夜梟 (已結業)

柔和燈光，配合餐廳主題的裝修格局，一踏進去，便讓人留下深刻印象。打開餐牌，很盞鬼啊！一個個精心設計的菜餚名稱，別出心裁，把各道菜式的特點都表現出來。先有暴發戶−法國藍紋芝士焗西蘭花，很喜歡濃厚芝士香味，加上些少焦香，食指大動。黑魚子煙燻野生三文魚慕絲配蝦餅，精美別緻，有豐富口感。拜神唔見雞−香茅煙燻醉雞，酒味甘醇，配合回甘的胡椒，雞肉及雜菌互相配合，值得一試。重點推介是慢煮36小時黑毛豬叉燒醬配黑松露意大利飯，黑毛豬肉質鮮嫩多汁，與黑松露是絕配。尚有橫行無忌炒飯，材料包括蟹子、蟹肉、蟹膏、蟹味菇、牛奶炒蛋白、隔夜飯，炒飯不乾不黏而充滿蟹香，不錯啊！而最值得欣賞是咕嚕菠蘿牛小排，細意品嚐風乾28天慢煮72小時的牛小排，伴隨清新甜酸菠蘿蓉，入口即溶，把飽膩一掃而空，必食

想搵間decent嘅餐廳食個飯 search到呢間 係中式fushion菜 睇落唔錯就上左嚟一入到嚟 第一層係bar 氣氛真係一流我地上左二樓用餐 環境好有情調 仲有好多中式裝飾 配合餐飲主題 正👍🏻👍🏻首先叫左個花膠響螺龍蝦湯 好濃龍蝦味 而且入面好多花膠響螺粒 餐包係炸饅頭 我個人好鍾意 好香脆又特別😋小食叫左個黑松露煙燻三文魚慕絲蝦餅 賣相好特別 一食落去係三文魚黑松露moose 下面係多士 一軟一硬 口感好特別 👍🏻妃子笑東坡 好大舊東坡肉配荔枝果凍 真係好特別 東坡肉肉質好嫩 肥瘦適中 加上荔枝果凍 一d都唔膩😊呢個係慢煮三十六小時黑毛豬叉燒意大利飯 好大舊黑毛豬肉 口感好煙un 意大利飯都好香牛小排 好香口 熟度剛好 正🤤🤤左宗棠炸雞堡 炸雞好香脆 調味有少少甜 好特別 食落味道層次好豐富！真係好少見樓上鋪有咁有情調同心思嘅地方 好適合大家都有個fine dine 但唔想太貴嘅心思 會再encore!😊

夜梟今日同朋友去咗尖沙咀食嘢，食完傾吓計，我同事都離職，大家離愁別緒，揀咗一間酒吧，估唔到酒吧都有特別嘅菜式。呢間樓上嘅酒吧，樓高兩層，第一層係酒吧，通過小樓梯，便能到達晚飯嘅地方。餐廳樓底頗高，而且天花板上有非常中國風的裝飾，非常有特色。暴發戶法國藍紋芝士焗西蘭花＄78芝士和西蘭花的味道也很搭配，調味也恰到好處，記得曾經在另一間餐廳，點選了同樣的菜色，但是芝士和西蘭花的味道，完全是分離的，這間餐廳算是做得不錯。黑魚子煙燻野生三文魚慕絲配蝦餅＄78首先一讚三文魚慕絲真的幼滑，不過麵包略嫌太硬了，而且煙燻味恰到好處，沒有長袖三文魚的鮮味。拜神唔見雞（香茅煙燻醉雞） ＄98這款醉雞，酒味十足，同樣地用了煙燻的方法烹調，但是雞肉一點也不乾，酒味很重，帶點苦味，一個非常特別嘅嘗試。慢煮36小時黑毛豬叉燒醬配黑松露意大利飯＄118這個意大利飯，是我整晚的最愛。意大利飯非常濕潤，也很creamy。松露味不算太突出，不過黑毛豬經過慢煮，你保留了肉類的肉汁，也不會令水份流失，肉質嫩滑，值得一讚。橫行無忌炒飯＄168廚師把炒飯炒得乾身，用料豐富，有蟹子、蟹肉、蟹膏、蟹味菇、牛奶炒蛋白、整個炒飯鮮味十足，

