堅韓牛韓燒放題 (已結業)

第一次黎堅韓牛食晚餐，一行4人諗住食好啲，所以專登唔揀放題而係散叫韓燒牛黎到見個樣唔錯，自問鐘意食牛又成日食牛嘅我已經燒到佢5成熟，點知食落口勁難咬，嗌左幾碟唔同款嘅都係咁，又無牛味，超失望之後再嗌左啲海鮮，除左蝦係有啲驚喜之後外，其他真係唔惦，特別係帶子，唔新鮮，燒完縮晒水，仲要燒嘅時候痴晒落個鐵板度，好差食物唔好，點知職員態度都有問題，我地差唔多食完就埋定單先，點知一埋完單，唔夠幾分鐘其中有兩個人分別都當我地放題客咁係咁催促我地離開，又問左幾次食完未要執枱，不停暗示有客人等緊，到最後我地執緊野準備離開時，其中一個仲黑住面喺度執枱，發誓以後都唔會再黎哩間唔好食態度又差嘅餐廳