大一海鮮火鍋料理 (已搬遷) 新店位置

聽聞尖沙咀開左一間新嘅火鍋店《大一海鮮火鍋料理》， 主打特色嘅石鍋湯底， 好鐘意打邊爐嘅我， 當然要去朝聖一下啦~火鍋店裝修簇新， 裡面嘅裝潢清簡，時尚， 以藍色白色為主題。 而且座位大都以卡位同梳化為主， 一路打邊爐一路傾計更方便。鍋底方面，主打翅鍋同埋海鮮鍋。 今次就試左推介嘅金湯腿翅鍋。 呢個湯底用咗36個月嘅黑毛豬腿骨淆製而成， 飲落鹹香鮮味， 黑毛豬嘅精華全部落入湯底中。 而湯入面嘅材料就更加豐富， 翅嘅份量好多， 食極都未食完，雞肉則嫩滑， 喺打邊爐之前已經急不及待飲多幾碗。大一嘅火鍋材料新鮮而且選擇多， 牛肉揀咗頂級本地手切肥牛$339， 揀左邊位同背脊位， 背脊位牛肉味較濃，而邊位則較有口感。鮮蝦雲吞$59，雲吞大大隻，雲吞皮滑嘟嘟，裏面嘅蝦彈牙爽口，豬肉肥瘦適中，一啖咬下，肉汁爆出來。本地黑毛豬腩片，薄切嘅豬腩片，滾燙一下就食得，入口即溶，肥美甘香。黑毛豬腩片無豬騷味，配埋金湯腿翅湯底，肉味就更加突出。最後係手唧墨魚麵，呢個配料不但好食，仲好好玩，大一嘅墨魚麵無坊間嘅咁容易斷，夾起來就更方便。墨魚味香，彈牙爽口，所有有人都讚口不絕。好食又好坐，下次有機會，一定要再食其

朋友聚會，最適合就係打邊爐，呢間火鍋店位於尖沙咀樓上店，環境好闊落，點餐前店員仲會詳細介紹餐單，真係好貼心既服務。打邊爐吾小得一個靚湯底，我地揀左比較小見既黑松露湯底，果然有好濃郁既黑松露，全部配料都好入味，值得推介。店內好多材料都係自家製，包括呢碟手打丸。打邊爐又點小得肥牛，呢碟又係人手切，相對比較厚身，塊塊都有雪花，煮熟左吾會太肥呢到仲有冰菜，推介！可以生食亦可以"綠"一陣，綠左一陣個菜會爽口d，意想不到既效果另外仲有呢個油炸鬼，上面讓左d墨魚同蟹子，第一次食口感幾好最後呢女王粉，睇個樣以為係河粉，煮熟好似薯粉咁，半透明狀，口感幾特別，吾錯！整體來說，呢到既火鍋配料都好特別，好多都係第一次食

聽聞尖沙咀新開了一間精緻的海鮮火鍋料理店，於是這個週日的晚上跟E先生來一嚐。六時左右晚市才剛開始，客人未算很多。店鋪裝潢簡單，燈光明亮，設有大量卡位，非常舒適。客人入座後，店員就送上醬料架，一共有八款調味醬料選擇。Order之前，店員先為我們簡單介紹一下店舖有名的食物，以及是日新鮮海產等。野菌黑松露湯鍋 $169一上檯就散發著滿滿濃郁的黑松露香氣，黑漆漆的湯底裡頭有大量不同種類的野菌，湯底入口清甜，帶有強烈的野菌及黑松露菌鮮味。美味得令人連喝數碗，之後吃火鍋的時候，各款食材亦滲有黑松露的味道，吃來別有一番滋味，喜歡黑松露的不能不點。獨步鮮打潮汕風味牛筋丸 $69潮汕風味牛筋丸味道濃郁，質地爽口而富有嚼勁，吃來非常有口感，美味。黑松露帶子餃 $129即叫即做的黑松露帶子餃，餡料除了黑松露及帶子之外，還有混有不少菜肉，如此黑松露帶子未見突出，味道尚可。一客八隻，份量夠多，吃罷非常飽肚。本地黑毛豬腩片 $239每天來貨不多的本地農場黑毛豬亦是推介之一，黑毛豬肉質香甜，豬腩部位帶有脂肪，口感香軟腍嫩，不錯。