又到煩人星期一過埋7月1之後就要連續番工番工同埋番工, 真係勁辛苦點都要搵老友出黎聚聚解下悶, 吹下水先得甘岩有個老友起尖咀返工, 佢話佢果頭有間唔錯既餐廳可以試試我話冇所謂, 一於去試下去到發覺個名好特別覺得門口平平無奇, 又好中式, 我估係食中式菜但點知入到去, 真係估你唔到甘岩一早我老友book左位, 可以坐窗邊, 其實佢呢間餐廳分3層, 底層係酒吧, 中層係餐廳, 高層唔知...哈哈望住街景食飯又係另一番風味唔講甘多, 介紹上菜豆乳湯好清, 好滑身, 內有原粒豆腐, 上層加上有菇菌增加口感飲落層次豐富, 好濃既豆乳味, 配上剛剛炸起饅頭, 嘆!無骨雞翼釀蘋果雞肉多汁, 內焦脆內軟滑, 加上清爽既蘋果味, 面層仲有少少黑椒粒, 增加唔少口感, 啖啖肉冇得頂, 蘋果肉亦為雞翼加上唔少分~慢煮36小時黑毛豬叉燒醬汁值得先加一分, 因為眼見黃色既醬汁係好新奇既菠蘿蓉, 食落口感清新, 黑毛豬肉汁唔算多, 但係肉質嫩口, 外層有少少焦脆, 又加一分, 饅頭可以嘗試夾一舊黑毛豬叉燒, 會變得新清唔會太濃味, 真係有唔同食法, 有唔同口感

今日FIF同朋友去完尖沙咀唱K, 想搵D新奇D既野食聽聞呢間餐廳係新式Fusion菜聞名, 所以同朋友膽粗粗黎左試其實都唔係膽粗粗~因為見openrice 都有唔少好評~ 佢地既入口係3樓, 一入到去就係酒吧區, 你可以選擇坐酒吧區或者再上多一層, 4樓去食晚餐~餐廳個FEEL都好正~睇相都知好岩同朋友閒聊最重要係佢台既間隔做得好~唔算多位, 唔會為左生意逼客人坐到逼住哂我地就揀左靠窗既位~又可以睇街景,又可以勁好FEEL咁吹水 到睇菜單, 真係比呢個菜單笑死~勁有創意啊D名~其實D配塔都好有創意~ 我地就叫左慢煮人參烏龍雞湯嘩 一飲落去就係勁香勁濃雞湯味唔係講笑 如果你都叫 你飲果下一定會 嘩一下!雞肉都好嫩又濃味 做STARTER都好適合 之後就到小菜左宗棠雞漢堡呢個真係超有創意~ 係用饅頭做漢堡既包皮再夾住中式左宗棠雞,配上蔥同薑超中式既好味漢堡! 慢煮36小時黑毛豬配黑松露意大利飯慢煮既黑毛豬, 唔洗多講一定好軟好有豬味本來以為同黑松露意大利飯好唔夾其實別有一番風味嫁~~ 咕嚕菠蘿牛小排~睇菜單講係風乾72小時食落去真係勁香口又嫩滑牛味亦十足正~~ 最後都係二百幾蚊一個人講真啊

今晚去左尖沙咀食飯,中西fusion菜夠哂驚喜，我都想同大家分享一下。我叫左花膠響螺龍蝦湯，泡泡龍（no.2 炸虎蝦配芥末芝士醬），妃子笑東坡（真空慢煮36小時東坡肉配荔枝果凍）。菜式名已經夠特別，味道更加無得挑剔。花膠響螺配龍蝦湯，味道濃郁不失鮮甜，愈飲愈滋味。泡泡龍是炸虎蝦，虎蝦炸得香脆炸粉完全唔厚，唔油膩保持蝦肉新鮮味道，芥末芝士醬濃香夠刺激，虎蝦配上芥末，更是別有一番味道。慢煮東波肉更是香嫩香滑，入口肉香油香豐富，入口完全唔油膩，荔枝果凍更是香甜，減低肉膩感。菜式賣相吸引，味道更令人難忘。下次我會再帶屋企人黎試更多菜式。

