壽司郎 (樂富廣場A區)

營業中

休息中

壽司郎喺香港插旗已經有一段時間，只知道每次都好難book，walk-in又要等好耐，經同事提醒，用app book定位⋯本身book咗14:45，我哋早咗25分鐘到，就入去報到先，店員提醒我哋未夠鐘，建議我哋一陣再返嚟。到咗14:45，我哋就準時返到去，結果都要等多5-10分鐘先可以入座。入到去，店員好貼心咁每人派一個膠袋用嚟裝口罩，仲介紹杯、筷子、豉油、綠茶粉等等嘅位置，抵讚！食物可以用前面部tablet落單，又或者直接從迴轉帶上拎，如果係用tablet落order的話，食物會從上層嘅輸送帶送到。呢度食物選擇有好多，包括壽司、熟食、甜品⋯而且價錢亦唔貴，壽司$12-$27。由於只有一個鐘用餐時間，事不宜遲，我哋立即落order。我哋都試咗好多款壽司，款款都好新鮮。最鍾意係中吞拿魚腩、特盛蔥花吞拿魚軍艦、赤貝、帆立貝壽司⋯最後以原味卡達拉娜同開心果Tiramisu結尾， 原味卡達拉娜好好食，食落好似雪糕咁，非常幼滑。但開心果Tiramisu非常一般，可以不試。總括嚟講，壽司郎性價比好高，值得encore！

壽司郎應該冇人唔識喇 分店都開咗好多間 今次黎到樂富壽司郎試試佢門市Walk-in 吧枱卡位都無所謂 等咗50分鐘就有得食喇 留意喇如果號碼叫過咗30分鐘就冇得食架喇等到有迴轉位 迴轉位相當闊落 每兩個位都有板隔開 有私隱之餘又唔怕對面岸口沫橫飛 侍應主動介紹坐位點餐架部 另附膠袋俾你放口罩壽司方面性價比相當高 可以稱得上價廉物美 4個價錢$12/$17/$22/$27 嘆各款壽司 海鮮新鮮 手握飯量都好足 但呢道係冇淨刺身或手捲嗌架炸物方面嗌咗和風鹽味炸雞翼($27) 2隻1開2既雞翼 都幾好食 夠脆又夠Juicy 係少咗啲甜品我好鐘意係巴斯克烤芝士蛋糕($27) 有cream係面 一齊食相當夾 芝士既香加上忌廉甜甜既配搭 一口接一口 停唔到呀 話咁快就清哂食完覆一覆單就可以咁制埋單 侍應會黎覆核碟既數量 之後只要拎住坐位張卡就可以去收銀處埋單 全程非常方便 電子化 食完仲有印花卡可以儲印花添

聞說有間好出名既迴轉壽司 就同屋企人黎試下我地有備而來 攞完飛要等百幾個號碼 去UNY shopping 一下 大概一個鐘後有位講真食落真係麻麻地 睇落平 但質素很一般款式又唔算多海膽壽司直頭有中伏既感覺帆立貝壽司一客有兩粒 但帆立貝係一分為二 比較吝嗇 真心不推介比較特別的係佢有白子同安康魚肝 其他香港既迴轉壽司未必有 但味道一般大toro 可以接受蒸蛋ok炸雞一般我地4個人 食左五百幾蚊唔算貴 都係個句 如果要等位等咁耐呢個價錢 去元氣好過試過一次就夠了

好想試壽司郎好耐，手機app難d book，排期太長唯有walkin去排，感覺成間店都好大，又有地方入去等位坐、同埋天氣熱唔會覺得辛苦，入面唔會覺得好迫，成知空間感舒服既，終於可以食到，佢pad點餐其實都幾快到，同埋一分錢一分貨，同埋服務員都好有耐性去解答+講解點樣點餐既，同埋茶水夠熱真係好緊要！係家庭餐廳+ 迴轉壽司 黎講係算高級質素同乾淨，壽司係新鮮同職員係咁忙既情況都態度好好，同埋d飯唔會散開嫁... 大食黎講大約200-300蚊夠食，唔洗話去食放題，有機會再同朋友去食

