境 (已結業)

餐廳：境 (觀塘)地址：觀塘開源道52-54號豐利中心5樓509號舖係觀塘捐完血，係工業區搵左間餐廳食lunch🍽，呢間位於開源道豐利中心5樓嘅《境》係新開無耐嘅樓上西餐廳，除左室內位置佢地仲有露天茶座⛱，雖然有少少熱，但我都唔想錯過可以獨處嘅機會，所以就揀左坐室外呢間餐廳嘅service非常好🥰，成班都係暖男黎😂，一坐低就主動講解今日餐湯同甜品係咩，每樣食物上枱果陣都會介紹用左咩汁，有咩餡料咁👍🏼，抵讚先黎嘅係竹炭麵包，鬆軟嘅麵包加上左蒜蓉、橄欖油同芝麻，令食起上黎更香😋；沙律用上火箭菜、橄欖、酸瓜等，因為我走左汁嘅關係，店員仲問我加唔加黑椒，真細心烤焗《宮崎》豬 $138Pan roasted Miyazaki pork fillet with mashed potato主菜擺放得好靚😍，豬鞍切成一片片，輕輕煎香仲可以蘸擺放左係旁邊嘅芥末鹽同藍莓汁，除左有薯蓉伴碟仲加左唔少紫菜碎條，好滿足最後仲加$18要左個甜品，係Tiramisu🤤，酒味香濃，賣相吸引，打卡一流

餐前來左個餐包餐湯同沙律，同一般西餐廳食既唔同，感覺佢連一個餐包都整得好有心。未食正餐已經覺得好期待，而今次就叫左2個set。😚烤焗<<宮崎>>豬 （$138）呢個真係超級超級好食！個果醬同個豬係超級超級夾！😆一開始仲驚會唔好食，點知係成餐飯我覺得最加分就係豬配果醬！正呀🥰香烤澳洲和牛腹側牛扒黃金蠔 （$168）個和牛真係好有口感，有種入口即溶既感覺，完全唔會覺得難咬。佢調味方面亦做得非常好，只可惜個薯角真係太喊，扣左小小分，不過個和牛真係極高質。😀

Weekend 行一轉工廠區找美食，咦，有優惠，更要試！哩間餐廳幾大下，有室內室外位。侍應好友善，服務非常好，跟得好足食物方面，只有讚點完食物，侍應就比左黑色garlic bread 我地吃（冇拍攝到）佢外香脆，內面有香香garlic 味食完，佢問re Ng refill ,因太好味， refill 了～牛舌，好厚不乾又好淋，，好開心吖，$6x 甘大算好好了Eggplant, 燒得剛剛好咁啦之後係大魚大肉個Column 叫左個豬扒（如圖）雖這個等得耐左少少，但絕對值得架豬烤得剛好我個人覺得，仲有肉汁。我下次一定會同多d朋友再來食

實不相瞞 我就去左2次<境>食野都係食lunch set 因為唔知lunch供應到幾點就打電話去問原來到3點openrice book位有7折呀 不過只限中：單點main menu第一次去食係去慶祝 第二次係男朋友話想食番上果間 由佢口中講真係嚇親我 因為平時佢好嘴刁 好少餐廳佢係覺得個環境好而野食又上品講番一入到去 環境舒服 侍應服務態度極好 1. 頭盤個麵包好好食仲有得加包2.個湯係會每次唔同 好飲3. Main dish叫左豬同牛 (我地兩次都叫左一樣既野食)個豬係有驚喜既 甜甜地又滑捋捋 個薯條配出嚟嘅味道好似章魚燒4.叫左杯latte加埋個靚境 咁就一日5. 食埋個甜品就大滿足 總括而言呢間餐廳我畀上品 冇time limited 但係唯一不足就係分量比較少

最近，轉手新開的日西西餐廳，環境舒適像一般小店，風格簡約。設有室內和室外座位。竹灰餐包麵包中間有橄欖油和蒜末，味道獨特口感軟棉，外層超香脆可口。可以再食幾口！忌廉湯入口順滑，不似即溶湯包沖。秘撈瑤柱珍珠炒飯瑤柱氣味超香超吸引，加上細細有帶子，足料又美味。加上珍惜飯，口感更是豐富和引人入勝。秘撈瑤柱大蝦闊條麵豉油鹹味濃烈，瑤柱香味仍舊充足，加上兩隻大大隻大蝦和兩隻細蝦，十分足料。味道有點太重口味，闊條麵充分吸收豉油汁，所以都幾鹹。一般。日式汁燒三文魚三文魚魚肉，外熟肉嫩，入口即溶。配搭上蝦米、大豆、椒絲的日式汁，既香口又健康。令人一口接一口，一流。烤焗宮崎豬豬肉肉質富彈性，油脂分布均勻，食起來滑潤不澀身。豬肉肉味齒頰留香。薯條也是炸得爽脆可口。比以前砌得太大件，口感變差了。不建議再食。法式油塊鴨脾鴨髀多肉但粗糙，外層煎得一般。香烤澳洲和牛腹側牛扒黃金蠔牛肉味道正常，算是軟腍，容易入口。**食嘢質素大不如前，退步非常嚴重，但可以一試。

