夏麵館 (已搬遷) 新店位置

九龍站上蓋年來如死城一樣,今日終於來個大變天.搖身一變成為高級商場,但有個娘到爆的中文名"圓方".當中有很多所謂過江龍食店進駐,其中一間,就是王家沙的鄉里"夏麵館".又是以上海麵食為主,有湯麵,伴麵,煨麵,兩面黃等等.而且有些小吃供應.下個月會搞局天香樓,今次來到,不如吃個蟹粉來吊一吊癮.雖然餐牌上沒有蟹粉撈麵,不過亦多口問個侍應姐姐Eh.....想問下你地有無蟹粉撈麵?)姐姐又跟住我一齊ehEh....我地無架.)我咁,就要個蟹粉小籠包,再加個蝦仁腰花麵吧.)姐姐今日無蟹粉.)好,死心,吃麵好過.此店標榜著不含味精,口味應該同傳統的濃油赤醬背道而馳,更加切合現代香港人之口味.上桌時,蝦仁腰花,荵花,同麵三者分開上.先嚐湯底,在不經其他醬汁混合之下,味道又幾清甜.麵條亦夠煙齦不糊口.蝦仁就差了,不新鮮之餘,而且還淋劈劈,腰花質感同蝦仁一樣,丁點應有的爽脆口感也沒有.味道嘛?亦保存著上海菜的甜,不過味道就不濃.如果吃得清淡的朋友,就是對口單位,我輩吃慣大濃大咸者,就覺得乏味了.其他菜式水準如何,未吃過不知道,但或者同王家沙相若.

昨天晚上同女友來行Elements，心內都想幫襯此餐廳，來到攞了籌，之後同女友入去對面ThreeSixty行了半小時，出來剛剛輪到我們。我們叫了一客擔擔麵，一客小籠包同一客菜肉餛飩。個擔擔麵一D都唔辣，唔係我地想佢唔辣，而係侍應根本無問我地要唔要辣。所以大家去食時記得同侍應表明要求，因為佢唔識問你。仲有叫佢剪麵，佢D麵都好長，我地要自己顏斷D麵。小籠包同餛飩都幾好食，食得過。食完所有野都唔覺口渴，所以野食應該係無味精。

10月5日7:00左右去到，明明見到有好多位，都唔比人入去，又話比人book晒，結果成個鐘入面都係吉既，我都食完出黎啦。