同女朋友去拍拖，佢帶我去一間好有特色同層次嘅酒吧餐廳，近來尖沙咀開咗好多呢一類嘅酒吧餐廳但呢間好特別首先特別嘅係佢有兩層，酒吧同埋餐廳分開樓下就係酒吧俾人飲酒、睇波、玩遊戲，樓上就係比較寧靜餐廳手工啤酒係香港製造，我叫咗支陳皮手工啤酒飲落口甘香撲鼻入口比較濃味第二個特別係佢嘅晚餐以中菜為名頭盤係鹹魚白菜鹹鹹地配清甜海膽配搭好新鮮花膠響螺龍蝦湯，好有龍蝦味好cream 而且都有龍蝦肉好足料，我覺得濃味左啲啲無花果香煎法國鵝肝，法國鵝肝我真係好鍾意食但並唔係每一間都咁香濃好食，呢間嘅鵝肝好好味，配埋少少無花果香氣，多左陣甜味，食落口嗰種感覺真係好充實咕嚕菠蘿牛小排，好耐都冇食過咁好食嘅牛小排啊啱啱好五成熟，入口即溶嘅感覺原來唔係只有和牛先做到，慢煮牛小排都可以做到呢種效果，佢真係入口即溶配特製醬汁酸酸甜甜好鬼好食 ，如果個份量可以再多啲咁就好啦到最尾燒咖啡棉花糖甜品為咁特別嘅晚餐做總結，外脆內軟但佢係凍嘅真係甜到入心，好多謝我女朋友為我準備咁特別嘅晚餐

呢間係一間好中式嘅bar & restaurant ，無論係裝修定係菜式，都滲透少少中式味道，但又夾雜西方的色彩天花板係一個一個雀籠，幾特別，一枱一木都有心思，環境令人享受！呢度有dinner set, 亦有散叫。我今次就選擇散叫啦，因為我對佢嘅「叉燒」好有興趣先試下一杯「陳皮啤」，呢個啤酒係香港製造嘅手工啤，真係加入左陳皮 連飲品都配合呢間餐廳嘅主題！味道幾有層次，偏苦跟住我哋叫咗一客小食：「光輝歲月」有3款唔同嘅薯：白心薯、紅心蕃薯、紫心薯，同平時炸薯仔唔同， 呢個係外脆內軟的。由於係蕃薯的緣故，味道帶有天然甜味。再點濃郁的黑松露醬，真係好滿足.黑松露risotto 呢度嘅risotto同出面有d唔同, 佢係將d黑松露醬淋係上面，要自己撈的。飯入面有好多料 最驚喜係有臘腸，而且好夾！！最期待的黎啦！呢個係真空慢煮36小時黑毛豬叉燒醬 叉燒底下嘅係紫薯泥，幾滑幾fresh西式嘅叉燒口感都唔錯，較中式嫩同瘦配菜係饅頭，好cute! 我切開舊饅頭包住少少叉燒嚟食，正！呢個係一間特別，充滿驚喜嘅餐廳！

好怕出大港尖沙咀，又多人食嘢又貴又嘈雜，多是遊客和夜鬼出沒唯主，時而勢逆，而家好多特色食府和多元化店舖座落，有採平民化格局，亦有用創意和懷舊設計做招牌吸引顧客。昨晚約左同事去諾士佛臺睇世界盃，未夠鐘開波，自己周圍行吓，跟住食啲嘢先，行行吓經過金巴利道MWplaza廣埸地下，朋友曾經介紹有間新開食店叫夜梟係上面3,4樓，幾特別，可以去試。電梯係3樓出見到亮亮的夜梟嘅招牌，行入去原來係一間酒吧，裝飾好搶眼，掛左好多中式燈籠，重有四個大字寫住遊戲人間，相信係呢度嘅顧客可以輕鬆自在寫意聊天，三五知己或者情侶就啱晒，原來再上一層係餐廳，亦都好寧靜，唔夠十張枱，可以舒服服吃一頓餐。服務員安排了一張四人位梳化座，好舒服，重可以望吓外街，餐牌唔太多選擇，不過就都好有特色，一個人祇好單點，睇左一陣決定選三個餸，花膠響螺龍蝦湯，色澤鲜明，熱熱的，撥一撥散發出香濃味龍蝦味，用上食材花膠和響螺更添高级，加上脆脆的炸曼頭別有特色食法。另有一道叫暴發户的餸叫法國藍紋芝士焗西蘭化，用上新鮮菜西蘭花再用芝士焗，賣相吸引，好有香氣和健康。最後一道係腐乳羊架，用慢煮腐乳花香菇紐西蘭羊架配法國藍文芝士醬，器皿盛載腐乳醬汁，

