塚田農場 (已結業)

之前試過㙇田農場既美人鍋，近日發現lunch 除左美人鍋仲有壽司set同丼set😯DIY sushi set ($178)賣相就一流啦，有好多配料同醬汁比你自製壽司 ，幾好玩味道都唔錯，但男仔應該會唔夠飽😂鰻魚玉子丼set 連小食& 蕎麥麵 ($148)照燒三文魚太乾；蕎麥麵太淋，湯又冇味玉子鰻魚丼係煎蛋加三小塊鰻魚🙊好失望🤦🏼‍♀️

是日友人生日，買埋蛋糕同朋友黎到依間新開既塚田農場，餐牌種類不多，但每道菜擺放都好別緻，拍得住喺日本既餐廳，本來想喺餐廳切埋蛋糕，一問之下，切餅費要成$150（喂～我個蛋糕都係兩舊幾姐，唔洗咁貴呀麻？）仲要佢地個雪櫃放滿野，冇得同我雪蛋糕，姐係明叫我唔好喺到食， 高招！

滑過豆腐嘅湯底👍👍👍～～～～～～～～～～～～～～～～～～之前去海港城試過一次，今次開左係沙田就試多一次，食物水準提升左，服務亦都好好。～～～～～～～～～～～～～～～～～～♥️美人鍋（$380）初頭係好似一個布丁咁放咗係個鍋度，開咗火爐之後就熱到溶咗，配雞肉、雞肉丸及多種蔬菜，一餐飯淨係叫依個都夠晒飽。♥️海老天婦羅脆脆卷（$78）天婦羅的確好脆，蝦肉新鮮。♥️帆立貝玉子壽司卷 （$78）帆立貝鮮甜，但玉子的味道不夠突出♥️西京漬炭燒豚肉（$280）價錢略貴，份量較少，但夠厚肉，炭味重，略肥。～～～～～～～～～～～～～～～～～～塚田農場地址: ‪沙田沙田正街18號新城市廣場1樓105號舖‬Follow 👉 @hangryfoody.dy

又去最多人嘅沙田新城市廣場食晏，知佢近排轉換過好多新餐廳，塚田農場也是其中之一，可能尚算早，我十二點半左右到唔駛等位即可入座。餐廳設計簡潔，座位寬敞，每檯都設有電磁爐。而門口旁就設有大玻璃窗可觀賞廚師即場烹調沙律及冷盤嘅食材。店員服務勤快，未需客人開聲他們會不斷為客人加添開水，抵讚。沙律菜爽脆新鮮。鰻魚丼御膳凍蕎麥麵夠爽口，豆腐有豆香，雞塊都嫩滑但鰻魚唔夠肥美。DIY壽司御膳九格食物盒，賣相吸引令食欲大增，而每款食材只得一口，啱晒細食既人，但魚生都係一般。熱咖啡

塚田農場終於進駐沙田! 今日難得湊巧全家都放假所以就來一嚐其午餐，weekday的12點來到人不算多，我地坐進卡位，位置十分舒適。一望餐牌已經被DIY壽司set豐富的食物吸引住，我地共叫了兩個壽司set及一個鰻魚丼set。每人一客餐前沙律DIY壽司set一上菜已叫我地十分興奮，食物擺放得十分精緻，魚生及送飯配料的下層是9碟迷你小吃，上至冷盤，下至天婦羅炸雞都有，未吃已經滿足了視覺的享受。最特別是套餐提供紫菜及壽司飯讓我地自行配撘魚生DIY做壽司，玩味十足。雖然食物味道未有太大驚喜，但擺盤設計就已經挽回不少分數。另外的鰻魚丼set我地點選了配炸雞及冷蕎麥麵，主打的鰻魚份量超少且薄身，反而炸雞炸粉做得很薄而且肉質juicy，蕎麥麵亦煮得不會太冧而有口感，整體來說食物質素尚算中規中矩。套餐包冷/熱餐飲一杯