同成班朋友相聚，最頭痕嘅就梗係聚餐地點，要好食、好坐、價錢合理地方真係唔多㗎～星期五嘅晚上，約咗成班好朋友上咗尖沙咀新開嘅大一海鮮火鍋料理，好彩一早book定位，成個場真係爆到不得了！我地人多(成十二人)，所以可以試好多唔同嘅嘢！未人齊，可以叫啲小食頂下肚先，睇到個芥末炸蝦丸好吸引，所以就叫咗試試，我好怕食到啲炸嘢係炸過龍，搞到面層乾爭爭咬都咬唔開，呢度果然高質！金黃色外層，無多餘油份，蝦丸亦唔會太大粒，一啖一粒啱啱好～蝦肉爽口彈牙，入面包咗少少新鮮芥末，鮮味得嚟又有啲刺激！正！湯底，人多好辦事，所以我地唔止叫咗一款湯底～野菌黑松露湯底，湯濃稠度非常適中，唔會太厚身，而食物放落去令非常好味～黑松露味道唔會太霸道！令人回味～！金湯腿翅鍋。我上大一facebook睇過有關訪問，原來呢個鍋大有來頭，係用咗老雞同36個月嘅西班牙肘子骨熬制，再配上半隻嘉美雞同足六兩翅，未食火鍋料先飲咗半鍋湯喇！味道鮮、甜、有骨嘅咸香！同行朋友呷一啖都大叫：『好好味啊～』本地黑毛豬腩片。刨到好薄身嘅豬腩片，好軟滑但不失咬口，成碟粉紅色超靚啊～而佢無平時啲豬酥味！一改我對豬肉抗拒嘅觀念！一定要食！冰菜原來冰菜超好味

同朋友黎開尖沙咀行街緊係食埋個晚飯先走啦，但我地兩條友又唸唔到食咩好，見好耐冇打過邊爐就心思思想食，所以就左搵右搵，係OPENRICE見到哩間大一海鮮火鍋料理，係尖沙咀寶勒巷3-7A號萬事昌廣場2樓1室，見又係新開，所以就決定去哩間打邊爐啦！ 因為我地晚上6點鐘就到步，所以未有咩人，可能太早，但個環境好舒適，座位又夠闊，坐得好舒服丫！原來不單止有火鍋,原來仲有小炒丫,熟食之類供選擇架!點左個豚肉，份量都好多，一黎到見到咁新鮮就知道個肉質一定好正，一試難忘，果然真係好味，好新鮮又爽口的肉質！我地兩個都係愛魚之人,食飯一定要有魚先食得開心，哩個脆肉鯇肉質結實、清爽，超好味！我最愛惹味野，哩個油炸鬼用黎打邊爐，口感真係好特別架，大約放落湯底２０秒就可以食啦，口感入邊仲會好爽脆，而表面好似蝦膠既配料都好鮮甜好爽口，好好味！調味架仲有好多調味選擇喔!日本進口既菠蘿雪芭，口感近似雪糕，比沙冰細緻，真係好正丫！水蜜桃雪芭好清甜，我的最愛丫！

尖沙咀有好多食肆，朋友去過一間打邊爐不俗，所以去試下。湯底係幾特別，有幾款魚翅湯底，坊間都比較少用魚翅做打邊爐湯底，一於叫個魚翅雞湯做湯底。魚翅雞湯湯底排翅唔係好大，但400蚊唔洗都有幾排翅，認真不俗，食落都有d口感，勝在叫有翅入口雞肉都算滑，翅有翅味，雞有雞味，有埋香蔥做配料，湯底味濃，雞蔥味足，不錯澳洲黑毛豬片薄薄一片，薄到要溫提一下:㚒實放落湯底，否則會好難搵番，豬肉味不太濃，啱曬我呢d淡口味人，而且好薄身，唔會好覺得好飽，可以食多幾片墨魚麵唧唧墨魚麵好彈牙，條條麵都粗粗的，都好有咬口彈牙呢間餐廳位置幾好，好寬敝，而且不是太多人，可以靜靜地打邊爐，幾好

一行六個女仔第一次揀食火鍋,location好易搵六個女仔坐"卡位"唔會迫,餐廳裝修&餐具配搭完全唔馬虎.我就最遲黎ge..黎到時已經成枱都係食物.湯底我地揀咗一個麻辣一個皮蛋,另外配個玄米茶非常唔錯.印象朋友點左ge配料有:本地肥牛,油炸鬼,四寶丸,響鈴,冰菜,芋絲,wasabi海蝦丸,墨魚滑,粟米...仲有個魚肉我唔知係邊隻魚..lol食材整體都係新鮮兼好食,配料黎到時職員都會講返d配料要浸幾耐,加上佢地見到個湯底起咗渣又會過黎隔咗去,好細心!我地六個只係顧住食同傾計所以冇咩點影過食物相,去到最後點咗2個甜品,賣相都好吸引整體服務態度都好好特別係店長所以先會上黎打返篇文推薦一下!值得一試,自己都會再推薦其他朋友黎食過.

