夜梟 (已結業)

一店兩味fusion菜，樓下型格酒吧兼有露天位夠哂chill，樓上正經餐館食好西，菜色所行行嘅都係中西合璧路線，原來當中菜同西餐合埋一齊係可以咁過癮✨三款食物都係混血兒，慢煮叉燒咸蛋意大利飯，鬼佬風嘅叉蛋飯，叉燒慢煮過肉質嫩口，而咸蛋就磨成碎混落意大利飯食，新奇得嚟帶點熟悉感，有趣。妃子笑東坡故名思義係玩東坡肉但用西方煮法，同樣係用慢煮燜腍，然後配上清甜嘅荔枝泡沫，其甜味將東坡肉嘅油膩感一洗而去，另外作為配菜嘅冬瓜同豆豉一齊炒香減低苦度，係我食過最易入口嘅苦瓜，唯一係炸豆腐外皮有啲過硬。最後甜品都可以fusion，睇落係簡單嘅西班牙油炸鬼churros，驚喜之處係個朱古力火鍋加咗辣椒落去，甜中帶辣，暖意翻倍，如果響凍冰冰嘅冬天食呢道甜品就真係最佳享受✨

上到去三樓，酒吧區。上一層食飯。環境不錯，金巴利道位置相當好，值得一讚是避風塘蝦、慢煮牛和慢煮三文魚。羊架不合口味...湯都相當不錯。適合和另一半來食，份量不多，女孩子都可以吃完，哈哈

若不是朋友介紹也不會知道最近在金巴利道的 Kimberley 酒店旁新開了ㄧ間有自己wine bar 的餐廳叫夜梟。昨晚剛好約了ㄧ班好識食的老友晚飯, 大家就決定去試ㄧ試。 如坐地鐵就在尖沙咀站 B 出口出, 跟住向美麗華酒店的方向行十分鐘左右就到了。餐廳ㄧ共有兩層, 就在ㄧ棟商業大厦裏面。 電梯可直達上層或在內置樓梯自己行上去。 裏面的装修很特別, 很古色古香但又好潮。 下層主要是wine Bar, bar 前面擺滿了好多小枱, 樓頂好高, 望出去還有很靚的街景。上層就是全用餐之地, 可容納60 人左右, 更可包場玩哂。我們ㄧ行七人就坐在樓梯旁的大長枱, ㄧ坐下就每人點了杯cocktail 互相寒暄ㄧ下。 很快地頭盤就到了, 我們全選了南瓜湯, 賣相及味道都非常好。跟住上的是天使麵配虎蝦XO醬, 份量超多, 足夠 2-3 個人享用。 配有3隻虎蝦, 味道不錯, 只是蝦偏咸了少少。 天使麵就做的得非常好, 軟硬度剛剛好, 味道亦夠晒濃郁, 非常之好味。主菜是餐廳的新款式, 在menu 裏還未有的。 是烤乳豬件配芥蘭黑松露薯蓉, 很特別的配搭, 乳豬烤得剛剛好, 皮脆肉滑

今日試了這間叫夜梟既餐廳顧名思義係啱晚上出動既朋友仔啦！但我今日就試佢既午餐睇下啲水準得唔得先，午餐跟餐湯或沙律、主菜、甜品同餐飲好豐富呀。我就點了燒肉眼扒配香草汁這個牛扒好嫩好多汁配意粉好夾，餐湯南瓜忌廉湯好香好滑甜品係紐約芝士蛋糕再跟埋杯凍檸茶真的好滿足好飽，下次要嚟試下佢哋嘅晚餐先。燒肉眼扒配香草汁紐約芝士蛋糕

有次行過尖沙咀金巴利道，發現原來有一座新既building，開左幾間新嘅餐廳心思思想試吓，今日終於同朋友夾到假試新菜式啦，聽講呢度啲餸菜個名好搞笑，所以先吸引到我黎食我哋嗌咗煎帶子藜麥沙律，暴發戶，西門慶同埋鹽焗雞，呢度嘅菜式賣相係幾OK嘅，，不過味道就麻麻哋啦。先講個煎帶子藜麥沙律，啲帶子完全冇味，應該唔新鮮！至於個暴發戶就係芝士焗西蘭花，味道正常，熱辣辣焗出，係最好味嘅一道餸，至於個西門慶其實就係麻辣湯浸住三文魚，但係啲麻辣湯好難飲，又唔熱，又唔辣，好淡味道，件三文魚係幾嫩滑，不過配埋個湯就一啲都唔夾至於鹽焗雞就超級普通，開頭以為好似好好味，因為賣相真係一百分，點知打開個蓋，再試下舊雞，冇雞味不特止，仲要唔熱嘅，一啲都唔值呢個價錢！