今晚同男朋友喺觀塘搵咗間隱世新開張嘅餐廳，店內裝修有高級和舒服嘅感覺，服務都好殷勤。一坐低就奉上餐牌，講低有咩菜色今晚係冇供應，然後探熱，斟茶（係凍嘅玄米茶，超好飲啊！）落咗單之後會送上兩片餐包，係竹炭麵包，侍應哥哥介紹咗係搽咗自家牛油同橄欖油，個麵包皮亦烤得好脆，依個麵包已經好好味！（食一片唔夠喉，仲refill咗一次添啊～）男朋友叫咗個大蝦闊條麵，蝦好大隻彈牙，闊條麵用自家制XO醬炒過，但又唔會好油！我唔太肚餓就淨係叫咗一份香煎三文魚扒。一上菜，咦，竟然係有湯汁嘅？！好特別啊，個湯係味噌口味，仲有柴魚片，好日式嘅風味，我好鍾意！而個三文魚煎得啱啱好，又厚肉，非常滿足！因為食完好飽，所以冇叫到甜品就走lu~下次有機會再嚟試吓！

見新開張，評價也不差，即管去試試。點了一份豬扒，燒春雞及帶子。豬扒份量少得驚人，味道沒驚喜。燒春雞面皮的調味很咸，本想跟伴菜的蕃茄片一起進食，中和一下味道。怎料連蕃茄片也很咸。雞肉不粗鞋，挺好的。兩道菜放在一起，顯得盛載豬扒的碟毫不美觀及不相襯。為何不轉換另一隻較美的碟，現在似茶餐廳的碟頭飯。帶子不錯，有三粒，但味道也略嫌咸了一點。店員有禮，服務不錯。每道菜也送上一份餐具，有點過多了。最後整張檯放了5 set餐具。我們坐在餐廳較後和入的位置，附近有個不知是吾抽氣喉的物體，令到環境有點嘈吵。

生活太過侷促都想休息吓😣所以近近地去咗食lunch呢間餐廳有戶外位置可以坐一開頭有諗過會唔會太熱🥵但其實都唔錯有微風吹而且佢哋好貼心咁擺咗風扇🌬我叫咗個牛油果醬意大利飯伴鮮帶子🥑呢個lunch set有埋餐包沙律同餐飲佢嘅餐包估唔到係勁好味😍有自家製嘅蒜蓉醬同埋麵包好鬆軟☺️沙律就冇咩特別🥗意大利飯有櫻花蝦同埋帶子做配料係幾夾不過份量就細咗少少🤔最後加錢叫咗個甜品🍰是日甜品係tiramisu味道唔錯有酒味🤤伴埋旁邊嘅果醬食都幾夾呢度嘅員工都好有禮貌而且每送一樣食物都會介紹返👍🏻同埋佢哋都好細心會留意客人嘅需要所以呢間餐廳都幾高質

觀塘工廈有很多隱世餐廳，當中不乏高質西餐先前已來過豐利中心5樓用餐，印象中水準不錯。今天再來發現原來餐廳改了名字，菜式改為日式西式創意料理。食物：4.3/5整體食物質素高。▪️竹炭餐包沒想到外形黑色不大討好的麵包，竟然如此美味口感極為鬆軟、店員介紹麵包中間有橄欖油及蒜末，吃下去香口惹味，但帶少許甜味！是必吃之選‼️(如果可以買回家就好了)▪️慢煮澳洲和牛原先是Short ribs ，但因為賣完所以換成澳洲和牛。慢煮牛肉肉質超級粉嫩軟滑、肉汁豐富，即使每片都十分厚身，但用刀切開都毫不費勁。點五成熟剛剛好，外層略為煎過更香不過澳洲和牛始終牛味不及short ribs濃，希望下次再來可以嚐到和牛上面配有一大隻生蠔、鮮甜美味！伴碟薯條用蒜鹽調味，十分惹味。▪️玖洋甘菊、蔓越莓加菠蘿汁，味道酸酸甜甜、配上一串冰菠蘿非常醒胃

