推薦川味口水竹絲雞，以冷盤啫喱狀呈現好特別，配埋麻辣醬油，非常滋味！三色藜麥金沙蝦球🍤上菜時已經聞到陣陣鹹蛋黃香味，加上蝦球皮脆彈牙，絕對係令人忘不了的味道！西班牙火腿金芙蓉蒸星斑球賣相特別，嫩滑星斑球🐟配上蒸蛋及西班牙火腿，味道好夾，口感豐富！金箔懷舊芝麻卷係我最鍾意嘅傳統糕點❤️香港已經買少見少，但呢度可以食到皮薄芝麻味濃郁嘅芝麻卷，實屬難得！今次飯聚有美人佳餚非常開心！而且有說不完的話題，期待下次見面啊❣️

一值想試荔枝角大公館，趁同家人飲茶，就訂位去試下果度嘅點心。12點正才開門，逛了樓下商場幾轉，終於開門，但上到去重門深鎖，要自己推那度又重又大嘅紅色大門才見到接待處，唔知道便以為佢仍未營業。未評論佢哋食物，我想先講佢哋服務。一早訂了枱，侍應安排了大房裏就坐，但坐下我們便發現，位置燈光較暗，無射燈照射住枱中位置，我和先生就最不喜歡餐枱無燈，食什麼也看不清楚，見場地仍有很多枱未入坐，便盡早同一位女侍應反映想換位置，但她拒絕，說其他枱已訂，不能換。咁好啦，算數，我也不想為這些事情影響成餐飯嘅心情。跟著我便著眼留意侍應的服務態度，水壼開了蓋，來回幾次也沒有幫我們添水，想點菜，只見她們與鄰枱客人聯誼，也算，幫我們點菜，一路下單，一路打喊奴，再唔係就咳幾聲，雖然帶了口罩，但見她的服務態度，根本不符合大公館的檔次同價格。只有一位較高級的女經理，面帶笑容，一早便發現我舉高手找侍應不果，便離遠走來為我下單，這才是應有的服務態度。最尾，點心最令我驚喜讚好只有芝麻卷，其餘的不礙如是，唔明點解咁多好評，價錢又貴，無下次。另外想提，我飲完餐茶，我旁邊那張枱仍未有客人入座，最尾還被我發現，幫第二位客人換了我旁邊那

大公館位於荔枝角全新創意地標，荔枝角活化工廈D2 Place ONE最頂層，由屢獲殊榮的烹飪團隊，以現代的烹調方法做出精緻的粵菜。清香柚子凍鮑魚作為頭盤的第一道菜，以乾冰營造出煙霧離漫的感覺，鮑魚彈牙而不韌，柚子的清香帶出鮑魚的鮮味。麻香萵荀麻而不辣，爽脆清甜，交叉編織的萵筍盡顯刀工。川味口水竹絲雞做法有點似上海肴肉，但竹絲雞省卻了豬肉的油膩感，更充滿雞肉的甜味，十分驚喜。三色藜麥金沙蝦球當晚的MVP，原隻大蝦份量十足，外層炸漿薄脆不油膩，油溫控制極佳，鹹蛋黃的調味亦恰到好處，配上三色藜麥層次感豐富複雜。木瓜慢煮美國安格斯牛小排創意滿分的一道菜，軟綿的木瓜裏藏着慢煮了的牛小排，很適合炎炎夏日的配搭。脆米蒜香雞雞皮配上脆米，脆上加脆，蒜香味由外王內滲透整隻雞。西班牙火腿琥珀米皇浸時蔬津白的甜和西班牙火腿的咸鮮相映成趣，加上桃膠倍添口感。金蒜瑤柱蒸冰島鰈魚鰭籠仔飯鰈魚魚味充分，以清香的荷葉墊底，米飯粒粒分明，整道菜十分和諧。清心柚子糕與第一道菜以柚子開始，這道甜品是一個完滿的句號，首尾呼應。金箔懷薈芝麻卷淡淡的甜味沒有掩蓋其芝麻香，水準之作。

