夏麵館 (已搬遷) 新店位置

今日放假，特別走去圓方行下同去試下夏麵館好唔好食，去到夏麵館，見到一條長龍排隊，一心諗住走去問下個短髮女經理有冇籌派架？真估唔到佢態度傲漫咁答：「籌派唔到咁多，客人覺得排隊公平d」，而家大部份餐廳都派籌，客人拎完籌仲可以四圍行下去等，要客人一定要企係度等就真係對客人唔公平。排隊期間，望到入面有好多檯都冇人坐，但好耐都冇人帶我地入去坐。前前後後的客人都等到好嬲，好多人都因此而走左。所以都唔係等左好耐。我地二個人，叫左一碗麵同四個小食，d麵質地唔錯，但係最基本的小籠包就冇翡翠咁好食。服務生們很年輕，見人手完全唔夠，做得好辛苦，但有幾個女孩子都仲有笑容，比起個女經理，態度好好多。整體感覺，食物認真一般，價錢亦唔叫好平，又要排隊等，我就寧願去翡翠，呢間麵館，我就真係唔會再去。