堡品牛腩 (已結業)

📍沙田石門 堡品牛腩📍一班朋友玩，叫外賣食晚餐，留意到呢一間牛腩河，好似好多款牛，幾專業咁。於是就試咗牛坑腩同埋崩沙腩，配幼麵。果然冇揀錯，牛有濃郁牛味，肉質唔會老，啖啖肉，唔痴牙，好好食！好在有揀到呢間！

茶餐但不包飲品，好味，牛雜內有牛榜丶牛腸丶牛肚和牛肺，樣樣都滿意，口感適中充滿牛味，好似返咗去小時候食過街邊牛雜車仔，見到有巴東熱狗包試吓叫一個，嘩．．．．有驚喜，巴東味好正宗，小辣！食後半小時味道仍在內，第一次幫襯好滿意👍🏼

去睇中醫，諗住近近地試吓，碗麵嚟到見到細到咁，真係好失望，食完一啲都唔飽，$46仲以為係下午茶，加$8有飲品，味道過得去，不過食兩碗都未必飽肚，埋單時比張印仔卡我，心諗唔會再去，費事浪費張咭！

第一次用打邊爐方式咁樣嚟食牛腩，估唔到又真係幾好食。我見餐廳牆壁壁畫介紹，要用85度嘅溫度， 咁牛腩就可以做到油脂入口即溶嘅效果，一路滾住咁樣食，牛味又真係好香濃，牛油感覺又真係均勻啲突出啲，都幾有趣👍🏼👍🏼秘製牛腩固然之好食，啲肉質好柔軟🫶🏼🫶🏼麻辣湯底都好出色，好惹味！火鍋入面仲有好多白蘿蔔，雖然食到有少少根，但係超入味，超林甜🥰🥰如果唔想整個鍋慢慢煮，簡簡單單叫碗麵又得。屋企人就揀咗碗牛三寶撈麵，咁就可以一次過食到牛腩，牛筋同埋牛肚。牛肚非常入味，牛筋份量比較多，係補充骨膠原嘅好時機！味道唔會太鹹，唔錯。如果想重口味啲，又可以放入火鍋吸收下啲辣湯，超正😎😎或者試吓佢哋自家製嘅辣椒油，都幾香！

餐牌內有十分精彩嘅特式牛腩選擇，牛腩麵見得多，火鍋、煲⋯⋯真係罕見啲😋涼拌木耳～辣味適中，而辣油嘅份量唔多，感覺會比坊間嘅健康，爽口開胃🤤醉酒雞翼～雞翼是冷盤，酒味香濃，酒香在口腔內游走，雞皮雞肉都較為結實。腐乳通菜～腐乳味濃郁，通菜仍然呈翠綠多，賣相同味道都唔錯韭菜餃～餡料肉嘅成份會比較多，餃皮唔厚，口感非常豐富崩沙腩～牛既部分最為珍稀，口感軟腍而牛味香濃。牛三寶～有牛肚、牛筋同埋牛腩，牛肚爽脆，牛筋擁有食得出嘅骨膠原😆牛腩，如果相比崩沙腩起既口感會略為遜色。糖心蛋～必須一上枱就要食，如果唔係會比湯浸到逐漸熟透，蛋味香濃，蛋黃呈流心狀👍🏻

石門既京瑞廣場愈來愈多不同食店進駐，馬鐵沿線既朋友真係唔憂無野食，今次就試下一期商場呢間牛腩，見佢好特別咁用火鍋形式做牛腩煲， 一於要試下店內牆身有塊好大既圖畫解釋點解要煲住啲牛腩來食， 佢話保持85度係最好， 由頭食到尾， 諗下平時啲牛腩未上枱之前都係放係啲汁水度不停咁熱緊， 又好似好有道理咁🤨牛腩煲有大有細， 一個人都可以食個一人份， 湯底都三款揀， 今次無加錢，就咁叫豬骨湯底，牛腩都有好多款可以揀， 加10蚊揀左牛坑腩，然後再有配菜揀， 最多可揀兩款牛坑腩有6-7大件，肥瘦平均， 牛味濃，原來keep住慢火煲住佢食到最尾真係幾好蘿白又係勁多件， 無渣夠淋，吸哂啲湯既味，最佳配菜另外配菜既牛丸，係爆汁牛丸， 非常juicy, 果然係專做牛既食店，讚👍🏻

