大井町日式放題 (已結業)

從FB見到荃灣區又開多一個新開放題，見d comment 都唔錯，10月16日晚就同左一班朋友去試試看，當晚選擇食早場(5:30)，任食兩小時，而且7:30前結賬仲有折tim... 一到5:30 就開始可以落單，而飲品，沙律，甜點就自助式... 食物大至上都幾好，魚生都好新鮮，10月份佢地仲做緊赤蝦任食，隻隻都好大隻，其如既食物，如串燒，天婦羅，炸物，熟食，壽司(特別款)都好好，由其個榴槤炸彈超好味，但傳統款壽司就麻麻地，最後仲可以選擇Dreyer's Mini 雪條 or Movenpick 雪糕其中一樣，總括食物，環境都唔錯，只是收空碟或叫換碟有點慢，同態度就麻麻，可能我地是坐係房入面，所以都好難叫人，同咩人留意我地啦…

晚上八點半到這裡，無諗過walk in無位，等了接近半小時不過一心諗住食放題，而且排在我們後面還有很多人，真的想不到這裡咁受歡迎，下次來一定會打電話預約一坐底，當然快快點食物！一看，嘩！嚇一跳每枱都有兩本厚過字典的menu！這裡的刺身選擇亦算多，食得放題，首round當然要點刺身啦！交紙十分鐘都無，刺身黎啦！仲要排得整整齊齊，很美所有刺身都很新鮮，算係放題食店中較好的一群而最令我驚喜是有赤蝦和吞拿魚刺身因為這兩個成本較貴，多數放題食店都只有赤蝦和吞拿魚壽司選擇赤蝦原隻上，好多隻，真材實料無呃人熟食方面試左唔少，而且又有驚喜！我認為海蝦和蠔必點！海蝦是鹽燒的，很香口！而且大大隻，很吸引！芝士焗蠔又是香噴噴的小食，焗過的蠔也大大隻的，非常抵食！另外，還有一款，是我未試過在放題見過的，但對我來說幾吸引：這個叫榴槤炸彈！淨係睇個名已經好好笑！我們一圍六人一人一粒，上枱時聞不到榴槤味，以為佢名不副實之際一食落口，很重的榴槤味在口中呀我想喜歡榴槤味的人才明白這下的味雷有多震撼！真的很爽呢！最後，一人一個雪糕這是食店規定的！有movenpick or dryers選擇！我就選了movenpick，因

荃灣吃放題的餐廳不多，今天來到大井町，食客多，很熱鬧。先說一下飲品，除了一般放題餐廳都會提供的汽水外，竟然有我最愛喝的玄米茶! 吃得冷的食物多，喝喝熱飲暖笠笠。食物方面，創意壽司、刺身、軍艦、燒物等種類不少，壽司精緻，刺身新鮮，種類齊全。比較好吃的是左口魚邊裙壽司，油甘味香，薄切的份量入口輕盈，毫不覺膩，壽司的飯粒粒圓珠型，口感不錯，壽司飯份量較少，最適合害怕吃壽司而變了吃飯的朋友! 榴槤炸物超好吃，起初以為只是一個麵粉球，可是咬下去才發現皮薄餡靚，榴槤餡流出來香味濃郁，味道超讚。這家餐廳看重甜品，甜品種類多，選材毫不馬虎。甜品紙的選擇相當吸引，有Dreyer's迷你雪糕批， movenpick杯裝雪糕。雖然每人只限點一樣，但自取甜品區也有其他甜品可供選擇，很不錯吧。雪糕櫃裡有粒粒獨立包裝的雪米糍和Frutato Gelato 雪糕球，簡直不能抗拒。

生日當然要吃好一點! 今天來到荃灣慶生，一於大吃大喝一番! 星期六5時半來到，食客都紛紛坐下。這裡地方大，可以容納大量客人。儘管如此，來吃的話最好先訂座，否則一樣爆滿。食物的種類不算很多，但想吃的都會找到。刺身、軍艦、串燒、蟹粥、燒物…… 吃放題一般都會點這些，這裡沒令我失望呢。先點一碗麵豉湯暖暖胃，有我最喜歡的豆腐在其中，喝了很舒服。我比較喜歡火三文魚壽司和左口邊壽司，油甘味香，入口即融。另外，芝士元貝加了沙律醬，吃下去自然開胃一點。饅魚壽司、花之戀、甜蝦等等都不錯，食物一應俱全。吃到九成飽之濟，看到甜品紙，相當吸引!!!點了Dreyer's日本宇治抹茶迷你雪糕批，vanilla movenpick。 這兩個牌子的雪糕價錢一點也不便宜，這頓放題值回票價啦！汽水櫃附近更有甜品自取區，雪米糍任吃!!!!Frutato Gelato 雪糕球就在這裡取! 簡直是大滿足!!!!!餐廳服務員收碟速度快，只要客人一吃光碟上的食物，便有人來收，抵讚!