今日同朋友係d2 place行街竟然發現樓上有間隱世高質中菜質素拍得住尖沙咀 銅鑼灣既出名中菜但係價錢就相宜好多🔸前菜清香柚子凍鮑魚，麻香萵荀同埋川味口水竹絲雞-鮑魚爽甜彈牙，唔需要過多既調味下面放左清甜多汁既柚子肉，更加清新-萵荀好爽脆 每條萵荀都編成麻花狀可以增加口感同埋非常考刀工-川味口水雞選用左烏雞肉質會彈性d麻味同辣味都好平衡，好好食🔸三色藜麥金沙蝦球蝦球炸得外皮夠脆蝦肉既肉汁就保存得好好鹹蛋黃醬汁好甘香同蝦肉既鮮非常夾🔸木瓜慢煮美國安格斯牛小排將牛小排用木瓜包住黎炆煮牛小排可以保持嫰滑同時吸收到木瓜既甜味另一方面木瓜都炆到稔晒，亦吸引左牛肉汁一樣咁好良🔸脆米蒜香雞炸子雞外脆內滑，帶陣陣蒜香外皮沾上左脆米先炸令外皮更加脆身🔸西班牙火腿琥珀米皇浸時蔬奶白色既高湯再加上面頭既西班牙風腿香氣同味道都相當好稔甜既娃娃菜可以索晒d湯汁非常好食🔸金蒜瑤柱蒸冰島鰈魚鰭籠仔飯荷葉飯香氣十足鰈魚蒸完之後釋出既魚油加上鼓油已經係荷葉飯最佳既拍檔🔸清心柚子糕🔸金箔懷薈芝麻卷

對我黎講🧏🏻‍♀️中菜係幾時食都唔會厭今日係D2 place睇完戲就約左朋友係一期10樓大公館食中菜💖🌀清香柚子凍鮑魚一出場好大派場🤣呢個一口鮑 記得要一啖食曬 配埋柚子好甜 鮑魚好彈牙😍😍好鐘意🌀麻香萵荀椒麻香 令普通冇味既萵荀變得特別🌀川味口水竹絲雞呢個凍盤辣得黎好好食 竹絲雞好滑 雞肉同脂肪一齊雪番造成啫喱狀好有口感同夠香麻辣 配埋花生好正🌀三色藜麥金沙蝦球外層加左咸蛋黃炸香，內層就包住好大舊蝦球🙊🌀木瓜慢煮美國安格斯牛小排先慢煮好牛小排 再放入木瓜入面釀 上枱時切開個木瓜好有驚喜 牛小排好淋又唔痴牙 配埋木瓜甜甜地嘅汁好夾🌀脆米蒜香雞雞皮好脆 配埋米通更脆口 勁香嘅蒜香同咸香味 🌀西班牙火腿琥珀米皇浸時蔬濃稠既上湯配埋桃膠好香 津白吸曬上湯既精華好甜🌀金蒜瑤柱蒸冰島鰈魚鰭籠仔飯左口魚好香魚油香 飯好乾身一粒粒🌀清心柚子糕有柚子肉係糕點入面 🌀金箔懷薈芝麻卷芝麻味濃郁

其實我平時好少出街食中菜️😆 但今次同一班朋友去咗食依間勁高質嘅中菜👍🏻 啲菜式超有心思又精緻😍 清香柚子凍鮑魚🍊 ($185/5)呢個擺盆超有仙氣🥰 忍唔住瘋狂影相😎 鮑魚夠彈牙👍🏻 再加埋柚子肉🍊 成個感覺變得好清新🌿話梅鐵棍准山 ($78)准山質地勁爽脆👍🏻 仲有d 似雪梨口感🥰 但少少話梅嘅酸味😍 成個配搭同樣清新開胃❤️金甲脆魚皮🐟 ($78)呢一個炸魚皮就係用咗鹹蛋黃去整嘅🥰 好有鹹蛋黃香👍🏻 質地好鬆脆❤️川味口水竹絲雞🐥 ($118)呢個凍盤好特別😍 竹絲雞做到好似鎮江肴肉咁有層啫喱🥰 竹絲雞好有口感😌 層次分明👍🏻黃金沙律汁蝦球🍤 ($215/5)輕輕炸過既茄子好軟熟👍🏻 上面蝦肉好彈牙🥰 加埋沙律醬，成個配搭好好食😋木瓜慢煮美國安格斯牛小排🐃 ($268)原個木瓜入面放左d 安格斯牛小排粒😌 牛肉味好濃郁🥰 木瓜好清甜😊黑糖龍井茶燻雞🐥 ($288/半隻)用咗龍井茶去煙燻👍🏻 雞肉好嫩滑❤️金蒜瑤柱蒸冰島鰈魚鰭籠仔飯🐟 ($268)用咗龍仔上好傳統🥰 但又用咗鰈魚呢個比較日式嘅魚🐟 所以成個飯都好特別👍🏻 D魚好滑😍 入口即溶😎西班牙火腿琥珀米皇浸時蔬🥬 ($158)蛙蛙菜

