壽司郎 (樂富廣場A區)

營業中

休息中

🏠 壽司郎 (樂富)樂富聯合道198號樂富廣場UG1樓L109號舖Friday night黎到樂富壽司郎，排隊係常態，五點九拎飛，排足兩個鐘先到我哋，好彩朋友早左黎拎飛，雖然有櫈坐和有洗手間，但係等兩個鐘先食得，人會餓到炆炕地。用餐限時係一個鐘，有小小趕頭趕尾，真係要食咗先講，難啲一邊食一邊傾吓計。推薦食物：南瓜天婦羅好正。南瓜🎃很鮮甜，炸得好脆口，記得叫埋醬汁，出色！👩🏻‍🌾第一次食壽司郎，除咗排隊和限時用餐外，其他方面都okay

今個月出左個2周年menu,好似好吸引更係試吓。平日都多人，等左40分鐘左右，算快😆炙燒信州味噌金華鯖魚平時我唔食鯖魚，因為怕腥。但啲個配埋味噌、薑、蔥，無曬啲腥味。我覺得好好食😋特盛蔥花吞拿魚腩軍艦份量超多，疊到好高。好抵食炙燒黑喉魚啲種魚出名油份多，炙燒左超好食特盛甜蝦有成9隻甜蝦，如果鍾意❤️食蝦，真係好抵食。中吞拿魚魚腩配醬漬海膽件呑拿魚腩入口即溶超正，不過海膽就唔多好食😅炙燒半溶芝士蛋糕超正唔heavy,個面脆脆期間限定menu之外，食左2個通年menu三文魚籽軍艦一如既往好食芝麻漬海鮮紫鮮葉壽司包第一次食，估唔到唔錯。有芝麻香味

今天夢寐以求的壽司郎終於可以食到，平時夜晚嘅時候要等成兩三個鐘都食唔到。今日一早等佢開門就可以食得到。價錢唔太貴又抵食，另外地點都唔太難搵，環境方面都非常之舒服另外員工嘅態度服務非常之好。

第一次食壽司郎 真係比佢嘅速度嚇親 雖然拎飛嘅時候相距差唔多100張飛 但半個鐘就有位 成日聽人講至少等一兩個鐘 所以比我預期中快 然後原來用餐時間只係得60分鐘 但係佢上菜嘅速度又係極速 眨下眼就已經成枱都係上齊曬 不禁懷疑係咪整定嘅呢呢個價錢呢個質素其實都算唔錯 唔能夠太高要求 係擺得入口合格有餘嘅壽司 職員有禮貌 卡位乾淨舒服 至少唔需要幫襯冇粗眉公仔連鎖店先

壽司郎熱潮仲未減退 琴日去食仲要等1個幾鐘位 仲未接受網上同電話訂位 5點幾去餐廳拎位 望住佢6點鐘已經停止拎籌6點放工果d完全冇機會食 真係誇張裝修都差唔多 普普通通冇咩特別有卡位同吧枱位揀 我地兩個人就好自然坐吧枱，可以揀拎迴轉上面既壽司 或者order 叫，我就當然揀order 感覺新鮮d嘛哈哈我都係食三文魚為主，其實我覺得同元氣壽司差唔多 可能係我食唔出分別 大家可以試下食佢d甜品，佢既雪糕都幾好食烏東都好大碗 食完凍食 食下熱食都幾正架

排隊是常識吧，但是冇計都要排。我通常是放工搭地鐵回來先攞一張飛，跟住返屋企換衫沖涼放低啲嘢，再check吓佢嘅實時YouTube到尾先至落去。我通常會問佢攞多包濕紙巾，用嚟抹下啲枱/豉油樽水龍頭。除咗食壽司，我們還會叫拉麵和雪糕。