男朋友生日，揀左間日式放題，等鍾意食日本嘢嘅男朋友食個夠本。呢間日本野好大，有個開放式廚房，呢度只係其中一部份，真係好鬼大，坐得好舒服。跟住見到兩大本menu, 簡直係開心都傻左。平時放題都係得d普通料，普通壽司魚生，呢度就有好多特色壽司，牛油果壽司呀，火炙芝士三文魚呀，和牛壽司呀，真係良心的表現！我地每樣叫少少，試左好多唔同既野，壽司，魚生，小食，甜品。樣樣都好好食！！！我真係好鐘意呢間既特色壽司，卷物，夠新鮮又好味，真係每款都好驚喜。魚生係放題必食既，呢間既魚生厚肉地，都好鮮，正！呢個生日飯我好滿意。

星期日晚飯當然要食好D，今次同男朋友轉戰入荃灣食放題，大井町是同事介紹新開的日式放題餐廳，店舖寬敞，裝潢時尚，一入到餐飲就見到一個個的大雪櫃擺放各式各樣的飲品，日式和果子，法式甜品，維記雪米糍，沙律水果吧.........太吸引了，好似食酒店自助餐咁^^一坐低，梗系要點番兩盤剌身醫下肚先，試左三文魚，油甘魚，帶子，甜蝦，劍魚腩三文魚同油甘魚系水準之上，夠新鮮又有油脂香。帶子同甜蝦都大大隻，好驚喜又鮮甜，最特別系劍魚腩，香港好少有得食，但竟然會向放題食到，味道夠爽魚味十足。它的特色卷物選擇算多，決定叫晒4款慢慢品嚐，蟹籽軟殼蟹卷夠脆加埋粒粒蟹籽有口感，鰻魚青瓜卷，鰻魚燒得鬆脆，燒芝士三文魚卷水平之上，用料十足，芒果肥牛卷夠新穎，肥牛很juicy，啖啖肉，芒果夠熟又夠甜。燒物方面，最喜歡燒鯖魚同海鹽燒蝦，燒鯖魚唔會燒得太乾，魚肉夠juicy又唔算太多魚油，另外，海鹽燒蝦燒得剛好，保持到蝦身爽口，仲有淡淡海鹽咸味，不錯不錯。炸物只選了炸蝦同炸甜薯，餐廳應該用新鮮油炸的，很香脆又冇油"益"味，上菜仲熱咧咧。整體而言，用餐經驗不錯，待應服務周到，不時幫忙更換餐碟，很細心，今餐飯仲抽到新開業大獎，

荃灣其實都幾多好野食，但係就唔係幾覺有日式放題，今日行過以前娛樂廣場(宜家個名霸氣得黎其實幾老土，叫大雄輝)，見到有就衝左入去食。等左大約十分鐘有位，都唔算等得耐既。近來自己腸胃唔係幾好，只係重點叫左幾樣自己幾鍾意食既刺身食下。呢幾隻其實都唔係檔檔放題有得食的，就係玻璃蝦、赤貝同埋帶子。先講玻璃蝦，佢個ＳＩＺＥ係好驚人下，好大隻，肉身好厚食落好有質感的玻璃蝦。無冷藏味道，仲保留到果陣鮮味，因為唔係度度都食到，極力推介。而赤貝最怕又係太細隻，如果太細隻真係要打孖咁食先過癮！但係佢係好大隻下的，鮮甜，有咬口而且感覺到佢係新鮮。帶子又係唔係話成日都有得食，幾大要叫幾隻試下，驚喜既就係佢又係有咩雪味，如果厚切一啲就更加好喇！簡單黎講呢度啲刺身乎合一個最重要的原則，就係新鮮！另外都食左好多其他野，稍為推介的有幾樣。第一就係蟹肉蒸水旦佢望落去無咩特別，都係旦上面有一塊蟹肉咁，但係食落去就發覺旦入面有一陣好濃香既海鮮味，果陣味配落去個旦度係好配既。第二樣就係芝麻雞翼，望落去好靚，雞翼炸到金黃色，上面佈滿左芝麻，雞肉唔鞋口，好鮮嫰，味道一流。另外就係日式餃子，我個人偏愛吃日式餃子，仲以為佢會煎，驚喜既