見呢間餐廳既網上食評咁正面，於是約埋成理朋友嚟試吓聚吓舊，點知食咗一肚氣！一個月前打去訂枱，當時已經同職員講咗有2架嬰兒手推車，職員回應話冇問題只係要預坐逼啲，咁大家朋友就吓當然冇問題啦。預訂日子前一晚，餐廳職員仲好有交帶打嚟確認訂座，我就再三提醒職員我哋有手抱嬰兒所以要泊2架嬰兒手推車，當時職員回應話唔緊要只係坐逼啲。當晚入座時餐廳唔多食客，我哋被安排到一間客房既角落食飯，當時客房內並未有其他食客。我哋一家帶住一個手抱bb坐低，有位餐飯女職員，紥長馬尾頸戴金牌深紅色口罩，一句通知都冇就擅自移動我哋㗎BB車，當時我都覺得好奇怪。然後有另一枱食客進場，佢哋坐低咗亦冇投訴話我哋㗎bb車阻住佢哋。當我朋友到達時，朋友㗎bb車就泊係我哋隔離，呢位紥長馬尾既職員就極不禮貌地表示我哋兩架bb車阻住隔離食客，要求我哋2架bb車要泊出走廊，我當時同佢表示我哋既bb只係4個月同8個月，係需要bb車係附近，然後該名紥長馬尾既女職員好大聲咁話我哋冇事先通知佢所以佢安排坐位既時候冇預到2架bb車會同隔離枱食客咁近，我即刻回應話訂座同確認訂座時都有表示我哋有2㗎bb車，呢位紥長馬尾既女職員就回應話佢同事冇通知佢

6人晚飯聚餐，預定了乳豬全隻，豬皮是脆的，但略嫌帶有太多肥肉。然後點了個尊尚套餐，四小碟之中金甲脆魚皮非常鬆脆、招牌黑毛豬叉燒雖然略肥，但有燶邊，尚算不錯，其餘兩小碟還可以。吃過四小碟之後就開始出問題，由湯以至五個主菜全部偏鹹，其中以金蒜豉汁白玉蒸銀雪魚球最離譜，簡直鹹到苦；脆米蒜香雞賣相差，部分雞骨還是鮮紅色的；豆漿杞子黑腐竹浸時蔬，隨便用上了娃娃菜而不是什麼時令蔬菜，配以黑腐竹不是特別好吃或好看；飄香蟲草花乳鴿沙窩飯驟眼看似是一窩豉油撈飯，當中找不到多少微粒乳鴿！最後，兩道甜品也不能扭轉劣勢，馬豆糕馬豆過硬、黑糖糕過甜。這般菜色也可以算得上OpenRice 眾多食評中所稱的高質粵菜？原因為何，看官應該心裡有數吧別以為餐廳環境和服務質素可以加點分，週五晚上客人挺多，餐桌距離與普通酒樓差不多，吵得連同桌的人講話也聽不清楚，侍應們也不會主動為客人更換碗碟！這樣的一頓飯，吃得十分不爽

🌟餐廳：大公館📍地址：荔枝角長義街9號D2 Place 1期10樓A號舖💰價位：～$200 - $400⏰營業時間：星期一至日 12:00 - 15:00 / 18:00 - 23:00📱電話：2743 8055一大班朋友聚會想食中菜，有人提議去位於荔枝角嘅大公館，之前去過飲茶，價錢合理，食物高質，一於今晚去試吓晚市😬大公館主打新派粵菜，環境優雅舒適，裝潢充滿特色，食物擺盤精緻💯———————————————————🔹清香柚子凍鮑魚 仙香十足、飄著霧煙咁上枱，大家見到即刻拎電話出黎瘋狂影相🤣🤣一口SIZE鮑魚軟滑帶鮮味，底部有清香帶點微酸嘅柚子，作為開胃前菜很不錯～———————————————————🔹話梅鐵棍准山 准山口感鮮脆嫩滑，加入話梅味道酸酸甜甜，感覺相當清新。———————————————————🔹金甲脆魚皮 咸蛋黃味嘅香脆魚皮香口又惹味，鹹蛋黃味道突出，鬆脆而不油膩。———————————————————🔹川味口水竹絲雞集麻、香、辣於一身，雞肉嫩滑又帶點爽彈，麻辣醬汁夠椒麻，香氣十足，提味一流。———————————————————🔹黃金沙律汁蝦球大大隻蝦球酥脆滋味好爽口

記得很多年前就已經黎過大公館，猶記得那重高雅氣派感，事隔多年，餐廳依然屹立不倒🕴️，唔知道事隔咁多年，今日個大公館又會變成點呢？ ☺️前菜既「清香柚子鮑魚」🍋依然係呢度既名物，出場已有騰雲駕霧既意境🌫️， 既有視覺效果，係味道上亦有柚子既清香；一口既「話梅鐵棍淮山」🧊係開胃之選；川味口水竹絲雞係以一片片既造型呈現🐓，冰涼感更為突出～其他既菜式都做得還不錯，「家鄉生拆魚雲羹」🍲濃郁鮮美； 「金瑤櫻花蝦蛋白炒飯」🍚米飯粒粒分明，蝦花蝦能加強鹹香感 🦐

