壽司郎 (樂富廣場A區)

營業中

休息中

十一點取票，都要等卅張！不過其實都好快，大約廿分鐘已嗌卅張飛，即係好多人拎完係走咗嘅！成個陳設、系統、碟、壽司迴轉帶，所有設計都同日本店一模一樣，只係變咗中文字同聽到廣東話。令人想念日本！日本店係唔駛等位、大大個car park，自駕遊必到呢！講番香港，幾個價位主要係$12同$17，其實計埋加一，係貴過日本，但抵過香港元字頭嗰間囉⋯⋯魚生厚度、大小、新鮮程度都比元字頭優勝；迴轉帶係每個座位有出口式設計，即係你叫嘅壽司會喺分叉口去到你面前，停低等你攞，而你攞完唔駛好似人地新幹線火車壽司咁撳掣放番走架車，係方便嘅！但又因為迴轉帶係直接去你面前，啲壽司冇冚蓋！呢一點喺疫情之下有點不安心！ 整體質素好好，性價比真心好，值得再來——如果拎到位！

係日本既感覺呀～今次13:00左右拎飛，等到15:00終於到我哋入座喇😆後面仲有好多人排緊壽司選擇有好多，迴轉帶上面冇既都可以係iPad度點一坐低已經不停點，送餐會係座位上既輸送帶出餐～鰻魚同海膽壽司都值得食👍🏻價錢最貴既壽司都只係$27 就算當放題咁食都唔洗就住銀包🙌🏻炸蝦卷都好味，食落舊蝦仲係岩岩炸起🍤同埋好足料燒牛肉就一般般食到一半已經冇再影相😂淨係掛住食埋單2個人都食左22碟，都係$436兩個人飽到上心口～

一家去樂富陪妹食午餐，試下樂富壽司郎，十一點幾到，等位等左兩個幾鐘，無諗過平日都咁多人。座位都舒服😌三個人一定食得多野，一定要試期間限定，而且等左咁耐要食多d,難得出左九龍。食左好多款，唔可以放曬咁多張相，呢度只可以最多放12張咁就放最好味既😋😊一般都唔多講，最好食係軟殼蟹壽司：期間限量，又大隻，27蚊都抵。腐皮烏冬：湯好正，三塊腐皮加一塊魚片正，魚片真係好好食，好細塊，腐皮甜又香，個烏冬好彈牙。帶子壽司：超級大隻，媽媽吃左三碟。茶碗蒸：必食，每次必點，多料，蛋超滑。刺身併盤：無想過出奇好食，墨魚好新鮮，底有一休條透明既試下係咩來，以為係麵，點知係好爽，懷疑是海澡，爸媽話好食食埋，哈哈😄綠茶雪糕芭啡：甜品之選，北海道牛奶好滑，紅豆好大粒，味道係日本食雪糕既味道，好似去左日本咁。三文魚壽司：咁多間日本店最好食，味道唔似出面店，佢好香好好食，應該品種品種品同。總結壽司朗樣樣都好食，多款選擇，定期有期間限定款式，不錯。員工服務態度非常有禮。讚👍🏻

It’s no secret - this renowned conveyor belt sushi diner is one of the hardest places to book in the city ‼️〘 Sushiro 〙~ HKD200 / 1With the queues being less intimidating on weekdays, we took a shot at walk-in around three and, surprisingly, got seated in less than an hour!Highlights would definitely include the melt-in-the-mouth tuna toro lengthy eel sushi, simply adorned but strikingly fresh 🍣A pity the dessert was slightly flawed from the dented swirl - the flavour itself was up to par.

整體性價比好高 可encore! 以下有最新拎飛同點菜攻略 收藏同埋share比會陪你食既朋友啦♥️-🦁 獅心拎飛攻略而家冇左預約同埋網上拎飛, 一定要親身去拎！個app有咩用？得番睇籌依個功能 不過都可以拎飛前望下邊間分店少人d 我自己就覺得黃埔 黃大仙 同 樂富都相對少人同方便～ 拎完可以用app 留意叫籌 如果過左籌 而30分鐘內朋友到可以去同職員講 等補飛 否則張飛就當失效. 閒日去5點半去樂富分店拎飛 7點鬆d就叫到-🦁 獅心點菜口訣1️⃣ 期間限定 叫一轉話明期間限定 下次未必食到 建議都叫一轉！ 吞拿魚(腩), 三文魚(腩) 都極肥美 油香停留係口腔蔓延😍2️⃣ 稀有部位 叫一轉話明稀有一定要試下！油甘魚既天身係魚背骨周圍冇筋既部分 更加柔軟同入口即溶 叫左兩份但淨係比到一份我地😢3️⃣ 睇唔明既 叫一轉睇完都唔知係咩黎 係其他餐廳少機會食到既一定要叫一轉試下 例如白鳥貝 小肌4️⃣ 自己鍾意食 叫一轉自己中意食既當然都要叫下～海膽軍艦｜而家海膽唔當造 唔算好鮮甜. 蝦三味｜$17蚊有3件 超抵食！軍艦同灸燒芝士類都唔錯🤩5️⃣ 留肚食甜品今次食得太飽冇位食甜品 😢 朋友推薦抹茶芭菲 抵食有