27/7 下午5:30 去樂富分店拎飛，之後周圍行下！6:45 左右有位入座！之前淨係買外賣…未試過堂食！今次第一次堂食，店員好有禮貌解釋如何下單之類！雖然限時60 分鐘，但都可以接受，可以多D人入座！款式好多、食物新鮮、價錢方面大眾化相對其他品牌更便宜！值得再次光顧，越開越多分店非常之好！可以讓其他人可以不用等太耐!汽水1 罐$8 👍👍👍抵，仲有冰杯提供，一啲都唔求其抵讚！仲有碟魚鰭邊壽司$12/2 件好美味超抵食…其他壽司品牌叫左口魚邊超過$20/1 件！

黎親樂富都會買壽司返屋企食壽司郎係首選價錢唔錯雖然同超巿差不多 但用料真係新鮮鰻魚好長好好味帆立貝係我最愛每次都留返最後先食好厚身好肥美 又好甜好新鮮每戈種都有水準新鮮方便呢啲外賣又有唔同配搭都幾開心嫁食得

自從壽司郎嚟咗香港之後，如果想食迴轉壽司，我嘅指定食堂一定係佢❤️❤️❤️不過佢質素有啲飄忽，每間分店嘅質量都可能唔同，唔同時期去食又有機會有唔同質素😌 我都出咗一套心得鰻魚系列，始終係急凍嘅，唔係新鮮嘢，通常都無伏🤓我哋一般會叫幾件新鮮嘅刺身，好多時我都係食拖羅。我通常坐低嘅時候先叫一件。確認過一間分店嗰一日質量OK，先至會再order! 咁樣中伏機會就細好多🤤🤤🤤另外下邊呢一個蝦卷，基本上每次食都覺得係凍嘅。後期我已經唔會再點🥲另一樣可惜嘅係，壽司郎真係等位等到傻！預返攞飛之後，行吓街有其他嘢做吓好過😅可以喺電話Apps睇到叫到幾多號飛，方便大家就時間返舖頭！

性價比高，質素都正常，已經番兜咗唔知幾多次💛小編今次試咗d新款，不過都麻麻😂😂卡達拉娜原來係法國甜品，蛋為主。不過食落就真係食唔出係蛋，質感比較似雪糕，奶味重。松葉蟹就好睇你食唔食蟹膏啦😂 另外就係栗子薯仔，就只係好普通嘅薯仔，冇栗子味，但係會好飽😂不過有啲固定款，小編係一定會叫，仲要每次最少叫2碟。炙燒芝士鮮蝦握壽司同炙燒羅勒鮮蝦握壽司，小編真係好中意食，好好食。甜品就會唔少得焦糖番薯，都係好食。

今日中午去樂富分店排左1個半鐘隊終於有得食，一開始接待既員工態度都好好，食物質素都好好，但去到埋單打算用平板嗰陣，平板冇反應，於是舉左好耐手，有個肥肥地戴眼镜著灰色制服既員工過左黎，我同佢講既係: 個pad冇反應 想埋單 (身邊友人都聽到) 之後企係我地中間既員工就攞走個pad換個新既比我，點知呢次連埋單個制都冇埋，我哋再舉手搵佢，佢重複講左幾次: 你叫我換個pad比你 係想埋單既？ (態度好串) 叫我地下次直接同佢講，我亦都有回應佢 講返其實自己有講到埋單呢兩個字，但佢把口好似開左摩打咁，一直重複又大聲，完全冇聽我講野。食過幾次壽司郎直都好佩服員工既良好態度，但今次真係差到極點！

