壹.01

營業中

休息中

2:30pm後follow社交平台有9折優惠，所以星期六去吃了晚餐。吃了下面那麼多才原價$265 ，九折後$238.5，難怪無論外賣還是堂食的打工仔都大有客在😊🥭芒果魯肉飯 $60芒果配魯肉這個配搭好像有點奇怪，但實際異常地相襯！鮮甜芒果和紅薑絲等配菜，中和了有肥有瘦的魯肉帶來的油膩感。雖然點了少飯，但飯量依然充足😆🥩薑蔥排骨粉絲 $59所謂的炸排骨，幾乎都沒有骨頭，啖啖肉而且炸得脆卜卜，入口出奇地不油膩。拌上薑蔥，吸盡了醬汁的粉絲非常入味😍🍢台灣夜市小食拼盤 $45一次過滿足你三個願望：台灣腸略帶肥肉，非常惹味；花枝丸彈牙可口，清晰可見中間的墨魚粒；鹽酥雞香脆不油膩，小顆小顆叫人吃不停🤤💜邪惡蛋之戀（芋泥肉鬆脆皮蛋餅） $45總共有七件蛋餅，頭尾的蛋餅皮香脆得像春卷的脆皮一樣索索聲。蛋餅的質地Q彈得好像加了麻糬在內，加上軟滑的芋泥和肉鬆，簡直是經典不敗的配搭😋🥤全手作芋頭鮮奶（小杯） $21這個小杯比想像中的還要小…但好處是可以多留空間吃美食，另外這小杯的芋泥份量非常多☺️🧋黑糖珍珠鮮奶（中杯，少甜） $35可惜用了外賣杯，看不到內裏的模樣。覺得黑糖味可以再濃郁一點🤔

前日觀塘做完野，醒起之前朋友介紹我就過咗黎試下，七點鐘入座率有九成👍🏻店員介紹幾樣野，試完分享俾大家📌風琴豆腐牛肉飯牛肉幼滑，唔會乾爭爭風琴豆腐煙煙韌韌口感唔錯📌脆炸鮮奶 脆口奶香，好食 😋📌古早芋泥二文治 外層都係炸，芋決帶甜，一齊食非常夾，好食 🤤📌蘇子青瓜手撕雞 雞肉質地好滑，連雞胸都唔鞋📌牛肉汁煮風琴豆腐 encore 全手作芋頭鮮奶 芋頭鮮奶溶和一體，好滑，甜度適中，好飲👍🏻我會再光顧的一家台式小食店

手機落單顯示已經可以取餐 到左門口話差個小食要再等一等 一等就等左半個鐘 如果野食係未得的話 唔該就唔好話可取 係門口等左成半個鐘 非常失望的體驗 手機落單顯示已經可以取餐 到左門口話差個小食要再等一等 一等就等左半個鐘 如果野食係未得的話 唔該就唔好話可取 係門口等左成半個鐘 非常失望的體驗 手機落單顯示已經可以取餐 到左門口話差個小食要再等一等 一等就等左半個鐘 如果野食係未得的話 唔該就唔好話可取 係門口等左成半個鐘 非常失望的體驗

