堡品牛腩 (已結業)

Beef brisket,Beef beef offal restaurant@Shek Mun, Sha TinMy families and I went to a restauralocated in Shop 223, 2/F, Kings Wing Plaza 1, 3 On Kwan Street,Shek Mun, Sha Tin沙田石門安群街3號京瑞廣場1期2樓223號舖This restaurant specializes in beef brisket(has different cuts of the beef body!!) and Beef offal which has a very limited supply and hard to find in other restaurants!!..-Skirt steak(崩沙腩／爽腩)-Beef trio(牛三寶)-Abomasum(牛沙瓜)-Boneless short rib(牛坑腩)-Beef brisket in secret recipe (秘制牛腩)Beef brisket casserole i

第一次到石門 堡品牛腩 見店舖新淨 入去試下啦 點知性價比極低 極不推薦 坊間魚蛋粉麵舖都好過佢 叫左個頂級雙沙麵 崩沙腩夾起唔肥無根連住 咬落又瘦又似湯渣 牛沙瓜 正常麵同湯底 正常但我唔會再去第二次

秘製牛腩/五香牛雜煲套餐（$308）套餐生料跟配：牛丸、魚蛋、墨魚丸，魚腐各2粒生菜🥬、炸魚皮各一份追加火鍋生料：多款丸類、手工餃 都只係+$25（4粒）*仲有魚片頭😍😍細心位：1）炸魚皮用袋獨立包好防潮 又 衛生2）手炒辣椒油 - 集合蒜香、蔥香，仲要先辣後香，又唔可以蓋過牛味，所以師傅親手自己炒個秘制辣椒油，聞到都流晒口水呀秘制滷水料：用上傳統滷水料，加上十多種天然香料，先烘後熬而成。煮出濃而不膩嘅牛腩。傳承百年秘方再加以改良，古早味得黎又時尚。

外賣牛腩煲做晚餐，牛腩不肥且稔，蘿蔔無渣，各款丸爽口彈牙，不像叫貨的質素，加上生菜掛汁，自己煲個白飯配，十分好味。希望小店能長做長有，保持高質素，這價錢和味道愈來愈少食到。

堡品牛腩 ｜沙田今日去石門行街，行完街肚餓就搵食，見到呢一間餐廳新裝修，就同朋友入去試一下先🥰見佢哋係主打牛腩，當然要嗌佢哋嘅牛腩煲，牛腩煲入邊已經包咗一套不同嘅食物，兩個人剛剛好👍🏻🐮牛腩份量很多，有好多牛腩加上湯底有很多蘿蔔，都好鮮甜，牛腩整得好香好濃好嫩，好好食！套餐另外仲有其他食物，例如牛丸🐮好好食，好重牛味好爽口彈牙！仲有墨魚丸，魚蛋同埋魚腐每樣都各有兩粒，同樣出色另外，佢嘅魚皮🐟都係十分之鬆脆，在牛腩湯滾一下吸取精華更好食😋仲有好大份嘅生菜，好新鮮🥬！食咗咁多肉一定要食晒啲菜消滯純豆豆奶，豆奶入面好重黃豆味，好飲🥛沙田石門安群街3號京瑞廣場1期2樓223號舖

堡品牛腩呢排氣溫驟降，係時候打返個暖笠笠嘅邊爐啦。但見傳統邊爐冇乜新意，不如今次搞搞新意思，整返個牛腩煲。秘製牛腩煲牛腩好入味，質感完全唔柴，而且仲有濃郁嘅牛味。下層仲放左白蘿蔔，煲冧左之後勁入味啊。套餐仲包左生菜，各式丸類包括，魚蛋，牛丸，魚腐，生菜・炸魚皮各一份魚皮係即炸所以係超超超脆，浸少少嘅牛腩湯，十分好味。而且丸類都十分有驚喜，魚蛋係傳統嘅潮州魚，十分爽口，原來彈牙。我都勁鐘意食呢度嘅手炒辣椒油 勁香～

♡‎ ♡‎‎ ♡‎ ♡ 石門 - 堡品牛腩 ♡‎ ♡‎‎ ♡‎ ♡‎ 牛腩煲專門店好少淨係食牛腩煲嘅餐廳通常都有埋其他火鍋 / 羊腩煲等等今次見到堡品牛腩咁專一於試吓先～🔹秘制牛腩煲 $308話明秘制咁 超吸引亦係餐廳招牌菜式原來用上滷水處理 難怪湯底比平時腩汁好飲而且一邊滾住 以85度溫度食入口 最佳食牛腩嘅溫度牛腩有兩種一種較多脂肪 食落較嫩口另一種較少脂肪 食落牛味更濃～食得七七八八之後 可以加埋以下跟餐配料入去打邊爐～牛丸、魚蛋、墨魚丸、魚腐各兩粒生菜 、炸魚皮各一份唔夠可以再追加呢度嘅手炒辣椒油都好出色我自己覺得如果配料有更多選擇會開心啲～🤣◆*．◆*．◆*．餐廳資訊◆*．◆*．◆*．📍堡品牛腩 (沙田)沙田石門安群街3號京瑞廣場1期2樓223號舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee沙田🔎發掘同類美食：#ee港式