復活節假期既完結，帶爸媽試新嘢，壽司郎開到樂富已經有一段時間，其實我唔明白點解仲喺咁多人排隊，個人唔係太欣賞，不過好奇心驅使再畀機會試下。呢日我先過來攞籌，等足一個鐘先有位，差唔多先叫爸媽出來會合，限時食一個鐘，好彩我哋一家都少說話，食嘢快😂，講真唔使等先會再幫襯，連媽媽都話元氣好食啲，或者我哋唔識貨⋯自從疫情後元氣講明壽司米採用日本米，好食好多，相比之下，元氣勝，份量應該壽司郎優勢，當然有競爭有改進，大家為咗吸客都會各施各法，咁食客可以多受惠啦。其實我唔係食家，鍾意既亦好單一，三文魚，帶子，鰻魚，鯖魚，吞拿魚亦係2019年去東京先知吞拿魚係咁好食，但喺香港仲未能食返嗰個味道。呢款特選吞拿魚腩麻麻地。海胆有點腥，喺香港海胆為貴價嘢，所以一般都食唔到靚海胆。鯖魚押壽司，份量夠大，但鯖魚一般。極上鰻魚，鰻魚好厚，但無鰻魚油香。日本產帆立貝，感覺也太小氣了，鮮味不足。鹽醋漬鯖魚，醋味唔夠，有腥味。炙燒三文魚腩，正常油脂夠。芥末八爪魚，太有咬勁，少牙力都搞唔掂花之戀不過不失，生拌三文魚正常。炸蝦天婦羅拼盤，太油，味道都幾好。三文魚牛油果卷，味道啱啱好好味。三文魚腩叫畀爸爸食，睇樣都唔錯。總結平

已經第五次光顧樂富店發現服務越來越差員工態度已經不能接受不停表現出不耐煩及很厭惡的樣子很早便停止派飛門口一個女侍應員 （紥馬尾沒有戴眼鏡 高音聲線不停嗌咪）表現出很不滿的樣子22:00才是關門的時間21:00入席21:15已經不可以再下單我們一行八人根本還沒有完成下單的程序向侍應反應竟然說因為廚房的員工要收工而截單之前下單的食物也是跟我們說沒有什麼遺漏便一口拒絕跟我們查詢女侍應還露出一副很委屈及不滿的態度是否生意好便不用兼顧服務的態度食物質素比之前有所改變服務更是比之前相差很多真的很希望向管理層反映一下

同屋企人出咗去新界玩，玩左大半日個個都又攰又肚餓，又突然好想食壽司喔🍣除咗壽司郎都係想食壽司郎因為抵食又大件又好味，已經七點半啦.....好怕去到堂食有排等，又或者已經無得walk in啦！於是打定電話去📞叫外賣自取（真係唔錯，慳番等取餐既時間），諗住叫最近既黃大仙店，出名多人既分店，打極都無人聽電話，跟住打去樂富，一打就有店員聽電話，係粉嶺果頭渣車過到去大約半個鐘左右，7點45分打去想8點15拎、店員有禮貌地提醒而家多人廚房未必做得切，於是改8:30拎，other左兩個三人套餐壽司，8點18分去到已經有得拎，就係比錢果陣反而要排一排隊件件壽司都好大舊，可惜叫得太少，仲叫左其他外賣，但七個人食既壽司🍣真係唔太夠，下次咁多人都係只叫壽司算啦，唔要食其他野🤭

其實都食過好多次壽司郎，每次都好神心早早起身食第一輪咁就唔洗點排隊！同埋可能多左分店，學生返番學，平日相對起黎無以前咁誇張咁多人，都容易有位。基本款食到都幾熟，但個個月都有新主題推薦，就會想試雖然今次無左海膽拌麵，不過今個月好開心有明太子烏冬！三十幾蚊好食又抵食。帶子壽司份量好足，牛舌壽司都幾特別。可能因為今次食左個烏冬，壽司食少左。而且我最重點嘅甜點「卡達拉娜」缺貨無得食，所以埋單都平左。雖然只有一個鐘時間，但上菜速度都快，一，兩個人食其實夠時間。不過呢間分店食物質素好唔穩定，有時飯都幾散同有啲走樣但overall係香港黎講暫時保持到水準同每間分店嘅食物同服務質素都幾一致。而且每日咁繁忙仍然有服務都好難得，希望保持到落去。

壽司郎基本上要排好耐隊先有得食每次都係去佐敦等幾個鐘自從樂富開咗返工放lunch見冇乜人就會鍾意入去食覺得質素都比起佐敦好食好多-每次去必食🔥大吞拿魚左口魚花之戀芝士三文魚