聽過呢間位於觀塘嘅台式料理好耐，今次終於去試吓～ 呢度嘅食物比較創新，配搭新穎，飯嘅種類有好多，小食都幾特別，而且價錢唔貴，味道幾好，幾啱鍾意試新嘢嘅年青人～ 而家follow 社交平台，晚市有9折優惠👍🏻🔸明明•我不是章魚燒 （6粒） $48係燒墨魚丸嚟，扮係章魚燒咁，都幾厚實彈牙！加埋鹹香嘅明太子醬，更加鮮味突出，幾好食！🔸炸鮮奶•芋泥二文治 $48平時芋泥三文治就食得多，呢個二文治係炸過嘅餅乾夾住芋泥，更加香脆！芋泥幼滑，唔會太甜！炸鮮奶都唔錯，香脆唔油膩，鍾意食炸物可以試吓～🔸熔岩蛋之戀 $45呢度嘅蛋餅好好食！今次試拉絲芝士火腿蛋餅，好多芝士！蛋餅皮同平時食開嘅有啲唔同，呢度煎到外皮有啲脆口，有啲驚喜！入面餡料軟棉，面頭仲有少少餅乾碎，加埋秘製醬汁，口感更豐富又惹味！🔸香蔥紫菜手撕雞飯 $59揀咗呢個配搭比較清新嘅飯，有好多手撕雞同香蔥，仲有啲酸菜同椰菜做配菜，撈埋一齊食幾好味，又唔會好肥膩～ 老公話加多啲麻油會更正😂🔸芝•芋頭鮮奶 $37🔸仙草豆奶 $19芋頭鮮奶好出色！勁多芋泥，棉密得嚟又有粒粒咬口，又唔死甜～ 芝士奶蓋都唔錯，厚滑鹹香！仙草豆奶叫少甜啱啱好！

呢晚嚟咗觀塘食台灣菜😋1️⃣101芒果魯肉飯（走蔥）🥭🍚 $60 (8/10)呢個係我其中一個最想試嘅～見有好多枱都有叫！魯肉飯配芒果真係好特別🤩 成功吸引本身唔太食魯肉飯嘅我☺️混入芒果令成碗飯變得更開胃冇咁膩，不知不覺就食晒😌 芒果配魯肉原來都幾搭，好有台式風味😊旁邊仲有紅色嘅齋絲同野菜令賣相變得更色彩鮮豔🌈0️⃣台北夜市小食拼盤（台灣腸、花枝丸、鹽酥雞）🍱 $45 (7.5/10)呢個拼盤可以一次過滿足3個願望😍台灣腸肥美可口；花枝丸大粒帶有椒鹽味；鹽酥雞香脆得嚟唔會炸得太過😋1️⃣我不是章魚燒（3粒）🐙 $23 (8.5/10)呢個最有驚喜🤩食之前以為自己會食章魚小丸子㗎嘛🍡點知唔係！🤣原來係花枝丸嚟！但個外觀真係十足十章魚燒，唔怪之得個名係「我不是章魚燒」啦😜花枝丸溝埋章魚燒醬真係好惹味🫶🏻0️⃣明明-我不是章魚燒（3粒）🐙 $25 (8/10)呢款係明太子口味😋又再次強調「明明唔係章魚燒」😗明明以為自己會食明太子章魚燒，怎料是披著明太子醬的花枝丸呢～明太子口味會比較鹹，上面普通章魚燒醬嘅會有多啲甜味😋1️⃣脆炸鮮奶卷•古早芋泥二文治🫔🥪 $48 (8/10)三文治就食得多，但二文治就真係第一次食

唔講咁多，直奔向食評：🍛101芒果魯肉飯$60魯肉方面，明顯地吃到五花部份和瘦肉部份，可謂肥瘦五五分配。因為滷肉汁自身帶鹹香，然後配上香芒，以為鹹甜怪怪，您就錯了，微微酸甜中和解膩，推薦🍥台北夜巿小食拼盤$45一盤有好多件鹽酥雞，台灣腸和花枝丸各幾顆，這個價錢算是抵食，西先生說台灣腸真的跟我們在台灣吃食一樣味道，花枝丸釀滿墨魚肉，墨魚香之餘亦很有咬口，反之鹽酥雞味道較淡口，它不是不好吃，只是喜歡濃味的我倆相比下較為遜色，始終人人口味不同嘛～🧈7.01熔岩蛋之戀-拉絲芝士火腿蛋餅$45ＷＯＷ，說到這裡，要大讚這道小食，佢外脆內軟，把粉漿上倒上蛋汁然後火腿芝士，一層層舖上然後卷起來，屆時粉漿已烤到脆卜卜，切成一口尺寸，記得襯熱食係最好味亦最有儀式感～拉絲~🍛603特盛薑蔥牛肉便當$77大家望下張相就知道這是一碗足料便當，好多牛肉呀！牛肉亦不是差的那種，而且配料多到瀉，菜莆、酸菜、薑蓉、蔥絲、鵪鶉蛋，而紅絲狀的東西我估係炸麵筋，我見到西先生一路食個樣非常滿足。🧋珍珠奶茶$25本身係西先生點的，我偷喝了一口，UM....味道不是我的菜，我還是喝我的黑糖珍珠好了🧋黑糖珍珠鮮奶$40超好渴，因為我

