大井町日式放題 (已結業)

食物只是一般般無任何特色，但最重要是服務態度奇差，好似唔優做咁，尤其是前台訂枱的個位大嬸，服務態度真係差絕，講野超級侮氣，好似求佢訂位咁，食完唔通唔使比錢？而家時下日式放題超多選擇，點解仲要比錢睇你面色？咁既服務同食物質素絕對唔值＄258加一服務費，絕對唔會有下次。

一早打電話BOOK 16個, 再三問係咪有位, 我地唔要分開太遠,經理話最多只會2張長枱加埋,唔會多,仲要我地扲500蚊做訂金,咁無問題,我地就去左比500訂,咁諗住多人,人地怕我地唔黎要我地比訂都好正常,點知個晚去到,佢叫我地等一等就馬上入得,都好好既,點知去到....係4張4人枱,分開,仲要帶到我地去我地問下,點解咁,佢就答無哂架啦得呢到,咁我地洗乜BOOK洗乜比訂,真係好激氣,因為我地見到佢地其實有其他位係可以拍埋2張長枱同有房,真係好嬲,仲講大話話係電話答未必有,最多幾張加埋一齊坐,但宜家完全唔係一齊坐-,- 咁我地當中有小朋友同又咁多人仲要比左訂,唯有食, 但D經理態度真係好差,完全覺得比人呃左上黎.野食黎講係幾多野揀同幾好味, 魚生果D都幾新鮮,但服務真係,唔會再有下次去呢間野,眼見OPEN RICE好多勁既食家話好好乜都好好,真係心諗真定假,建議去前有心理準備先如果你好多人去,但如果2-4人,就無問題,佢大部分都係4人枱.

行街行到攰，決定醫左肚先～朋友想食日本野，於是揀左呢間放題。天婦羅最好食係紫薯天婦羅，同埋南瓜天婦羅，揸到外脆內軟，紫薯天婦羅口感仲有少少煙韌，最好食係佢燒菠蘿食到飽飽地最好食燒菠消下濟雞翼雞翼都好正刺身款式都幾多蜆無沙，一般

好少寫食評一直，呢間質素唔差，魚生新鮮，羊架又大件，創意卷物都好食，舊榴連波好味！仲有服務值得讚，來食物及執台都好快，長者仲有折，加埋七點半前離座又平d,好抵食！希望質素keep得到

生日lunch諗住食好d點之火都黎!第一次食第一盤刺身d份量錯哂!我兩個人要10隻甜蝦佢竟然比兩隻!問個侍應佢竟然話每人只可叫一隻甜蝦!擺明冇心理我啦！之後同個經理講換過點之其他野d份量又錯!個陣全場得個幾台客都攪到咁!夜晚真係難以想像!同埋刺身好唔新鮮!其他野食都麻麻!係炸野似樣d!整體覺得很差!

前排見到荃灣大鴻輝又有一間新開既放題開親係荃灣 第一時間都會覺得唔好食不過都見到有好多人寫好評所以覺得好應該黎試下都開左一排 終於黎試前一日打電話去book位 聽電話個職員都好有禮貌7點半前埋單就198 之後就238 都唔平下 間間放題都係咁上下價錢當日去到門口兩個職員好有禮貌咁問我地有位未咁我地未夠鐘又未齊人 佢叫我地坐住先夠鐘我地就入左去 個職員俾左張雪糕券我地 每人可以揀一杯之後就開始點野食 第一時間梗係點左刺身先佢都有好多款刺身選擇 我地每樣叫啲 好快刺身就到 全部都好新鮮另外 仲叫左其他野食叫左牛油粟米 燒菠蘿 清酒煮蜆 牛舌 羊架 呢啲就全部都普普通通啦 冇話特別好食同唔好食叫左焗蠔同焗帶子 但佢地唔係原隻上 如果原隻上會更加令最推介係個個燒蝦 黎到已經好香 食落好夠味最後出面仲有自助區 有啲生果同沙律 仲有個甜品櫃 另外有個櫃全部都係菓子 野飲都有好多個選擇開頭入座既時候淨係個部分既卡位有人 食完之後出面已經full晒呢到既侍應成日都會過黎睇下有冇野要收 好有禮貌 唔會望到有野都唔做 不過大部分都係姐姐 好少後生仔女