呢度嘅魚生可以話係非常抵食👍🏻自從社會運動以來都冇食過元氣，依稀記得喺元氣食油甘魚需要$20仲要唔算太好食。但呢度只需要$17仲要係非常新鮮同爽口🤤佢嘅吞拿魚亦都係非常好食，絕對唔輸蝕比其他高級嘅壽司店！ 佢嘅蒸蛋同埋麵豉湯都同日本非常接近，亦都係絕對值得一試！唯一缺點就係佢嘢食種類唔算太多。如果你入到黎唔係好食魚生嘅可能會覺得嘢食選擇比較少，冇乜烏冬炸物等等。不過正路入嚟食壽司就絕對係非常值得嚟！佢嘅服務態度亦都唔使講啦，抄足日本嗰種有禮貌到傻，服務質素極佳👍🏻👍🏻👍🏻

明知要排好耐都要食😂今次12點攞位等到2點先入得，一開始app預計排95分鐘，最後等左2個鐘😅已經係第5次食壽司郎，今次專登試新menu同巴斯克蛋糕食左幾次最推薦炸物同甜品海膽麻麻哋，唔係好新鮮有少少苦味終於回歸嘅巴斯克蛋糕好食！！cream好香奶味，芝士好creamy，食完一件都唔覺得膩一切開蛋糕，入面啲朱古力漿湧出黎，真流心！！蛋糕微暖外脆內軟，唔太好甜嘅我覺得有啲甜，cream可以中和下朱古力味道

這次兩名壽司控來到了有多間分店的壽司郎吃午餐是也。但凡迴轉壽司的款式都是很多，壽司郎亦不例外，而且大部份皆是十多元，相當划算。對於選擇困難症的我倆，每每見到喜愛的壽司便即打孖上，方便一人一碟！壽司的剌身頗厚，用料不錯，有鮮味在口腔中爆發的感覺，明顯較之「元X」或「爭X」等連鎖壽司店的高出幾個呢。作為飯人，除了剌身外，對飯也有要求：飯粒撈了壽司醋，但也不會酸，而且握得實，沒有邊吃邊散落的情況出現，友人大讚。這兒讓小人對於迴轉壽司有了一個全新的看法。

呢間位於樂富嘅壽司郎，開業大約三星期，真係唔知點樣可以入坐食到，上網訂位，要2個月前訂，walk in 攞飛，次次去到，都話已經定止取票，真係有d令人摸不著頭腦，今日8號風球，一於試下去攞飛，中午12:15 取號碼，大約中午1點多有位，可以入坐，總算不負有心人🤣。環境是乾淨，食物主要是迴旋形式，當然也可以用電子板order，食物種類都很多，亦很新鮮，價錢以呢個水準來講叫抵，可能人多關係，入坐起計一小時要結帳，不過可以講是夠時間食，算合理的。

餐廳：壽司郎 (樂富)地區：黃大仙地址：樂富聯合道198號樂富廣場UG1樓L109號舖日期：29/9/2020 時間：4:31人數：2人 等位： 110mins 價錢： ＄589琴日咁啱放假，見壽司郎係樂富開新既分店當然即刻去捧下場，試業期間有＄12既極上大吞拿魚腩同$22珍寶北海道產帆立貝😆咁優惠唔食簡直對唔住自己🤣果然一去到現場已經企滿人，我哋到達拎飛係4:31，籌號係498，可入場既籌號只到377號，距離120個先輪到我哋😨估唔到咁誇張，由於唔太熟悉附近所以一路都坐咗喺現場等待，結果4:50就已經見到暫停walk in唔再俾人拎飛😱之後好多人嚟到已經冇得再攞飛，真係太多人朝聖啦😝我哋兩人一共食咗33碟，只係揀咗自己鍾意食既冇嘗試新野，每款都超新鮮，由其極上大吞拿魚腩同珍寶北海道產帆立貝必定要食😋，吞拿魚腩肉質肥美，帆立貝相當juicy鮮甜🤤珍寶魷魚天婦羅非常酥脆好食，新鮮炸而且仲好大嚿👍忌廉芝士極上鰻魚入口好驚喜😳冇諗過忌廉芝士竟然同鰻魚咁夾，好食到每人食兩碟😁赤蝦好大非常彈牙爽口鮮甜美味，絕對係喜歡食蝦人士嘅大愛🤩以上係我哋嘅特別推介，但其實每款都非常好食，雖然今次排咗差唔多兩