同老公行街 見到新餐廳 梗係要試下啦🤗餐廳係黎自日本連鎖店 滿心期待！餐廳最出名嘅就係美人鍋 嚟到緊要試吓啦🤤因為老公好鍾意食牛肉 所以我哋叫咗個牛肉美人鍋！員工服務態度好好 會幫我地調教湯底 而且會幫我地放晒所有食材落個鍋上面 排得靚靚的 等我哋慢慢品嚐🤤餐廳出名美人鍋 用日本走地雞所煮成 🐔咁當然要係食之前試吓個湯底啦 唔知係咪佢加咗甜豉油 所以完全食唔到雞既鮮味 有點失望 😞食物方面例如菜同牛肉各樣野都好新鮮 但味道唔算太出色。日本連鎖加上價錢真的不算平 所以令我對餐廳食物滿心期待 可能期望越高 失望越高 真的唔會再有下一次😩

今日又去試新野，lunch時間去到大概1300都唔洗等位。 去到緊係要試下個美人鍋啦，揀左個最平既試試伏先（之前中得太多伏）🙈 行過見到個炭爐，決定叫多個炭火燒雞！ 先黎左個湯底，成舊jelly咁上枱，溶得好快，好黏好稠身！湯底溶左7成，美人鍋既食材都黎啦！擺碟好整齊，枱枱既擺位都一樣，疏菜望落好新鮮，雖然個鍋二人用姐，都唔洗款款菜得個兩條呀ma... 等湯底完全溶哂，有職員會黎serve你。先係一人一碗湯底試試味先，好香雞骨味好黏口，飲落似係加左小小味精，但相信都落左唔少心機去煲。 職員再幫我地整齊咁將所有材料擺放係煲中，先係用湯浸住d半生既雞，再將疏菜擺面，一d都唔馬虎，值得欣賞未食已經有驚人發現... D雞附送雞毛一條...之後食食下發現兩三舊都有... 講下個味道先，個雞同白切雞冇分別，唔會有特別香或者咩感覺，好普通... d菜樣樣都好新鮮食落香甜，但職員冇特別介紹d菜，所以都唔知咩黎。 成個美人鍋最欣賞既係個湯底，相信加個飯變泡飯會唔錯（我地試左個拉麵，唔QQ，可以不試） 個炭火雞好香！侍應會即時刨山葵，望落好硬身，侍應都好用力刨。 食落個雞好juicy有淡淡既炭味，加上山葵

諗住有新野，門面吸引就試下一入去打開餐牌選擇唔多，價錢貴，但都尚算吸引見到人地個鍋麻麻地諗叫佢招牌雞食下嚟到個樣麻麻地又細碟諗住好好食，點知，黑色果啲苦既似鑊燶，無雞味 得鹽味，呢碟野100 蚊都俾多佢再叫左個天婦羅🍤卷⋯天婦羅向邊我唔知，無味道，好細件，蝦係平時爭鮮熟蝦，我影都費事。再叫左個和牛沙律，話係和牛就一定唔係不過不失。但完全唔係好食。三樣野埋單600 蚊，食唔飽唔滿足。一定唔會有下次。唔怪得晚市無人排隊

下個月去東京，所以上網做咗啲research，見到日本有間食雞嘅好出名，我同老公都係食雞之人，甘啱原來香港都有分店喎，咁就一於去試吓啦！我地去左沙田分店，佢地冇訂位，要排隊拎飛，好彩吾爆場，有位吾駛等！lee個係湯底，好似「濃湯寶」甘佢仲叫我地滾起之後，飲啖試吓...冇乜味冇睇錯，得三舊冇雞味的雞😤😤呢個甘有藝術色彩嘅火鍋，係侍應幫我地擺，佢攪左成5分鐘，手都震埋...點解打邊爐唔係我自己放野入去嘅？我加左份牛肉，二百幾蚊同平時放題嗰d差吾多全晚最好味係lee個雞，我擇左鹽味👍🏻👍🏻整體係一般般，張枱太細，食火鍋張枱太細放唔到野，加上有個侍應上第一碟雞嘅時候，因為空間太細，所以俾佢打爛咗！價錢都吾平，兩個人食左1300蚊，吾值👎🏻仲要限時90分鐘，我哋又唔係食放題😫😫

呢間野真係食得屎，呢碟炭燒雞228蚊，你老豆，係人係鬼小學生都知，炭燒一有雞油的落d炭度要拎開，佢老闆佢火中燒，成碟雞都係油煙味，呢啲咁嘅西野＄228蚊。其他野都係一般

