壽司派 (已結業)

今日同男朋友去食,諗住咁大間野,應該ok.等左無幾耐就有位,坐普通枱.第一碟是立魚,好似擦紙膠,無味,靱.之後食海綿蛋,一d鮮甜味都無,好似壞左咁.腐皮壽司ok.但梅子壽司加左唔知咩葉,食到我即嘔出黎,尋味勁怪.加州手卷既唔知咩肉,又係無味.三文魚腩無味,綠茶無味.最好味係盒薑(washabi隔離盒薑)...食左十碟壽司,一碗湯,一碗牛肉烏冬,埋單共$304.唔好食就算啦,仲咁貴,好嬲.奉勸大家唔好食佢.我本人對魚生無乜特別喜好,陪人食都會照食,但今次係第一次真係嘔出黎,亦係一生人唯一一次當場嘔番成個壽司出黎...去唔去食,自己諗...

星期日下午, 本來想去Pokka但要等, 所以去左Hip;冇期望但結果食得好滿意.叫左5款sushi: 牛舌同燒吞拿好香, 天婦羅蝦夠爽又唔油膩,鰻魚同明太子海胆就ok.最欣賞啲sushi飯:軟硬適中,不会一咬就自動分體;味道亦調得好好, 不会只有醋味.Service不錯, 很有禮貌. 一人消費$110我覺得ok.整體來講比一眾元x壽司好.我会再去的.

上星期同老公去食,見佢地門面都幾好, 試下啦...當時約8點..好多人等位, 唔奇....新屎坑三日香...由於我地只有二人, 等o左好耐...原因係成日入哂D 4-8人台..D二人就話之理(唔掂!!)野食- 好奇怪同一款係咁出哂....不似其氣壽臨店多元化。食物講真係好一般囉...元氣周壽司重好D...又貴...不值(除非你話食裝修啦...)Service真係差! 我叫左個女仔埋買..佢講左句: 咁我地等囉...等下等下唔對路...我見個女仔招呼其他人, 無意識行這去收銀處...於是..我就同另一女人講話我地之前叫埋單好耐啦喎..個女仔同我check先知根本未埋單...幫我埋單的仔都OK,同我勁say sorry,之前個果炒得啦...如果你問會不會再去...no 囉...

同友人一起到Hip Sushi, 坐bar枱, 唔知係咪因為我地比較入, 坐bar枱好似完全冇野拎咁, 都係要落order! 材料麻麻,冇咩特別! 仲有想食三文魚腩又冇..價錢都同其他差唔多sytel的店差不多, 但下次一定唔會再去, 情願不吃sushi!!

我覺得食壽司最common都係三文魚壽司,之但係呢間o野d三文魚無鮮味之餘,個三文魚手卷仲奇奇怪怪咁加左一大片薄荷葉,味道古怪,仲搶哂三文魚本身o既味道!好唔掂!

其實食物唔差，服務亦ok，但埋單時有$10找續，同樣等o左個幾兩個字都無人找錢俾我~~

今日心血來潮想食sushi，12點半放工就去左新城市，點知成萬人係個商場入面，度度都冇位就唯有食哩間…真係後悔冇睇openrice！哩間野既壽司真係差！金x郎都好過佢！本身佢地既款都已經少，特別想提既係瀨尿蝦！真係唔好試呀！個口感同味道好似係隔離屋村唔知邊檔糧油鋪買返黎d咸魚整成既咁！80%難食！我亦懷疑佢地既廚師亦都當住客面博懵，係個兜入面搵倒舊魚(唔知係唔係鰻魚)佢發覺好似放左好耐定唔知未熟，走去搵火勁彈佢就質返落舊飯上面上……O哂咀！最後我食左4碟野，找數係143蚊，咁我冇散紙比左150蚊佢，我等左成個字都唔返黎，就咁吞左我7蚊。7蚊唔係咩數目但係佢做法就唔岩囉我覺得！好，我就隻眼閉當佢地忙到唔記得找錢，我唔等佢走人，佢d職員就識得即刻去執我個位和！食唔過呢真係！！！