🌟餐廳：堡品牛腩📍地址：沙田石門安群街3號京瑞廣場1期2樓223號舖💰價位：～$50⏰營業時間：星期一至日 11:00 - 21:00📱電話：9882 0398難得今日準時收工，同媽媽近近地去石門食個晚餐～天氣涼涼地，最岩就係食d 熱辣辣既野，今日我就揀左呢一間「堡品牛腩」，佢地除左主打一般潮式粉麵外，仲推出左秘製牛腩煲及五香牛雜煲呢兩款精選套餐，可以滾住咁食牛腩，又可以打埋邊爐，即刻去試下先～———————————————————💡秘製牛腩煲套餐💡🔹秘製牛腩煲🔹潮式丸類拼盤（牛丸、墨魚丸、魚蛋及魚腐）🔹炸魚皮🔹生菜一落完單，店員就已經火速送上爐具、配料等，值得一提佢地既配料係傳統潮州粉麵必加既香蔥、芫荽、炸蒜同埋潮式辣椒油，正呀～———————————————————🔹秘製牛腩煲餐廳用一個鑊仔送上，傳熱夠哂快，可以熱辣辣咁食每一舊牛腩～下層擺滿入口軟淋且入味既蘿蔔，份量充足！佢哋嘅牛腩肥瘦適中，大大件，而且炆煮得夠入味，加埋辣椒油一齊食，好夾～———————————————————🔹潮式丸類拼盤（牛丸，墨魚丸，魚蛋及魚腐每款有兩粒，我哋兩個人食啱啱好～我就最鍾意食牛丸，夠爽彈夠多汁～

今日陪朋友睇就收樓新居屋大水坑，附近要去到石門就有大把美食。亂行亂撞去左一期二樓食牛雜鍋😍😍估唔到不錯😚店內環境乾淨，燈光明亮，店員幫於外賣單，見超多單，應該勁正🥰🥰點了五香牛雜煲，份量大，牛腩湯湯底，加上蔥花及乾蒜，飲啖湯先😍😍濃底清甜，牛腩味香，超正。大腸我至愛，太不肥但好有牛味，🌟牛肚彈牙炆得好嫩腍、入味👍🏻加點自制辣椒🌶️油仲正😍😍牛肺夠爽身，牛蒡感覺似鵝潤，佢秘制腩汁煮得好香同時吸入牛蒡，食時加小小香醋同辣油😍😍味道仲正😍😍牛雜煲套裝附上魚蛋，墨魚丸，魚腐，生菜及魚片。魚蛋好彈牙，新鮮制👍🏻魚腐要滾時間我會耐一點，令到更入味😁魚皮用膠袋包裝，保持香脆可口，放入湯底數秒，簡直回味🙌🏻最後朋友點了粗麵，麵彈牙，無鹼水味👍🏻👍🏻真係值得一試淋走見到有樽仔奶茶，買了支做早餐，果然😍😍不甜，茶味濃，飲完好醒晨。正

石門京瑞有啲似葵廣，非常多小店，餐廳選擇豐富，價錢又夠哂街坊，簡直係沙田友同馬鞍山友嘅美食天堂。今次試呢間新嘢，喺一期齊柏林熱狗旁邊。樓底高又光猛乾淨，又有梳化位，坐得舒服闊落。羊腩煲就聽得多，牛腩煲真係第一次聽，不過我再刁鑽啲🤭食牛雜煲牛雜煲有大量金錢肚、牛肺、牛膀同牛腸，份量夠兩三個人食有餘🔥gas爐滾住上，暖笠笠全部牛雜都處理得好乾淨，完全無難以接受嘅牛騷味。金錢肚夠爽、牛肺就夠粉嫰、最驚喜係牛腸，既爽脆、油脂香喺口腔入面爆發，超正😋附送生菜、丸類一碟、炸魚皮，牛雜煲內有蘿蔔底、清甜無渣附送嘅丸類有招牌自家潮州牛丸，爽口彈牙多汁充滿肉香。仲有魚腐、潮州白魚蛋同墨魚丸。魚皮炸得乾身香脆但一啲油膩味都冇，好食到想買幾包返屋企直接當零食食。食牛雜嘅另一靈🌶魂辣椒油都十分出色，非常香又惹味