原先想試新開既滿屋~ 但呢間有地利優勢唔駛搭 lift 電梯可直達😝見到等 lift 既人龍都驚驚. 有大量 sofa 位坐得舒服. 員工都有禮.食物紙全彩色, 靚係靚但唔環保喎, 又增加成本, 有點浪費.食物刺身都好快上台, 效率幾高👍🏻食物新鮮又擺得靚仔. 熱盤又夠熱. 仲有創作壽司選擇添. 蠔鍋既蠔幾鮮甜. 焗蠔同帶子. 手卷既紫菜太淋, 海膽麻麻地帶苦味.除左剔紙仔, 外面仲有沙律甜品生果飲品自助 bar. 飲品超多選擇👍🏻 甜品仲有 cheese cake,布甸, 比較特別仲有和菓子, 但味道一般. 另外每人再包枝雪條 or 雪糕, 超滿足😁

親愛既媽媽生日又到啦！為左近爸爸收工，我地book左係荃灣食放題，大鴻輝中心以前叫英皇娛樂廣場，個時已經夠晒多野食，我地book左7:30，超超超級多人排隊等lift！好彩細佬話電梯可上到3樓，直上！唔使排∼餐廳超級大呀 全層都係，店員好快手快腳，好位就有位坐啦！先order左一堆食物，我同細佬就衝出去自助吧度睇下有咩食啦∼有飲品，汽水，熱茶，沙律，水果，甜品任揀！正呀！先攞左啲甜品打頭陣，一口泡芙入面充滿雲呢拿，一咬好似爆出黎咁！仲有好少見既和果子，我最中意櫻餅和果子，呢個質地唔似一般和果子，係用糯米整架，入面有d豆沙，食落好黏口，好有口感，好煙靭！主菜黎啦，計過數由落單到等到都係等左7分鐘！無他的，因為呢度有超大個廚房！我眼見都成10個壽司師傅係度！我中意呢度啲油甘魚，好香可的甘味，係魚油味！賣相色澤又靚，邊位係血紅色架！另外呢度有種特別既刺身，章紅魚薄必伴柚子酢，章紅魚本身無乜味，但係加左柚子就精彩左好多！廚師的確切到好薄，柚子味就吸收晒，增加左章紅魚既味道，係清新既柚子味，難怪要分開放∼壽司都係一般放題啲壽司，蔥花吞拿魚腩海膽我比較中意，海膽同吞拿魚各司其職，大家都唔會搶大家既

是日選擇午市放題，食物方面;刺身新鮮種類多，炸物煮物即做又夠味;服務員友善勤快，經常執拾用完之碗碟;場地寬敞舒適又開揚，坐位(卡位)闊大;洗手間格數多又衞生;會再去👍😃

我同屋企人真金白銀比＄食慶祝生日，仲要係星期六，完全無優惠，跟足公價，一毫子都無比少，唔明你地openrice話咩款待囉，嬲到震，你地po唔po唔關我事，只係有心搵野食的消費者損失今次一行十二人，安排了房間，食物出得很快、很新鮮。飲品選擇多，甜品款式少，兩個鐘太少，只是羊架等了半小時也沒出現，幸好侍應也熱情地追單。值得推介朋友之選。如果有海膽食會更好。

上網見到大井町評語唔錯所以就Book左去試下！入到去見到坐位都幾寬敞，坐落又舒服一入座完，當然要去自助區望下有咩食住先，有各式水果之外仲有幾新鮮嘅沙律菜同其他蔬菜，食落都好爽囗，仲有D八爪魚都好好食除左開胃嘅野，係旁邊仲有好多選擇嘅飲品雪櫃，茶類同汽水都有好多選擇，最重要就係有我好鍾意嘅忌廉鮮奶！食完開胃消沙律同攞完飲品當然就要即刻叫我最鍾意嘅火炙壽司！火炙和牛同三文魚壽真係不得了，三文魚入囗即溶三文魚油落左飯到啖啖香味，和牛熟度岩岩好又夠味:食左好多轉！]之後叫左三文魚同帶子甜蝦刺身！擺盤好有心思，材料又新鮮！特別係三文魚同帶子都係厚切！囗感無得頂:]而鰻魚壽司都好好食好足料，唔似其他店得少少鰻魚！]烤羊架有用少少香草同黑椒調味，一d膻味都無:]烤牛舌，軟度舒中有彈性又有唔會韌，調味特別有少少辣味唔落檬汁都已經有少少酸辣]泡菜澮牛肉，無係其他地方食過呢道菜，覺得用泡菜去夾牛肉又幾特別，唔錯！]呢度嘅天婦羅真係必食！炸蝦唔會炸到老曬，外脆內嫩！！如果鍾意食蕃薯嘅朋友，個炸紫薯真係推薦比大家！甜甜地又脆又鬆軟！囗感不得了:]