荔枝角曾經是一片滿佈工廠的天下，然而自從工業式微及D2 Place的出現後，慢慢變成一個集購物及美食的地方，當年首間致力打造高級餐飲的，非大公館莫屬，她的出現亦帶起附近一帶的餐飲業起飛。數數手指，發現也有多年沒有來過，於是就相約友人來到這個曾是飯堂的地方聚舊。由於天氣炎熱，胃口也不佳，就由友人來發辦，前菜就要些酸甜醒胃的，話梅鐵棍淮山及清香柚子凍鮑魚兩者都相當清新，非常合適，加上酸酸甜甜的味道，頓時食慾大增。此外，名物凍鮑魚的出場方式向來都仙氣迫人，更令心情變好。最後，還有帶點辛香微辣的川味口水竹絲雞，凍凍的更加開胃，令人十分期待，隨後的菜式。友人愛嚐鮮，即點來招牌菜的家鄉生拆魚茸羹，香甜鮮味的魚湯內滿是幼如髮絲的配料，有甘筍、絲瓜、木耳及豆腐等等，當然少不了白雪雪的魚茸，為了增加黏稠的口感，更加入了米碎來煮，稠杰得宜，鮮甜好味。三色藜麥金沙蝦球用上巨型的大蝦製作，極具霸氣，而且每隻都均勻地被咸蛋黃包裹著，咸香脆口，加上藜麥粒帶來的煙韌口感，十分有趣。同樣都是有香脆配料附著的脆米蒜昋雞一上枱，就被狂風掃落葉的姿態清碟，雞肉不但嫩滑多汁，雞皮也非常香脆可口，再者無論那個位置都非常濃香入味

今日難得約左2位閨蜜食lunch, 梗係要簡啲好野食～黎左呢間高汁中菜既大公館, 黎得呢度就係食佢地既精緻點心啦!!!😀翡翠帶子燒賣 - 一粒看似簡單既燒賣來頭唔細嫁~~😳新鮮帶子厚實有質感, 仲有勁彈牙既蝦肉入餡入面, 新鮮熱辣辣上枱, 好味🤩推介呢度既三菇六耳鳳眼餃, 用多種木耳做成, 口感爽脆香口🤤🤤🤤同平時食開好唔同既排骨用上黃皮醬豉汁製成, 黃皮醬好香好特別~👍🏻咁大個女都未見過呢個失傳雞窩, 就好似雞札d fd咁, 係雞肉香菇配鵪鶉蛋😳不過好似對我呢個大口怪黎講細件左啲ja🤣🤣🤣黎得呢d中菜館一定要叫下d造型可愛點心, 呢個看似係魚仔既原來係芝士煙三文魚酥🐟, 用上煙三文魚關係成件事變得好西式, 呢個好食啊!!!😍👍🏻炭燒黃花魚子鮮蝦腸粉真係有夠特別, 炭燒黃花魚子食落咸香, 仲要件件腸粉都有新鮮蝦肉, 爽口彈牙同時咸香味剛好, 恰到好處唔錯唔錯😋刺蝟脆香叉燒包, 麵包鬆軟同時好有口感, 外型真係加晒分~但如果刺蝟外型都可以做埋脆香皮就更加prefer啦❤️最後上埋兩款特色甜點, 雲石椰汁馬豆糕甜度剛好, 清心柚子糕用上新鮮柚子肉, 食埋甜品就好飽好滿足大公館: 荔枝角長義街

放暑假有時間跟靚太來一個點心茶聚，飲茶除了食點心，其實係相聚閒談。大公館的點心出名手工好，而且環境都好舒服。翡翠帶子燒賣燒賣皮是翠玉的綠色，用菜汁製成，燒賣很有鮮味，原因係用上新鮮的蝦滑，仲有大粒而鮮甜的帶子，肉質厚身而爽口。失傳雞窩造型別緻，有如雲朵中的小食。鵪鶉蛋的蛋香、冬菇的鮮味、雞肉的嫩滑，沒有覺得很油膩。三菇六耳鳳眼餃餃子皮用上胡蘿蔔汁，用料健康天然，木耳，冬菇切粒切絲，甚有口感。黃皮醬豉汁蒸排骨排骨滲透黃皮的果香，肉質食落去香滑，沒有蒸得過火而柴皮，豉汁香濃，底層仲有芋頭切粒，吸收曬肉汁，香糯美味。芝士煙三文魚酥金魚造型可愛，咬落去很鬆化，三文魚伴芝士很鮮味，口感柔滑。刺蝟脆香叉燒包勁得意的叉燒包，外皮由人手雕刻，非常細緻又靈巧。餡料滿滿，包底煎至微微金黃，增加口感。清心柚子糕 柚子糕面層點綴了金箔，突顯貴氣。上層柚子的清香，下層是椰汁凍，清潤到不得了。