大井町日式放題 (已結業)

拍拖拍到去荃灣，原來男人靜雞雞訂左食放題，去到等左10分鐘就入去，野食都有2本都多選擇，我就拿飲品而男人點野食，見到甜酒好驚喜當然拿比男人試同拿冬瓜茶@最愛刺身…三文魚，油甘魚，甜蝦，赤蝦都正常新鮮，但竟然仲有章紅魚薄切拌柚子酢，酸酸地幾特別，完成不用點其他醬汁。海膽手卷的海膽都不是十分多，但細細件剛剛好。燒牛舌一般偏難咬，燒羊架意外好味，肉嫩羊味十足又夠熱。燒菠蘿甜甜的當甜品也不錯。蟹粥只屬一般但粥底夠綿。當然有男人喜歡的天婦羅啦，夠熱又吾油，好味道，特別南瓜吾會吸到瓜食落成口油而我就喜歡一口番薯。榴槤又點會吾叫ar...好熱又多料，正！！！紫心香芋就正常冇咩特別。當然甜品我點會放過，每款吾該黎一件，吾太甜喎，特別蛋糕好味，仲有貴野一人一枝…直情超飽離開，都係1930仲夠時間行下街。

今日同爸爸拍拖食放題，當然要近返屋企，所以今次去左荃灣大井町，好彩訂左位，沒想到咁多人黎食，等左15分鐘入去，坐得都吾錯而且待應都好快執好野比我地。甜蝦，赤蝦，玉子……爸爸鐘意食蝦當然冇錯過啦，食落都新鮮大隻，但我地都鐘意吃甜蝦多一點。而壽司井…係佢地壽司創作，有少少火炙加上海膽都不錯。之後當然叫左炸物芝麻雞翼……最愛，這裡夠香又熱，雞肉肉質嫩口。味噌焗豪係出面堅少見，原來味噌配蠔都吾錯，濃味配上蠔香，最後我地每人食左幾隻添。帶子北海燒…醬汁好味，帶子都大隻新鮮吾錯。榴槤炸彈沒想到一咬即爆榴槤肉，好味而且仲夠熱。飲品勁多選擇，但爸爸吾好甜只好飲玄米茶。而我在這裡竟然見到有解茶，勁開心，係比較少有的飲品。甜品櫃已經有十幾款，而且一入黎有張紙話每人都有得一枝雪條同雪糕，我同爸爸每樣要左一款，作為這個2人放題的完結，下次找朋友黎應該可以食更加多吾同的食品。

為咗呢啖氣，寫第一篇食評😡之前初初新開幫襯過2次，嗰時初開，未做旺！到今時今日人客多左，唔憂做咁，打去book位，2大1b，接線生已說不佔座位不收費，我同接線生講，我點抱住一個2歲b食野，咁佢地就話總之佔座位就要當一個人計，我心想如有一邊係sofa位都可坐側邊，但佢竟然話我地只會比2張櫈嘅位你，如加bb椅就當一個位！真係嬲到震😡😡😡d食物ok都冇用，一間態度差劣，冇同理心嘅食店，睇你可以維持幾耐😡😡😡😡😡😡😡😡😡😡

生日飯一餐接一餐，多謝朋友請食放題😘😘冇黎一排大鴻輝中心，估唔到開左間唔錯放題 (以前叫英皇娛樂廣場，改左名都唔知，係今晚食飯先知😑) 呢度環境好好，夠寬敞，比起旺角啲放題店好坐好多，而且夠哂靜，野飲，食物選擇超多，單係野飲已經十幾款有香港，日本，韓國飲品，完全唔怕冇一款唔岩自己飲。(我懶冇影到XD不過真係好多架!)食放題必食刺身是常識吧~ 大井町刺身包羅萬有，除左放題基本有既三文魚、吞拿魚、北寄貝、帶子、八爪魚、甜蝦之外，另外仲有劍魚腩 、油甘魚、赤貝、希靈魚、牡丹、蝦等，夠哂多元化，而且件件都新鮮厚切，牡丹蝦亦夠肥美。章紅魚薄切拌柚子酢經柚子酢調味後章紅魚更為鮮甜。各有千秋既蝦，天婦羅粉漿唔厚唔油膩，南瓜亦軟腍熟香，不過佢對南瓜興趣缺缺，因為佢冇我對南瓜狂熱。鹽燒蝦燒得岩岩好冇過火，保持嫩彈肉質。泡菜炒豚肉既豚肉好入味，不過我覺得泡菜夠酸唔夠辣，朋友話我估其他人都好似我食得咁辣咩，都要岩其他人口味😝海膽手卷紫菜脆，海膽鮮，燒和牛壽司嫩紅肉滑。另一樣有驚喜既就係佢既冰頭漬，我從未係放題食過，原來冰頭漬係三文魚頭軟骨，經檸檬醃漬後酸酸微微，非常爽脆，紋理似牛展，好特別。芝麻八爪魚、酸薑

