壽司派 (已結業)

那天﹐湊完表妹睇完戲﹐自己一個人於沙田新城市廣場覓食﹐自己一個隨便逛了一圈﹐決定進壽司派一試。因為自己一個的關係﹐很快就有位了﹐坐在迴轉壽司的吧台位。對比板前壽司﹐價錢是有過之而無不及﹐但這不重要﹐最重要是物有所值。拿了一碟Salmon sushi ($9)﹐Salmon切得頗薄﹐新鮮度不夠﹐感覺非常普通﹐壽司飯太“淋”﹐做不到顆粒分明的感覺。不甘心﹐再試一碟帶子sushi ($26)﹐帶子是還可以﹐但壽司飯是少見的難食﹐壽司飯望落去是一“舊”野的感覺﹐不是一粒粒的。我自己最接受不了這種壽司飯﹐決定埋單走人。評論不算長﹐但看完這個簡短的經過﹐相信聰明的大家都已經可以對這個壽司派作出一個結論了

前晚同老婆及囡囡一同到沙田新城市廣場行街, 見到有幾間食肆新開張, 於是就去左其中一間叫壽司派試下啦, 場面人山人海, 拿飛後大約等了一個鐘先有得食, 真係耐呀, 原因就係佢地都唔知點叫飛,得閒叫幾張細檯(2位), 又得閒叫幾張大檯, 使到遲來的2位檯的人重快過大檯的人有得食, 但其實裡面是有足夠坐4-8人,只不過佢唔知點叫, 毫無次序, 使到好多人無等就走, 。第二食物差, 但價錢和峰壽司差不多, 但食物就差一大節, 都唔知整咩壽司, 我寧可選元氣壽司都唔選佢,其次佢個格局成個Food Court, 都唔點解收這樣價錢, 此外我眼見人地個稻庭烏冬, 嘩了一聲, 點解少得咁可憐, 得兩片牛肉及兩啖烏冬, 價錢盛惠$38。最後, 就係衛生, 個個司傅沒戴口罩, 不停講野, 不停叫喊, 招呼客人, 但口水滿天飛。另外我眼見司傅用塊白布在廚房抹檯, 之後就拿去用水洗滌, 跟住原來先知道那塊布的用處原來是用來墊三文魚, 之後用來切魚, 此時又發現另一些污穢野, 就是那位司傅一直都無換手套, 由抹檯到切魚, 什至接到order整壽司, 一路都無換手套, 難怪當晚食的壽司裡竟然有毛髮出現。這樣的食

呢間鋪頭門口裝左個所謂顯示計，本來應該一睇就知派到幾號籌，但原來唔係，因為佢有好多隻飛，我明明未過，但等左一粒鐘後，原來過左廿幾張，簡直不知所謂。門口個物體仲好無耐性，真係好耐無見咁差勁的服務生。

7月4日,同honey行沙田,見city super下面個層開左幾間新店,由於我地兩個都鍾意食日本野,so 選左呢間叫"HIP SUSHI"首先,order最基本的三文魚sushi,一口咬落去,oh my god.....我從未吃過如此難吃的三文魚sushi,d 飯爛的,而且d飯仲熱的,邊度有人會用熱飯做sushi ka?!再來是海膽sushi,海膽貨色一般,但加上熱既sushi rice,始終難食.然後是三文魚子sushi,d三文魚子係一"劈"野咁,十分水,食完成隻碟都係橙色??只係食左呢三種sushi,已覺想攞我命,立即同honey埋單,此地不宜久留.p.s. 入去坐低冇人"針"水and打破碟.