吃貨的我間中都會去下荃灣區搵食 但一直唔知原來荃灣都有放題食 認真孤陋寡聞聽小胖男友同事講 荃灣大鴻輝有間日式放題有Movenpick雪糕食 雙眼即時發光因為小妹係超級鐘意食雪糕 猶其是係Movenpick!!! 所以二話不說上openrice睇下食評,就book位去食環境都好新好靚 除左自助飲品同甜品 仲有沙津生果bar等 有d似食緊buffet刺身好多款揀 有帶子同北寄貝 仲有拖羅食完一round要再encore壽司細細粒 味道不錯 連和牛壽司都有得食焗元貝, 牛柳粒, 串燒, 天婦羅都水準以上牛柳粒有咬口 絕無鬆肉粉味道青酒煮蜆又係另一驚喜 蜆肉新鮮嫩滑牛肉烏冬都味道唔錯 唔算好大碗 唔怕塞飽 到最重點既雪糕喇 唔單止有Movenpick雪糕 仲有雪米糍同另一隻Galeto 豆腐味超級好食忍唔住食完一粒又一粒食埋生果就完滿咁捧住大肚腩走人了

早排同舊同事食飯，知道師姐下年初計劃去韓國濟州，但未定跟團定自由行，話晒小弟2012年都去過一轉，手頭上都有唔少資料、地圖及單張，所以，約咗今晚食飯聚一聚兼交收。佢話耐無食放題，投其所好，就食番餐放題，有時啲嘢就咁「橋」，一喺就成年無食放題，一食時隔兩個月又食一次。雖然大井町位處荃灣食廈大鴻輝，好怕嚟呢度因為等電梯煩，不過，餐廳晌商場層，並非大廈層，所以搭扶手電梯上去就可以。餐廳佔商廈全層，地方非常之大，而且，最鍾意喺間隔成唔同大細嘅卡位，卡位嘅隔板又專登整高啲，變相有個私人空間，唔會受隔離枱咁多騷擾。一入門口轉個彎，有個自助區，食開日式放題嘅朋友都知，主要會喺飲品、甜品自由取用專區。由於選擇多，都唔可以唔介紹一下。飲品3組大雪櫃，韓國、本土嘅樽裝、罐裝及紙包飲品，款式多達近廿款。不過，今次心水之選唔太多，所以，隨意揀幾罐飲吓。果汁、熱茶想健康少少，另一邊位嘅果汁、熱茶可能啱你，不過，朋友試過啲果汁，話麻麻哋，因為味道偏甜。沙律、生果自由區除咗飲品，仲會搵到沙律同生果，雖然規模細，但總提供多個選擇俾有需要嘅客人。此外，酸薑、八爪魚仔亦晌度搵到。自助專區嘅甜品就唔介紹住，等臨尾先一次過講

所有食物難食，魚生不新鮮，炸物粉太厚，燒物，羊扒，牛舌，肉味口感差，冇味道，燒蠔細過1毫。一口牛硬都吃不到。未夠鐘，半小時前以経吹速你埋單，兼且我問是否可坐到夠時，職員態度變得惡劣。

早排相約老友到荃灣shopping購物 血拼後就在附近搵食物醫肚 想了1陣 決定吃放題 貪他多食物選擇 而且可以坐耐d時間傾謁。 今次試這間放題 算比較新開 食物水準也不錯 特別是刺身 壽司等 首先吃了這個鰻魚壽司 本人相當喜愛吃鰻魚 所以很喜歡這款壽司 這個元氣壽司 也很鮮味而手卷size剛剛一隻手握1件 特別一提是手卷 我們放了枱面一陣才吃 但塊紫菜還脆還有微溫 覺得很驚喜 ！用的珍珠米 亦是十分有𡁻口 ！刺身方面 有本人愛吃的帆立貝 北寄貝 甜蝦等等另外還試了燒菠蘿 這間店舖應該用的是新鮮菠蘿 跟其他用罐頭的相比較 新鮮的 特別香甜 八瓜魚湯雜草菇菌也很夠鑊氣 朋友也很喜歡焗蠔 沒有半點腥味。這次放題經驗十分滿意