香港人特別喜歡吃自助餐和任飲任食放題，喜歡一次過享受到選擇多多，琳瑯滿目，令人眼花繚亂的美食。而我，也不例外，既喜歡吃自助餐，也喜歡吃放題。這次我吃日式放題的地區，不在港九鬧市，而是遠在新界荃灣，一間名叫「大井町日式放題」的日式放題料理店。要是讓我簡單地對這間「大井町日式放題」評價一番的話，我會認為它的環境、服務以至上菜速度都是挺好的，地方寬敝闊落，侍應服務勤快，上菜速度也快，而且完全沒有漏單，加上價錢合理，星期一至日如果在晚上7：30前離座，只需 $198一位，晚市正價時段，星期一至星期四，更可享有6人同行，1人免費的優惠，實在甚為抵食。 也許這兒的食物質素不算很好，無論前菜、刺身、炸物、燒物以至一品料理的質素都只是中規中矩，亮點不多，較為出色的就只有刺身中的「章紅魚薄切伴柚子酢」、炸物的「芝士年糕」和一品料理的「紅酒燴牛舌」、「韓式蠔鍋」等物，較有特色和好味道 ，但無論食物還是飲品款式種類，都非常之多，特別是甜品方面，更是這兒的強項，水準不錯，可以帶來驚喜。而且現時2人或以上來吃東西，還有幸運輪抽獎，幸運的話可以有美食奉送。 這夜運氣不錯

27號放工夜晚過左泥舊英皇揾地方食就揀左大井町8點上到去話要830先有枱 見到都好旺但係有2枱遲過我黎但入先過我地 最後差吾多40分先入到去 講真吾明白您地係點安排？比單果陣叫左幾次先有人收入到去當然叫左刺食同壽司先刺食味道一般 同我之前係兆萬食過都差不多不過甜蝦同赤蝦既蝦殻仲未清得哂值得一讚既係赤蝦同帶子好大隻叫左幾款壽司各4件 但係就全部黎得2件漏單問題都幾大下 叫左蠔，粟米同幾款炸物都無黎過南瓜天富羅中間係生既不過個蒸水蛋係幾好味，好少放題有但希望可以多啲料甜品方面好靚味道亦幾好 好吸引總括黎講 價錢對比食物既質素貴左啲囉寧願出番兆萬食

今次又同小胖女轉戰到荃灣搵野食,當然荃灣出名多食店,各款菜式應有盡有,當然以我地既食量,放題必定係首選,今次去左大井町日式放題,其實有咩特別呢?就係款式夠多,有自助飲品吧,食第無論刺身,串燒,飯麵烏冬,雪糕甜品同生果乜都有岩哂我地呢兩個大胃王,由於7點黎到,照舊唔洗點等,一坐等當然即刻劃野食大家睇相都見到order紙種類超多,另外餐廳有提供埋Dreyers 同 Movenpick 雪糕做甜品但只限每人一件,不過唔緊要,自助吧都有其他款式既雪糕比客人任食當然放題黎講除左款多,食物質數都要有,小胖女就不停叫刺身同壽司,而小弟就叫左不同既串燒黎食刺身款都幾多,鮑魚,生蝦北寄背三文魚樣樣齊,夠哂鮮甜,另外仲有唔同款既壽司,火灸三文魚係小弟至愛當然不能放過,熟食方面串燒天婦羅,同牛粒粒都係必叫啦,仲有煮蜆,燒元具,都非常好味唔夠飽?唔緊要,再叫多個牛肉烏冬同麵鼓湯啦,至於自助吧都好多野選,有沙侓有生果,飲品就不論紙包裝,罐裝樽裝,機出飲品乜都有,另外有個甜品櫃,有雪糕櫃,入面有d 蛋糕仔同雪米糍比人任食,大家唔知想食乜又想食到肚滿長肥的話,真係要黎試下,事實係我同小胖女都食到飽一飽咁走