星期日去左沙田新城市廣場行街街，4點鐘先食午餐，諗來諗去都唔知食咩好，見到有幾間新開的食店，裝修得都幾靚甘，於是揀左食壽司喇！！此店名叫「壽司派」，全店坐位不算多，但裝修簡潔明亮，感覺都不錯。坐下時發現坐位略迫，不過香港寸金尺土，依個情況都尚可接受。壽司種類不算太多，價錢屬中上，三文魚腩壽司$14-、三文魚軍艦$20-、赤貝壽司$26-、象拔蚌壽司$32-、魷魚壽司$14-、海壽司$32-。但係質素一般，無甚驚喜，而且壽司頗鬆散。價錢唔算平，食物質素一般都唔緊要，最令人反感係d衛生，依度d師傅居然無帶口罩，作為日本壽司餐廳，連基本的衛生都無….真係差到極。d師傅仲要不停甘講野，我完全感覺到佢地d口水直接落在壽司上，其中一個大口師傅仲一路不停講不停噴，見到都想嘔。傳菜個d…一路傳一路同其人講野…有d傳傳下菜，居然放低去執野…就擺就算。依間野真係不知所謂，我一定唔會再去。

尋晚同屋企人見呢間野新開, 就去食下..ok 多人排隊..雖然仍地d 壽司唔係難食,但迴轉帶空空如也無左'迴轉"個意義...另外, 坐左好耐都未有人斟茶..服務其實麻麻...

失望....先講服務：昨天行過見店子開了（打聽後完來昨日試業），就打算今日試一試。下午１２點５０分去到，當時店子全滿，正在派飛中，我拿了１８７號（當時顯示牌是１８４號）滿心歡喜快要等到，誰知.........我是在下午一點二十分方入座，何解？因為店方分兩種飛排，２人一種，３至５人又一種。結果，我們一直就見一些遲來的３至５不停入座（什麼２２３／２２４／２２５／２２６號），無論是吧或是圓，都是他們優先。我明白店方想做大客生意，但是，要其他早來的人等３０分鐘，而人數多的就不用等，安排未免不善。食物：我們２人叫了平目，吞拿魚腩，池魚，帶子，油甘，三文魚腩，三文魚子軍艦，蔥金鎗魚腩蓉軍艦，玉子整體上魚肉新鮮方面是可以，池魚／油甘魚／平目不錯，帶子普通（但友人覺得不好），三文魚腩我自己沒吃（自己不喜)，但見有白邊...看來店方不想浪費，其實三文魚腩邊應該切去，因易有蟲。第一碟見有黑點，要求換另一碟，店員亦換了新回來，第二碟仍見三文魚腩邊敗筆一：飯！十分糊，一咬，沒又飯粒感覺，只覺得一舊軟的酸東西，亦很濕．．令到ｏｋ的魚都不ｏｋ了..敗筆二：三文魚子，用可怕來形容，是出水的，三文魚子都是水旺旺，吃罷

知道L1終於re-open,昨日立即與友人lunch來試吓,放棄set lunch,散叫咗:1)蜆肉麵豉湯X 2-內有5隻蜆,中等size,肉嫩,1隻有砂,其餘都有鮮味-不過個湯就唔見得有蜆的鮮味,都喺麵豉味為主-ok2)牛肉稻亭烏冬-幾細碗吓,牛肉有2薄片-烏冬滑,質感未至於彈口,但都唔會腍-湯底如果以有牛肉來講,清淡咗d,唔濃肉味3)鹽墨魚壽司-友人未試過跟海鹽食的壽司,先叫客墨魚試吓-墨魚未見挺身,偏軟,更遑論咬口-海鹽真喺好鹹,少少就夠,好在沒有死鹹-1般4)池魚王刺身-聽朋友說現在是池魚當"做"的時候,而池魚王就更佳,店員check過有貨-1碟只有3片,好在份量唔算細,亦唔喺薄切-魚肉有色澤,入口咬落,肉質爽,有魚味,好新鮮-有質素5)鹽帶子壽司-帶子厚身,軟得來又唔喺"霉"嗰種,有甜味-這碟最大件事是個飯不是呈1粒粒,比1般外邊壽司店"淋",糊口。壽司飯可以做成咁,浪費晒咁trendy的裝潢6)軟殼蟹卷-1碟2件-飯面舖咗d黑色同青綠色好似蟹子粒的物體-ok-全店當然好新嚟啦因是新的,中間以壽司bar枱形式,旁邊是枱,之後是矮欄,沒有牆,所以好開揚,光猛-服務態度妤,總帶笑