約了沙田新開的塚田農場 印象好似係日本食過的，但感覺好味過日本食的兩個女仔，餐牌都有好多選擇最後點了一個美人鍋再加烏冬 濃雞湯起初似一舊凍jelly 煮溶後個湯底滑到好像有好有膠質之後上埋首野食 比人靚相打卡之後有靚靚日本女侍應好有心機幫我地排好d野食落鍋d雞係鍋底，好滑 而且份量夠食 服務裝潢值得再去

之前經過LCX 聞到好香火鍋味碰巧沙田也開了 就抱著滿心期待的心情去試結果。。。Menu 中的火鍋只有套餐，除了拉麵外，亦沒有其他火鍋配料可加我們點了個美人鍋 鍋物大部分都是蔬菜 當中也配有幾件雞件、雞滑兩條雞件可以說是普通白烚 什麼味道也沒有唯一加分地方是服務員大分體貼地幫手放進配料總括而言，不會有下次，亦不會推薦

新開餐廳。試新野週六早上12:00.......仲有好多坐位1）環境：卡位四人坐，都好鬆動，舒適 有一半坐住卡位，清靜舒服2） 服務： 日式餐廳，服務高質，有禮貌，回應都好快。主動倒水，放碟....3） 味道 ： 》豬肉飯團🍙 - $38。濃味醬汁，合格》 美人鍋 -$380 +$15 拉面 🍜 湯底滿分， 好濃好膠質，夠清甜，可能清湯、香味沒有很突出......清飲都已經 好正。 配 小雞🐤 雞肉丸 兩條，一些豆腐菜 店員主動幫忙放入鍋中......菜吸收 湯味，超甜 ，雞件一般，沒有雞香，反而雞肉丸 好味點，調味幾香》 甜品 兩樣： 但超乎想像的.....細碟😑😑 朱古力咁細既size 味道一般，試一次就夠4） 性價比 ： 一般。 美人鍋好食，其他炒飯，壽司，甜品 都很精美......份量異常地少可以一試。但大食既朋友仔，請打底先好去😂

一間很昂貴的餐廳，每位消費起碼要200元以上，只能坐90分鐘的。知道新城市廣場的食鋪，鋪租比較貴，所以要做多一轉的服務。我和媽媽2人，在5點30分便到達餐廳，這麼早，當然可以坐卡位啦！細心看餐牌，美人鍋都要380元，給2人份量，如果要牛肉美人鍋，就要580元，根本不值這價錢。因為份量很少，蔬菜量也很少。只是牛肉質素，選用較優質的外國貨，值得嘗試。壽司份量又超精緻兼細件，完全不值。食物份量，基本上我覺得只可以為適合2個女仕的份量。梳乎厘玉子燒，又不是一個很美味的，像蒸水蛋的，沒有驚喜。說真一句，當餐廳有蒼蠅飛過，又可能近路面，說真不能接受。希望餐廳多改善~餐廳職員，只懂行行企企，不懂服務。 希望餐廳職員，多多改進。

尖沙咀的塚田農場開了良久也沒機會幫襯，是日以商場App取票，竟然無意中一嚐日本農場滋味！二人的晚餐，怕點了招牌的美人鍋後吃不下其他東西，還是放棄美人鍋點幾款a la cart吧走地雞為是晚推介！以熱騰騰的鐵板奉上，隨後店員在客人面前將白色的山葵一片一片地削到食材上，頓時加上了觀感的享受。這種山葵一點也不刺鼻，只有香味，配在炭燒的食材上蠻搭配的！炭燒走地雞 (山葵味) $228走地雞肉質彈牙，廚師沒有下太多的調味已能將清香的雞肉味帶出。雖然價錢是有點昂貴，但值得一試汁燒牛肉三文魚子壽司卷 $118一客4件的壽司，精緻非常。牛肉燒得半熟，有tartar的口感，配上顆粒較細少的三文魚子，一口一件，味道不俗！NOJO炒麵 $88餐牌中主食不多，點選了NOJO炒麵，味道到位，是一般日本風格的炒麵，麵身亦彈牙日向夏Orange Soda $48飲品選了較清的日向夏Orange Soda，唯日向夏糖漿份量太少，慣吃少甜的小妹也認為口味偏淡，希望餐廳可以改善一下。