欣賞這間放題的環境，相當好坐，啲位唔窄。最最最欣賞係，我與好友3位，早到左45分鐘就即刻可以早入，坐左4個鐘，冇人等就冇趕走你（雖然唔明白點解星期五竟然冇乜人），食物可以點兩個鐘，但甜品野飲就繼續坐繼續任你拎，絕對唔係小器。啲食品水準都絕對冇問題，唔會係難食既放題。其中有個炸物，一個波入面榴槤餡（我忘了名字😓），好好味道啊😍，仲有每人可以食1杯movenpic，但呢個唔係重點，佢出面任拎既個隻Gelato，OMG!!!!!!好食到不得了，無論如何留肚吃。雪米糍仲係紫薯味😋 唯獨記得 拉麵係無味😕

旺角兆萬中心曾經是放題集中地，事實上，旺角的放題遍地開花，俯拾皆是；相反，荃灣雖然美食隨處可見，但是再數區內日式放題餐廳似乎屈指可數，大鴻輝中心彷佛就是旺角兆萬中心的影子，整幢大廈都充斥著日式放題、任食韓燒、火鍋等等，當中開張不久的生力軍大井町評價甚佳，頗為吸引。與一般日式放題無異，是填寫食物數量於點餐紙上下單，除此之外，更有自助區域供客人自行選取飲料、甜品、水果、沙律及雪糕。刺身擺盤精美，款式不少，吞拿魚、三文魚、八爪魚、赤貝、玉子、甜蝦、赤蝦、帆立貝等等，當中尤以巨型赤蝦最為出色。最特別的定必是章紅魚薄切拌柚子醋。壽司及卷物體積細小，不會過於飽肚，特別推薦芒果鵝肝卷及蔥花吞拿魚腩海膽壽司。炸物即點即炸，熱得燙口，更有榴槤炸彈、男爵薯餅及墨魚軟骨等較少見的款式。熟食方面質素也相當平穩，蟹肉蒸蛋面層有一層黏稠的湯茨，蒸蛋滑溜。紅酒燴牛舌煮得腍身不會過份軟爛或太韌，但是欠缺紅酒香。而另一煮法的串燒牛舌則較為爽口，帶有鹽香。平時放題的焗蠔大多都以芝士焗製而成，這裡則有較為特別的味噌焗蠔。帶子北海燒的扇貝件頭頗大。放滿各式各樣甜點的雪櫃中，除了有迷你蛋糕、曲奇外，更有特色和果子如抹茶和果子、

刺身甜品最為突出＠ 大井町日式放題 久不久也想去食放題，放縱一下，趁著出糧日，早幾日就和老公到大鴻輝(荃灣)中心新開的大井町食日式放題 對荃灣區熟悉的朋友相信對大鴻輝不會陌生，就是火鍋，放題店的集中聖地，而大井町日式放題就位於3樓，千萬不要排隊上電梯，直接坐扶手電梯上三樓就到 平日的晚上都坐無虛席，門口排住長長人龍，來食飯還是先訂桌才好來 不過入面座位尚萛舒適，空間感大，服務員個個醒目，人人跑住為客人服務，而且還是笑容滿面， 都是自己寫單，款式非常多， 基本上日式放題的食物都有，刺身，燒物、揚物、火鍋串燒應有盡有， 想得出都有，點多少就來多少，沒有自動ＣＵＴ單的情況～ 飲料是自助式的 冰凍涼茶一應俱全 先來一圈刺身,隨意點了些就一大盤,看起來非常新鮮吸引,最正的是甜蝦刺身大大只，看見也興奮，沒有殼的蝦刺身啖啖肉，食起來很爽, 至於三文魚也非常讚,厚切口感食起來更滿足，味道很甘香，而且色澤漂亮，不禁再點上多一圈。至於吞拿魚也很好食，食起來很鮮 帶子刺身大大只，食起來頗鮮甜，雖然是急凍的，但沒有雪味，是回本必吃 門口的沙律吧～ 款式萛多，食得肉多也想食點菜吧

服務態度惡劣！經常漏單！冇人執枱！落單冇人理！壽司做得幾好可惜魚生不新鮮或是有D刺生連冰也未溶！熟食—麵士湯凍的、蟹粥冇味、串燒可以不叫、牛油粟米幾好，焗壕及帶子算是成餐飯唯一相對好食！座位迫坐得非常不舒惜就像迫巴士！價錢相對貴！覺得貼錢買難受⋯⋯