行開觀塘，同個friend搵到呢間新開嘅餐廳，就諗住試吓啦😉 環境都幾靚，我覺得坐得唔係好舒服，座椅🪑比較低。店員都服務周到。午餐Menu入邊有好多選擇都想揀，最後揀咗沙律，香烤澳洲和牛腹側牛扒黃金蠔 $168 配Latte + 甜品$18，沙津整得唔錯，幾好味，牛扒有少少韌，黃金蠔就正常，成碟都可以食哂，配菜唔求其，Latte就正常，拉花有待改善，甜品應該有加酒，我就麻麻地酒，但其實都好味既😉朋友既日本汁燒三文魚都正，我試左少少，入口即溶，無骨😘 食得好方便😉 仲有麵豉湯加豆，朋友都話好味😀 可以有下一次，如果想用到餐廳7折，記得單點餐牌，Lunch Set係無既，但店員無提過我地😅 埋單先知😅

在OpenRice 找找觀塘有甚麼好吃，找到此餐廳，便來試試。工廈餐廳多是地方闊落，這家不例外，甚至在戶外地方透透氣添！食物方面，今天餐牌如下選了宮崎豬扒及油封鴨髀。鴨髀外皮煎得非常脆，像是吃德國豬手一樣，甚有空氣感，好吃！豬扒配的蜜糖芥末汁也不錯，擺盤也ok。最後還試了甜品焦糖燉蛋，雖不及愛店那樣厚實，但味道都算中上啦。還有三粒冰菠蘿附送。店員說下次回頭幫襯，只要出示本次收據就會有9折，那麼好？！找天再來坐坐...

假期試新嘢, 估唔到工業區中都有驚喜. 店面環境舒適, 有室內和露天座位, 推薦室外用餐, 係觀塘區絕對少有; 食物方面, 由於有選擇困難症, 唯有靠老闆推薦, 主菜試了豬扒, 鴨脾和炒飯, 特別係炒飯, 夠足料!! 小食就試燒雞串, 最後仲有甜品, yummy🤤 只試幾款, 不過亦感到用心製作, 賣相和味道唔會比有名食肆遜色, 仲有幾款想試, 唯有留下次再試.再加上老闆和職員又好招呼, 餐前亦為食客提供潔手液. 環境, 衞生和食物都做到足, 絕對可以翻食👍

其實食左唔止依兩樣 但因為買相好靚又肚餓 食完先記得要影今日去食晏 餐廳環境幾好幾舒服，Staffs 亦好友善！而且餐廳仲有outdoor，大讚！食物確係有驚喜，好鍾意佢個南瓜湯，蒜蓉包亦好重蒜香味，仲有蟹肉牛油果芒果沙律配三文魚籽，口感好好亦無平時食沙律應該咁悶，好fresh! 仲有大愛佢個日式鰻魚配risotto，好特別既配搭，但又異常地夾同好食！餐廳好fusion同特別！都好值得大家去試下!highly recommend!

新開張同朋友去試新嘢，觀塘區難得有❤️做嘅小店。老闆好好人，食得出每道菜連配菜都有用心機去做，唔係罐頭嘢。物超所值，六道菜每樣都好出色。尤其鰻魚意大利飯超出預期。一定會再去食！北海道帶子沙律，有少少柚子調下味好開胃。粟米湯超好味超甜！正！蝦好新鮮😋😋鰻魚risotto, 我麻麻地食魚都覺得超正！！！呢個比老闆笑我點解可以讚個蕃茄多過個主菜豬扒。我話主菜好食係正常，配菜好食係加好多分架！Bonus😋😋最後甜品tiramisu為今日晚餐畫上完美句號😍😍

首先賣相已經好吸引，流曬口水，意大利飯同流心蛋入口即溶，飯粒軟硬度岩岩好，唔似出面果啲係就超林patpat 因係就硬粒😎😋😋同配料都運用得十分夾，個香味同味道係夾的😍😍😍至於我最 喜愛嘅鰻魚呀 有驚喜呀 係我鍾意既果隻高級 正宗既鰻魚味 唔似有啲造假同賣唔靚既 大推都係鰻魚控 鍾意食呢味既你！！加上店內環境清潔度良好，音樂怡情舒適，岩曬同朋友聚餐🤗