鐵板牛肉---凍，天婦羅---淋(又無配天婦羅斗)，紅酒燴牛吞---難食，拉麵----淋，大部份野食係唔熱。漏單好離譜，點4件就求其比1件你，一係完全唔嚟。不過，壽司做得好好，赤蝦好新鮮。坐位好闊落。下次都係去返漁X好d。

聽女朋友介紹在荃灣最近喺荃灣新開了一間放題，評價十分之高！雖然我倆都住得比較遠，但對為食的我們來說，距離並不是問題！這間放題位於荃灣大鴻輝中心3樓，前身是一間海鮮酒樓我五點半就來到，打算吃早場（有優惠！）那時已經很多人在排隊，幸好我們一早訂了位，不少數分鐘就可以入座這裏的裝修乾淨簡潔，座位舒服寬躺，望入去就見到廚房有差不多十個壽司師傅在準備，另一邊的自助區十分齊全，沙律、橙汁、蘋果汁、罐裝飲料、紙包飲料應有盡有，最誇張是他的甜品雪櫃，泡芙、布甸、日本菓子，種類非常豐富！放題的第一要訣：快！先下了幾張單，再到自助區拎野食食完沙律，刺身送上來了第一碟刺身拼盤：三文魚、油甘魚、甜蝦和赤蝦已放題的水準來說，無論是油金魚、三文魚，都在水準之上，魚味香濃，非常新鮮！必須一提的就是他的赤蝦，它的尺寸差不多成個碟咁長，真係落足料，果然係超人氣食品我哋將試咗幾個幾款卷物：軟殼蟹卷、青瓜鰻魚反卷、和牛卷當中軟殼蟹卷很出色，咬落香脆，口感非凡；和牛卷就比較普通，牛味不是很突出這個芝士焗帶子也是值得一讚，焗出來芝士味十足，配合帶子的鮮味，令我們不禁再番兜一次！食到飽飽地，諗住去拎甜品嘅時候，今晚職員抬出一盤新

打電話book枱時講好既優惠, 去到時又話講錯, 其實係冇既。店員服務態度不良好, 仲要佢地用離度小朋友高度既刻度係唔準的, 所以最後去到門口都冇入去幫襯。絕對唔推薦其他人去, 未食已經要受氣。

因為咁岩要出大嶼山工作, 所以唯有去出名多好野食既荃灣book枱慶祝, 大井町哩間放放題食物選擇多, 今次見到個冷盤叫魚頭片好突別竟然係魚頭骨切片食落好爽好突別另外特別值得講既就係佢既熱食, 比其他放題我覺佢既熱食做得好好, 不論串燒, 羊架, 鯖魚, 炸物,火炙壽司, 一品料理都相當出色, 岩哂一班人又唔係個個食刺生既朋友, 另外值得一讚既就係佢上菜速道好快, 除左串燒炸物要早叫定其他都轉眼就到, 所以如果唔係有雷霆掃葉既速度就唔好一次過叫咁多唔係會好似我咁放滿枱畢竟好多野都係即到即食好食啲