天寒地凍，最適合打邊爐！🥘咁啱又想食牛腩，但係坊有得打邊爐又有得食牛腩嘅舖頭少之有少。今次過嚟食喺石門京瑞一期嘅「堡品牛腩」。牛腩麵 、五香牛雜麵 、牛肚麵、牛筋麵…… 除咗可以喺度食粉麵，最令人驚喜嘅係居然有得打邊爐！牛腩煲定牛雜煲？你想食邊樣就揀邊樣！而今次就食咗呢度嘅（秘製牛腩煲$308）套餐包括：白魚蛋、牛丸、墨魚丸、魚腐生菜一碟同魚皮如果覺得唔夠喉，仲可以追加更多火鍋食品！但係重點當然係牛腩煲本人啦！整體成個牛腩煲都絕對唔失色，牛腩非常之容易入口，加上湯汁充滿蘿蔔嘅鮮甜，所有配料都格外入味！大讚！同時記得要試埋佢呢度嘅手炒辣椒油，啖啖配上香濃嘅牛腩，絕對唔少得。想打邊爐？又想食牛腩麵？唔使諗啦，推薦大家搵日嚟試吓！再唔係，買返屋企同屋企人些牙仲得添！

最近石門京瑞一期開左一個同平時牛雜粉麵不一樣的食肆，平時嘅牛雜粉麵呢間舖頭都有，佢嘅牛腩有唔同嘅部位，崩沙腩，牛沙瓜，牛坑腩，五香牛雜，各式丸類等等都好出色。你哋梗係會問到底點樣飛一般呢？登登登鄧⋯⋯秘製牛腩煲套餐 $308包括有：魚腐，白魚蛋，牛丸，墨魚丸生菜一碟魚皮唔夠仲可以追加材料真係荒間好少有粉麵檔，將牛腩牛雜用打邊爐形式上枱，別有一番風味，而且個湯底都好正，食完唔會好口渴！再配埋特製辣椒油，一試難忘

去石門搵食，見到有粉麵、牛腩、牛雜等食物，價錢唔貴，一於入去食！天氣開始涼，一於揀五香牛雜煲套餐！套餐包牛丸、魚蛋、墨魚丸、魚腐各兩粒；生菜、炸魚皮各一份。我哋加$10揀加咗個米粉。大大碗！～～五香牛雜煲有牛肚、牛肺、牛膀及牛沙瓜4款。仲有白蘿蔔。牛雜幾乾淨，牛肚夠腍身！牛肺大大件。一路滾住食～牛雜好味道！配料牛丸、魚蛋、墨魚丸、魚腐都唔錯。我鍾意魚蛋幾爽口。另外炸魚皮都好脆！平平地兩個人食唔錯！

行過見到人地系度食馬暖笠笠嘅火鍋，停低望望，原來食馬牛腩煲嘅，禁就吸引左我坐低😆我哋叫咗個牛腩煲餐（$308）牛腩煲本身已經跟咗一份炸魚皮、生菜，另外仲有牛丸、墨魚丸、魚蛋、魚腐。仲有新鮮即炸既金蒜，一睇就知道唔係平時現成乾爭爭嗰啲！食落真係好香口，撈埋蔥粒，再加少少醋嚟點牛腩，搞到愈食愈好胃口😋仲可以解膩牛腩味牛肉味好重，食落好爽口問咗師傅原來係新鮮牛腩，佢地仲有自家工場，唔怪得d牛腩咁新鮮！依家出面都好少用新解牛腩整牛腩煲啦！👍🏻我另外加左份牛坑腩同牛雜，個人比較推薦牛坑腩，肥美度適中，比較香口，會比牛腩冧少少。牛雜好爽口，味道亦好濃！正呀！2個人點一個餐已經系十分夠食，我地2個女仔食，仲食吾哂添，但真心推介中意食牛腩煲既朋友，呢個價錢真系性價比極高呀！！

今日聽開石門朋友食飯，發覺有好多食肆，呢間招牌以牛牛圖案做主題非常吸引我，原因我係「牛魔王」😝Menu非常簡潔，大部份啲牛為主,當中有驚喜！係打邊爐式既牛腩😍二人份量先$308，抵食！牆上更show出牛煲既特別之處，見到都食指大動😋等煲之時，叫嘢飲傾吓計先，除咗有一般汽水、豆漿之外，都有沖調飲品，朋友點咗柚子蜜😀主角上場，一見到已經心心眼😍，濃厚嘅湯底，加上份量非常大嘅牛腩（大約廿件），底部有白蘿蔔，仲有生菜、魚蛋、墨魚丸、牛丸、魚腐同魚皮～如果唔夠仲可以可配添！但呢個份量我覺得已經好足夠👌牛腩經過多重功夫，非常入味，而且保留牛腩該有嘅咬口，唔會浸淋哂兼冇晒口感，好味道😋雖然牛嘅份量咁多,但肥膩感一啲都冇，做得非常好👍🏻白蘿蔔用腩汁浸到入哂味，又無渣兼清甜，真心推薦👍🏻估唔到細細粒牛丸都咁有牛味，真係喜出望外！證明店主對食材嘅要求有一定嘅水準🫶🏻不得不提辣椒油😁喺手炒嘅，相信係坊間都好難食到，獨有嘅香味，令人回味無窮😬