這晚跟家人食放題，選址就在荃灣中心假日晩市放題$258 一位，任食2小時餐廳內設大量沙發卡位而且空間闊落，座得舒服飲品種類選擇多 甜品區波波雪糕刺身甜蝦、赤貝、北寄貝、帶子、三文魚、牡丹蝦、鮑片 質素蠻高的，厚切且肥美壽司質素不錯更有海膽手卷，軟殼蟹手卷任食手卷弄得小小的，不會太飽肚創作壽司賣相都非常小巧別緻 燒和牛壽司 很喜歡上面的蔥花黑椒牛舌厚切燒完之後依然爽口，黑椒味鹹香十足燒菠蘿，外面微微燒過，甜！ 最後可選每人一款 服務不錯也不會太過漏單，但來得不快就是了

呢晚難得遠道去荃灣大會堂睇表演 就要食下附近嘅好嘢食 結果兜兜轉轉又係食放題 XD530pm入座 730pm交檯 7pm截單 週末晚市$258一位 但係730pm前離座只需$198先食一碗「蟹肉蒸蛋」暖暖胃... 除了蟹肉絲 還有冬菇絲... 蛋蒸得好滑 完全無氣泡... 最特別是蛋上面有一層冬菇濃湯「榴蓮炸彈」送嚟嘅時候雖然唔係熱辣辣 但入口依然感到外層非常鬆脆 裡面嘅榴槤餡亦以貨真價實嘅榴槤做成 見到榴槤果肉入面嘅一條條絲另一款炸物「炸餃子」入面嘅肉好鮮 而且無肥膏 唔肥膩「清酒煮蜆」一份有五隻蜆 湯底除咗酒味 仲落咗麵豉 加上白蘿蔔絲一齊熬刺身比想像中大件 而且非常新鮮 三文魚入口有彈性赤蝦不愧為「超人氣」精選（根據點餐紙） 起初佢畀啲冰cum住 仲以為細細條 成隻放上碟先發現咁大隻咁粗 咬落去好甜好多汁「花之戀」壽司真係值得一讚 因為兩塊三文魚加埋嘅size仲大過中間舊飯「魚籽醬拌赤蝦」壽司隻蝦雖然無刺身咁巨型 但同一般放題/超市嗰啲相比已經超哂班 蝦肉十分爽口「蔥花吞拿魚腩海膽」壽司比起睇相細咗啲 不過吞拿魚腩處理得唔錯 壓成碎狀 口感軟滑呢兩款係「大井町」嘅創作壽司——「大

坐落喺荃灣 計埋加一 每人252 既日式放題 食物數目好多刺身 有帶子 大赤蝦 甜蝦 三文魚 八爪魚 油甘魚 希靈魚 劍魚 赤貝等等 , 全部都勁新鮮 以放題黎講係好有質素 尤其係劍魚同油甘魚好有魚脂香味 赤貝同帶子夠鮮 最估唔到係連吞拿魚都夠鬆軟 估佢唔到 淨係食刺身都值回票價壽司幾多元化 有香芒和牛， 火炙三文， 鰻魚青瓜， 軟殼蟹等等 味道配合得宜。一品料理有 juicy既牛柳粒 鮮甜粟米， 羊架 鯖魚 全部都調味得好 尤其係鯖魚鹽鮮得好出色燒物類 有雞翼 芝麻雞翼 燒蠔 海蝦 菠蘿等等 全部都整得唔錯， 仲有牛肉鍋 冷烏冬等等 十分滿足另外 出面既可樂 茶 汽水， 蛋糕 雪糕球 雪米滋可以任拎 包保食到飽， 而每人仲可以選一個movinpack或dryers雪條一條整體食物質素高 尤其係刺身同燒物，性格比黎講平靜正 值得去食！

同朋友兩個人食，刺身款式一般，叫左三轉三文魚都有腩比較有驚喜，其他食物天婦羅炸得好厚粉，燒物無咩選擇，牛肉鍋得兩塊牛肉，雪櫃自助汽水，茶之類無咩特別，隔離放左菜沙律，試左一次唔會再去