做女人一年四季都叫住要減肥都係慣性啦…但打邊爐既誘惑咁大，唔係話忍得住嘛？？年頭成功減磅以後，食嘢係食少咗，亦同時食得精咗。Quota 呢回事，就留比真係好貨仔，先嚟用…咁啱 5月見到舊老闆代言咗 「大一海鮮火鍋」，見到佢啲相呀…片呀…真係睇到我呢… 終於，係6月約齊人去咗一試。------------------------------我份人嗜辣﹑嗜濃味﹑嗜海鮮，魚與熊掌我兩者都要 ！鴛鴦湯底，半沙嗲半麻辣加重椒。呢個湯底，唔好以為係普通野，個沙嗲湯係用牛湯煮既，保證你試過就知同外邊有咩唔同。------------------------------海鮮呢 ？叫左活牡丹蝦刺身﹑冰鎮南非野生鮑魚。------------------------------這個冰鎮鮑魚必先預訂，因為要較早之前以海草﹑海苔之類煮好，再配合特製的鮑魚汁上碟。除了味鮮，還彈牙爽口，感覺和一般的鮑魚絕對唔同。活牡丹蝦，淨睇顏色都見到唔一樣啦，肉質喺非常晶瑩剔透。------------------------------其餘，就係火鍋少不了既牛呀牛呀牛呀﹑丸呀果啲…----------------------

當日係尖沙咀做完Facial就同朋友誤打誤撞周圍行下睇下有咩食，朋友話想食打邊爐但又無心水邊間，就周圍睇下，見到哩間大一海鮮火鍋好似好吸引，又好新淨既感覺就決定食哩間，上到去服務員真的好有禮貌接待。之後好快就安排入座啦！店內環境真的好舒服座位好闊落又舒適！餐具都好整潔乾淨！仲有我最愛既玄米茶供應丫😍好飲喎！好多火鍋料醬料我地叫左哩個鍋，兩個味湯底！脆魚肉，肉質真係好爽口，好新鮮！哩個極推介我最愛哩個，墨魚油炸鬼，食法就係將墨魚個一面放落湯上大約浸一分鐘就食得，好特別又絕配既組合，墨魚好彈口爽甜，油炸鬼唔洗講緊係又脆又惹味啦！哩塊豬肉堅好味😍佢係豚肉黎架！特別爽口肉質仲唔會有太多肥肉！叫左個小既豚肉，份量都好多，兩個人食岩岩好！四寶鮫！都應該係自家制，所以份量都好足料，雲吞入邊蝦又大隻又鮮甜！仲有日本空運黎既雪芭丫勁好味既波蘿味丫！唔會太酸亦唔會太甜！好好味好香既水蜜桃丫！哩個我最愛

放工後去咗行尖沙咀睇嘢, 出面30幾度真係行多陣人都癲. 行到咁上下, 女友話今晚想吃火鍋. "傻的嗎, 30幾度仲想打邊爐!?" 女人果然唔可以用常理去思考佢地 , 我當然都好職做即刻問問OPENRICE邊頭有火鍋啦, 搵到呢間係地鐵站行2分鐘嘅火鍋, 不過未有食評嘅 , 會唔會中伏咖. ~~人係要有D冒險精神嘅, 下下都人地俾晒答案, 咁仲邊好玩咖，今次又做下白老鼠先啦. 要在樓下搭LIFT上2樓, 除非你想30度玩行樓梯啦.門口唔大, 入面夠光亮.環境整潔, 照明充足, 以白色色調為主. 由於客人不多, 感覺比一般的火鍋店多了一份寧靜感. 最重要的是這裡的冷氣足夠.揀了卡座坐, 枱面餐具整潔, 坐位亦算舒適. 第一時間睇睇有咩好食先.一睇個餐牌，湯底的選擇都唔少。其中比較特別的有魚翅及松露湯底，出面真係未見過。由於得兩個人吃火鍋，所以揀了藥饍醉雞湯底（半隻－＄129）。牛肉方面有本地鮮牛多個部分選擇，吃得夠晒刁鑽。豬肉方面見到有個很得別的本地黑毛豬，外國的黑毛豬食得多，香港嘅仲未試過，今次就試下先－本地黑毛豬腩片（＄２３９）  海鮮方面魚類的選擇也不少，金古、鱲魚、瓜子斑都