觀塘除咗塞車之外，都有好多好嘢食㗎~呢間由年輕人經營嘅平民、無味精台式餐廳佢哋嘅 signature 係芒果魯肉飯🥭 第一次嘗試呢個組合，估唔到甜美嘅芒果會同魯肉飯咁夾，撈埋一齊食好神奇哋係令個魯肉飯嘅膩感減輕咗，成件事更加清新！熔岩蛋之戀，唔係掌門人最愛嘅花之戀，而係超拉絲嘅芝士火腿蛋餅。呢度嘅餅皮煎得好香脆，脆卜卜嘅口感同芝士火腿好夾~台北夜市小食拼盤 - 一款有齊台灣腸，花枝丸同埋鹽酥雞。真係一次過滿足3個願望。仲要估咪都份量都幾多。3款入面最喜歡個鹽酥雞，無骨啖啖肉，調味唔會太鹹得嚟 keep 到 juicy 無乾澀感，如果加埋炸九層塔就 perfect~芝。芋頭鮮奶 - 又有芋泥又有奶蓋。集女生至愛於一身。芋泥口感綿密中又留有芋頭嘅咬口，加埋厚厚嘅芝士奶蓋滑溜帶鹹香，呢杯最大嘅缺點就係飽肚，所以要留肚飲 hahaha提下大家 只要 follow 佢哋嘅 IG， 2:30pm後仲有 9折優惠，好抵食~

香蔥紫菜手撕雞飯 $59拉絲芝士火腿蛋餅 $45炸鮮奶。芋泥二文治 $48我不是章魚燒 $23花枝丸 $16爆珠馬蹄椰子水 $36芝紅茶 $27🔸創意台灣菜Alert！呢間小店真係道道菜都有啲諗法，推介大家一試。例如炸鮮奶。芋泥二文治入面，前者真心好味，而後者係用小餅乾夾芋泥幾過癮；我不是章魚燒其實係章魚燒風味嘅花枝丸，有驚喜😁🔸拉絲芝士火腿蛋餅同樣幾有風味，做到地道水準。主食嚟講香蔥紫菜手撕雞飯我幾鍾意，蛋白質足之外，雞肉算嫰滑，成個飯嘅味道有啲甜甜地，夠開胃🤓🔸飲品方面爆珠馬蹄椰子水有特色，好少見，啱炎炎夏日飲；芝紅茶其實就係奶蓋紅茶，穩陣之選

下班同事一齊搵食，見呢間舖網上評分好高，就決定試吓。間餐廳係中海日升餐廳2樓，好方便。食物份量足又好味，下午茶同晚市仲有九折，抵食👍🏻👍🏻🍛 魯肉便當 💰68必試！魯肉唔係碎肉而係切細塊嘅肉塊，入口即化但仲保留啲肉嘅纖維感，一點都唔膩，真係超好味！仲有好多配菜增加口感，超鍾意鵪鶉蛋嘅味道～🍡我不是章魚燒 💰44呢個好好味啊！感覺係炸過嘅墨魚丸，唔油膩但好彈牙！上面嘅醬汁好香好好味！好推薦！🥩 牛肉便當 💰67便當堆滿咗厚厚一層牛肉～醬汁甜鹹適中，同米飯好搭～🍠🥛 全手作芋頭鮮奶 💰26都係最原始嘅食材香甜味道～芋泥量超多而且好綿密，同凍涼嘅鮮奶完美融合～🍠🥪 芋泥肉鬆脆皮蛋餅 💰45薄薄嘅餅皮酥脆可口，芋泥綿軟香甜，肉鬆香氣四溢，鹹甜搭配，充滿驚喜～

