影片
更多
2018-12-21
637 瀏覽
同朋友慶祝生日，搵左一間係大角咀酒店裡面環境好、價錢又合理的餐廳，天氣凍凍地最適合當然打邊爐啦。一行入餐廳，就知絶對無失禮，日式裝修，又可以揀坐室外。晚餐有好多set揀，朋友就揀左一set有藍龍蝦又有好特別的本地騸牯牛食的。湯底我地就揀左豬骨湯底，裡面配埋雞肶菇，非常清甜，同個龍蝦超夾！隻龍蝦有好多膏，啲肉超甜，完全唔使點任何醬，即刻落埋啲椰菜、金菇，忍唔住要飲兩啖湯，好飲到停唔到，飲完完全無口渴的感覺。食完海鮮，梗係到另一個主角騸牯牛，拼盤裡有牛舌、牛𦟌、牛胸爽同牛頸脊，另再配澳洲M4和牛肉同霜降牛。我平時唔係好食牛𦟌，嘩，呢個騸牯牛牛𦟌完全唔平時食開嘅唔好，係咁二放落湯滾兩、三下就食得，好爽，隻牛味好香，即係問下經理呢隻牛有咩咁特別，騸牯牛原來係每日係本地運送而且得十幾隻，絶對係限量版，跟手即刻試埋其他部位，都真係無得輸，牛魔王朋友食到停唔到要額外encore多一碟牛肉大陣。跟著就到食打邊爐唔少得的丸啦，呢度又點會只食到普通的丸吖！個set有6粒唔同特色的肉丸，分別係椒麻貢丸、墨汁墨魚丸、三星葱貢丸、濃汁牛骨牛丸、馬蹄木耳貢丸、薑汁皮蛋貢丸，粒粒的味都好特別，之前都無食過，我就最鍾
晚餐有好多set揀，朋友就揀左一set有藍龍蝦又有好特別的本地騸牯牛食的。湯底我地就揀左豬骨湯底，裡面配埋雞肶菇，非常清甜，同個龍蝦超夾！
隻龍蝦有好多膏，啲肉超甜，完全唔使點任何醬，即刻落埋啲椰菜、金菇，忍唔住要飲兩啖湯，好飲到停唔到，飲完完全無口渴的感覺。食完海鮮，梗係到另一個主角騸牯牛，拼盤裡有牛舌、牛𦟌、牛胸爽同牛頸脊，另再配澳洲M4和牛肉同霜降牛。
我平時唔係好食牛𦟌，嘩，呢個騸牯牛牛𦟌完全唔平時食開嘅唔好，係咁二放落湯滾兩、三下就食得，好爽，隻牛味好香，即係問下經理呢隻牛有咩咁特別，騸牯牛原來係每日係本地運送而且得十幾隻，絶對係限量版，跟手即刻試埋其他部位，都真係無得輸，牛魔王朋友食到停唔到要額外encore多一碟牛肉大陣。
跟著就到食打邊爐唔少得的丸啦，呢度又點會只食到普通的丸吖！個set有6粒唔同特色的肉丸，分別係椒麻貢丸、墨汁墨魚丸、三星葱貢丸、濃汁牛骨牛丸、馬蹄木耳貢丸、薑汁皮蛋貢丸，粒粒的味都好特別，之前都無食過，我就最鍾意椒麻同薑汁皮蛋，好特別，個味出奇地夾。
千呼萬喚的嚮鈴到啦，啱啱炸起黎到，當然即係夾一舊點埋隻酸辣醬即食，個皮好薄，咬落去索索聲，好味！再夾一舊落個湯到3秒就夾返上黎，好鬼正，索晒個湯，不得了，都係落湯好味啲。
再試下個蒟蒻麵條先，廚師切到好薄片，淥一陣得了，我加左日式麻醬食，好味，好似食梗雞絲粉皮咁，蒟蒻又健康又唔滯，廚師好有心思，加晒分！
最後又點少得甜品呢，係好有心思的柚子味日式蕨餅吖，朋友極度滿意呢一餐，仲話約定下次我生日時去返呢度試另外一個set添。
張貼