友人回港想吃高質火鍋，見到大一新開而且聽講唔錯，就搵的試一試。一來到令我驚喜的是吃的環境！沒有一般火鍋店的濟擁，抵讚特意四周走走，發現原來有房，而且私人度極高！約飯聚係唔錯既選擇！連餐具都靚過人。。。看完餐牌發覺價錢定位真係幾高 不過聽友人朋友講食物質素絕對值這個價，就試試看！哩個係用jamon既豬骨熬的雞湯火鍋個湯味足說不在話下，食落隻雞好滑第一次用咁名貴既湯做湯底XDD之後叫左份鮮牛肉（好似分開左不同部分，不過我無深究HAHA），食落不但止好鮮且無渣，係好好食既。。。不過最鐘意都係個black truffle scallop dumpling味道既配搭好平衡，吃到 black truffle 既香但又不同搶走scallop的鮮味！值得一叫！另外值得一提係哩杯紫背天葵！！！甜得來不似竹蔗茅根，酸得來又不似酸梅湯～而且唔係度度有得飲！打邊爐一流！！！最後要左個從日本空運既雪巴作結～美滿的一餐haha

今日第一次去大一海鮮火鍋。頭盤先食刺身，新鮮過好多壽司店，隻牡丹蝦竟然仲識郁！！之後點左黑松露湯底同雞湯底，好足料，建議開始打邊爐之前飲啖湯先。聽講舖頭超過八成食材係自己整，並非向街外攞貨，包括手包雲吞王，牛丸，黑松露餃，連煙勒既女王粉都係自己搓麵的。呢種落手落腳揾材料，自製食材，用心經營嘅食店，值得顧客尊重！特別推介新界黑毛豬，口感一流！連平時不太食豬既我都encore 左十塊八塊！

大愛打邊爐，凡有佳節飯局好友歡敍，我都會提議打邊爐（不過唔係次次都有人睬我 ）。My best friend 知我鐘意「烚吓烚吓」，一有好嘢就陪我去！金湯火腿花膠鍋 - 挑了餐廳的招牌湯底，主要湯料有：西班牙火腿骨、嘉美雞及花膠。餐牌上，原本的湯底不是配花膠，而是魚翅。食客可因應個人喜好選料！店員捧上熱騰騰的湯鍋，店長介紹餐廳特意選用西班牙火腿骨而非金華火腿，目的係減少「油益」味。試一口湯，的確甘香濃厚！再挑一些骨間的火腿肉試味，唔會好「鞋」口，咸得嚟有回甘。其他火煱生料未到，食住鍋中熟食先！原整半隻嘉美鷄放湯，童叟無欺！鷄肉鮮甜滑溜，唔太肥膩。再食花膠，大隻而薄身，好容易吸收湯汁精華，食起嚟又爽囗，很好！魚三角 - 我的最愛！即是魚下巴，打邊爐通常用鯇魚。魚三角係魚味最濃最滑的部位，甚少食店提供，我一個人可以食一碟！呢個魚三角並没有辜負我的期望，用筷子輕輕一推，整塊魚肉從三角骨間滑岀來，肉質勁滑，太美味！手切安格斯肥牛 - 呢碟肥牛係牛邊肉，夾肥夾瘦，牛肉味濃，輕輕勺10來秒，keep住色澤粉嫩，質地軟綿多汁，上品！黑豚肉 - 來自澳洲，質地結實，味道濃。牛和豬比較，牛就出眾得多！如

Went here to celebrate a friends redundacy so obviously dining on a budget!!!Broths are priced from $89 so we chose the preserved egg with coriander.Although it was a basic broth, they put tofu and sweetcorn in it.The broth itself was quite nice as a soup so I drank quite a bit.Ordered the crystalline iceplant because I love this pretty vegetable that holds a lot of water with pretty water droplets on the surface.It tasted great raw and blanched.For meat, we had the ostrich which is cholesterol

最鐘意打邊爐，除左高流灣都想試下有無其他正嘅打邊爐。大一D料真係好正，今晚2個人食叫左響鈴--好正、滑牛筋丸--好香、好彈好特別稻亭烏冬--好滑、好有味道本地肥牛--好正！彈牙、新鮮！魚三角--夠大件、又夠滑鹽燒三文魚鮫--好食又抵食！一定會再黎！超正