530pm入座 730pm交檯 7pm截單 週末晚市$258一位 但係730pm前離座只需$198
先食一碗「蟹肉蒸蛋」暖暖胃... 除了蟹肉絲 還有冬菇絲... 蛋蒸得好滑 完全無氣泡... 最特別是蛋上面有一層冬菇濃湯
「榴蓮炸彈」送嚟嘅時候雖然唔係熱辣辣 但入口依然感到外層非常鬆脆 裡面嘅榴槤餡亦以貨真價實嘅榴槤做成 見到榴槤果肉入面嘅一條條絲
另一款炸物「炸餃子」入面嘅肉好鮮 而且無肥膏 唔肥膩
「清酒煮蜆」一份有五隻蜆 湯底除咗酒味 仲落咗麵豉 加上白蘿蔔絲一齊熬
刺身比想像中大件 而且非常新鮮 三文魚入口有彈性
赤蝦不愧為「超人氣」精選（根據點餐紙） 起初佢畀啲冰cum住 仲以為細細條 成隻放上碟先發現咁大隻咁粗
咬落去好甜好多汁
「花之戀」壽司真係值得一讚 因為兩塊三文魚加埋嘅size仲大過中間舊飯
「魚籽醬拌赤蝦」壽司隻蝦雖然無刺身咁巨型 但同一般放題/超市嗰啲相比已經超哂班
蝦肉十分爽口
「蔥花吞拿魚腩海膽」壽司比起睇相細咗啲 不過吞拿魚腩處理得唔錯 壓成碎狀 口感軟滑
呢兩款係「大井町」嘅創作壽司——「大」同「井」（仲有「町」 不過無點）
左邊嘅「大」係魚籽醬、蟹籽、甜蝦和三文魚腩蓉嘅組合 蟹籽下面有啲醬油味嘅碎啫喱... 細細粒 但就有幾種口味
而右邊嘅係「井」 即係燒元貝（無完全燒熟 只係燒過面頭）面頭有海膽醬和黑松露
再來一碗烏冬 想不到麵食水準一樣唔錯 烏冬比較扁身 唔太撐胃 幾爽 唔淋... 牛肉好瘦 切得好薄 好易咬爛... 湯底係唔太鹹嘅麵豉湯 仲有海帶
差不多飽 淺嚐兩件甜品
先係「北海道牛乳奶凍」 最大嘅優點係佢質地堅挺 食落口感貼近啫喱 放一陣先食亦唔會溶做一pat嘢
另一樣係「提拉米蘇蛋糕」 估唔到係香濃嘅咖啡味！面頭嘅朱古力粉係黑朱古力！最正係餅底 係brownie狀嘅特濃咖啡味
好欣賞呢度嘅食物每款都細細份 可以讓人樣樣都試啲
順帶一提 呢度冷氣開得唔算大 室溫令人感到舒適 唔洗著外套 亦唔會搞到成頭大汗 而且洗手間好乾淨