下班後與朋友一聚，便選了這間位於尖沙咀的餐廰。這裏裝潢以紅黑色為主調，氣氛舒適型格。就坐後我們先點了手撕雞配青瓜啫喱作前菜。青瓜啫喱十分新奇，口感滑溜。可惜菜式份量略嫌太小，我們二人每人數口便吃光了。主菜則點了慢煮三文魚配重慶辣湯及慢煮東坡肉配荔枝果凍。前者肉質嫩滑，辣湯不算太辣，少吃辣的朋友也可一試。後者東坡肉較韌，比較難以切開，但配上荔枝果凍則可解肥膩。甜品則點了香辣朱古力油炸鬼，即churros。賣相精緻，味道帶辣勁，值得一試。

久聞「夜梟」的名字，今晚即興拉著老公來了撐枱腳、碰碰杯。原來餐廳有三層，其實隨意搭升降機到其中一層即可，因為餐廳內置有樓梯。餐廳中西合璧，有酒吧樓層、有晚餐樓層，都有落地大窗夠開揚。食物很吸引，款款都想試。《煎北海道帶子配藜麥沙拉 $108》賣相精美，藜麥砌成塊狀，上面放了三只輕煎過的帶子，彈牙香口。雖然沙拉主張健康，但如果稍稍加點酸汁或會更醒胃。《手撕雞拌青瓜啫喱 $98》青瓜啫喱成寬條麵狀，味道清淡但感覺到很清新，再拌上手撕雞和以胡麻醬調味很開胃。《妃子笑東坡慢煮東坡肉配荔枝果凍 $148》伴碟有苦瓜、炸豆腐乾、沙律菜、紫薯蓉和細小半球狀的荔枝果凍。東坡肉雖然慢煮過，但不是入口即溶的效果，而是口感實在帶嚼感的那種；苦瓜不澀味道甘味；整體如果有點醬汁更味更佳。《慢煮叉燒配鹹蛋意大利飯 $158》高級版男人的浪漫，叉燒以黑毛豬慢煮，而飯用上忌廉意大利飯，當中更以鹹蛋碎提味。意大利飯8成熟是筆者喜歡的軟硬度，味道香濃帶咸香，份量適中所以不膩。叉燒慢煮過後夠軟腍入味，味道帶甜，咀嚼筋位味道更香。《白酒燴梨配桂花啫喱 $78》賣相吸引，燴梨浸在白酒汁中，透明粒狀的是桂花啫喱，令白酒汁增加香甜

Fusion菜係有一種獨特嘅魅力，會令人擦新味蕾，眼前為之一亮嘅效果。呢間就係一間做得出色嘅fusion 菜，簡直可以用出神入化你形容。一上到去見到係間酒吧覺得有啲奇怪唔通酒吧都有中餐食點知坐咗陣先發現原來食中餐嘅餐廳其實係要想一層嘅擺咗個烏龍添，整頓好之後一睇餐牌上面嘅菜名就好鬼搞笑，已經讓人充滿着期待。福如東海，係豆乳湯，頭一道菜穩穩陣陣，都幾香滑。前菜之一的無骨氣，有名你叫就緊係「無骨」雞翼啦，仲有玉桂同埋釀左d蘋果肉係入面。好正，同平時食開嘅好唔同而且蘋果肉好香。令一款叫做西門慶，用慢煮西式料理手法將三文魚煮到好滑，再以四川水煮魚湯入汁，辣味比較淡，不過都幾正。你可能話呢個都唔係好fusion者，咪又係水煮魚？唔緊要，呢個都係開場者，仲有大把好戲再後頭呀。跳去另一個叫做妃子笑東坡，唔好以為係得個名，我真係係個味道上體會到呢個古時情懷。東坡肉好入味，且腍到入口即溶，好香，冇咁番上下功力都做唔到呢個程度。簡直係齒頰留香呀。妃子條輕飄飄透明嘅絲帶好誘人。除咗美國好享受視覺上亦都係好感受到廚師嘅水準。咕嚕漢堡用中式包夾牛肉，加士多啤梨醬，酸酸甜甜中西合璧。以為咁就完？少年你太年輕了。仲