屯馬線開通後，去石門超方便快捷！今日就同朋友去石門行行順便覓食… 在京瑞廣場一期二樓有間專門食一人一牛腩火鍋😜 一人火鍋，湯底有豬骨湯或麻辣揀，而主食有牛腩或牛雜或牛筋或崩沙腩等等選擇，然後可以再揀多2款配菜🫢我揀咗豬骨湯，主食就揀咗牛筋，配菜就要魚皮，鮮蝦雲吞和追加了潮州牛丸😁 牛筋超腍滑，白蘿蔔好入味，魚皮很香脆！鮮蝦雲吞和潮州牛丸都不錯！ 炸芥末醬牛腩，牛腩雖然是炸，但入口軟腍，味道不錯！ 五香牛雜粗麵，有牛肚，腸，2塊膀和牛肺都有4件🤭不錯！

近日天氣好濕，好想食啲熱辣辣嘅嘢。同朋友行完山入到京瑞廣場揾晚飯食，見到有個餐廳門牌「堡品牛腩」好大隻牛牛logo好可愛！一於食牛腩煲，食粉麵！揀選左一個好方便一人牛腩煲，套餐包一款牛、兩樣小食。今次牛方面揀選左牛抗腩、小食就揀左魚皮同生菜。你亦都可以揀牛內臟、牛筋等等，可以滿足到牛愛好者！牛腩係牛身上脂肪最多、肉質最嫩的部分，太多選擇未知揀咩嘅朋友，可以跟我叫呢款，包你唔會後悔。煲入面仲有白蘿蔔，越煲越入味！魚皮份量比一人份更多。可以同朋友share! 掛住同朋友傾偈，但岀奇地牛腩煲耐左都仲好好食！朋友同我都好鐘意牛，另加多款炸芥末醬牛腩，款式好新穎，上台時覺得佢十足台灣小食，賣相好吸引。估唔到味道幾岀乎意料之外，牛腩肥度適中一啲都唔「un」，外皮炸得剛剛好，同本身塊皮二合為一，絕對推介你食！為咗滿足愛澱粉質嘅朋友，我地都叫多左碗魚三寶米粉。魚三寶包埋魚旦、厚魚片及魚腐，份量十足都只係$58，魚腐都有三大個，厚身得嚟仲好入味！

雖然石門有好多食肆好多選擇，但係食嚟食去都冇一間岩心水，見呢間舖面幾乾淨企理，又見 openrice 多 😋，就入去一試。睇佢餐牌真係幾多選擇，冷門啲嘅部位都有，叫左牛沙瓜同牛筋米。一上菜嘅感覺就係好少，其實唔知牛沙瓜喺咩，不過都即管一試，點知係成碗嘢都冇味，牛無味，腩汁又無，連湯底都冇味 🫠 成碗野仲要成70蚊，如果以自稱牛腩為專家嘅鋪頭黎講，呢碗野真係好失敗。落單店員態度一般，但係收銀姐姐都有禮貌。成間店最靚嘅就係個餐牌，不過都係冇下次，呢個價錢我寧願落番去大快活食好過 🙄 再睇番食評，俾 😋 嘅多數喺等級高嘅會員，咁就更清楚點解 😋 多過 🥲 了

石門特色牛腩一人火鍋🫧☘️🌈✨牛腩麵吃得多，以火鍋形式融入港式麵餐，有創意有新意，且份量十足，且性價比高。《一人火鍋套餐》$88可自選牛腩的部分，當然爽腩、崩沙腩的位置需另加錢，另外配搭兩種配料，相當抵吃！是次選擇了以豬骨豬底，配上崩沙腩，需另加$15，崩沙腩大約有120g，切成六件，件件也厚肉大件。此外，配料方面選了生魚腐和新鮮唐生菜，一人火鍋，吃得很滿足！追加配料也有很多的選擇，包括有多款無激素的肉，例如：牛舌芯、豬爽芯等等，全是有營之選。是次我追加了：《紐西蘭全草飼牛腹芯》$78全草飼養的，來自紐西蘭的牛腹芯，份量也多，而且牛肉易咀嚼，是不錯的選擇呢！份量大約有約200g！此外，我更配了一份《生米粉》$15本以清湯送上的米粉，可自行加入到火鍋中，與湯底融為一體。除了一人火鍋外，其他單點的粉麵或飯類也很出色。有碗名為牛魔王 的粉麵，相當豐富！《牛魔王》$ $72牛魔王包含了多種牛相關的食材，包括有：牛腩、牛筋、牛肚，牛腸、牛膀、牛肺、沙瓜及牛丸。若是喜歡吃牛內臟的朋友必定很開心！非常豐富！麵方面更可選撈幼面，跟湯，只需加$6。此外加多一份菜心，也只是$15，這個套餐很飽！👍🏻總結：特