幾日前一個人去食,隔離幾間食店都要排隊,只有呢間唔駛,心中有數, 加上之前過呢度看食評, 都唔會抱很大期望。食近百五蚊:魚邊海suhi - 都唔錯,不過唔知白色的魚邊是否與早前油魚有關, 因為油份較多,頗甘香, 回家時肚子有點怪。加州手卷- 12蚊又好食派/ hip sushi - 以自己名稱命名的卷, 原來是煎過的sushi, 頗難食, 又貴。三文魚sushi - 一般水準與價格三文魚sushi - 一般, 比出面貴仲有一邊成三十幾蚊的sushi, 都幾好食, 不過名字忘了去一次夠了, 呢個預算仲有好多食店可選擇

其實唔係咁差, 仲好好味環境乾淨, 光猛, d音樂又好聽, d員工都nice, 師傅的而且確比較輕鬆, 但都ok既食物方面都好出色, 蟹腳好好味, 灸帶子超好味, $9三文魚都OK, 但和牛無貨, 無食旦, 要留肚食其仔野, 鵝肝都幾好小菜都好好味, 叫左蓮藕沙律, 好新鮮, 皮旦冷豆腐, 好好味, 有heart之選食得咁開心, 身邊客人已換了三轉, 食個甜品做總結, 貴左DD, 要三十幾蚊個甜品, 有D肉痛, 照叫, 好味道我覺得佢D料理特別過shshi, sushi都好味過元氣有個呀姐食左7,8碟清一色黑碟($9), 我覺得佢好勁我會再去Hip Sushi的

看見食評很差,但我昨天下午去食感覺不錯,比元氣好吃,size是較細但壽司跟飯的比例ok,價錢較高,但是因為不用等位所以揀了這一間特別喜歡這裡燒的幾隻壽司,很好吃記得有次吃板前的燒凡立貝很好吃,結果以後幾次到板前都有點,但...吃不到相同質素了...太多人光顧的時候,不是每樣食物也能維持質素...我會再去,因為貴20%但不用等一個鐘就有得食

昨日黎食晏. 等了10 MINS 就入得. 一奇.二奇. 綠茶冇味. 男友問左幾次. 係未清水黎?三奇. 條SUSHI BAR 每三個"吉位"先有一碟SUSHI. 浪費晒個"生財位".仲有. 壽司飯好散. 紫菜唔脆; 最基本的三文魚都唔得新鮮. 整體黎講. 白身魚表現好D. 最好的是火灸鰻魚壽司. 好多侍應. 但又好難CALL SERVICE. 個個都迫晒O係角落位置. 其中有位戴眼鏡的西裝男子(相信係經理) 成日頭岳岳.又唔笑. ( 仲有DD惡) 俾人感覺唔多好. 如果你要管好下屬. 你在門面(AT LEAST 在客面前) 都要做個customer service的好榜樣嘛.....短期內唔會再去.

唔好食,d魚冇味..........d飯又冇醋味.........出面睇,裝修好似幾好,入到去, 我坐近廚房有d迫~~(幸好.....冇'板前'咁迫)d staff miss左order響度互相埋怨好煩..........

呢間野我上星期都食左一次r!我覺得ok wor!~唔算大家講得咁差r!~d 壽司ok新鮮wor~我地果日3個人去食~~可能我地淨係叫左壽司,冇叫湯,其他等等果d料理啦同埋d魚子,3文魚同天婦羅蝦卷(唔記得係蝦定咩)都好新鮮~佢日日都有好多人o係出面排隊ga~可能而家岩岩新開啦~唯一唔係就係果次個waiter o係我隔離倒潟左杯水lor~

侍應服務態度唔好!食物質數奇差!!-軟殼蟹手卷d軟殼蟹係凍嘅,一食落去成口油,仲係好勁油味-魚生全部係唔凍嘅,好唔新鮮價錢唔值,一d都唔抵食!!

9月17日2人到上址午餐, 到達時尚未是繁忙時間.今次係第2次去,上次已覺得唔正,諗住比多次機會佢啦,點知仲衰過第一次.食物: 壽司飯太酸,魚生片唔新鮮,又細件又簿,好難食.服務態度: 壽司師傅及服務員"超"唔禮貌.價錢: 又貴又無質素,勁唔抵食.