圓碟如滿月，壽司飯銀白如月，是中秋飯聚浪漫之選。輪迴轉動壽司帶如河，壽司宛如小白船，在夾筷中則如小魚，列隊在小河飄蕩。此新店的座位較多，有6條「小河」，共67檯，卡座頗多，比坐在脫胎自工廠生產線的吧檯舒泰得多。這是此分店優勢。圓碟在輪迴轉動壽司帶穿插其中，如曲水流膓。但疫情之下，不宜「上船」，不宜食撈活魚。還是電腦落單好。落單後小船快速湧到上游，每次以四碟為限。如不快撈，下批船到，船上的魚兒會跳入你的胸懷。快是很重要，因為有限時令，只有一小時。喜歡此店，是因乾淨衞生和價廉物美。碟分紅銀金黑四款，代表12，17，22，27元四級價位。平均約20元，比茶樓點心更便宜。更重要是壽司款式多，如彩蝶群舞，如中秋彩燈。「三文魚子軍艦」翠綠映橙紅，如燈火照野。魚子如煙火，在口腔中爆發，濺撥出十多杯海水，咸且鮮。疑似是美人魚擺尾潑水吧！壽司多穿霓裳羽衣，塗脂抹粉，如觀燈美女。濃妝代表是「灸燒羅勒三文魚」，綠裙棕眉，微酸帶香，十分清新和醒胃。我最愛的是「灸燒芝士鮮蝦」，芝士熔融在三文魚上，咸香脂芳。不同凡香，令我饞涎欲滴。以上只賣12元，可真超值。新開業特賣是極上大吞魚腩和極大北海道帆立貝，前者如粉紅櫻

9/25開業 9/26 就嚟踩場😎不枉我當日一早起身就馬上預約🤭開幕仲特設咗兩款「樂富店」限定商品：🔸極上大吞拿魚腩🔹極大北海道產帆立貝壽司郎質素都唔使多講，去相🤭熟食都唔小選擇.. 仲有甜品.. 小朋友食得好開心.. 不停期待下一轉迴轉到佢面前嘅壽司會係乜😂另外一讚係佢嘅bb chair, mini sofa.. 應該坐得幾舒服(細佬仔全程無扭抱😁）

嚟到第五間分店，都只喺九龍區開嘅壽司郎，好好彩成功攞到位，即刻去試試慶祝新店開幕，有期間限定壽司款式，最期待係極大帆立貝壽司，來自北海道，真係好大粒，食落非常鮮味第二款限定壽司，係特價嘅，極上吞拿魚壽司，壽司比較細件，吞拿魚切得比較薄，魚油都夠多又有個新口味炸雞翼，原來一客得兩隻雞翼，再張一隻雞翼斬半，即變成四件雞翼，即刻價錢貴咗，性價比太低食落冇乜特別，啲雞骨重好易整損口腔反而件燒三文魚，就切得非常厚身，即刻滋味提升，外脆內軟，完完全全提升三文魚嘅鮮味總括而言，呢間分店，壽司非常細件，啲魚生又切到好薄，感覺上同爭鮮冇乜分別，我就唔會再浪費時間專登食佢