試新野有機會中伏但無諗過咁誇張見到呢度咁多好評唔明白啲人究竟係咪食緊同一間餐廳夜晚去到得一台客 已心知不妙叫左一個308既牛雜火鍋成個鍋數埋每一款都冇8舊仲要每一舊都細細舊咁除左墊底既蘿白勁大舊令個煲好睇四款丸每款兩粒正常但個湯底得個咸字 食到一肚氣 估計拎去叫曬牛雜面會有更多牛雜已經唔計個餐 係無麵叫多左個坑腩麵面係ok 但啲肉鞋到唔識講 唯一好食既係辣椒油 無試過食完一間餐廳落差大到咁希望多啲人知道唔好中伏

見新開張嚟試下，呢間主打係食牛腩，咁我唔鍾意食太瘦的，咁落單時就要求要肥少少，唔好太瘦，咁侍應就只說盡量安排，說因為牛腩是一包包來的，要開咗先知肥定瘦，我聽了已經估到中伏了，主打牛腩，竟然唔係即煮咁我再要求多腩汁，點知上枱既牛腩河，份量很少，男仔應該唔夠飽，仲要48蚊一碗，加腩汁的就加了沙嗲汁，估計應該是一包包來的貨，廚房跟本沒有腩汁味道方面，牛腩唔un既，不過唔香亦唔入味，只能說粉麵軟硬正常，湯底唔ok，又唔係清湯又唔係五香味最後食唔晒離開，唔會有下次

今午第一次光顧此店，門外見有「爽脆坑腩」做賣點，而且打正「牛腩」旗號，心想應該是專門店，就入內幫襯試試，叫了一碗$66的「限量頂級雙沙」，試試坑腩和牛沙瓜的質素。上枱眼見幾件「淨肉」，「坑」都無條，心知不妙；再看牛腩和牛沙瓜比例1:2，感覺已被抽水。先飲湯，湯頭淡口無味，再食所謂的坑腩，頂！入口「鞋颯颯」，好似食煲湯肉渣，牛沙瓜都唔知煲咗幾耐，全無口感。唯一正常的，是「河粉」！這樣做生意，真係無下次。

天氣一凍，我會特別想打邊爐，而今次被我搵到呢間鹵水牛腩專門店，食完個暖笠笠牛腩煲之後，仲可以打打邊爐淥丸淥菜食㗎，係咪好特別呢？秘製牛腩煲 (HK$308)．我都係第一次以打邊爐的方式食牛腩煲，而這樣可以保持85度，是店主覺得是最佳食牛腩的熱度。牛腩也真係好入味，牛味濃郁而不膩🫶🏻．食晒煲裡多條軟腍又爽口的牛腩和甜美可口的白蘿蔔之後，加返啲清湯就可以淥其他嘢食．這個2人餐仲包括牛丸、魚蛋、墨魚丸、魚腐(各2粒)和生菜、炸魚皮(各1份)．肉丸魚丸都真材實料，多肉少粉，口感比較彈牙爽口．生菜新鮮、清甜，炸魚皮就脆口，不太鹹，淥一陣間就食得啦*魚腐 (+HK$20/4粒)．追加這款因為我喜歡食魚腐*魚皮餃 (+HK$25/4粒)．大大隻，外面層魚皮是剛好的厚度，有彈牙煙韌的魚皮，餡料也好豐富豆漿 (+HK$12/支)蜂蜜綠茶 (+HK$12/支)餐廳免收加一服務費，不過店員有少少漏單，服務質素也有改善空間。另外建議餐廳可以考慮提供多一些蔬菜食材比食客點嚟打邊爐 — 例如豆腐、響鈴、芋絲、有葉蔬菜等等，令飲食均衡啲吧😄*餐廳環境都好乾淨，坐得舒服。

聽得多牛腩麵，但係仲有牛腩煲平時行過都諗住試吓呢間舖頭，今日同屋企人一齊打一個牛腩邊爐啦仲有配菜一齊，仲可以追加更多火鍋食品！牛腩煲超級入味，份量絕對唔少牛腩非常之容易入口，加上湯汁如果唔夠湯，仲可以叫佢哋加環境好舒服，好乾淨同埋明亮本身裏面仲有好多蘿蔔，鮮甜多汁所有配料都可以配上手炒辣椒油香濃嘅牛腩真係熱辣辣好似個砂煲咁樣配菜方面，有蔬菜同埋牛筋丸牛筋丸係我超級驚喜，因為好彈牙，有濃郁香味同埋呢度嘅魚皮都絕對唔錯好爽口好脆！呢個套餐絕對夠兩個人食，所以最後都唔使加野飲品都可以揀豆漿或者茶類飲品啦