由於提早同喺11月生日嘅六嬸慶祝生日，而六嬸又鍾意食日式放題，之前我們去過荃灣大鴻輝中心嘅「大井町日式放題」食過覺得好好，所以我們今晚同咗六叔六嬸去食晚市放題！我們叫咗個雜錦刺身大拼盤嘅每一款刺身都超級新鮮，唔會有雪氣味，而且係會捨得畀人客食，我們叫咗幾多件就畀幾多件，唔會我寫10件祇係嚟得3件，值得一讚！芝麻鷄翼炸得非常金黃香脆，肉質相當嫩滑多汁，而且唔會好油膩！蟹肉蒸蛋蒸得極之滑溜，唔會過咗火候！另有多款壽司，當中以他們嘅店名命名嘅「大」「井」「町」創作壽司賣相最為吸引，而且組合埋一齊嘅味道相當配合，絕對唔會有怪嘅感覺！冷烏冬嘅麵質非常煙韌彈牙，胡麻沙律汁嘅份量啱啱好，唔會因為放得太多而過膩！另設有自助沙律同甜品吧，所有沙律菜全部都清洗得好乾淨衛生，甜品方面就有多款自家製嘅和菓子同蛋糕，造型賣相非常精緻吸引！芝麻雪糕球嘅芝麻味道極之芳香濃郁！每款食物出品都相當新鮮同用優質貨源，用心去製作所有食物，可以感受到老闆對食物嘅熱誠同執著！

週年飯-同男友行完荃灣再食放題附近有林林種種既放題 但最終都系簡佐食大井環境好大好舒適我地一次過叫佐咁多張叫餐紙 因為有好多都想食頭盤拎佐中華八爪魚 同小小粟米番茄仔伴菜 刺身併盤-好新鮮 甜蝦好大隻 好爽脆 好鮮甜，北寄貝、帶子、三文魚。。。都好新鮮好厚肉日式蟹粥- 雖然蟹肉唔多 但粥底都有冬茹香蔥帶出蟹肉鮮味紅酒煮牛舌-新款食法 牛舌帶點紅酒香味，牛舌口感鬆軟 醬汁調配得岩岩好火灸壽司 唔記得個名 魚肉晶形通透 入口即溶 一d都唔腥 好食 必定追加推介牛乳果凍 本人唔飲奶d 但呢個牛乳果凍完全唔so 同一般果凍唔同又so又甜最後到甜品 每位客人隨佐可起出面大堂拎甜品外 還有每人都有一個movenpick 雪糕 含粒粒果肉 帶有口感 總括而然 食物品質 服務效率環境但建議唔好一定過叫曬想食既食物 因為出菜好快唔駛等好耐好耐 免得d食物凍曬唔食就浪費了。。。

要在荃灣搵食, 數選擇多的餐廳真的非大鴻輝中心莫屬.這晚選擇的日本放題餐廳就是剛開沒多久的大井町日式放題.食物選擇頗多, 而且有不少特色食品.  每人更可以點一款Dreyer’s或MOVENPICK的雪糕,一人只有一款.雖然會不夠喉, 但仍然很吸引.餐廳面積相當大, 座位多, 當晚去到整間滿座.侍應講解某些食物是自取的, 飲品、沙律、小食或甜品都可以到吧枱自取,比較有彈性.而我坐的位置就接近飲品雪櫃和吧枱, 所以相對方便很多而沙律區有各式各樣的蔬菜及醬料提供自由配搭這裡的甜品好吸引, 除了有蛋糕外, 更有不同款式賣相精緻的和菓子.先點了刺身開開胃, 三文魚新鮮肥美, 甜蝦很不錯, 其他刺身款式很不錯.而帆立貝更有我兩個手指頭大, 算大粒同鮮味放題內有不少特色壽司, 細細件的可以 一口一件. 食完不會太飽,而且可以試多幾款.特別喜歡火炙三文魚壽司及火炙左口魚,有入口即溶的效果,魚油香味即時在口腔中漫延,什是滋味.我也精點了幾款炸物及燒物. 炸物會首推芝麻雞翼,香脆得來又不會炸得太乾.  而墨煞嘴就比較遜色,粉感有點重.而燒物就當然要試燒羊架, 燒得只有8成熟,配上黑椒調味, 味道還真不錯

放題黎講算不錯了，魚生非常新鮮，上菜快，服務好，環境都非常舒服，食物款式，飲品款式，甜品款式都算非常多，除了指定雪糕係一人一杯之外，出面既雪米糍，大粒雪糕都係任食。食品推介：牛柳粒，辣味雞，好似係焗帶子仔，都值得一試，我朋友話個拉麵好食。（如唔食得辣的人，就唔好食辣味雞）