晚上同朋友去尖沙咀想搵個地方食下野chill 下，上網搵到這間夜梟好特別。梟即貓頭鷹，為一眾尖沙咀夜鬼而設的Fusion西餐廳酒吧，佔地兩層，樓下是酒吧，樓上為餐廳，有「遊戲人間」四個霓虹大字，全是fusion Chinese cuisine 。超推薦這款個菜名好有型的「拜神唔見雞」$188，上菜時以乾香茅和蘋果木煙燻，煙足可以遮蓋整道慢煮醉雞，嘩，睇得又食得，醉雞好入味，連伴碟的滑菇都好好食。妃子笑東坡$228 以真空慢煮36小時而成的東坡肉，真係每一口都是心思，這裡的菜色全是慢工出細貨，東坡肉面層有一層好薄透明的是荔枝果凍，入口即溶，真係味蕾的享受冇骨氣$88 蘋果玉桂配冇骨雞翼，蘋果金寶甜品就食得多，原來都可以做主菜，冇骨氣就是雞翼去骨，煎香雞翼，釀上蘋果玉桂，爽中帶甜。墨魚子煙燻野生三文魚慕絲配蝦餅$78 上菜時也是做到煙燻的效果，三文魚慕絲就像甜品一樣好軟綿口感，一口食下去，原來口感好豐富👍滑子菇豆苗豆乳湯$88 新鮮豆苗，滑豆腐配上大豆煮成豆乳湯，好香濃，又清新，估唔到這樣配搭又work仲有大大杯嘉士伯啤酒$98 美景美酒配美食🍷

朋友一早book 定餐廳，帶我去食好野，話一定有驚喜😍當我見到餐廳的時候，第一個感覺，好型👍這間是主打Fusion菜的酒吧餐廳，吃喝玩樂一應俱全，室內室外都有，環境寬敞，好舒適，適合大夥兒聚會，有兩層，樓上是餐廳，樓下是酒吧，非常新穎。店員帶領我們經過一條木樓梯上二樓用餐。這裏裝修古色古香，好有氣氛，有情調。餐牌分為tasting menu 同 A la cart menu，菜式有趣，充滿新鮮，充滿玩味，拜神唔見雞、冇骨氣、光輝歲月、西門慶等等，單睇菜名，你是完全猜不到他是什麼菜式，但是當你知道這菜式的材料和烹調手法，你就會覺得這名字改得非常合理👍我們兩個每人叫了一set ＄380 tasting menu 。每一道菜廚師都精心烹調，就像是在吃法國餐一樣，每次食完一道菜，店員會主動換碟，遞上第二道菜。無花果帶子涼拌木耳帶子煎到兩邊微微金黃色，食落很鮮甜，以豆腐襯托底盤，豆腐非常嫩滑，木耳以川式涼拌酸辣味，開胃小菜。第二道菜，滑子菇菜苗豆乳湯這個湯非常香滑，飲落綿綿的口感，香濃的豆乳味，配上青爽的豆苗，口感一流還有新鮮炸出來的饅頭，用饅頭沾上豆乳湯一齊食原來很match。第三道菜，妃子笑

Yeh Hiu has been a real hit since its opening a few months ago. I went there for the first time over the weekend and I now know why it’s so popular!The bar is on 3/F and they also have a fusion restaurant on 5/F. We went there at around 9 on a Saturday and the 3/F was 100% full with loads of people standing all over the place. We were thus brought to the 5/F for drinks and shisha.The 3 of us ordered a cocktail each and 1 shisha to share. The shisha was really good and the shisha was patient enou