這周五晚上今日朋友挑了家新餐廳, 便開開心心去聚會了~ 侍應說由於到轉菜牌的時候，餐牌上很多菜都沒有，甜點餐牌更加係一個都無，所以我們最後只點了4道菜，意見如下: 1) 松露配臘腸意大利飯($98) - 這個飯是第一個上菜的, 當下第一個反應是懷疑這是不是我們點的，後來侍應說這個是意大利飯，還真是嚇一跳，因為份量實在是太小了，只有我手掌心的大小左右。2) 光輝歲月($78) – 這個是炸三色番薯條配黑松露醬，份量很大，打救了我們的肚皮及荷包~~~ 3) 清酒煮蜆($98) – 這個是廚師推介，不在餐牌上, 侍應說蜆很新鮮, 便點了這道菜。一試真係不得了，超creamy, 很滑溜。出面很少這樣煮的, 真的超好味。可惜這個份量不算太多, 真係想多點一份><4) 咕嚕菠蘿牛小排($188) – 這個肉煮得剛剛好，肉質軟熟, 不會太生, 也不會很難咬。加上在碟面還有一個紫色的醬及菠蘿磨成的蓉，配起來口感清新，味道一流!這家餐廳不大，侍應都幾親切, 食物的質素也很好，應該還會再來的!

是日家母外遊，無人煮飯，又同阿妹出來覓食。今次想搵間舒服點的餐廳輕鬆一下，見夜梟好似唔錯就來試下。來到的時候未夠七點，餐廳未有很多人，得以隨心逛逛。餐廳分兩層，一進內便見到別具玩味的裝潢：左邊一個掛滿中國畫風花鳥燈罩的bar枱，中間放了一張驟眼看甚似氣墊球機的長枱，另加右邊霓虹燈光「遊戲人間」四字，可說與長枱佈置互相呼應。低層設戶外座位，但當日下雨便沒有出外了。上層繼續沿用新派中國風設計，不過轉為大紅傘狀的燈罩。景觀開揚，座位亦坐得舒適。室內播放著多首經典廣東歌的 Saxophone 純音樂🎷，只是靜靜坐下聆聽已是一大享受。 首先登場的是花膠響螺龍蝦湯配炸饅頭中式花膠響螺湯不少人都試過，而這道菜式除了充滿濃濃花膠響螺的味道外（我地亦食到不少花膠和響螺肉），又有西式龍蝦湯的濃稠。喝起來就是有滿滿的厚實感，層次十分豐富。之後是前菜將煙燻三文魚變成慕絲口感十分特別，櫻花蝦脆口，一口一個，沒有魚肉的甘膩，卻有如空氣般的煙燻魚香充滿口腔。結果吃了兩個總覺得有種空虛感，開了胃口想吃一些更實在的食物。不過底層多士軟一點的話更佳。酸甜微澀，正好為之後大魚大肉的正餐開開胃口，略減飽滯感。個人一向喜歡東坡

Fusion菜係有一種獨特嘅魔力，將各國精髓混搭，擦新味蕾，眼前為之一亮嘅效果。在下都試過好幾間做得出色嘅fusion 菜，印象中玩到都算幾出神入化嘅就係呢間夜梟。跟住網上面地址，摸上去大廈嘅3樓，推門而入後見到嘅係酒吧同beer pong 檯，剎那間仲以為行錯左地方，急忙攞出手機問一問侍應，原來3-5樓同是夜梟，食野就要上通過門口右手邊geh樓梯上4樓。4樓裝飾中式元素濃厚，當堂感覺唔同曬，兩層風格截然不同, 放眼下去，全層總共有26 -30座位，有兩張容納6人的長桌，也適合一大群朋友相聚的地方。一睇餐牌上面嘅菜名就已經充滿期待，名好鬼搞笑，例如妃子笑東坡。福如東海，係素湯，頭一道菜穩穩陣陣。無骨氣，有名你叫，緊係「無骨」嘅雞翼啦，入左玉桂同埋蘋果肉係入面。西門慶，用漫煮西式料理手法，加上三文魚整到好滑，再以四川水煮魚湯入汁，如果辣味再濃d,真係仲正。你可能話呢個都唔係好fusion者，咪又係水煮魚？唔緊要，呢個都係開場者，仲有大把好戲再後頭。西門慶完，跳去另一個朝代妃子笑東坡，唔好以為係得個名，我真係係個味道上體會到呢個古時情懷。東坡肉入味堅且腍到入口即溶，冇咁番上下功力都做唔到呢