收工同幾個同事食飯諗住食好啲 壽司郎又俾人講到傳說咁點知伏曬首先 排隊我覺得好正常既. 5點幾攞飛 7:30仲未有得入座我見有幾位客人去櫃檯問 有無限時.店員話限時60分鐘！重點黎喇…7:30我係鋪頭入面等位樓梯直望個兩張枱已經坐左係度但係8:30都仍然坐左係度. 又話限時既？我朋友上前問櫃檯職員：請問係咪限時60分鐘啊？咁請問你地會採取啲咩措施叫客人交枱. 個店員答：我地唔會叫個客交枱下…咁你就唔好話限時60分鐘喇同敷衍啲客有咩分別？到入座個陣已經9:00 一坐低個店員一輪咀講左一大堆野 我地4個人 無一個聽得明佢講乜.廣播好大聲咁話9:15 last order. 過時系統會關閉 叫唔到野食. 但係個系統不斷顯示繁忙 想叫既一樣都叫唔到. 終於嘗試到20分鐘食完一餐日食先講講食物質素 好食？絕對係普通我未試過完整夾到一舊壽司入口海膽完全係腥既又講講價錢 好平？唔算得上囉咁既質素配呢個價錢 有咩性價比可言到埋單 有加一服務費 我都覺得好正常因為好多食肆都有架喇. 但真心俾得唔Gur啊！完全都無服務可言.最後…好想講 你明知咁多人 交唔切枱 你就唔好接咁多客喇. 9點先俾人入座 9:1

十一點取票，都要等卅張！不過其實都好快，大約廿分鐘已嗌卅張飛，即係好多人拎完係走咗嘅！成個陳設、系統、碟、壽司迴轉帶，所有設計都同日本店一模一樣，只係變咗中文字同聽到廣東話。令人想念日本！日本店係唔駛等位、大大個car park，自駕遊必到呢！講番香港，幾個價位主要係$12同$17，其實計埋加一，係貴過日本，但抵過香港元字頭嗰間囉⋯⋯魚生厚度、大小、新鮮程度都比元字頭優勝；迴轉帶係每個座位有出口式設計，即係你叫嘅壽司會喺分叉口去到你面前，停低等你攞，而你攞完唔駛好似人地新幹線火車壽司咁撳掣放番走架車，係方便嘅！但又因為迴轉帶係直接去你面前，啲壽司冇冚蓋！呢一點喺疫情之下有點不安心！ 整體質素好好，性價比真心好，值得再來——如果拎到位！

係日本既感覺呀～今次13:00左右拎飛，等到15:00終於到我哋入座喇😆後面仲有好多人排緊壽司選擇有好多，迴轉帶上面冇既都可以係iPad度點一坐低已經不停點，送餐會係座位上既輸送帶出餐～鰻魚同海膽壽司都值得食👍🏻價錢最貴既壽司都只係$27 就算當放題咁食都唔洗就住銀包🙌🏻炸蝦卷都好味，食落舊蝦仲係岩岩炸起🍤同埋好足料燒牛肉就一般般食到一半已經冇再影相😂淨係掛住食埋單2個人都食左22碟，都係$436兩個人飽到上心口～

一家去樂富陪妹食午餐，試下樂富壽司郎，十一點幾到，等位等左兩個幾鐘，無諗過平日都咁多人。座位都舒服😌三個人一定食得多野，一定要試期間限定，而且等左咁耐要食多d,難得出左九龍。食左好多款，唔可以放曬咁多張相，呢度只可以最多放12張咁就放最好味既😋😊一般都唔多講，最好食係軟殼蟹壽司：期間限量，又大隻，27蚊都抵。腐皮烏冬：湯好正，三塊腐皮加一塊魚片正，魚片真係好好食，好細塊，腐皮甜又香，個烏冬好彈牙。帶子壽司：超級大隻，媽媽吃左三碟。茶碗蒸：必食，每次必點，多料，蛋超滑。刺身併盤：無想過出奇好食，墨魚好新鮮，底有一休條透明既試下係咩來，以為係麵，點知係好爽，懷疑是海澡，爸媽話好食食埋，哈哈😄綠茶雪糕芭啡：甜品之選，北海道牛奶好滑，紅豆好大粒，味道係日本食雪糕既味道，好似去左日本咁。三文魚壽司：咁多間日本店最好食，味道唔似出面店，佢好香好好食，應該品種品種品同。總結壽司朗樣樣都好食，多款選擇，定期有期間限定款式，不錯。員工服務態度非常有禮。讚👍🏻