原以為夜梟只是家有酒、有shisha、有beer pong等遊戲的酒吧，但經朋友介紹，在酒吧上層原來還有一家fusion餐廳。老實說，我對酒吧的食物質素從沒期望，但這夜在夜梟的一頓晚餐使我驚喜十分，簡直是遠超預期的高質！夜梟鋪面不大，但裝潢十分有心思。天花上掛起一把把小紅傘，牆上亦嵌上數個霓虹燈裝飾。單是「遊戲人生」四個大字已反映店主豁達超然的人生態度，亦叫食客臨時放下繁瑣生活的煩惱，好好享受悠閒、有趣的一夜。我們選了$480一位的tasting menu，一共有5道菜，但不包括飲品。「咸魚白菜」、「拜神唔見雞」、「妃子笑東坡」—— 只看餐牌也不難察覺餐廳的心思。先來的是兩款「沙律」。這款「咸魚白菜」實質是海膽海藻沙律，整碟均很鮮味，配上襯底的辣汁不會違和，反而錦上添花。這是帶子海藻沙律，賣相同樣吸引，亦帶點辣味，好不醒胃。第二道菜是湯。龍蝦湯十分香濃，配上響螺及花膠等高級食材更顯矜貴。而我更喜愛的是這道白湯。有趣的是，我與朋友為這湯的用料爭議不斷——我說是麵包湯，朋友則堅持說不，但我們最後都忘了詢問侍應，所以答案不得而知，只知它很好喝！再來前菜的烤鵝肝質素不錯，但兩塊小多士略嫌太硬，

今晚相約了一個成日都很記掛的朋友仔，雖然我地見面的次數不多，但她往往在我需要的時候也會出手，也會回覆我，她就是XO女。XO女比我更識搵食，由她來決定飯聚的餐廳我就最放心。她今晚就帶我來到一間好特別的多國菜餐廳，究竟有咩特別？睇下就知！還未上餐廳，已在大堂的螢幕中見到多幅餐廳相片，環境和菜式都好吸引咁，很期待！一出升降機門，馬上觀察下餐廳的環境，佔地三層，其中一層有一個掛住多個中式燈籠的水吧，好靚呀！走上五樓，牆身的動物圖案、一盞盞紅燈籠、通花木架等等，滿有中國色彩。五樓的地方不算大，靠牆有一排長沙發座配四人枱，中間有兩三張四人枱。在柔和的燈光和音樂下，蠻有情調，幾有feel。餐牌設計簡單清晰，有兩款Tasting Menu，定價為$380和$480；亦有 a la carta，分別有Salads、Soups、Starters、Mains、Carbs和desserts。是晚戰鬥力一般，所以我只單點了三道菜。***************************前菜揀了無花果帶子豆腐涼伴木耳 Fig Salad with Scallops （$78），但因無花果不是當造，故少了它，所謂「不

上次黎呢間bar飲野既時候發現佢樓上有間餐廳for食野，好似質素都唔錯，今次fd生日就請佢黎呢度試下。我地book左位，一到就即係有得入，樓上餐廳人唔太多，所以幾靜幾好座，而且氣氛裝修都唔錯。我地猶豫左一陣，最終order左2個$480既set, 就開開心心等食。一開頭黎既食龍蝦湯，個湯好重龍蝦味，而且cream味唔太濃唔會太搶，可惜調味重手左一丁點。值得一讚係佢跟湯既炸曼頭，脆卜卜又香口，一試即上癮。之後黎左個雞翼，店員提我地要成舊咬，一食落去原來入面有D果粒，雞翼本身好juicy, 燒完都保持到D汁冇流失，加上果粒既鮮味，整體都唔錯。牛小排亦係一大亮點，炆既時間足夠，令舊肉好琳又入味，牛肉又嫩滑。配上跟機既波蘿蓉，成件事又不會太肥膩，值得一試。最後仲有個好鬼甜既靚靚甜品。餐廳整體質素唔錯，有機會再黎試新菜。