每次工作都感到疲憊，我就會下班相邀朋友一起聚餐，無理由每次都跑回家，感覺人生好頹，今次有人介紹這間酒吧餐廳，可是中西合壁，卻沒有違和感！杯杯碟碟款式都幾有中式的味道，但使用的卻是刀刀叉叉，這種相撞的感覺超有趣。花膠響螺燉龍蝦湯，又花膠響螺又龍蝦湯，非常濃厚的龍蝦膏味，一點都不覺得是溝水，而且喝到有淡淡花膠味道，還有些少花膠響螺燉在湯裡面，很好喝！湯包配的竟然是炸饅頭，饅頭炸得很香脆，雖然沒有煉奶，但配湯一樣好吃，連碟裝飾都非常中式化，整個感覺都出來了。黑魚籽煙熏野生三文魚慕斯配蝦餅，看名字真是摸不著頭腦，原來是煙三文魚做的慕絲配像法國麵包的餅，慕絲非常香濃的煙三文魚味，好creamy，加上了黑魚籽和蝦乾，鹹鹹的，麵包外層脆內裡軟綿，不過吃多了有點飽。冇骨氣，名字很特別，原來是玉桂蘋果釀無骨雞翼，見到雞皮煎得焦香，一咬果然是無骨，裡面玉桂蘋果軟軟的，酸酸甜甜一粒粒口感，做了一個對沖的感覺，黑松露意大利飯，初初覺得飯有點小，但吃著原來很飽，只因黑松露醬十分濃郁，黑松露很香，面頭有些溫室荳芽，飯粒比較軟，入面還配了菇和臘腸片，黑松露竟然搭臘腸，果真有趣。夜梟炒飯，原來是半個烤飯，上面蛋白烤得

lei排好有食神ar，同事帶我食好o野!!! 佢話有間fusion菜餐廳，係酒吧又係餐廳，而且菜式o既名好得意wor，既然講到o甘吸引，一定要跟佢去試一試。夜梟名字超有霸氣，聽個名都知係食中式lei，同事好神秘o甘唔話我知，等我估下先!! 餐廳位於尖沙咀，o係美麗華商場附近，都好方便ga。入到去，裝修好有中菜feel，樓下係酒吧位，唔多好飲酒，所以冇落去睇睇。Small plate係前菜同湯為主，d 名真係好得意，而且有介紹係咩材料，唔洗估估下。Medium plate有burger，魚等，如果怕太飽，可以mainly點medium。Large plate係main course，有飯有肉類etc，菜式名真係好creative lei。咸魚白菜即係海膽海藻沙律，份量的的骰骰，海藻有唔同ge種類，食落d d鹽，唔會腥，好爽脆ar。海膽有鮮甜ge味道，同海藻一齊食好match!!!慢煮人蔘烏龍雞湯用上烏骨雞，烏骨雞出名滋補，加埋人蔘烏龍煮，補上加補，飲落湯甘甜甘甜，易入口。烏骨雞肉好tender，一d都唔鞋口，yummy!!!妃子笑東波個真身係慢煮36小時東坡肉配荔枝果凍，賣相好靚ar

Came here at 9pm on a Friday night and it’s super crowded as expected. We initially planned to play beer pong on 3/F but when the server told us how many people were waiting, we simply gave up and decided to get a few drinks and shisha on 5/F instead.One of my friends tried this super weird craft beer that resembles the taste of a mosquito repellent. And just as everyone anticipated, it tasted (and smelt) terribly strange 😂 Good for adventurous peeps like my pal hahaTheir other cocktails are one

今晚家姐話帶我食好野🤤 佢最近一定係行好運，依排心情勁靚喔😏所以都特別闊佬🤑 佢帶我黎食依間 fusion 菜。上網睇食評同相片都好吸引喔-餐廳環境裝修唔錯，有種古典既感覺坐近𥦬邊還可望到街景呢。 睇住街上既車同人走走動動，更突顯自己既悠閒relax. 好好享受今晚既晚餐。-Menu 既食物主要分細、中、大plate我地每個類別都叫左一些來試試❤️Small Plate 1️⃣咸魚白菜 （海膽海藻沙律）$88兩瓣橘黃色既海膽好吸引呢海藻十分有營養，而且很爽口帶咸香既泡沫除左用來裝飾，亦提昇了味道先黎依一道清新輕盈沙律做前菜，係唔錯既選擇-2️⃣墨魚籽煙熏野生三文魚慕絲配蝦餅$78只看賣相，就感受到這是充滿層次感既一道菜滑溜既慕絲，配上口感煙韌既蝦餅👍🏻-3️⃣慢煮人蔘烏龍雞湯 $88女人呢，年紀開始大，愈明白進補既重要性。好喜歡飲人參雞湯，有好高既營養價值。還是第一次品嚐到用慢煮烏雞既形式去烹調。烏雞雖然外表看起來並不美觀，黑溜溜的但它的肉質十二分細滑喔！ 湯底十分濃郁，吃罷口腔還有陣陣甘甜餘韻。-❤️Medium Plate 近年興起一陣「慢煮」風，令食材裡既脂肪和蛋白質不被高溫破壞，令食材達到最