觀塘真係好多隱世小店，今次我地就去咗間位於中海日升中心嘅人氣台式小店👉🏻 壹.01 度開餐🍚壹.01芒果魯肉飯 $60魯肉飯就食得多，芒果魯肉飯真係第一次見😅魯肉肉質軟嫩，加上酸酸甜甜嘅芒果，估唔到食落又幾夾😋🍡明明·我不是章魚燒 $48/6粒個樣同章魚燒一樣，但原來係花枝丸😅花枝丸幾彈牙，加埋明太子醬真係似食緊章魚燒😋🍳拉絲芝士火腿蛋餅 $45芝士好多好成功拉絲👍🏻蛋餅煎得香脆，連埋餡料一齊食口感豐富🥪炸鮮奶·芋泥二文治 $48炸鮮奶好有驚喜，炸得好香脆😍一咬落去入面鮮奶好似流心咁好正😋芋泥二文治係炸芋泥夾心餅，芋泥香滑綿密，絕對值得一試👍🏻🧋黑糖珍珠鮮奶 $40/L呢杯係個女至愛😂珍珠煙韌，雖然有黑糖但唔算太甜，整體好好飲👍🏻🧋芝·芋頭鮮奶 $32/S睇落好似好邪惡，飲落唔算太甜芋泥份量都幾多😍啱晒芋泥控

今晚又去觀塘玩朋友的貓😂我們去之前決定先在附近解決一下晚餐～來到這間台式餐廳門口被餐牌上的芋泥蛋餅吸引了進去🤩結帳時店員表示追蹤餐廳IG可享有9折🌟芋泥肉鬆蛋餅的另一個名稱是邪惡蛋之戀😂爆滿的芋泥的確很邪惡🔥綿密香甜的芋香，真的一口接一口停不下來🙈 魯肉便當量很足👍🏻魯肉汁拌飯好吃～便當內的滷鵪鶉蛋入味好吃♥️芋泥二文治也同樣出色🌟用餅乾夾芋泥再炸得酥脆🔥口感香脆豐富，好好吃♥️外形很像三文治，但因為體積較少也不是用麵包，所以改名為二文治🤣手搖的配料量多，夠大杯，價錢不貴👍🏻

壹.01 台式料理📍觀塘駿業街56號2樓D號鋪中海日升中心————————————230pm後/openrice訂座/follow佢哋社交平台仲有9折！我不是章燒 （上） $23（3粒）明明·我不是章魚燒 （下） $26（3粒）食落有驚喜 佢真係唔係章魚燒其實係…花枝丸！原味上面有千島醬 另一個係明太子口味好新奇！ 可以一試仲要好貼心有3粒/6粒揀 就可以share食～小食拼盤 $45有花枝丸 台灣腸 鹽酥雞 口味正正常常～手作芋泥肉鬆蛋餅 $45佢哋不黝都係天作之合～肉鬆同芋泥鹹甜鹹甜～手撕雞便當 $67雞好滑 調味啱啱好 鐘意食手撕雞好推介！爆珠馬蹄椰子水 $36（大）鐘意飲椰子水唔好錯過！呢個每次嚟到都必叫 好fresh 同馬蹄爆珠好夾～ 夏天清熱解暑～雙檸冬瓜茶 $22（大） +$8馬蹄爆珠檸檬加冬瓜茶 酸酸甜甜好正 好解渴由於太愛馬蹄爆珠🫶🏻 其他地方都好少有 一定會加！————————————#hkfoodie #hkfoodblogger #hkfood #hkfoodshare #hkfoodblog #hkfoodlover #foodstagram #foodlov