ғᴏᴏᴅɪᴇ ᴛɪᴍᴇ 今次食咗壽司郎今次既期間限定係初夏尋味祭⛩今次就試左幾款新品🥳明太子溫泉蛋拌烏冬配珍寶魷魚($27)呢個好驚喜，第一次係壽司郎食麵，好jeng🥰明太子既份量都好多，再配埋溫泉蛋食落好滑，兩樣既味啱啱好(⁎⁍̴̛ᴗ⁍̴̛⁎)推薦❤️ 魷魚都好大條，好似天婦羅咁🤤刺身六点盛($39)一共有六款刺身，赤蝦、三文魚、吞拿魚、螺、魷魚同一款魚🤣赤蝦依舊好大隻🤩其他魚都係正常壽司郎既水準😚智利海膽軍艦($17) 唔知係我唔好彩定點，每次去既海膽都唔太好味🥺望落好靚，不過有啲苦😣

壽司郎係香港算唔算係成功, 當然絕對係成功, 如此短時間可以開咁多分店, 每間分店都可以做到如此人潮如湧, 連外賣都要排隊. 與元氣比較除了是日本直營與不太受年輕人歡迎的美心經營外, 食材上壽司郎看似比較鮮, 也比較多來自日本. 至於壽司飯, 你不會對迴轉壽司有太多要求, 只需酸度適中, 飯身黏度不會一夾就散, 這樣就OK. 壽司郎的壽司飯就是用機”Bear”出來的, 水準統一. 外賣二十件壽司, 有四件中拖羅, 就算經過一段時間的運輸, 魚生依然保持鮮度, 中拖羅沒明顯的筋連, 油香和鮮度平衡, 其他刺身沒明顯的雪藏味, 山葵辣味比不少連鎖店的天然, 不是只有刺鼻而沒辣香, 所以說壽司郎的成功不只是因為日本直營, 而是在細節上做足控制, 所以還是那一句: Never argue with success.

壽司郎越開越多，間間都排隊排到癲，上試試過walk in 拎籌，等到天荒地老最後放棄咗，咁啱今次有朋友提早拎咗籌但係最後去唔到，俾我臨時頂上😍🤪 終於有機會食到😭入到去感覺好似去咗日本咁🥲 店員係超有禮貌。由於都等咗好一陣先埋到位坐，一坐低乜都唔理喪order! 厚切拖羅係最抵食！以咁平嘅價錢，加上算係唔錯嘅質素，真係冇咩可以挑剔啦。同朋友越食越開心，越嗌越多，完全冇睇價錢😂 最後都係碟碟清，飽到癲咗，大滿足😌👍🏻

日本人氣迴轉壽司店『壽司郎』進駐香港已經一段時間一直都想試 ...可是人流太旺，很多朋友都話要輪侯 3-4 小時至有位 ...復活節長假最後一日去樂富逛逛，順便試試運氣 ...3:30PM 去到樂富，第一時間去這間人氣長龍店攞張飛等位先之後去 shopping，7 點應該可以返嚟食晚餐 ...估唔到這日真是有啲運仔 ...逛了一陣，過了大約 50 分鐘就有位啦 !!!用餐時間限定 60 分鐘 ...除了輸送帶上的壽司，也可透過平板來下單有握壽司、軍艦、卷物、熱食、麵類和甜點當然還有店家推介和期間限定的食物 ...一坐下，點了幾款『期間限定』壽司 ...。(豐洲) 天然藍鰭大吞拿魚腩 HK$27。(豐洲) 真鯛 HK$22。(豐洲) 間八 HK$17之後，海膽控的儍媽點哂三款店家推薦『期間限定』的 ... 濃厚海膽拌麵、海膽海苔包和醬漬海膽軍艦，實在太滿足 !!!。濃厚海膽拌麵 HK$32 ↑HK$32 碗海膽拌麵當然要試吓啦 !拉麵上面淋上金黃色的海膽醬，裡面還有幾片海膽、紫菜和蔥花拌勻後，拉麵沾滿 creamy 的海膽醬，入口啖啖鮮甜美味。醬漬智利海膽軍艦 HK$32 ↑。海膽海苔包

昨天難得去樂富，當然要試試人氣壽司店「壽司郎」啦！由於壽司郎經常人流爆滿，必然要等很久才會有位，因此我選擇了叫外賣。我叫了「壽司郎特製盛合（二人前）」，感覺質素比元氣及爭鮮好，而價格亦不算太貴，難怪這麼多人光顧。壽司整體一般般，但我個人尤其喜歡極上鰻魚壽司，鰻魚大大件而且味道不錯，醬烤日本帆立貝和炙燒赤蝦壽司非常鮮甜，而壽喜燒牛排壽司的牛肉很香口，而且不會很韌。整體而言，這是一間非常平民的壽司店，質素比其他連鎖壽司店高且價格便宜，所以不宜對它有太高期望，若與高級壽司店質素比較必然會失望。