堡品牛腩 (已結業)

近日天氣好濕，好想食啲熱辣辣嘅嘢。同朋友行完山入到京瑞廣場揾晚飯食，見到有個餐廳門牌「堡品牛腩」好大隻牛牛logo好可愛！一於食牛腩煲，食粉麵！揀選左一個好方便一人牛腩煲，套餐包一款牛、兩樣小食。今次牛方面揀選左牛抗腩、小食就揀左魚皮同生菜。你亦都可以揀牛內臟、牛筋等等，可以滿足到牛愛好者！牛腩係牛身上脂肪最多、肉質最嫩的部分，太多選擇未知揀咩嘅朋友，可以跟我叫呢款，包你唔會後悔。煲入面仲有白蘿蔔，越煲越入味！魚皮份量比一人份更多。可以同朋友share! 掛住同朋友傾偈，但岀奇地牛腩煲耐左都仲好好食！朋友同我都好鐘意牛，另加多款炸芥末醬牛腩，款式好新穎，上台時覺得佢十足台灣小食，賣相好吸引。估唔到味道幾岀乎意料之外，牛腩肥度適中一啲都唔「un」，外皮炸得剛剛好，同本身塊皮二合為一，絕對推介你食！為咗滿足愛澱粉質嘅朋友，我地都叫多左碗魚三寶米粉。魚三寶包埋魚旦、厚魚片及魚腐，份量十足都只係$58，魚腐都有三大個，厚身得嚟仲好入味！