今日去了觀塘 朋友介紹我地去，公司附近的台式快餐店。餐廳感覺是家庭風格。😋地點都好近MTRopenrice book 位會有9折😍😍我們點了台北夜市小食拼盤 $45風琴豆腐牛肉飯$57薑蔥蜜汁酥炸排骨飯$59芋頭肉鬆脆皮麻糬蛋餅$45珍珠奶茶（大）[+$5 仙草]$25+$5台北夜市小食拼盤 $45台灣香腸～好香好好味！鹽酥雞~炸得鬆脆。炸墨魚丸~ 外脆入軟。風琴豆腐牛肉飯$57風琴豆腐吸收曬牛肉汁好好味，肥牛肉質鬆軟，飯甘香軟滑。薑蔥蜜汁酥炸排骨飯$59排骨炸得鬆脆大大片的豬扒好滿足，味道剛好。芋頭肉鬆脆皮麻糬蛋餅$45好特別芋香加上肉鬆和麻糬。珍珠奶茶（大）[+$5 仙草]$25+$5

今晚放工唔想煮飯 買左平時成日叫外賣既台灣菜俾屋企人試下香蔥紫菜魯肉飯 魯肉飯滷汁鮮甜濃郁 加埋紫菜根本就係白飯神偷 蜜汁椒蔥排骨飯 排骨醃左粉漿 外皮炸到脆卜卜然後食到蜜汁既甜味 而排骨炸完都好軟嫩另外鐘意食辣既朋友唔可以錯過椒惹好惹味 又辣得過癮 仲有櫻花蝦做toppings 蜜汁排骨便當 便當同普通飯既分別係多d 配料同配菜好似 魯肉、 鵪鶉蛋、西蘭花 、菜脯等 全部都好好送飯 食量大既朋友仲可以叫特盛便當 手作芋泥肉鬆蛋餅 厚厚既芋泥 配上咸香既肉鬆 咸甜咸甜 好滋味 而且蛋餅咬落酥脆 口感更豐富 鹽酥雞球 岩岩炸起熱辣辣 賣相金黃配上適當既椒鹽粉 又香口又惹味仙草豆奶 中杯 加珍珠 雖然豆奶係固定甜度 飲落係我平時少甜既甜度 非常好 配左仙草同珍珠 口感好豐富 平日2:30 後follow 社交平台 就有9 折 唔係唔follow 呀？

🥭芒果魯肉飯 $60好新奇第一次見魯肉飯配芒果🥭，但系又好夾😂，芒果酸甜開胃，清新可以解油膩😝，魯肉唔肥入味多汁，仲有椰菜🥬、蘿蔔🥕、紅姜絲做配菜，配搭和諧🍡台北夜市小食拼盤$45小食拼盤有台灣腸、花枝丸🍡同埋鹽酥雞🍗，台灣腸肥身多汁爽口😆，花枝丸大大粒Q彈🦑，鹽酥鷄脆卜卜甜甜地，味道似麥樂鷄😝，一次過試晒三款小食好滿足🫔邪惡蛋之戀芋泥肉鬆脆皮蛋餅$45蛋餅入面有煎蛋🍳同埋滿滿芋泥餡👍🏻，芋泥綿綿口感，上面鋪左肉鬆，肉鬆鹹香加上甜甜的芋泥超邪惡🤓🥛全手作芋頭鮮奶 $26足料超多芋泥😍，加上順滑鮮奶🥛，仲要系0冰，芋頭控唔可以錯過.🧋胚芽豆奶 $19入面有胚芽，口感豐富，仲要唔貴好抵飲😉.✨觀塘都有101，主打台式小食，食物選擇多，2:30後仲有折，性價比之選，主張少鹽少糖，食得健康啲，誠意小店